« ថ្ងៃទី ២៧ ខែ កញ្ញា–ថ្ងៃទី ៣ ខែ តុលា ។ គោលលទ្ធិ និង សេចក្តីសញ្ញា ១០៩–១១០ ៖ ‹ ដំណាក់នេះជាដំណាក់របស់ទ្រង់ គឺជាទីនៃបរិសុទ្ធភាពរបស់ទ្រង់ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ២០២១ ( ឆ្នាំ ២០២០ )

« ថ្ងៃទី ២៧ ខែ កញ្ញា–ថ្ងៃទី ៣ ខែ តុលា ។ គោលលទ្ធិ និង សេចក្តីសញ្ញា ១០៩–១១០ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១

រូបភាព

ព្រះវិហារបរិសុទ្ធខឺតឡង់

ព្រះវិហារបរិសុទ្ធខឺតឡង់ ដោយ ចូន ម៉ាក់ណាត់តុន

ថ្ងៃទី ២៧ ខែ កញ្ញា–ថ្ងៃទី ៣ ខែ តុលា

គោលលទ្ធិ និង សេចក្ដីសញ្ញា ១០៩–១១០

« ដំណាក់នេះជាដំណាក់របស់ទ្រង់ គឺជាទីនៃបរិសុទ្ធភាពរបស់ទ្រង់ »

កណ្ឌទី ១០៩ និង ១១០ ពិពណ៌នាអំពីព្រឹត្តិការណ៍ដ៏ពិសិដ្ឋខ្លាំងបំផុតមួយចំនួននៃការស្ដារឡើងវិញ ។ សូមប្រាកដថាបានអនុញ្ញាតឲ្យសិស្សក្នុងថ្នាក់ចែកចាយនូវអ្វីដែលពួកគេបានគិត និងមានអារម្មណ៍ កាលពួកគេបានសិក្សាពីព្រឹត្តិការណ៍ទាំងនេះ ។

កត់ត្រាចំណាប់អារម្មណ៍របស់អ្នក

រូបភាព

រូបតំណាងការចែកចាយ

អញ្ជើញឲ្យចែកចាយ

ព្រះអម្ចាស់បានប្រកាសថា « ការល្បីល្បាញអំពីដំណាក់នេះ [ ព្រះវិហារបរិសុទ្ធខឺតឡង់ ] នឹងរាលដាលទៅដល់ដែនដីឆ្ងាយ » ( គោលលទ្ធិ និង សេចក្ដីសញ្ញា ១១០:១០ ) ។ អ្នកអាចអញ្ជើញសិស្សឲ្យចែកចាយអ្វីមួយដែលពួកគេបានរកឃើញនៅក្នុងការសិក្សារបស់ពួកគេ ដែលពួកគេមានអារម្មណ៍ថាគួរតែបានចែកចាយដល់មនុស្សនៅជុំវិញពិភពលោកនេះ ។

រូបភាព

រូបតំណាងការបង្រៀន

បង្រៀនគោលលទ្ធិ

គោលលទ្ធិ និងសេចក្ដីសញ្ញា ១០៩; ១១០:១–១០

ព្រះអម្ចាស់សព្វព្រះទ័យប្រទានពរដល់យើងនៅក្នុងដំណាក់ដ៏បរិសុទ្ធរបស់ទ្រង់ ។

ការសិក្សាកណ្ឌទី ១០៩ គឺជាឱកាសដ៏អស្ចារ្យមួយដើម្បីជួយសមាជិកក្នុងថ្នាក់ឲ្យពង្រឹងបំណងរបស់គេដើម្បីថ្វាយបង្គំនៅក្នុងព្រះវិហារបរិសុទ្ធ ។ អ្នកអាចសរសេរនៅលើក្ដារខៀននូវលេខខគម្ពីរមួយចំនួន ដែលលើកឡើងពីពរជ័យនៃព្រះវិហារបរិសុទ្ធ—ដូចជា ខទី ១២–១៣, ២២–២៣, ២៤–២៨, ២៩–៣២ ។ សិស្សក្នុងថ្នាក់អាចជ្រើសរើសខគម្ពីរមកអាន ហើយសញ្ជឹងគិតពីវារៀងៗខ្លួន ឬ ជាក្រុម រួចហើយសង្ខេបប្រាប់សិស្សក្នុងថ្នាក់នូវពរជ័យដែលខគម្ពីរទាំងនោះពិពណ៌នា ។ សមាជិកដែលធ្លាប់បានទៅព្រះវិហារបរិសុទ្ធ អាចចែកចាយអំពីរបៀបដែលពួកគេបានដកពិសោធន៍នូវពរជ័យទាំងនេះនៅក្នុងជីវិតរបស់ពួកគេ ។

អ្នកក៏អាចអាន ឬច្រៀងរួមគ្នានូវបទ « ព្រះវិញ្ញាណនៃព្រះ » ( ទំនុកតម្កើង ល.រ ២ ) ដែលបានច្រៀងនៅឯការឧទ្ទិសឆ្លងព្រះវិហារបរិសុទ្ធខឺតឡង់ផងដែរ ។ សមាជិកក្នុងថ្នាក់អាចចង្អុលបង្ហាញពីពរជ័យនៃព្រះវិហារបរិសុទ្ធ ដូចបានពិពណ៌នានៅក្នុងទំនុកតម្កើង ហើយចែកចាយបទពិសោធន៍ដែលទាក់ទងណាមួយដែលពួកគេមាន តាមការគួរ ។
ការទទួលបានពរជ័យនៃព្រះវិហារបរិសុទ្ធជាញឹកញាប់តម្រូវឲ្យមានការលះបង់ ។ តើ គោលលទ្ធិ និង សេចក្ដីសញ្ញា ១០៩:៥ បង្រៀនអ្វីខ្លះអំពីការលះបង់ដែលពួកបរិសុទ្ធពីដើមបានធ្វើ ដើម្បីកសាងព្រះវិហារបរិសុទ្ធខឺតឡង់ ? ប្រហែលជានរណាម្នាក់អាចមករៀនដោយបានរៀបចំខ្លួនដើម្បីជជែកអំពីការលះបង់ទាំងនេះ ( សូមមើល « A House for Our God » Revelations in Context ទំព័រ ១៦៩–១៧១ ) ។ តើយើងអាចធ្វើការលះបង់អ្វីខ្លះ ដើម្បីទទួលបានពរជ័យនៃព្រះវិហារបរិសុទ្ធនាសព្វថ្ងៃនេះ ? ប្រហែលជាមានសិស្សនឹងស្ម័គ្រចិត្តចែកចាយបទពិសោធន៍របស់ពួកគេ ។ ឧទាហរណ៍សម័យទំនើបមួយចំនួនមាននៅក្នុងវីដេអូ « Sealed Together: The Manaus Temple Caravan » និង « Temples Are a Beacon » ( នៅលើគេហទំព័រ ChurchofJesusChrist.org ) ។
ការសិក្សាពីការពិពណ៌នាអំពីព្រះអង្គសង្គ្រោះដ៏មានព្រះជន្មរស់នៅក្នុង គោលលទ្ធិ និង សេចក្តីសញ្ញា ១១០:១–១០ គឺជារបៀបដ៏អស្ចារ្យមួយដើម្បីស្ថាបនាសេចក្ដីជំនឿរបស់យើងលើព្រះយេស៊ូវគ្រីស្ទ ។ អ្នកអាចសុំឲ្យសិស្សក្នុងថ្នាក់កត់ចំណាំរូបភាពនៅក្នុងខគម្ពីរទាំងនេះ ហើយពិចារណាពីអ្វីដែលរូបភាពទាំងនេះបង្រៀនយើងអំពីព្រះយេស៊ូវគ្រីស្ទ ។ តើឃ្លា « កម្រាលធ្វើពីមាសសុទ្ធ » អាចតំណាងឲ្យអ្វី ? ឬសំឡេង « ដូចជាសូរនៃទឹកច្រើន » ?

