“Eprōļ 27–Māe 3. Mosaia 7-10: ‘Ilo Kajoor eo an Irooj,’” Itok, Ļoor Eō—N̄an Jabōt Jikuuļ: Bok in Mormon 2020 (2020)
“Eprōļ 27–Māe 3. Mosaia 7–10,” Itok, Ļoor Eō—Jabōt Jikuuļ: 2020
Minerva Teichert (1888-1976), Ammōn im̧aan Kiin̄ Limai, 1949-1951, oil on masonite, 35 15/16 x 48 inches. Brigham Young University Museum of Art, 1969.
Eprōļ 27–Māe 3
Mosaia 7–10
“Ilo Kajoor an Irooj”
Laajrak in emaron̄ erom̧ juon kein jipan̄ eaorōk, ak ej aikuj kein jipan̄ wōt, ejjab bōk jikin, im̧we eo kwoj bōk jān am̧ katak Mosaia 7–10.
Je En̄jake ko Rej Im̧we Eok
Kajjitōk bwe ren Kwaļo̧k
Iien n̄an iien emaron̄ in jipan̄ n̄an ekōnono āinwōt juon kūlaaj kōjeraam̧m̧an ko me ro uwaan kūlaaj eo rej bōke ilo aer kajjieon̄ kōm̧m̧an bwe m̧weo en dilepān aer ekkatak gospel eo. Ta eoon ko jān Mosaia 7–10 ro uwaan kūlaaj eo rekar kejōkļo̧kjeņ kake ak kōnono ilo m̧weo im̧ōer ilo wiik eo? Ewi wāween an jelet mour ko aer?
Katakin Katak ko
Eļan̄n̄e jej oktakļo̧k n̄an Irooj, lōke E, im jerbal n̄an E, Enaaj kanemkwoj kōj.
-
Ilo an ro uwaan kūlaaj eo kar katak Mosaia 7:14–33, en̄jake ko an armej ro an Limai rekar im̧we er n̄an ukweļo̧k im oktakļo̧k n̄an Irooj n̄an kanemkwoj. N̄an im̧we juon iien ekōnono, komaron̄ kajjitōk ippān juon uwaan kūlaaj eo bwe ren itok n̄an kūlaaj eo pojak n̄an kwaļo̧k ilo tukadu wāween an armej ro an Limai raar pād ilo kōm̧akoko. Ro jet remaron̄ kwaļo̧k ta eo rekar ekkatak jān Limai kōn wōr tōmak im kōjatdikdik ilo Rilo̧mo̧o̧r eo. Ta eo jemaron̄ ekkatak jān kakeememej ko an Limai kōn wāween an Anij kar kanemkwoj armej ro An? (lale eoon 19–20). Komaron̄ kajjitōk ippān ro uwaan kūlaaj eo n̄an kwaļo̧k bwebwenato ko ilo jeje ko rekwojarjar ak en̄jake ko ippam̧ make me rekar im̧we er n̄an lōke Anij.
-
Ro uwaan kūlaaj eo eo ewōr aer iien ko rem̧m̧an n̄an im̧we ro jet n̄an oktakļo̧k n̄an Anij n̄e rej pād ilo kōm̧akoko kōn jerawiwi ak en̄taan jān jorrāān ko jet. Bōlen emaron̄ jipan̄ er n̄an katak wāween an Limai im̧we armej ro an. Remaron̄ kein kajuon riiti meļeļe ko ilo Mosaia 7:20–25 jān kōm̧akoko an armej ro an Limai im ļōmņak kōn juon eo rejeļā ej jelm̧ae kōm̧akoko an jerawiwi. Innām remaron̄ kalikkari m̧ool ko me Limai ekar katakin ilo Mosaia 7:18–20, 33 n̄an jipan̄ armej ro an. Ewi wāween ad maron̄ ļoor waanjon̄ak eo an Limai ilo ad rōjan̄ ro jej iakwe lōke Anij?
-
N̄an jipan̄ ro uwaan kūlaaj ļapļo̧k aer meļeļe jipan̄ eo Anij ej letok ilo kapo, komaron̄ al ippān doon im ekōnono kōn al eo “Dri Binmur in Israel” (Al, nōm̧. 6) ak bar juon al eo ej kōmeļeļeiki wāween an Rilo̧mo̧o̧r kanemkwoj kōj. Ta eo Mosaia 7:17–20; Ether 12:27; im 2 Korint 12:7–10 rej kobatok n̄an meļeļe eo ad? Bōlen ro uwaan kūlaaj remaron̄ kwaļo̧k en̄jake ko ilo wāween an Irooj kar kanemkwoj er, mekarta ilo wāween ko reddik, kōnke rekar kwaļo̧k aer tōmak ilo E.
Armej kar kōm̧anm̧an ilo nememein wōt Anij.
-
Ilo eoon kein, Limai ekar kōmeļeļeiki jet m̧ool ko kar katakin jān Abinadai ko me rekar pen an armej ro būki. Ta m̧ool ko ro uwaan kūlaaj eo rej kalikkare ilo eoon kein? Ewi wāween an m̧ool kein jelet wāween ad loe Anij im kōj make?
Irooj eaar letok rikanaan ro, rilolo ro, im rikwaļo̧k revelesōn ro n̄an em̧m̧an eo an aolep armej.
-
Ammōn ekar wōr juon an iien em̧m̧an n̄an kōmeļeļeiki n̄an Limai eddo eo an juon rilolo im n̄an kam̧ool kōn aorōk eo an rikanaan ro, rilolo ro, im rikwaļo̧k revelesōn ko. Komaron̄ aikuj in kalikkar e ilo raan kein ad, Būreejtōnji eo Kein Kajuon im Doulul eo an Jon̄oulruo Rijilōk ro rej rejtake āinwōt rikanaan ro, rilolo ro, im rikwaļo̧k revelesōn ro. Ewi wāween ad maron̄, āinwōt Ammōn, kōnono kōn peran kōn aikuj ko n̄an rikanaan ro, rilolo ro, im rikwaļo̧k revelesōn ro? (lale Mosaia 8:13–18). Bōlen ro uwaan kūlaaj eo emaron̄ karōk juon post ilo social media eo enaaj jipan̄ ro jet meļeļe eddo eo an juon rikanaan, rilolo, im rikwaļo̧k revelesōn ilo raan ko ad. Ta eo jekar ron̄ ilo kweilo̧k eo eļap kiiō me jemaron̄ kwaļo̧k ippān ro m̧ōttad, ro uwaan baam̧le ko ad,im ro riturir n̄an katakin er kōn aikuj eo bwe en wōr rikanaan ro?
-
Āinwōt juon tōprak jān riiti Mosaia 8:12–19, kwe ak ro jet uwaan kūlaaj eo emaron̄ in kwaļo̧k naan in kam̧ool eo am̧ kōn rikanaan ro, āinwōt Ammōn ekar kōm̧m̧ane, ak am̧ kam̧oolol kōn revelesōn kōn rikanaan ro, āinwōt Limai ekar kōm̧m̧ane (lale Mosaia 8:19).
-
Rikanaan Josep Smith ej rilolo eo ej jutak ilo jeban eo an tōre in bōk eddo in (lale K&B 21:1). Komaron̄ aikuj in kajjitōk ippān ro uwaan kūlaaj eo n̄an kwaļo̧k ta eo rej ekkatak jān kōmeļeļe eo an Ammōn kōn juon rilolo (lale Mosaia 8:13–18). Innām er remaron̄ ekōnono kōn wāween ko eo me Josep Smitha ekar juon rilolo. (D&C 135:3 and Moses 6:36 emaron̄ lukkuun jipan̄ ilo epepen in.)
Ta ko jemaron̄ jelm̧ai “kōn kajoor eo an Irooj.”
-
Naan eo “kōn kajoor eo an Irooj” ej waļo̧k ruo kōttan ilo ļook eo an Zeniff jan armej ro an im tariņae ko aer ippān Rileman ro—ilo Mosaia 9:14–19 im 10:6–10. Ro uwaan kūlaaj eo remaron̄ kappukot eoon ko im kwaļo̧k ta eo rej en̄jake meļeļein naan in. Ewi wāween ad deļo̧n̄e “kajoor eo an Irooj”? Rōjan̄ ro uwaan kūlaaj eo n̄an kwaļo̧k en̄jake ko ilo aer jeraam̧m̧an ilo jelm̧ae apan̄ ko ilo kajoor eo an Irooj.
Kālet ko ad remaron̄ kōkajoorļo̧k epepen ko.
-
Komaron̄ kajjitōk ippān ro uwaan kūlaaj eo n̄an ilo ejjeļo̧k ainikien riiti Mosaia 10:11–17 im kalimōje wāween an kar jelet Rilemen ro itok wōt jān kālet ko im tōmakko an rūtto ro jibūer im jim̧aer. Ta in me menin ej ļōmake tok kōn wāween ko rej jelet kālet ko ad maron̄ in pād ippān ro jet? Ewi wāween an kōņaan ko ad im baam̧le ko ad maron̄ kōmeļeļeiki ilo juon epepen ak ruo? Bōlen ro uwaan kūlaaj eo remaron̄ je jet iaan men ko remaron̄ kōņaan kobaiki ilo kain kōmeļeļe eo.
