ņo̧ ko rej rub ioon bar ko

O̧kwōj 17–23

Hilamōn 1–6

“Ejm̧aan in ad Ripinmuur”

Kwoj ke lukkuun jeļā kajeen kūlaaj eo am̧? Kajjieon̄ in jeļā kajeen juon uwaan kūlaaj eo kajjojo wiik. Ilo am̧ kōm̧m̧an āindein, emaron̄ em̧m̧anļo̧k am̧ lale aikuj ko aer ilo am̧ m̧aanjabpopo n̄an katakin.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Ļōmņak in kajjitōk ippān ro uwaan kūlaaj eo bwe ren itok n̄an kūlaaj pojak n̄an kwaļo̧k juon men eo me remaron̄ kōjerbale n̄an katakin juon pedped rekar katak kake ilo jebta kein. Ta wāween ko jet jemaron̄ katakin pedped kein n̄an ro jet?

pija ej bōk jikin katakin

Katakin Katak ko

Hilamōn 1–6

Uteej bōro ej kōjepeļļo̧k kōj jān Jetōb eo im kajoor eo an Irooj.

• Laajrak eo an wiik in ilo Itok, Ļoor Eō—N̄an Kajjojo Armej im Baam̧le ko ej kōmeļeļeiki “tōreen uteej bōro” me ekar keen̄taan Rinipai ro. Bōlen juon armej ilo kūlaaj eo emaron̄ pija in tōre in ioon boot eo. Ro uwaan kūlaaj eo innām lale eoon ko ilo Hilamōn 1–6 ko me remaron̄ kōmeļeļeiki m̧ōttan ko roktak an tōre in im je iturier m̧ōttan ko rejeleti ioon pija eo. (Eļan̄n̄e ro uwaan kūlaaj eo raikuj jipan̄, komaron̄ kajjitōk bwe ren lale ilo Hilamōn 3:24–36; 4:11–26.) Ewi wāween ad jet iien āinļo̧k wōt Rinipai ro? Ewi wāween ad jab kajjieon̄ imminene in aer ņae uteej bōro? Komaron̄ barāinwōt kwaļo̧k m̧ōttan ko an “Chapter 18: Beware of Pride” (Teachings of Presidents of the Church: Ezra Taft Benson [2014], 229–40).

  tōreen uteej bōro

  “Tōreen uteej bōro” eo.

• Komaron̄ kajjitōk ippān ro uwaan kūlaaj eo n̄an riiti Hilamōn 4:13 and 24–26 im pukot juon al eo me ej katakin kōn pedped wōt ioon Anij, āinwōt “Ij Aikuij Yuk Aolep Awa” (Al ko Al in Ajri, nōm̧. 8). Etke uteej bōro ej kōjepel kōj jān Anij? Ewi wāween ad kile ad pedped wōt ioon Anij? Ro uwaan kūlaaj eo remaron̄ kwaļo̧k ewi wāween ad bōk kōkajoor jān Jetōb im kajoor eo an Irooj kōnke rekar ettā bōro.

• Ro uwaan Kabun̄ in rej kōmeļeļeiki er ilo Hilamōn 3:33–34 rekar kakkure ro jet uwaan Kabun̄ eo. Kōnke uteej bōro eo aer, rekar kiene rijeramōļ ro im kōm̧m̧ani aolep kain jerawiwi ko jet (lale Hilamōn 4:11–13). Ļōmņak im riiti ippān doon Hilamōn 3:33–34 im 4:11–13 im kajjitōk ippān ro uwaan kūlaaj eo n̄an kōnono kōn wāween ko remaron̄ in kwaļo̧k eļapļo̧k jouj im kautiej ņae doon, ekoba ro jet uwaan Kabun̄ in ro me emaron̄ oktak jān kōj. Komaron̄ barāinwōt kajjitōk ippān ro uwaan kūlaaj eo n̄an ļōmņak kōn juon armej eo rejeļā ke emaron̄ en̄taan kōn an ro jet jab jouj n̄ane im kejōkļo̧kjeņ ewi wāween aer maron̄ jipan̄ kōkajoorļo̧k im rōjan̄ armej in.

Hilamōn 3:33–35

Kokwojarjar ej itok jān wūjlepļo̧k būruwōd n̄an Anij.