រូបភាព
ផ្នែកខាងក្នុងព្រះវិហារបរិសុទ្ធទីក្រុង ខឺតឡង់

ចុងបញ្ចប់នីមួយៗនៃព្រះវិហារបរិសុទ្ធខឺតឡង់មានវេទិកាសម្រាប់ថ្នាក់ដឹកនាំបព្វជិតភាព ។

គោលលទ្ធិ និង សេចក្ដីសញ្ញា ១១០:១១–១៦

កូនសោបព្វជិតភាពដែលត្រូវការដើម្បីសម្រេចបានកិច្ចការរបស់ព្រះ គឺនៅក្នុងសាសនាចក្រនាសព្វថ្ងៃនេះ ។

ដើម្បីជួយសមាជិកក្នុងថ្នាក់ឲ្យយល់ពីកូនសោបព្វជិតភាពដែលម៉ូសេ អេលីយ៉ាស និងអេលីយ៉ាបានប្រគល់ដល់យ៉ូសែប ស្ម៊ីធ និង អូលីវើរ ខៅឌើរីនៅក្នុងព្រះវិហារបរិសុទ្ធខឺតឡង់ អ្នកអាចអញ្ជើញពួកគេឲ្យអាន និងពិភាក្សាពីសេចក្ដីថ្លែងការណ៍នៅក្នុង « ធនធានបន្ថែមទាំងឡាយ » រៀងៗខ្លួន ឬជាក្រុម ។ ហេតុអ្វីកូនសោទាំងនេះសំខាន់នៅក្នុងជីវិតរបស់យើងនាពេលនេះ ? អ្នកក៏អាចសូមឲ្យសមាជិកក្នុងថ្នាក់ម្នាក់ៗជ្រើសរើសព្យាការីម្នាក់ ដែលបានប្រគល់កូនសោទាំងនោះ—ម៉ូសេ អេលីយ៉ាស និង អេលីយ៉ា—ហើយរៀនអំពីលោកក្នុង Bible Dictionary ឬ សេចក្ដីណែនាំដល់បទគម្ពីរទាំងឡាយ ។ តើជីវិតរបស់ព្យាការីទាំងនេះបង្រៀនយើងអ្វីខ្លះអំពីកូនសោដែលពួកលោកបានប្រគល់ឲ្យនោះ ? ការណ៍នេះអាចដឹកនាំទៅរកការពិភាក្សាមួយអំពីអ្វីដែលព្រះអម្ចាស់រំពឹងចង់ឲ្យយើងធ្វើនាពេលនេះ កាលដែលកូនសោទាំងនេះនៅលើផែនដី ។

រូបភាព

រូបតំណាងធនធានបន្ថែមនានា

ធនធានបន្ថែមទាំងឡាយ

កូនសោផ្ដល់អំណាច និងសិទ្ធិអំណាចសម្រាប់កិច្ចការរបស់ព្រះ ។

អែលឌើរ ឃ្វីនថិន អិល ឃុក បានពន្យល់ ៖

« ព្រះវិហារបរិសុទ្ធខឺតឡង់ ទាំងទីតាំង និងទំហំ គឺមានទំនាក់ទំនងមិនច្បាស់លាស់ ។ ប៉ុន្តែក្នុងន័យដ៏សំខាន់របស់ព្រះវិហារបរិសុទ្ធនេះចំពោះមនុស្សលោក វាគឺជា ឥទ្ធិពលអស់កល្បជានិច្ច ។ ពួកព្យាការីបុរាណបានស្តារកូនសោបព្វជិតភាពសម្រាប់ពិធីបរិសុទ្ធនៃសេចក្តីសង្គ្រោះអស់កល្បនៃដំណឹងល្អរបស់ព្រះយេស៊ូគ្រីស្ទ ។ នេះជាលទ្ធផលដែលធ្វើឲ្យពួកសមាជិកស្មោះត្រង់មានអំណរដ៏លើសលុប ។

« កូនសោទាំងនេះផ្តល់ ‹ ព្រះចេស្ដាមកពីស្ថានលើ › [ គោលលទ្ធិ និង សេចក្ដីសញ្ញា ៣៨:៣៨ ] សម្រាប់ការទទួលខុសត្រូវដែលព្រះបានចាត់មក ដែលតាំងពីមុនរហូតដល់ពេលឥឡូវនេះបង្កើតជាគោលបំណងចម្បងនៃសាសនាចក្រ នៅថ្ងៃបុណ្យអ៊ីស្ទើរដ៏អស្ចារ្យក្នុងព្រះវិហារបរិសុទ្ធខឺតឡង់នោះ កូនសោបីត្រូវបានស្តារឡើងវិញ ៖

« ទីមួយ ម៉ូសេបានបង្ហាញកាយ ហើយប្រគល់កូនសោទាំងឡាយនៃការប្រមូលសាសន៍អ៊ីស្រាអែលពីទិសទាំងបួននៃផែនដី គឺជាកិច្ចការផ្សព្វផ្សាយសាសនា ។

« ទីពីរ អេលីយ៉ាសបានបង្ហាញខ្លួន ហើយប្រគល់កូនសោគ្រាកាន់កាប់ត្រួតត្រានៃដំណឹងល្អរបស់លោកអ័ប្រាហាំ ដែលរួមមានទាំងការស្តារឡើងវិញនូវសេចក្តីសញ្ញានៃអ័ប្រាហាំ [ សូមមើល អ័ប្រាហាំ ២:៨–១១ ] ។ ប្រធាន រ័សុល អិម ណិលសុន បានបង្រៀនថា គោលបំណងនៃកូនសោសេចក្ដីសញ្ញានេះគឺ ដើម្បីរៀបចំសមាជិកសម្រាប់នគររបស់ព្រះ [ សូមមើល « សេចក្ដីសញ្ញា » Ensign ឬ Liahona ខែ វិច្ឆិកា ឆ្នាំ ២០១១ ទំព័រ ៨៨ ] ។ …

« ទីបី អេលីយ៉ាបានបង្ហាញខ្លួនហើយប្រគល់កូនសោនៃការផ្សារភ្ជាប់នៅក្នុងគ្រាកាន់កាប់ត្រួតត្រានេះ គឺជាកិច្ចការពង្សប្រវត្តិ និងពិធីបរិសុទ្ធក្នុងព្រះវិហារបរិសុទ្ធដែលអនុញ្ញាតឲ្យសេចក្តីសង្គ្រោះមានដល់មនុស្សនៅរស់ និងមរណជន » ( « ប្រុងប្រៀបទៅជួបព្រះ » Ensign ឬ Liahona ខែ ឧសភា ឆ្នាំ ២០១៨ ទំព័រ ១១៤–១១៥ ) ។

ការកែលម្អការបង្រៀនរបស់យើង

អញ្ជើញព្រះវិញ្ញាណមកក្នុងការបង្រៀនរបស់អ្នក ។ « គោលបំណងដ៏ធំបំផុតរបស់គ្រូបង្រៀនដំណឹងល្អគ្រប់រូប—គ្រប់សំណួរ គ្រប់បទគម្ពីរ គ្រប់សកម្មភាព—គឺដើម្បីអញ្ជើញព្រះវិញ្ញាណឲ្យស្ថាបនាសេចក្ដីជំនឿ ហើយអញ្ជើញមនុស្សទាំងអស់ឲ្យមករកព្រះគ្រីស្ទ ។ … តន្ត្រីពិសិដ្ឋ បទគម្ពីរ ពាក្យសម្ដីនៃពួកព្យាការីថ្ងៃចុងក្រោយ ការបង្ហាញសេចក្ដីស្រឡាញ់ និងទីបន្ទាល់ ព្រមទាំងគ្រានៃការសញ្ជឹងគិតដ៏ស្ងប់ស្ងាត់ទាំងអស់នេះ អាចអញ្ជើញឲ្យមានវត្តមាននៃព្រះវិញ្ញាណ » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ១០ ) ។