-
Juon katak epidodo im ej kōmeļeļeiki juon men—āinwōt juon ļain in tamino ko—emaron̄ jipan̄ kōmeļeļeiki wāween eo ej jelete kālet ko an armej ro im emaron̄ in pād ioon ro ineer. Innām komaron̄ in kajjitōk ippān ro uwaan kūlaaj eo n̄an riiti Mosaia 10:11–17 im ekōnono kōn wāween tōmak ko im m̧wil ko an Rileman ro rekar lukkuun jelet jān kālet ko an ro jibūer im jim̧aer etto im ekar kōm̧m̧an bukwi iiō ko m̧oktaļo̧k. Elder Donald L. Hallstrom Bwebwenato eo an, loe ilo “Kein Jipan̄ ko jet,” ej barāinwōt juon waanjon̄ak komaron̄ keidi. Bōlen ro uwaan kūlaaj eo remaron̄ in ļōmņak kōn bwebwenato ko jān mour ko aer ak bwebwenato an baam̧le eo aer kōn juon armej eo ewāppen ej kareel epepen ko n̄an em̧m̧an.
Kōketak Ekkatak ilo M̧weo
Wiik in ro uwaan kūlaaj eo rekar ekkatak kōn wāween ko renana rej jelet kālet ko an Rileman ro ioon ajri ro nejier. Ro uwaan kūlaaj eo rejeļā bwe ilo Mosaia 11–17 er renaaj riit kōn kajjojo armej eo wāppen eo an ekar ukōte mour ko an elōn̄ armej.
Kein Jipan̄ ko jet
Jokālet ko ad remaron̄ jelet epepen ko tokālik.
Elder Donald L. Hallstrom ekar kwaļo̧k wāween tiljek eo an ro jibūn im jim̧aan kar kōjeraam̧m̧an epepen ko ilju im jekļaj:
“Ro jibū im jim̧aaō ekar wōr ruo nejier ajri ro, juon ļaddik (jema) im juon nejin leddik. … [Leddik eo nejier eka] ekar m̧are ilo 1946 im emān iiō ko tokālik ekar bōro̧ro kōn juon ajri. Ewōr juon men eo elukkuun aorōk kōn ro jinen im jemān n̄an kōļmenļo̧kjeņ kōn juon leddik nejier (ilo wāween in leddik eo wōt nejier) eo ej kein kajuon in an kōļotak. Ejjeļo̧k juon ekar jeļā bwe ekar bōro̧ro kōn boo. Kabōrom̧ōjm̧ōj eo, liin im bo̧ ro rekar aolep mej ilo iien kōļotak eo.
“Jibū im jim̧aaō ekar rub būruwōer. Aer liajļōļ, ijoke, ejjab etto rekar oktakļo̧k n̄an Irooj im Pinmuur eo An. Ilo aer kar jab ļōmņak kake etke men eo emaron̄ kar waļo̧k im wōn eo n̄an ņaruwōn, rekar kalimjōk wōt juon mour ewāppen. Ro jibū im jim̧aaō rekar jab m̧weie; rekar jab iiaio ippān ro rebun̄bun̄; rekar jab kabwijer juon kūr eutiej ilo Kabun̄ in—rekar baj jet Armej ro Rekwojarjar ilo Raan-ko Āliktata im rewūjlepļo̧k. …
“Tiljek eo an Jima Art im Būbū Lou, eļaptata ke rekar jelm̧ae apan̄, ekar im̧we emān epepen ko rekar itok tokālik. Kaju im eļaptata, ekar jelet ļaddik eo nejier (jema) im jinō ke ro jinō im jema rekar kōkaajririiki leddik eo nejier make, ajri eo nejier ediktata, kar mej itok wōt jān wāween ko reppen ke ekar kōļotak. Ilo 34 iiō rūtto in, ekar mej 10 raan tokālik in an kar kōļotak, ilo̧k jān 4 ajri ro, 10 raan ko n̄an 8 iiō rūtto. Kōn waanjon̄ak in rekar loe ilo epepen ko m̧okta, jinō im jema—ilo ejjeļo̧k āliklik—kar oktakļo̧k n̄an Irooj kōn jipan̄” (“Turn to the Lord,” Ensign ak Liahona, Māe 2010, 78–79).
Kōkōm̧anm̧an Ad Katakin
Ron̄jake. “Ron̄jake ej juon jerbal in iakwe. … Kajjitōk ippān Jemedwōj Ilan̄ n̄an jipan̄ eok meļeļe ta eo ro uwaan kūlaaj eo am̧ rej ba. Ilo am̧ lukkuun keron̄jake kōnono ko aer im ennaan ko ejjeļo̧k ainikien, kwonaaj jino meļeļeļo̧k aikuj ko aer, inepata ko aer, im kōņaan ko aer” (Teaching in the Savior’s Way, 34).