Երեխաների Խմբի դասարան

Բավարարել փոքր երեխաների կարիքները

Փոքր երեխաները պատրաստ են և ցանկանում են սովորել ավետարանը, եթե այն ներկայացվում է իրենց հասկանալի ձևով: Եթե ուսուցանում եք փոքրերեխաներին, ուշադրություն դարձրեք այս գործնական աշխատանքներին, որոնք կարող են օգնել նրանց սովորել ( տարիքով ավելի մեծ մի քանի երեխաներ նույնպես կարող են օգուտ քաղել այս գործնական աշխատանքներից):

• Լսել կամ բեմականացնել որևէ պատմություն: Փոքր երեխաներին դուր են գալիս պատմություններ սուրբ գրություններից, ձեր կյանքից, Եկեղեցու պատմությունից կամ Եկեղեցու ամսագրերից: Փնտրեք ուղիներ, որպեսզի նրանց ներգրավեք պատմություններ պատմելու մեջ: Նրանք կարող են պահել նկարներ կամ առարկաներ, իրենց լսածի նկարները նկարել, բեմականացնել պատմությունը կամ օգնել պատմությունը պատմելիս: Ձեր պատմած պատմությունների միջոցով օգնեք երեխաներին հասկանալ ավետարանի ճշմարտությունները:

• Կարդալ սուրբ գրություններ: Փոքր երեխաները գուցե չկարողանան շատ կարդալ, սակայն դուք դեռ կարող եք ներգրավել նրանց սուրբ գրություններից սովորելու մեջ: Դուք կարող եք կենտրոնանալ որևէ հատվածի, կարևոր արտահայտության կամ բառի վրա: Երբ բարձրաձայն կարդաք սուրբ գրության որևէ հատված, կարող եք հրավիրել երեխաներին ոտքի կանգնել կամ ձեռքերը բարձրացնել, երբ լսեն որևէ հատուկ բառ կամ արտահայտություն, որի վրա ցանկանում եք կենտրոնանալ: Նրանք նույնիսկ կկարողանան մտապահել կարճ արտահայտություններ սուրբ գրություններից, եթե կրկնեն դրանք մի քանի անգամ: Երբ լսեն Աստծո խոսքը, կզգան Սուրբ Հոգին:

• Լինել ակտիվ: Քանի որ փոքր երեխաները հիմնականում շատ եռանդուն են, նախատեսեք դասն այնպես, որը թույլ կտա նրանց շարժվել` քայլել, թռչկոտել, ցատկոտել, ծնկի իջնել, զբոսնել և այլ գործողություններ կատարել, որոնք առնչվում են ձեր ուսուցանած սկզբունքի կամ պատմության հետ: Այս գործողությունները նույնպես կարող են արդյունավետ լինել, երբ երգեք միասին:

• Նայել նկարին կամ դիտել տեսանյութ: Երբ երեխաներին ցույց եք տալիս նկար կամ տեսանյութ, որն առնչվում է ավետարանի սկզբունքի կամ սուրբ գրային պատմության հետ, տվեք նրանց հարցեր, որոնք օգնում են նրանց սովորել իրենց տեսածից: Օրինակ, դուք կարող եք հարցնել. «Ի՞նչ է տեղի ունենում այս նկարի կամ տեսանյութի մեջ: Ինչպե՞ս եք ձեզ զգում դրանից:» Տեսանյութեր կարող եք փնտրել Biblevideos.lds.org, medialibrary.lds.org և children.lds.org կայքերում:

• Երգել:Հիմներն ու Մանկական երգարանի երգերը հզոր կերպով ուսուցանում են վարդապետությունը: Օգտվեք թեմաների ցանկից, որը գտնվում է Մանկական երգարանի վերջին հատվածում, որպեսզի գտնեք երգեր, որոնք առնչվում են ձեր ուսուցանած ավետարանի սկզբունքի հետ: Օգնեք երեխաներին երգերի ուղերձը կապել իրենց կյանքի հետ: Օրինակ, կարող եք հարցեր տալ երգի բառերի կամ արտահայտությունների վերաբերյալ: Երգելու հետ մեկտեղ, երեխաները կարող են շարժումներ կատարել, որոնք համահունչ են երգի հետ կամ կարող են պարզապես լսել երգերը, որպես ետին պլան` այլ գործնական աշխատանքներ կատարելիս:

• Կիսվել փորձառություններով: Փոքր երեխաները գուցե կիսվելու շատ բան չունենան, որքան ավելի մեծ երեխաները, սակայն եթե նրանց հատուկ կերպով առաջնորդեք, նրանք կարող են կիսվել իրենց սովորածի մասին զգացումներով ու փորձառություններով:

• Ստեղծել: Երեխաները կարող են կառուցել, նկարել կամ գունավորել ինչ-որ բան, որն առնչվում է իրենց սովորած պատմության կամ սկզբունքի հետ: Խրախուսեք նրանց իրենց ստեղծած առարկան տուն տանել ու կիսվել իրենց ընտանիքի անդամների հետ` դրանով օգնելով երեխաներին հիշել իրենց սովորածը:

• Մասնակցություն ցուցաբերել առարկայական դասերին: Հասարակ առարկայական դասը կարող է օգնել երեխաներին հասկանալ ավետարանի սկզբունքը, որը դժվար է ըմբռնել: Առարկայական դասեր անցկացնելիս այնպես արեք, որ երեխաները մասնակցեն: Նրանք ավելին կսովորեն միջանձնյա շփման միջոցով, քան պարզապես ինչ-որ ցուցադրություն դիտելով:

• Դերախաղ կատարել: Երբ երեխաները բեմականացնում են ինչ-որ իրավիճակ, որին հավանաբար կհանդիպեն իրական կյանքում, նրանք ավելի լավ կկարողանան հասկանալ, թե ինչպես է ավետարանի սկզբունքն առնչվում իրենց կյանքի հետ:

• Կրկնել գործնական աշխատանքները: Որպեսզի երիտասարդ երեխաները հասկանան իրենց լսած հասկացողությունները, նրանք, հնարավոր է, դրանք բազմիցս լսելու կարիք ունենան: Մի վախեցեք պատմություններն ու գործնական աշխատանքները հաճախակի կրկնելուց, նույնիսկ նույն դասի ընթացքում: Օրինակ` դասի ընթացքում մի քանի անգամ կարող եք կիսվել սուրբ գրային պատմությամբ տարբեր ձևերով` կարդալով սուրբ գրություններից, ամփոփելով ձեր սեփական բառերով, ցույց տալով տեսանյութ, թույլ տալով, որ երեխաներն օգնեն ձեզ պատմել պատմությունը, հրավիրելով նրանց բեմականացնել պատմությունը և այլն: Եթե դասարանում կիրառված գործնական աշխատանքը կրկնվում է տանը, ապա կրկնությունը կօգնի երեխաներին սովորել ու հիշել:

• Միջանձնյա շփում ուրիշների հետ: Երեխաները զարգացնում են սոցիալական հմտություններ և հաճախ նրանց դուր է գալիս սովորել ու խաղալ իրենց հասկակիցների հետ: Նրանց համար հնարավորություններ ստեղծեք, որպեսզի սովորելու ընթացքում կիսվեն, հերթականություն պահպանեն և համագործակցեն:

• Մասնակցել զանազան գործնական աշխատանքների: Փոքր երեխաները սովորաբար չեն կարողանում երկար ժամանակ կենտրոնացնել իրենց ուշադրությունը և սովորելու տարբեր ոճեր ունեն: Օգտագործեք զանազան գործնական աշխատանքներ և ուշադրություն դարձրեք, թե երբ երեխաները կունենան տեմպի փոփոխության կարիք: Օրինակ` հաճախ կարիք կլինի փոխել հանգիստ ու աշխույժ գործնական աշխատանքները:

Որպես փոքր երեխաների ուսուցիչ` ձեր դերի մի մասն ավետարանի սկզբունքներն ուսուցանելուց բացի երեխաներին օգնելն է, որպեսզի նրանք սովորեն պատշաճ կերպով մասնակցել Եկեղեցու դասերին: Օրինակ` նրանք, հնարավոր է, կարիք ունեն սովորել հերթ պահել, կիսվել, ուրիշներին հարգել և այլն: Որոշ ուսուցիչներ աղյուսակներ են կազմում, որի վրա հատուկ նշված են յուրաքանչյուր երեխայի հանձնարարությունները դասի մասնակցության վերաբերյալ (օրինակ՝ աղոթել, նկարը պահել կամ թղթեր փոխանցել): Հանձնարարությունները կարող են փոխվել ամեն շաբաթ: Դա օգնում է երեխաներին հերթ պահել և կենտրոնանալ պատշաճ դասարանային վարքագծի վրա:

Երեխաները, հատկապես փոքրերեխաները, հաճախ օգուտ են քաղում կանոնավոր, կանխատեսելի սահմանված կարգից: Քանի որ փոքր երեխաները չեն կարող երկար ժամանակ կենտրոնացնել իրենց ուշադրությունը և հաճախ դժվարանում են ողջ դասի ընթացքում կենտրոնացած մնալ, հաճախ լավ կլինի, եթե սահմանված կարգն ունենա մի տեսակի գործողությունից անցում դեպի մյուս տեսակը: Օրինակ` ձեր դասի ռեժիմը կարող է ներառել հաճախակի դադարներ խաղ խաղալու, նկարներ ներկելու, երգ եգելու և այլ գործողություններ կատարելու համար:

Երեխաների Խմբի դասարան