Հիսուսը փոքրիկ երեխայի հետ

Դուք երեխաների ուսուցիչ եք

Դուք կանչված եք Աստծո կողմից, որպեսզի ուսուցանեք Իր զավակներին Փրկիչի ձևով: Դուք ձեռնադրվել եք այս ծառայությանը Նրա սուրբ քահանայության իշխանությամբ: Նույնիսկ եթե դուք փորձառու ուսուցիչ չեք, եթե ապրեք արժանավոր կյանքով, ամեն օր աղոթեք և ուսումնասիրեք սուրբ գրությունները, Աստված կշնորհի ձեզ Սուրբ Հոգու ազդեցությունն ու զորությունը (տես2 Նեփի 33.1):

Նրանք, ովքեր վստահված են ձեր հոգատարությանը, Երկնային Հոր զավակներն են, և Նա գիտի նրանց կարիքներն ու ինչպես հասնել նրանց լավագույն ձևով: Սուրբ Հոգու միջոցով Աստված կառաջնորդի ձեզ ձեր նախապատրաստվելու և ուսուցանելու ընթացքում: Նա կհայտնի ձեզ, թե ինչ պետք է ասեք ու անեք:

Այս թանկագին երեխաները շարունակաբար կլանում են տեղեկություններ, որոնք վերաբերում են իրենց կյանքի բոլոր կողմերին` կազմելով ու վերամշակելով իրենց կարծիքները և բացահայտումներ անելով ու դրանցով կիսվելով: Սա հատկապես ճշմարիտ է ավետարանի հարցում, քանի որ երեխաները պատրաստ են ու ցանկանում են սովորել պարզ ճշմարտությունները: Նրանց հավատքը հոգևոր բաների հանդեպ ամուր է և ջինջ, ու ցանկացած պահը նրանք դիտում են որպես սովորելու պահ: Նրանք պատրաստակամ գործում են համաձայն իրենց սովորածի, նույնիսկ եթե իրենց հասկացողությունը դեռ լիարժեք չէ: Ահա թե ինչպես պետք է մենք բոլորս ընդունենք ավետարանը: Ինչպես Փրկիչն է ուսուցանել. «Ով որ Աստուծոյ արքայութիւնը չընդունի ինչպէս երեխայ` նա չի մըտնիլ նորա մէջ» (Ղուկաս 18.17):

Երեխաներին ուսուցանելու կանչը սրբազան վստահություն է: Ճնշված զգալը երբեմն նորմալ է: Սակայն հիշեք, որ ձեր Երկնային Հայրն է կանչել ձեզ, և Նա երբեք մենակ չի թողնի ձեզ: Սա Տիրոջ աշխատանքն է, և եթե դուք ծառայեք «ձեր ողջ սրտով, զորությամբ, մտքով և ուժով» (ՎևՈւ 4.2), Նա կմեծացնի ձեր ունակությունները, պարգևները և տաղանդները, իսկ ձեր ծառայությունը կօրհնի ձեր ուսուցանած երեխաների կյանքը: