Jikin kallib eo an Martin Harris, jān Al Rkounds

Pāpode 22–28

Katak im Bujen ko 18–19

“Aorōk in Jetōb ko Ekanooj Ļap”

Ej wōt kōn Jetōb Kwojarjar eo me būruwōn juon armej emaron̄ oktak. Būreejtōn Henry B. Eyring eaar kwaļo̧k, “Eļan̄n̄e kwoj katakin pedped in katak ko, Jetōb Kwojarjar eo enaaj itok” (“Discussion with Elder Richard G. Scott and Elder Henry B. Eyring” [Church Educational System satellite training broadcast, Aug. 11, 2003]).

Je En̄jake ko rej Im̧we Eok

Kajjitōk n̄an Kwaļo̧k

N̄an im̧we ro uwaan kūlaaj eo n̄an kwaļo̧k en̄jake ko aer kōn jeje ko rekwojarjar, riit ippān doon Katak im Bujen ko 18:34–36. Innām kajjitōk ippān ro uwaan kūlaaj eo n̄an kwaļo̧k juon eoon me raar riiti wiik in me raar kile ainikien Irooj.

Katakin Katak ko

Katak im Bujen ko 18:10–16; 19:15–20, 39–41

Irooj ej m̧ōņōņō n̄e jej ukweļo̧k.

• Elōn̄ armej rej kobaik ukweļo̧k ippān en̄jake ko renana. Elmen an naan ko an Irooj ilo Katak im Bujen ko 18 im 19 jipan̄ ro uwaan kūlaaj eo lo ukweļo̧k āinwōt juon eo elem̧ōņōņō? Komaron̄ je ilo boot eo Ukweļo̧k ej  im kajjitōk ippān ro uwaan kūlaaj eo n̄an kwaļo̧k wāween ko n̄an kadedeļo̧k naan in, pedped wōt ioon ta eo raar riiti jān jekjōn 18 im 19. (Ļōmņak in etale Katak im Bujen ko 18:10–16; 19:15–20, 39–41 ilo kūlaaj.)

• Ta meļeļe in n̄an “kwaļo̧k ukweļo̧k iien otemjej”? (Katak im Bujen ko 18:14). Bōlen ro uwaan kūlaaj ro remaron̄ ļōmņake kajjitōk in ilo aer riiti Katak im Bujen ko 18:10–16. Etke jet iien armej rej kālet n̄an jab ukweļo̧k? Elmen ad maron̄ im̧we ro jej iakwe er n̄an itok n̄an Rilo̧mo̧o̧r eo n̄an bōk jeorļo̧k bōd? Rōjan̄ ro uwaan kūlaaj eo n̄an lale men ko ilo Katak im Bujen ko 18:10–16 ak 19:15–20 me emaron̄ jipan̄.

Katak im Bujen ko 18:10–16

“Aorōk in jetōb ko ekanooj ļap ilo im̧aan mejān Anij.”

• Elmen am̧ maron̄ jipan̄ ro uwaan kūlaaj eo meļeļe ewi jon̄an aorōkid im̧aan mejān Anij? Bōlen remaron̄ riiti Katak im Bujen ko 18:10–16 im kwaļo̧k en̄jake ko me remaron̄ meļeļe aorōkier n̄an Anij. Elmen an eoon kein jelet wāween ad kalimjōk kōj make? armej ro jet? Elmen an Anij kwaļo̧k n̄an kōj aorōkiid n̄an E?

  

  Aorōk in juon Jetōb jān Liz Lemon Swindle

Katak im Bujen ko 19:15–19

Jisōs Kraist eaar en̄taan kōn aolep armej.

