Si Noe, iyang pamilya, mga hayop, ang arka, ug ang bangaw

Paghulagway kang Noe nga mibiya sa arka, ni Sam Lawlor

Enero 31–Pebrero 6

Genesis 6–11; Moises 8

“Si Noe Nakakaplag ug Kahamuot sa mga Mata sa Ginoo”

Ang pagkat-on mahitungod sa mga hayop diha sa arka ni Noe ug sa taas nga Tore sa Babel makalingaw para sa mga bata. Apan hinumdumi nga ang tuyo niini nga mga istorya mao ang pagtudlo sa mahangturong mga kamatuoran. Mainampuong ikonsiderar ang mga kamatuoran nga gusto sa Dios nga makat-unan sa mga bata.

Irekord ang Imong mga Impresyon

pagpaambit nga icon

Dapita ang Pagpaambit

Sa dili ka pa magsugod sa pagtudlo sa mga istorya diha sa Genesis 6–11 ug sa Moises 8 ngadto sa mga bata, hatagi sila og oportunidad nga makatudlo sa usag usa sa unsay ilang nahibaloan mahitungod ni Noe ug sa arka o sa Tore sa Babel.

pagtudlo nga icon

Itudlo ang Doktrina: Mas Gagmay nga mga Bata

Genesis 6:14–22; 7–8; Moises 8:16–30

Ang pagsunod sa propeta makapanalangin kanako ug sa akong pamilya.

Samtang ang mga bata magkat-on sa pagsunod sa propeta, mapanalanginan sila ug magpadayong luwas sa espiritwal paagi, sama nga ang pamilya ni Noe padayon nga luwas gikan sa Lunop.

Posible nga mga Kalihokan

• Sa kaugalingon nimong mga pulong, isugilon ang istorya bahin ni Noe ug sa arka (tan-awa sa “Noah,” nga anaa sa Mga Istorya sa Daang Tugon; tan-awa usab sa “Sunda ang Propeta,” Songbook sa mga Bata, 58–59, bersikulo 3). Tabangi ang mga bata sa pag-aksyon sa mga bahin sa istorya—sama pananglit, pinaagi sa pagpakaaron-ingnon nga migamit og naggunit og himan sa pagtukod og arka o paglakaw sama sa mga hayop nga misulod sa arka.

• Basaha ngadto sa mga bata ang Moises 8:19–20, nga ipasabut pag-ayo unsay gisugo sa Ginoo nga buhaton ni Noe. Tabangi ang mga bata nga makasabut nga si Noe usa ka propeta ug nga ang iyang pamilya naluwas gikan sa Lunop tungod kay sila misunod kaniya. Pangutan-a ang mga bata kon sila nakaila ba kinsa ang atong propeta karon. Pagpakita og usa ka litrato kaniya, ug tabangi ang mga bata sa pagsubli og sulti sa iyang ngalan.

• Pagdala diha sa klase og mga litrato o mga butang nga nagrepresentar sa kasamtangan nga propeta, sama sa mga kasulatan o usa ka litrato sa templo. Papuli-puliha ang mga bata sa pagpili og butang ug sa pagsulti unsay ilang nahibaloan mahitungod niini. Ipasabut diha nila unsa ang girepresentahan sa butang. Awhaga sila sa pagdowing og litrato sa ilang kaugalingon nga nagsunod sa unsay gitudlo sa propeta. Ihatag ang imong pagpamatuod mahitungod sa mga panalangin sa pagsunod sa propeta.

Genesis 9:15–16

Ang Dios motuman sa Iyang mga saad kanato.

Importante para sa mga bata ang pagkahibalo nga ang Dios motuman sa Iyang mga saad, ilabi na samtang mag-andam sila sa paghimo og mga pakigsaad uban Kaniya kon sila bunyagan.

Posible nga mga Kalihokan

• Dapita ang mga bata sa pagdrowing og mga litrato sa mga bangaw. Basaha ngadto nila ang Genesis 9:15–16, ug hangyoa sila sa pagpaminaw sa pulong nga pagahinumduman. Dapita sila sa pag-isa pataas sa ilang mga bangaw kon madungog nila kana nga pulong. Ipasabut nga ang mga bangaw mao ang mga pahinumdom sa mga saad sa Dios nga gihimo ngari kanato.

• Istoryahi ang mga bata mahitungod sa pipila ka mga saad sa Dios—sama pananglit, nga kita makabalik sa Langitnong Amahan kon kita mosunod ni Jesukristo o nga ang Dios mopadala sa Espiritu Santo sa paghupay kanato. Ihatag ang imong pagpamatuod nga ang Dios kanunay nga motuman sa Iyang mga saad.

• Paggamit og mga litrato sa pagsugilon sa mga bata mahitungod sa mga pakigsaad nga atong gihimo uban sa Dios, sama sa mga litrato sa usa ka bata nga gibunyagan, sa sakramento, ug templo (tan-awa sa Libro sa mga Hulagway sa Ebanghelyo, mga nu. 104, 108, 120).

Genesis 11:1–9

Ang bugtong paagi aron makaabut sa langit mao ang pagsunod ni Jesukristo.

Ang katawhan sa Babel nagtuo nga makaabut sila sa langit pinaagi sa pagtukod og tore kay sa magsunod sa ebanghelyo ni Jesukristo. Unsaon nimo sa pagtabang ang mga bata nga makasabut nga ang pagsunod sa Manluluwas mao lang ang paagi aron makabalik sa atong Langitnong Amahan?

Posible nga mga Kalihokan

• Isugilon ang istorya bahin sa Tore sa Babel sa kaugalingon nimong mga pulong, o basaha ang istorya nga makita diha sa “Ang Tore sa Babel” (sa Mga Istorya sa Daang Tugon). Awhaga ang mga bata sa pagtabang nimo pinaagi sa pagpaambit sa unsay ilang nahibaloan mahitungod sa istorya.

  Paghulagway sa tore sa Babel

  Paghulagway sa Tore sa Babel, ni David Green

• Pabuhata ang mga bata og usa ka tore gamit ang mga bloke o ubang mga butang. Dayon ipakita sa mga bata ang litrato sa Manluluwas, ug dayon pangutan-a sila kon asa ang dalan pabalik ngadto sa Langitnong Amahan—ang pagtukod og tore o pagsunod ni Jesukristo? Dapita ang mga bata sa pagsulti og mga butang nga ilang mahimo sa pagsunod sa Manluluwas.

pagtudlo nga icon

Itudlo ang Doktrina: Mas Dagko nga mga Bata

Genesis 6:14–22; 7–8; Moises 8:16–30

Ang pagsunod sa propeta makapanalangin kanako ug sa akong pamilya.

Ang mga bata nagtubo sa dautan nga kalibutan, susama sa ubang paagi sa kalibutan sa kapanahunan ni Noe. Ang kasinatian ni Noe makahatag kanila og pagsalig nga sila makakita og espiritwal nga kasiguroan kon sundon nila ang propeta.

Posible nga mga Kalihokan

• Tabangi ang mga bata sa pagpili og mga bersikulo gikan sa Genesis 6:14–22; 7–8 nga ilang ikapakita diha sa drowing. Gamita ang mga drowing sa pagtudlo kanila sa istorya bahin ni Noe. Hangyoa ang mga bata sa pagpaambit sa unsay ilang nakat-unan gikan sa istorya.

• Pagpakita og usa ka litrato ni Noe (tan-awa sa Libro sa mga Hulagway sa Ebanghelyo, mga nu. 7–8) ug sa kasamtangan nga propeta. Tabangi ang mga bata sa pagsiksik sa Moises 8:16, 19–20, 23–24 sa pagpangita og mga butang nga gitudlo ni Noe nga gitudlo gihapon sa atong mga lider sa Simbahan karon. Sa unsang paagi kita mapanalanginan kon kita motuman niini nga mga pagtulun-an?

• Pagpaambit og butang nga bag-o lang gitudlo sa kasamtangan nga propeta. Hangyoa ang mga bata sa pagsulat diha sa mga pirasong papel og butang nga gitudlo sa propeta, ug tabangi sila sa pagpahimutang sa mga pirasong papel nga maporma og usa ka arka. Sa unsang paagi kini nga mga pagtulun-an susama sa arka nga gitukod ni Noe?

