ruo taujin ritariņae

Ruo Taujin Ritariņae ro, jān Arnold Friberg

O̧kwōj 10–16

Alma 53–63

“Rōļo̧k kōn Kajoor eo Eaiboojoj An”

Ilo am̧ etale ļōmņak in katak ko ilo laajrak in, ļōmņak kōn ta eo enaaj jerbal n̄an kūlaaj eo am̧, im kōm̧anm̧anļo̧k ak ukōte m̧akūtkūt n̄an tōpar aikuj ko an ro uwaan kūlaaj eo.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

N̄an rōjan̄ ro uwaan kūlaaj eo bwe ren kwaļo̧k ta ko rekar ekkatak jān Alma 53–63, komaron̄ barāinwōt kajjitōk n̄an baj lale wōt jebta ko im lale juon eoon remaron̄ kwaļo̧k ippān juon eo im ej jelm̧ae apan̄ ko. Kajjitōk ippāer bwe ren kwaļo̧k eoon kein ippān ro rejjab pād kūlaaj eo.

pija ej bōk jikin katakin

Katakin Katak ko

Alma 53:17–21; 56:43–48, 55–56; 57:20–27; 58:39–40

Ilo ad kōjerbal tōmak im lōke ilo Anij, Enaaj kōkajoorļo̧k kōj.

• Komaron̄ kobaiki wāween ko jet rem̧m̧an n̄an ekōnono eo an kūlaaj eo am̧ kōn ritariņae ro an Hilamōn ilo am̧ kepaaktok ta eo ru uwaan kūlaaj eo rekar ekkatak ilo m̧weo. Juon iaan wāween ko n̄an kōm̧m̧ane menin emaron̄ n̄an kajjitōk ippān ro uwaan kūlaaj eo bwe ren kwaļo̧k m̧wil ko an ritariņae ro reperan ko me rej kabwilōn̄ er (jet iaan men kein maron̄ loi ilo Alma 53:17–21; 56:45–48; 57:20–21, 26–27; 58:40). Ewi wāween an m̧wil kein jipan̄ ritariņae ro reperan ilo iien tariņae ko? Ewi wāween aer jipan̄ kōj ilo tariņae ko ad make ilo jetōb? Ro uwaan kūlaaj eo remaron̄ barāinwōt kwaļo̧k bwebwenato in “ritariņae ro reperan” an raan kein.

• M̧am̧a im baba ro ilo kūlaaj eo am̧ rej bōlen kōjatdikdik bwe ajri ro nejier renaaj ejaake tōmak in āinwōt ritariņae ro reddik an Hilamōn. N̄an jipan̄ m̧am̧a im baba ro im m̧am̧a im baba ro ilju im jekļaj ilo kūlaaj eo am̧ ekkatak jān bwebwenato eo aer, komaron̄ ejaake juon iien ekōnono an jejjo armej ro remaron̄ kwaļo̧k ļōmņak ko kōn kalōk tōmak ippān ajri ro. Kajjitōk ippān rein uwaan iien ekōnono in n̄an riiti Alma 56:47–48 im 57:20–27 m̧okta im m̧aanjabpopo n̄an kwaļo̧k ļōmņak ko kōn ta eo ekar jipan̄ ritariņae ro reperan ejaake tōmak. Leļo̧k n̄an ro uwaan kūlaaj eo iien n̄an aer kwaļo̧k en̄jake ko aer ilo an ro ilo iien ekōnono eo kwaļo̧k ļōmņak ko aer. Jipan̄ ko jet me remaron̄ kōkōm̧anm̧anļo̧k ekōnono in ekoba naan ko an Sister Joy D. Jones ilo “Kein Jipan̄ ko Jet” im ennaan eo an Būreejtōn Russell M. Nelson “Juon Kajjitōk n̄an Sisters Aō” (Ensign ak Kwelo̧k eo Eļap, Nob. 2015, 95–97). Ilo jem̧ļo̧kin ekōnono eo, komaron̄ leļo̧k n̄an ro uwaan kūlaaj eo jejjo minit ko n̄an aer kejōkļo̧kjeņ kōn kajjitōk kein āinwōt kein rej ellaajrak: Wōn emaron̄ in pedped ioon naan in kam̧ool eo am̧? Ta eo komaron̄ ba im kōm̧m̧ane n̄an kōkajoorļo̧k er?

Ajri in Nipai ro ippān ro jineer

Ribun̄bun̄ ro (Kar katakin jān ro jineer), jān Liz Lemon Swindle

Alma 58:1–12, 30–37; 61

Jemaron̄ kāālet n̄an ļōmņak kōn men eo em̧m̧antata n̄an ro jet im jab kainepataik er.

• En̄jake ko an Hilamōn ke ritariņae ro an rekar jab bōk jipan̄ emaron̄ erom̧ juon waanjon̄ak ekajoorļo̧k n̄an kōj n̄e jej en̄jake bōd. N̄an kōketak juon iien ekōnono kōn waanjon̄ak eo an, komaron̄ kajjitōk ippān juon uwaan kūlaaj eo bwe ren pojak tok n̄an an kwaļo̧k ilo tukaduin jekjek eo an Hilamōn im un ko etke kien eo ekar jab uwaak n̄an aikuj ko an (lale Alma 58:1–9, 30–37; 61:2–8). Komaron̄ je ioon boot eo Uwaak ko an Hilamōn im Uwaak ko an ro jet n̄e emaron̄. Innām kajjitōk ippān ro uwaan kūlaaj eo n̄an etale Alma 58:1–12 im 30–37 im je ium̧win naan kōmeļeļe ko kōn ta eo Hilamōn ekar ļōmņake, ba, im kōm̧m̧ane ilo uwaake n̄an jekjek eo an, im, ilo keidi, ta eo emaron̄ emaron̄ kar ļōmņake, ba, ak kōm̧m̧ane. Ta eo jemaron̄ in kōm̧m̧ane n̄an ļoor waanjon̄ak eo an Hilamōn n̄e jej en̄jake bōd im kōwaan?

• Ke Moronai ekar kōnanaiki Peoran Alma 60, Peoran emaron̄ kar kālet n̄an jum̧ae. Ijjeļļo̧k ekar uwaak bwe ekar “jab illu” im “[kar m̧ōņōņō] ilo ļap in kilaam̧ an būruwōn [Moronai]” (Alma 61:9). N̄an jipan̄ ro uwaan kūlaaj eo ekkatak jān uwaan jon̄ak eo an Peoran, komaron̄ kajjitōk ippāer n̄an pijaiki bwe ej kab m̧ōj kajjitōk ippāer n̄an je juon bwebwenato n̄an juon māākjiin an Kabun̄ in me ej kepaaktok waanjon̄ak eo an Peoran ilo Alma 61 n̄an katakin kōn ewi wāween joļo̧k inepata jān ro jet. Komaron̄ kōjepel ro uwaan kūlaaj eo n̄an jet kūrub ko im kajjitōk ippāer n̄an riiti Alma 61:3–14 im kōllaajrake un ko me remaron̄ kar kobaiki ilo bwebwenato ko aer. Naan in ko̧o̧njeļ ko an Elder David A. Bednar ilo “Kein Jipan̄ ko Jet” emaron̄ barāinwōt jipan̄.

Alma 60:7–14

Ewōr juon ad eddo n̄an ļōn̄aj ro ipeļaakid.

• Moronai ekar je bwe Anij enaaj likūt eddo ioon Peoran eļan̄n̄e ejeļā bwe ej kowaane aikuj ko an ritariņae ro an Rinipai ro. Ļōmņak im kajjitōk ippān ro uwaan kūlaaj eo n̄an riiti Alma 60:7–14 ippān doon, im kajjitōk ippāer n̄an ļōmņak kōn juon armej eo rejeļā kajjeen eo emaron̄ in pād ilo aikuj im ej en̄jake aer kowaane. Ta eo jemaron̄ kōm̧m̧ane n̄an kile im n̄an tōpar aikuj ko an ro jet? Ewi wāween an kar aikuj ko ad maron̄ tōprak kōnke ro jet, ekoba rikarejar m̧aan im kōrā ro jeid im jatid?

Alma 62:39–41, 48–51

Jej aikuj in keememej Irooj ilo iien apan̄ im iien jeraam̧m̧an.

• En̄jake ko an RiNipai ro n̄an jim̧or iien ko reppen im iien ko rejeraam̧m̧an (lale Alma 62:39–41, 48–51) kwaļo̧k bwe jemaron̄ in kāālet n̄an ettā bōro men̄e jej en̄jake apan̄ ak jeraam̧m̧an. Komaron̄ kajjitōk ippān ro uwaan kūlaaj eo n̄an riiti eoon kein im kwaļo̧ki ippāer. Komaron̄ kajjitōk ippāer n̄an ekōnono kōn ļōmņak ko aer ilo ruo ilo̧k ruo m̧okta jān am̧ kajjitōk ippāer n̄an aer kwaļo̧k jejjo minit ko ippān aolepān kūlaaj eo.

pija ej bōk jikin ekkatak

Kōketak Ekkatak ilo Mweo

N̄an kōm̧m̧an bwe ren itok limo ilo Hilamōn 1–6, komaron̄ in kōmeļeļeiki kūlaaj eo bwe ilo jebta kein RiNipai ro rekar oktak im nana Rileman ro roktak im em̧m̧an. Eddo in oktak in ej kabwijer jet katak ko raorōk n̄an kōj ilo raan kein rekauwōtata.

pija ej bōk jikin kein jipan̄ ko

Kein Jipan̄ ko jet

Kōm̧m̧an bwe ajri ro nejid ren m̧akoko in jerawiwi.