• Hilamōn 3:33–35 emaron̄ lukkuun in kaenōm̧m̧an ro ilo kūlaaj eo am̧ ro remaron̄ in en̄jake “en̄taan ko … [ak] kaen̄tanaan ko” (eoon 34). Bōlen komaron̄ in kajjitōk ippān ro uwaan kūlaaj eo n̄an kappukot eoon kein im pukot naan in rōjan̄ eo remaron̄ leļo̧k n̄an juon armej eo em̧ōj kean̄taane. Ak bōlen ro uwaan kūlaaj eo remaron̄ in kwaļo̧k ewi wāween aer kar loe “lan̄lōn̄ im ineem̧m̧an” ilo iien ko rekean̄taanan ilo kōm̧m̧ani men kein kar kōmeļeļeiki ilo eoon 35.

• Ļōmņak in kajjitōk ippān ro uwaan kūlaaj eo n̄an katak Helaman 3:33–35 im ennaan ko im eoon in jipan̄ ko kōn kokwojarjar ilo “Kein Katak ko Jet.” eo eoon kein im ennaan kein rej katakin kōn kokwojarjar? Ewi wāween an jitlo̧k im jar bōktok kōjeraam̧m̧an ko im kōmeļeļeiki ilo Hilamōn 3:35? Ewi wāween ad wūjlepļo̧k būruwōd n̄an Anij? (lale Hilamōn 3:35). Ewi wāween an menin jipan̄ kōj erom ekwojarjar? Komaron̄ barāinwōt kōpooji im ajije peba ko reddik ewōr juon iaan ennaan ko ie ak eoon in jipan̄ ko ie jān “Kein Jipan̄ ko Jet” kar jeje ioer im kajjitōk ippān ro uwaan kūlaaj eo n̄an kāālet juon n̄an ekkatak. Innām remaron̄ kwaļo̧k ippān doon kōn ta eo rekar ekkatak kōn kokwojarjare.

Hilamōn 5:12

Eļan̄n̄e jej kōm̧m̧an bwe Jisōs Kraist en ad pedped, jejjba maron̄ wōtlo̧k.

• Setan ej jilkintok “kōto ko an rekajoor” ilo aolepān mour ko ad. Elōn̄ armej ilo kūlaaj eo am̧ emōj aer en̄jake menin, im elōn̄ļo̧k kōto ko rekajoor ilju im jekļaj. Ta eo komaron̄ kōm̧m̧ane n̄an jipan̄ ro uwaan kūlaaj eo am̧ m̧aanjabpopo n̄an kōto kein ilo aer kalōk mour ko aer ioon Jisōs Kraist?

  Komaron̄ jino juon ekōnono jān am̧ kwaļo̧k pija in tampeļ ko ak em̧ ko jet im keidi mour ko ad n̄an juon em̧. Ta kālet ko juon rikkal ej aikuj kōm̧m̧ane? Ta kālet ko jej kōm̧m̧ani rej jelet wāween an mour ko ad ekkal? Innām komaron̄ riit ippān doon Hilamōn 5:12 im kōnono kōn ta meļeļein n̄an kalōk mour ko ad ilo Jisōs Kraist. Ewi wāween An āinwōt ad pedped kareelkāālet ko an jet jej kōm̧m̧ani ilo ad kalōk mour ko ad?

  Ro uwaan kūlaaj eo remaron̄ in kwaļo̧k ewi wāween an Rilo̧mo̧o̧r eo āinwōt aer pedped epen kar jipan̄ er jutak ņae ļan̄ ko an mour. Leļo̧k n̄an ro uwaan kūlaaj eo iien aer kejōkļo̧kjeņ kōn kain mour eo rej kalōke im ewi wāween aer maron̄ lukkuun bwe rej dim ilo Kraist. Bwebwenato eo kōn Salt Lake Tampeļ ilo “Kein Jipan̄ ko Jet” emaron̄ jipan̄ ilo ekōnono eo am̧.

Hilamōn 5:14–50

Tōmak eo ad ej bōk kajoor jān “ļap in kein kam̧ool ko [jaar] būki.”

• Juon iaan kōjeraam̧m̧an ko an kuktok ippān doon ilo Jabōt Jikuuļ ej iien em̧m̧an n̄an kōkajoorļo̧k an doon tōmak—āinwōt an Rileman ro kar kōm̧m̧ane ilo Hilamōn 5:50. Bōlen komaron̄ riiti Hilamōn 5:50 ippān doon im kajjitōk ippān kūlaaj eo n̄an kalikkar “men ko [Rileman ro] raar ron̄ im lo” ilo eoon 20–49. Ro uwaan kūlaaj eo emaron̄ in kwaļo̧k ippān doon jet iaan en̄jake in jetōb ko me kar kapen er bwe gospel eo ej m̧ool—aaet men̄e rej jan̄in kar loe enjeļ ro ak jurōn kijeek ko. Ta eo ej kapen kam̧ool eo rekar loe kōn jepļaaktok eo an gospel eo an Jisōs Kraist?