Genesis 9:15–17

Kinahanglan kita nga mohinumdom sa atong mga pakigsaad.

Kon kita bunyagan, mohimo kita og mga pakigsaad uban sa Dios sa pagsunod sa Iyang mga sugo. Diha sa Genesis 9:15–17, ang bangaw nailhan isip usa ka pahinumdom sa pakigsaad sa Dios. Kini nga mga bersikulo makadasig sa mga bata nga makakita og mga paagi sa paghinumdon sa ilang mga pakigsaad sa Dios.

Posible nga mga Kalihokan

• Pagpakita sa mga bata og butang nga anaa kanimo nga nagpahinumdom kanimo sa butang nga importante sa imong kinabuhi, sama sa singsing sa kasal, litrato, o journal. Papaambita ang mga bata og kaugalingon nilang mga ehemplo. Magdungan sa pagbasa sa Genesis 9:15–17 (tan-awa usab sa Hubad ni Joseph Smith, Genesis 9:21–25 [diha sa Ang Giya ngadto sa mga Kasulatan]). Unsa ang gusto sa Langitnong Amahan nga atong hunahunaon kon kita makakita og bangaw?

• Pahinumdumi ang mga bata sa mga pakigsaad nga ilang gihimo dihang gibunyagan sila ug sa ilang gibag-o matag higayon nga sila moambit sa sakramento (tan-awa sa Mosiah 18:8–10; Doktrina ug mga Pakigsaad 20:77, 79). Padrowinga ang mga bata o pabuhata og butang nga makapahinumdom kanila sa ilang mga pakigsaad.

Genesis 11:1–9

Ang bugtong paagi aron makaabut sa langit mao ang pagsunod ni Jesukristo.

Samtang ang mga tawo karon tingali dili mosulay sa pagtukod og mga tore aron makaabut sa langit, daghan ang naninguha nga makakaplag og kalinaw ug kalipay pinaagi sa pagsubay sa mga dalan nga lahi kay sa gi-establisar ni Jesukristo. Sa unsang paagi ikaw makagamit sa istorya bahin sa Tore sa Babel sa pagtudlo niini nga baruganan?

Posible nga mga Kalihokan

• Hangyoa ang mga bata sa pagpaambit unsay ilang nahibaloan mahitungod sa istorya bahin sa Tore sa Babel (tan-awa sa Genesis 11:1–9). Sumala diha sa Helaman 6:28, ngano nga ang katawhan sa Babel nagtukod og tore? Ngano nga ang pagtukod og tore sayop nga paagi aron makaabut sa langit? Unsa nga tambag ang imong ihatag sa katawhan sa Babel?

• Dapita ang mga bata sa pagsiksik sa 2 Nephi 31:20–21 ug Helaman 3:28 sa pagpangita sa eksaktong paagi aron makaabut sa langit. Ihatag ang imong pagpamatuod mahitungod sa Manluluwas nga si Jesukristo.

pagkat-on nga icon

Awhaga ang Pagkat-on diha sa Panimalay

Dapita ang mga bata sa paghunahuna og mga paagi nga sila makatudlo sa ilang mga pamilya mahitungod sa mga istorya nga ilang nakat-unan diha sa Primary. Sama pananglit, pwede silang mogamit og mga litrato nga ilang gidrowing o kini nga pahina sa kalihokan karong semanaha.

Pagpalambo sa Atong Pagtudlo

Tinguhaa ang pagsabut sa mga bata nga imong gitudloan. Samtang magtudlo ka sa mga bata, hatagi og partikular nga pagtagad ang ilang mga pangutana, ilang mga komentaryo, ug ang mga istorya o mga baruganan nga daw makahuluganon kaayo kanila. Ang pagkahibalo niining mga butanga makatabang nimo nga makatutok sa ilang mga panginahanglan.

pahina sa kalihokan: ang pagsunod sa propeta makapanalangin kanako ug sa akong pamilya