• Elmen am̧ maron̄ jipan̄ ro uwaan kūlaaj eo en̄jake kam̧ool eo an Jetōb Kwojarjar ilo aer kejekļo̧kjeņ kōn meļeļe eo an Rilo̧mo̧o̧r eo kōn en̄taan in pinmuur eo an Make? Katak im Bujen ko 19:15–19). Bōlen komaron̄ in kūr juon bwe en al al eo em̧m̧an ippān kōn Rilo̧mo̧o̧r eo. Komaron̄ bar kwaļo̧k juon pijain Rilo̧mo̧o̧r eo im kūr ro uwaan kūlaaj eo n̄an riiti eoon 15–19; innām remaron̄ je ļōmņak im en̄jake ko aer. (Naan ko an Elder D. Todd Christofferson ilo “Kein Jipan̄ ko Jet” emaron̄ barāinwōt kōkajoorļo̧k kam̧m̧oolol eo an ro uwaan kūlaaj eo kōn en̄taan eo an Rilo̧mo̧o̧r eo.) Juon jentōj āinwōt in ioon boot eo emaron̄ jipan̄ ro uwaan kūlaaj eo kejekļo̧kjeņ: Ij kam̧m̧oolol kōn Pinmuur eo an Jisōs Kraist kōnke … Ro jet uwaan kūlaaj eo remaron̄ kōņaan kwaļo̧k ta eo raar je im kwaļo̧k naan in kam̧ool ko aer kōn Jisōs Kraist.

Katak im Bujen ko 19:16–26, 34–41

Kōm̧anm̧an ankilaan Anij emakijkij an aikuji kaarmejete.

• Ilo an ro uwaan kūlaaj eo jelmae jekjek ko me rej aikuj kōm̧m̧an kaarmejete ko kōn gosepl eo, emaron̄ in im̧we er n̄an ekkatak kōn kaarmejete eo Martin Harris eaar kōm̧m̧ane bwe Bok in Mormon en maron̄ jeje. Komaron̄ kūr ro jet n̄an itok n̄an kūlaaj eo n̄an kwaļo̧k kōn kāālet eo an Martin n̄an wia kake jikin kallib eo an n̄an kōļļāik an Bok in Mormon eo būriin (lale Saints, 1:76–78). Eoon ta ko jān jekjōn 19 emaron̄ in kar jipan̄ e kōm̧m̧ane jokāālet eo an? Komaron̄ in kūr ro uwaan kūlaaj eo n̄an kwaļo̧k elmen an Bok in Mormon kar kōjeraam̧m̧an er im elmen aer kam̧m̧oolol kōn kaarmejete eo an Martin Harris im ro jet raar kaarmejete bwe Bok in Mormon en maron̄ in jeje.

• Bōlen juon ilo kūlaaj eo maron̄ in kwaļo̧k juon kaarmejete me raar kōm̧m̧ane n̄an Irooj. Menin emaron̄ tōl ro uwaan kūlaaj eo n̄an ļōmņak kōn kōņaan eo aer make n̄an kaarmejete. Rōjan̄ er n̄an kwaļo̧k men ko raar loi ilo Katak im Bujen ko 19 me eim̧we er n̄an kōm̧m̧ani kaarmejete ko n̄an kōm̧anm̧an ankilaan Anij (lale eļaptata eoon 16–26, 34–41).

Kein Jipan̄ ko jet

Wōnāān iakwe eo an Anij.

Etal n̄an Katak im Bujen ko 19:18, Elder D. Todd Christofferson eaar ba: “Jān ļōmņak kōn wōņāān iakwe eo aorōk an Anij … An metak ilo Gethsemane im ilo ioon debwel eo kar ļap tata jāņ jabdewōt men mour in emaron̄ ineeke. Mekarta, kōnke kōn An iakwe n̄an Jemen im n̄an kōj, Eaar niknik, im āinwōt juon men aorōk, E emaron̄ letok n̄an kōj jim̧o̧r mour jab wabanban im mour indeeo” (““Pād ilo Aō Iakwe”,” Ensign ak Liaona, Nob. 2016, 50).

Kōkōm̧anm̧anļo̧k Ad Katakin

Ejake juon jukjukinpād me ej karuwaineneiktok Jetōb eo. Ekanooj lōn̄ wāween ko komaron̄ karuwaineneiktok Jetōb eo n̄an kūlaaj eo am̧. Kōjan̄jan̄ al ko m̧okta emaron̄ kōketak kautiej. Kwaļo̧k kōn iakwe im naan in kam̧ool emaron̄ ejake juon mejatoto emāņeņ, ejetōbtōb. (Lale Teaching in the Savior’s Way, 15.)