eb’ aj tzolonel ut eb’ li kok’al sa’ jun tzoleb’aal sa’ li kapiiy

Xkomon chik li k’anjeleb’aal re xtzolb’aleb’ li kok’al

Eb’ li k’anjeleb’aal a’in neke’tawman sa’ li aplicacion Biblioteca del Evangelio, ut sa’ ChurchofJesusChrist.org.

Kim, Taaqehin—Choq’ reheb’ li komon ut li junkab’al

Naru nakawoksiheb’ li kok’ k’anjel wankeb’ sa’ Kim, Taaqehin—Choq’ reheb’ li komon ut li junkab’al sa’ li tzolok re li Tzoleb’aal reheb’ li Kok’al. Maak’a’ naxye wi eb’ li kok’al ak xe’xb’aanuheb’ li kok’ k’anjel a’an rik’ineb’ lix junkab’al sa’ kab’l; li xka’sutinkil naxtenq’aheb’ li kok’al chi tzolok. Eb’ li kok’al maare te’raj xseraq’inkil aawe chan ru xe’xb’aanu li kok’ k’anjel a’an rik’ineb’ lix junkab’al ut k’a’ru xe’xtzol.

Eb’ li B’ich ut B’ichleb’aal choq’ reheb’ li Kok’al

Eb’ li loq’laj b’ich neke’xb’oq chaq li Musiq’ej ut neke’xk’ut li na’leb’ re naq ink’a’ taasachq chiqu. Wankeb’ li hu Eb’ li B’ich ut li B’ichleb’aal choq’ reheb’ li Kok’al, ut naru ajwi’ taatawmanq lix yaab’eb’ li b’ich ut li video reheb’ li b’ich ut reheb’ lix b’icheb’ li kok’al sa’ music.ChurchofJesusChrist.org ut sa’ li aplicacion Música sagrada ut Medios SUD.

Re xtawb’al xkomon chik li na’leb’, chi’ilmanq “Roksinkileb’ li b’ich re xk’utb’al li tzol’leb’ ” ut “Xtenq’ankileb’ li kok’al chixtzolb’aleb’ ut chixjultikankileb’ li b’ich sa’ li Tzoleb’aal reheb’ li Kok’al ut sa’ Eb’ li B’ich” li wan sa’ “Xch’olob’ankil li hoonal re b’ichank ut li k’anjel reheb’ li kok’al sa’ li ch’utam re li loq’laj wa’ak” sa’ li hu a’in.

Mirad a vuestros pequeñitos

Naab’aleb’ re li na’leb’ neke’k’utman sa’ li manual re li guarderia, Mirad a vuestros pequeñitos: Manual re li guardería, wan xjuntaq’eetileb’ rik’in li te’k’utmanq sa’ li Tzoleb’aal reheb’ li Kok’al. Mas wi’chik wi nakatzoleb’ li kok’al toj ka’ch’ineb’ xyu’am, sik’eb’ li b’ich, seraq’, kok’ k’anjel, ut xkomoneb’ chik k’anjel sa’ li manual re li guarderia.

Li hu Amigos

Sa’ li hu Liahona wankeb’ seraq’ ut kok’ k’anjel li naru nakatz’aqob’resi wi’ ruheb’ li na’leb’ yookat chixk’utb’al sa’ Kim, Taaqehin—Choq’ re li Tzoleb’aal reheb’ li Kok’al.

Relatos del Antiguo Testamento

Li hu Relatos del Antiguo Testamento naru chixtenq’ankileb’ li kok’al chixtzolb’aleb’ li na’leb’ ut li seraq’ li neke’tawman sa’ li Najter Chaq’rab’. Naru ajwi’ xtawb’aleb’ li video chirixeb’ li seraq’ a’in sa’ li aplicacion Biblioteca del Evangelio ut sa’ MediaLibrary.ChurchofJesusChrist.org.

Libro para colorear de relatos de las Escrituras—Antiguo Testamento

Sa’ li hu a’in wankeb’ li perel re b’onok choq’ reheb’ li kok’al li te’xtenq’aheb’ chixtzolb’al li Najter Chaq’rab’.

Eb’ li video ut li jalam-uuch

Eb’ li jalam-uuch, eb’ li video, ut xkomon chik li k’a’ru nak’utman naru naxtenq’aheb’ li nakatzoleb’ chirilb’al xyaalalileb’ li tzol’leb’ ut li seraq’ chirixeb’ li loq’laj hu. Naru rilb’aleb’ li video ut li jalam-uuch re li Iglees sa’ li Recursos del Evangelio sa’ ChurchofJesusChrist.org/media-library?lang=spa. Naru ajwi’ na’oksiman li Medios SUD jo’ aplicacion sa’ li celular. Naab’aleb’ li jalam-uuch li naru neke’oksiman sa’ li tzolok neke’tawman sa’ li Hu reheb’ li Jalam-uuch re li Evangelio.

Li k’utuk jo’ li Kolonel

Li k’utuk jo’ li Kolonel naru nakatxtenq’a chixtzolb’al ut chiroksinkileb’ li na’leb’ re k’utuk jo’ li Kristo. Neke’aatinak chirixeb’ li na’leb’ a’in sa’eb’ li ch’utam reheb’ laj k’utunel.