Pāpode 8–14

Katak im Bujen ko 12–13; Josep Smith—Bwebwenato 1:66–75

“Ioomiro Ro Rikarejera”

Āinwōt an Jetōb kwojarjar eo kar kōmeramļo̧k ļōm̧ņak ko an Josep Smith im Oliver Cowdery kōn jeje ko rekwojarjar, Emaron̄ bar kōketak eok ilo am kanooj jar ilo am ekkatak Katak im Bujen ko 12–13 im Josep Smith—Bwebwenato 1:66–75.

Je En̄jake ko Rej Im̧we Eok

Kajjitōk n̄an Kwaļo̧k

Juon wāween n̄an rojan̄ kwaļo̧k ej n̄an kajjitōk ippān ro uwaan kūlaaj eo kōn wāween aer ekkatak jān jeje ko rekwojarjar. Ta eo raar kōm̧m̧ane n̄an pukōt meļeļe ko ilo jeje ko rekwojarjar wiik in?

Katakin Katak ko

Katak im Bujen ko 13

Priesthood eo an Aron eo ekar jepļaaktok ippān Jon Ripeptaij.

• Juon wāween n̄an kōmeļeļeik m̧ool ko ilo Katak im Bujen ko 13 enaaj bwe ro uwaan kūlaaj eo n̄an kōnono kōn wāween an jekjōn eo maron̄ jipan̄ jodikdik ro em̧m̧anļok aer meļeļe kōn Priesthood eo an Aron. Ta eo Jekjōn 13 ej katakin kōn Priesthood eo an Aron me jodikdik ro rej aikuj meļeļe? N̄an leļo̧k an aolep iien em̧m̧an n̄an bōk koņaer, komaron̄ kajjitōk ippān ro uwaan kūlaaj eo kōmeļeļeik kajjitōk in ruo iaan ļo̧k ruo innām kwaļo̧k ta ko raar ekkatak jān doon ippān kūlaaj eo.

• Kōlaajrak eo an wiik in ilo Itok, Ļoor Eō—N̄an Kajjojo Armej im Baam̧le ko ej kwaļo̧k kein jipan̄ ko me remaron̄ jipan̄ eok kōmeļeļeik jet iaan naan ko ilo Katak im Bujen ko 13. Komaron̄ kajjitōk ippān ro uwaan kūlaaj eo n̄an kwaļo̧k ta ko raar ekkatak jān kein jipan̄ kein. N̄an jino juon ekōnono kōn ki ko kar ba kaki ilo jekjōn in, komaron̄ in kajjitōk ippān ro uwaan kūlaaj eo n̄an kōnono kake ta ki ko rej kōtļo̧k kōj n̄an kōm̧m̧an. Kōmeļeļe eo jān Sister Ruth im Elder Dale G. Renlund ilo “Kein Jipan̄ ko jet” emaron̄ barāinwōt jipan̄. Ta kōjeram̧m̧an ko ki ko an Priesthood eo an Aron ej letok n̄an kōj? Ewi wāween an mour ko ad naaj oktak n̄e ejjeļo̧k kōjeraam̧m̧an kein?

• M̧ōttan aibojooj eo an jepļaaktok in gospel eo ej bwe ej kōm̧m̧an ad boub ilo ejja jerbal in āinwōt m̧aan im kōrā ro ilo jeje ko rekwojarjar: kalōke aelōn̄ in Anij ioon laļ in. Menin ej kōm̧m̧an ad, ilo ļōm̧ņak, “rikarejar” ippāer. Ta meļeļein n̄an āinwōt rikarejar ilo jerbal in an Irooj? Matu 3:13–17; Luk 1:13–17; 3:2–20 emaron̄ jipan̄ ro uwaan kūlaaj eo ļapļo̧k aer meļeļe jerbal eo an Jon Ripeptaij ear kōm̧m̧ane.

  

  Josep Smith ej peptaiji Oliver Cowdery, jān Del Parson

Josep Smith—Bwebwenato 1:66–75

Kain̄i ko rej letok n̄an kōj kajoor eo an Anij.