Sister Joy D. Jones, Būreejtōn eo Eutiej an Būraimere, ekar kwaļo̧k un ko n̄an karūttoļo̧k “juon epepen em̧akoko in jerawiwi”:

“N̄an jinoe, … jej aikuj jipan̄ er jeļā ilo ejjeļo̧k kajjitōk bwe rej ajri ro nejin Jemādwōj Ilan̄ eo ej iakwe kōj im bwe elōn̄ An kōttōpar n̄an er.

“Kein karuo, meļeļe pedped in katak eo an ukweļo̧k ej menin aikuj n̄an jum̧ae jerawiwi. Rianjo̧ jān jerawiwi ejjab meļeļein eban jerawiwi, ak ej meļeļein ukweļo̧k ejjeļo̧k jem̧ļo̧kin, mejmejkaruo, im mour erreo. Bōlen erom rijum̧ae-jerawiwi ej itok āinwōt juon kōjeraam̧m̧an jān ālij jum̧ae jerawiwi. …

“… Un eo kein kajilu n̄an jipan̄ ajri ro erom̧ rianjo̧ jān jerawiwi ej n̄an jino ilo iiō ko n̄e rej iddik n̄an kobrak er ilo iakwe katak ko im pedped ko an gospel eo —jān jeje ko rekwojarjar, Laajrak in Tōmak, N̄an Kōkajoorļo̧k Jodikdik ro bok jidikdik eo, Al ko an Būraimere, al ko, im naan in kam̧ool ko ad make—me renaaj tōlļo̧k ajri ro n̄an Rilo̧mo̧o̧r eo. …

“… Jipan̄ ajri ro meļeļe, kōm̧m̧an, im kōjparok bujen ko rekwojarjar ej bar juon un. … Katakin ajri ro n̄an kōjparok kallim̧ur ko reļam waan n̄e rej iddik wōt enaaj leļo̧k ioer kajoor n̄an kōjparoki bujen ko rekwojarjar tokālik ilo mour” (“A Sin-Resistant Generation,” Ensign ak Liaona, Māe 2017, 88–89).

Ewi wāween jab kōm̧m̧an inepata.

Ilo ennaan eo an “And Nothing Shall Offend Them” (Ensign ak Liahona, Nov. 2006, 89–92), Elder David A. Bednar ekar letok naan in ko̧o̧njeļ in:

• Kile bwe erom kōmetak ej juon kāālet. “N̄an tōmak bwe juon armej ak juon men emaron̄ kōm̧m̧an ad metak, illu, metak, ak kitōtō ej kadikļo̧k anemkwoj in kāālet eo ad ilo mour in im ukōt kōj n̄an men ko n̄an kipeli. Āinwōt agent ro, ijoke, kwe im n̄a ewōr ad kajoor n̄an m̧akūtkūt im n̄an kāālet ewi wāween ad naaj uwaak n̄an juon jekjek eo ekainepata im kōmettak.”

• Reilo̧k n̄an Rilo̧mo̧o̧r eo. “Rilo̧mo̧o̧r ej waanjon̄an eo eļap kōn wāween ad aikuj in uwaak n̄an m̧akūtkūt in inepata ko ak jekjek rot in” [lale 1 Nipai 19:9].

• Erom meļeļe kōn mōnjo̧ ko an ro jet. “Juon iaan kōkkaļļe ko reļļap kōn rūtto in jetōb eo ad make ej kwaļo̧k ilo wāween ad uwaak n̄an m̧ōjņo̧ ko, jaminene, im m̧akūtkūt in kainepata ko an ro jet.”

• Kōnono kajju. “Eļan̄n̄e juon armej ej ba ak ej kōm̧m̧ane juon men eo jej kile bwe ej kainepataik kōj, eddo eo ad jinointata ej n̄an m̧akoko in bōk inepata eo innām kōnono ippān makeļo̧k iaan, m̧ool, im kaju ippān armej eo. Kain wāween rot in ej im̧we jān Jetōb Kwojarjar eo im kōtļo̧k jab meļeļe ko n̄an maron̄ kalikkari im itok limo em̧ool n̄an meļeļe.”

Kōkōm̧anm̧anļo̧k Ad Katakin

Bōktok en̄jake ko ilo m̧weo. Kōnke m̧weo ej dilep in ekkatak gospel eo, ļōmņak ewi wāween an en̄jake ko ilo kūlaaj ruum̧ eo am̧ maron̄ bōktok ta eo ej waļo̧k ijeņ. N̄an waanjon̄ak, komaron̄ ukōtļo̧k elōn̄ m̧akūtkūt ko ilo Itok, Ļoor Eō—N̄an Kajjojo Armej im Baam̧le ko n̄an kōjerbale ilo kūlaaj eo am̧ n̄an kapen ekkatak eo an ro uwaan kūlaaj eo im baam̧le.