pija ej bōk jikin ekkatak

Kōketak Ekkatak ilo Mweo

Hilamōn 7–12 ej kōmeļeļeiki ewi wāween an Nipai kar bōk lōke eo an Irooj im kar leļo̧k kajoor eļap. Komaron̄ elmakote n̄an kūlaaj eo am̧ bwe riiti jebta kein, remaron̄ ekkatak ewi wāween bōk eļapļo̧k lōke an Anij ilo mour ko aer.

pija ej bōk jikin kein jipan̄ ko

Kein Jipan̄ ko Jet

Erom̧ ekwojarjar kōn Jisōs Kraist.

• Kokwojarjar ej “jerbal eo ej kaanemkwoj jān jerawiwi, kwojarjar, erreo, im ekwojarjar kōn Pinmuur eo an Jisōs Kraist” (Unin Tōl n̄an Jeje Ko Rekwojarjar, “Sanctification,” scriptures.ChurchofJesusChrist.org).

• “N̄e jej lukkuun ukweļo̧k, Kraist enaaj bōkļo̧k eddodo ko im ajļo̧k ko in jerawiwi ko ad. Jemaron̄ jeļā kōn kōj make bwe jaar bōk jeorļo̧k im kar erreo. Jetōb Kwojarjar eo enaaj kam̧oole menin n̄an kōj; E ej Rikwojarjar eo. Ejjeļo̧k bar naan in kam̧ool in jeorļo̧k bōd emaron̄ ļapļo̧k” (Dieter F. Uchtdorf, “Point of Safe Return,” Ensign ak Liahona, Māe 2007, 101).

• “N̄an kokwojarjar kōn bōtōktōk in Kraist ej n̄an erom̧ erreo, kwojarjar, im ekwojarjar. Eļan̄n̄e un ko rej bōkļo̧k kaje kōn jerawiwi eo m̧okta, innām karreo ej bōkļo̧k māer ak jekjek in jerawiwi ko” (D. Todd Christofferson, “Justification and Sanctification,” Ensign, June 2001, 22).

• “N̄e ankilaan eo, en̄jake ko, im en̄jake ko an juon armej ej lukkuun leļo̧k an n̄an Anij im menin aikuj ko an, armej eo ej ekwojarjar” (Brigham Young, “Discourse,” Deseret News, Sept. 7, 1854, 1).

• Jej bōk kokwojarjar jān kajoor eo an Jetōb Kwojarjar kōnke kōn Pinmuur eo an Jisōs Kraist (lale Hibru 13:12; Alma 13:10–12; 3 Nipai 27:19–20; Moronai 10:32–33; KB 76:40–42).

• Men̄e ālkin ad kar bōk kōkwojarjar eo, ej pidodo wōt n̄an wōtlo̧k jān tūriam̧o̧ ekwojarjar (lale KB 20:30–34).

Juon pedped em̧ool.

Ilo iien ekkal eo an Salt Lake Tampeļ, kōk ko reļļap kar loe ilo dōkā ko an pedped eo. Men̄e ekar enan̄in ratimjuon iiō ko kar bōke n̄an ekkal eo, Būreejtōn Brigham Young ekar kaju bwe pedped eo epen an dōkā ko kar maron̄ kōm̧m̧akūti im bar likūt kōn dōkā ko eļapļo̧k aer em̧m̧an. Ekar bōk bar ļalem iiō ko n̄an kōm̧m̧akūt pedped in dōkā ko im bar kalōki ioon bwidej. “Ikōņaan loe an tampeļ eo ekkal,” Būreejtōn Young ekar ba, “ilo jekjek in enaaj maron̄ in jab jorrāān ilo iien millinmium̧ (“Remarks,” Deseret News, Oct. 14, 1863, 97).

Kōkōm̧anm̧anļo̧k Ad Katakin

Kwaļo̧k naan in kam̧ool kōn Jisōs Kraist. Aminadab emaron̄ kar jab en̄jake āinwōt aolep armej ro rekkar n̄an katakin Rileman ro n̄an ukweļo̧k im tōmak ilo Kraist (lale Hilamōn 5:35–41). Ak ekar kwaļo̧k ta eo ekar jeļā, im naan in kam̧ool eo an ewōr juon kajoor ie. Ta eo kwoj katak jān waanjon̄ak in?