• N̄an leļo̧k n̄an ro uwaan kūlaaj eo juon iien n̄an aer kam̧ool n̄an doon kōn kōjeraam̧m̧an ko me rej itok jen bōk kain̄i ko an priesthood, komaron̄ kajjitōk ippāer n̄an lale Josep Smith—Bwebwenato 1:66–75, ekoba naan ko ilo eoon 71, kappukot kōjeraam̧m̧an ko Josep im Oliver raar bōk ālkin iien peptaij eo aer im ekkapit n̄an priesthood. Ewi wāween an kain̄i ko letok kajoor ilo jetōb? Ro uwaan kūlaaj eo remaron̄ kiiō rej kwaļo̧k kōn ta ko rekar waļo̧k ilo iien eo rekar en̄jaake kajoor an Anij im ej itok jān bōk kain̄i ko an priesthood āinwōt peptaij, kwojkwoj eo, im kain̄i ko an tampel. Komaron̄ barāinwōt kwaļo̧k pija in “Kōjeraam̧m̧an ko an Priesthood eo” (ChurchofJesusChrist.org) āinwōt m̧ōttan kōmeļeļe eo.

• Ro uwaan kūlaaj eo remaron̄ ekkatak jān aer kōm̧m̧ane juon jaat me ej kwaļo̧k kōjeraam̧m̧an ko me rej itok jān kain̄i ko an priesthood eo. N̄an waanjon̄ak, komaron̄ jeje ioon boot eo taitōļ kein Kain̄i ko im Kōjeraam̧m̧an ko. Ro uwaan kūlaaj eo remaron̄ kapukkot eoon ko āinwōt kein em̧ōj kōlaajraki n̄an kanne jaat eo: Jon 14:26; Jerbal 2:38; Katak im Bujen ko 84:19–22; 131:1–4; Josep Smith—Bwebwenato 1:73–74. Remaron̄ barāinwōt kobaik kōjeraam̧m̧an ko em̧ōj aer bōki kōn kain̄i kein. Bōlen remaron̄ kwaļo̧k kōn jeļā ko aer ke raar en̄jaake ke kain̄i ko rekar bōki rekar bōktok kajoor eo an Rilo̧mo̧o̧r n̄an mour ko aer.

Kein Jipan̄ ko jet

Ta ko kii ko an priesthood?

Elder Dale G. Renlund im kōrā eo pāleen, Ruth, rekar letok kōmeļeļe kōn priesthood kii ko.

“Naan in kii ko an priesthood ej jerbal ilo ruo wāween ko reoktak jān doon. Eo m̧okta ej kōmeļeļe eo n̄an juon mālim ak jeraam̧m̧an eo likūt ioon aolep ro rej bōk Aaronic eo ak Priesthood eo an Melkisedek. … N̄an waanjon̄ak, rikabwijer priesthood ro an Aron rej bōk ki ko an lotok an enjeļ raņ im ki ko an gospel in kōppopo in ukweļo̧k im peptaij kōn tulo̧k n̄an jeorļo̧k jerawiwi ko (lale Katak im Bujen ko 13:1; 84:26–27). Rikabwijer Priesthood eo an Melkisedek rej bōk ki in men ko rettino aelōn̄ in kiin̄, kii in jeļāļo̧kjeņ an Anij, im ki ko an aolep kōjeraam̧m̧an ko an jetōb ilo Kabun̄ in (lale Katak im Bujen ko 84:19; 107:18). …

“Wāween eo karuo an naan eo priesthood kii ko ej jerbal n̄an jerbal in tōl. Ritōl ro an priesthood rej bōk bar jet kii ko jet an priesthood, jim̧we eo n̄an lale juon m̧ōttan eo em̧ōj karōke an Kabun̄ in ak juon doulul. Ikijeen menin, priesthood kii ko rej mālim eo im kajoor eo n̄an kajebwebweik, tōl, im tōl Kabun̄ eo” (Priesthood eo an Melkisedek: Meļeļe Katak eo, Mour kōn Pedped in Katak ko [2018], 26).

Kōkōm̧anm̧anļo̧k Ad Katakin

Kōmajikji am̧ kwaļo̧k naan in kam̧ool eo am̧. “Kadu in am̧, kwaļo̧k kam̧ool kōn men eo em̧ool an jetōb emaron̄ kwaļo̧k juon en̄jake eo ekajoor ioon ro kwōj katakin. … Ejjab aikuj in wājabdik ak aitok” (Teaching in the Savior’s Way, 11). Ļōmņak in kwaļo̧k kam̧ool eo am̧ make kōn Priesthood eo an Aron ilo am̧ kōmeļeļe Katak im Bujen ko 13.