Armej ro Rekwojarjar rej Em̧m̧akūtļo̧k n̄an Kirtland, jān Sam Lawlor

Eprōļ 12–18

Katak im Bujen ko 37–40

“Eļan̄n̄e Kom̧ij Jab Juon Kom̧ij Jab Aō”

Mokta jān am̧ peek ta eo kwonaaj kōm̧m̧ane ilo kūlaaj eo, lukkuun ekkatak Katak im Bujen ko 37–40. Enaaj ļapļo̧k am̧ bōk tōl ilo jetōb ilo kōppopo eo am̧ n̄an katakin eļan̄n̄e kwoj m̧okta bōk en̄jake ko am̧ make eļap meļeļeier kōn eoon kein.

Je En̄jake ko Rej Im̧we Eok

Kajjitōk n̄an Kwaļo̧k

Ļōmņak in je ioon bo̧o̧t eo, Ilo aō riiti Katak im Bujen ko 37–40, Ikar en̄jake bwe Irooj eaar jiron̄ eō . Ro uwaan kūlaaj eo remaron̄ kwaļo̧k elmen aer naaj kar kadedeļo̧k jentōj in. Rōjan̄ er n̄an kwaļo̧k eoon ko jān aer kar riit ejja m̧ōttan wōt uwaak ko aer.

Katakin Katak ko

Katak im Bujen ko 37–38

Anij ej aiin kōj n̄an kōjeraam̧m̧an kōj.

• Jet iien ej pidodod n̄an ekkatak jān revelesōn ko ilo Katak im Bujen ko n̄e jej ļōmņak kōn kōj make ilo jekjek eo an armej ro me raar liļo̧k men ko n̄an aer ilojino in tata. N̄an jipan̄ ro uwaak kūlaaj eo kōm̧m̧ane menin kōn jekjōn 37–38, komaron̄ kajjitōk ippāer n̄an pijaiļo̧k bwe rej jokwe ilo Fayette, New York, ilo 1831 eo. Juon uwaan kūlaaj eo emaron̄ ļōkōm̧e an Josep Smith im riiti jekjeōn 37 n̄an er. Elmen ad maron̄ kar en̄jake kien in? Bōlen ro uwaan kūlaaj eo remaron̄ pijaikļo̧k bwe eaar ewōr juon m̧ōttaer me eaar ajb kōņaan aiin doonļo̧k n̄an Ohio, rej maron̄ etale jekjeōn 38 n̄an pedped in katak kok me remaron̄ kōketak eo m̧ōttaer n̄an tiljek n̄an kean̄ eo n̄an aiin doon. (Eļan̄n̄e emenin aikuj, komaron̄ bōkļo̧k er eļap tata n̄an eoon 1–4, 11–12, 17–22, im 27–33.) Ro uwaan kūlaaj eo remaron̄ barāinwōt kōņaan kwaļo̧k elmen an pedped in katak eier wōt juon kar jipan̄ er ke raar aikuj in pokake juon kien me eaar āinwōt pen.

• Armej ro Rekwojarjar ilo Raan-ko Āliktata ejako kakien er n̄an aiin doon kōn em̧m̧akūt n̄an juon jikin, bōtaab jekab de aiin doon ilo baam̧le ko, ward ko, im stake ko. N̄an ekōnono kōn elmen an aiin doon in kōjeraam̧m̧an kōj rainin, komaron̄ ajije kūlaaj eo n̄an ruo kumi ko. Kajjitōk ippān juon kumi n̄an etale Katak im Bujen ko 38:31–33 im pukōt kōjeraam̧m̧an ko me rej jerbal n̄an aiin doon āinwōt baam̧le ko, im kajjitōk ippān kumi eo juon n̄an etale ejja eoon eo wōt im pukōt kōjeraam̧m̧an ko me rej jerbal n̄an aiin doon āinwōt ward ko im stake ko. Innām remaron̄ kwaļo̧k ļōmņak ko aer ippān kūlaaj eo. Elmen ad kar jeraam̧m̧an jān aiin doon eo āinwōt juon kūlaaj in Jabōt Jikuuļ?

Katak im Bujen ko 38:24–27

Armej ro an Anij rej aikuj juon wōt.

• Armej ro Rekwojarjar raar aiin doonļo̧k ilo Ohio jān elōn̄ kain jekjek ko, bōtaab Irooj eaar kakien er n̄an anjo̧ ioon oktak ko aer im “juon wōt” (eoon 27). Etke jet iien jej likab n̄an lo ro jet āinwōt juon wōt? Rōjan̄ ro uwaan kūlaaj eo n̄an kejekļo̧kjeņ kōn elmen aer kōm̧m̧an n̄an ro jet ilo aer riiti Katak im Bujen ko 38:24–27. Ta meļeļe in n̄an kautiej ro jeid im jatid āinwōt kōj make? Etke epen n̄an m̧ool in erom armej ro an Anij eļan̄n̄e jejjab ippāņ doon?

• Riiti Katak im Bujen ko 38:24–27 emaron̄ tōl n̄an juon ekōnono kōn juon wōt ilo jemdoon ko ad—āinwōt ro uwaan ward eo, baam̧le ko, im ko eierļo̧k. Pija in alooj eo “A Friend to All” ak “Love in Our Hearts” ilo ChurchofJesusChrist.org emaron̄ jipan̄. N̄an waanjon̄ok, ro uwaan kūlaaj eo remaron̄ kwaļo̧k ennaan ko ak im̧we ko jān pija in alooj eo me emaron̄ jipan̄ er em̧m̧anļo̧k aer meļeļe pedped in katak ko ilo eoon 24–27. Remaron̄ barāinwōt kejekļo̧kjeņ im kwaļo̧k ļōmņak ko kōn juon kajjitōk āinwōt “Ta eo imaron̄ kōm̧m̧ane n̄an jipan̄ ward eo am en̄jake eļapļo̧k in ippān doon?”

Katak im Bujen ko 38:39; 39–40

Jemed ej kōņaan letok n̄an kōj m̧weie ko an indeeo.

• Kōm̧m̧an juon jaat eo emaron̄ jipan̄ ro uwaan kūlaaj eo ekōnono kōn Katak im Bujen ko 38:39. Ilo juon kaļōm̧, ro uwaan kūlaaj eo remaron̄ kōllaajrake “m̧weie ko an laļ,” ak men ko jet me rej ļōmņak raorōk ijin bōtaab ejjab pād n̄an mour eo tok juon. Ilo kaļōm̧ eo juon, remaron̄ kōllaajrake “m̧weie ko an indeeo,” ak men ko me Anij ej kaorōki im remaron̄ n̄an indeeo. Ta en̄jake ko kar katakin kōj bwe m̧weie ko an indeeo rej ļapļo̧k aer aorōk jān m̧weie ko an laļ?

• Jemes Covel, āinwōt elōn̄ iaad, ekar wōr an ikdeelel ko rejim̧we. Ak an likjab in pokake tōl an Anij ej juon kakkōl eo eaorōk n̄an kōj wōj aolep. N̄an jipan̄ ro uwaan kūlaaj eo ekkatak jān en̄jake eo an Covel, komaron̄ kajjitōk ippān jet iaer n̄an etale jekjōn 39 kōn men ko Irooj eaar kajjitōk ippāņ n̄an kōm̧m̧ani. Ro jer remaron̄ etale kōjeraam̧m̧an ko eaar kallim̧ur kake eļan̄n̄e ekar pokake. Remaron̄ barāinwōt etale jekjōn 40 n̄an lo etke James Covel eaar jab bōk kōjeraam̧m̧an kein. Elmen an en̄jake eo an maron̄ jerbal n̄an kōj? Ta “wōj waan ko an laļ” rej bōbrae kōj jān bōk naan eo an Anij “kōn m̧ōņōņō”? (Katak im Bujen Ko 40:2).

Kōkōm̧anm̧anļo̧k Ad Katakin

Jab kajjieon̄ in kōbare aolep men. “Ekanooj lōn̄ menin ekōnono ko ilo kajjojo katak, bōtaab ejjab menin aikuj n̄an kōbare aolep men ilo juon iien kūlaaj n̄an maron̄ un̄ur būruwōn juon—emakijkij an bwe juon ak ruo men ko raorōk” (Teaching in the Savior’s Way, 7). Jetōb Kwojarjar eo, kakobaba jān ro uwaan kūlaaj eo, im ļōmņak ko ilo unin tōl in emaron̄ jipan̄ eok jeļā ijo n̄an kalimjōke.