Երեխաների Խմբի դասարան

Օգտագործել «Եկ, հետևիր ինձ» ուղերձը Երեխաների Խմբի համար

Նախապատրաստվել ուսուցանել Երեխաների Խմբում

Տունը պետք է լինի ավետարանի ուսումնասիրության կենտրոնը Սա ճշմարիտ է ձեր և ձեր ուսուցանած երեխաների համար: Ուսուցանելու համար նախապատրաստվելիս, սկսեք սուրբ գրություններում ձեր սեփական փորձառություններն ունենալով: Ձեր ամենակարևոր նախապատրաստվածությունը կլինի, երբ դուք փնտրեք ոգեշնչում Սուրբ Հոգուց:

«Եկ, հետևիր ինձ» ուղերձի Անհատների և ընտանիքների համար բաժինը նույնպես ձեր նախապատրաստվածության կարևոր մասն է: Այն ձեզ կօգնի սուրբ գրությունների վարդապետական սկզբունքների վերաբերյալ ավելի խորը հասկացողություն ձեռք բերել:

Նախապատրաստվելու ընթացքում դուք մտքեր ու տպավորություններ կստանաք ձեր ուսուցանած երեխաների մասին: Դուք կհասկանաք, թե ինչպես սուրբ գրությունների սկզբունքները կօրհնեն նրանցկյանքը: Դուք առաջնորդություն կստանաք, որպեսզի ոգեշնչեք նրանց բացահայտել այդ սկզբունքները` մինչ նրանք ինքնուրույն կամ իրենց ընտանիքի անդամների հետ կուսումնասիրեն սուրբ գրությունները: Հիշեք, որ զգայուն լինեք այն երեխաների հետ, ում ընտանեկան հանգամանքները թույլ չեն տալիս պարբերաբար ուսումնասիրել սուրբ գրությունները:

Գաղափարներ ուսուցման համար

Ուսուցանելու համար նախապատրաստվելիս, դուք կարող եք հավելյալ ոգեշնչում ձեռք բերել` ուսումնասիրելով այս ձեռնարկի ծրագրերը: Այս մտքերը մի համարեք քայլ առ քայլ ցուցումներ, այլ համարեք դրանք առաջարկներ, որոնք առաջ կբերեն ձեր սեփական ոգեշնչումը: Դուք ճանաչում եք այդ երեխաներին, և Տերը նույնպես ճանաչում է նրանց` ներառյալ այն, թե ինչի կարիք ունեն նրանք ու ինչ կարող են հասկանալ: Նա ձեզ կոգեշնչի լավագույն եղանակներով, որպեսզի ուսուցանեք ու օրհնեք երեխաներին:

Նախապատրաստվելու համար ձեզ հասանելի են շատ այլ աղբյուրներ` ներառյալ «Եկ, հետևիր ինձ» ուղերձի անհատների ու ընտանիքների համար բաժինը և Եկեղեցու ամսագրերը: Այս և այլ աղբյուրների մասին ավելին իմանալու համար տես «Երեխաներին ուսուցանելու հավելյալ աղբյուրներ»:

Որոշ բաներ, որոնք անհրաժեշտ են մտապահել

• Ծնողներն են կրում հիմնական պատասխանատվությունն իրենց երեխաներին ուսուցանելու համար: Որպես ուսուցիչ, դուք կարևոր պատասխանատվություն ունեք աջակցելու, խրախուսելու և տանը ավետարանի ուսումնասիրությունը խթանելու հարցում: Եղեք զգայուն այն երեխաների հետ, ում ծնողները տանը չեն ուսումնասիրում ավետարանը: Բոլոր երեխաներին ներառեք ավետարանի ուսումնասիրությունների մեջ` անկախ նրանց ընտանեկան հանգամանքներից:

• Կրկնությունը օգտակար է։ Երեխաներն ավելի արդյունավետ են սովորում ավետարանի ճշմարտությունները, երբ այս ճշմարտություններն ուսուցանվում են հաճախակի, զանազան գործնական աշխատանքների միջոցով: Եթե զգում եք, որ սովորելու եղանակներից մեկն արդյունավետ է երեխաների համար, կարող եք կրկնել այն, հատկապես, եթե ուսուցանում եք փոքր երեխաներին: Նաև կարող եք վերանայել նախորդ դասի գործնական աշխատանքը:

• Երկնային Հայրն ուզում է, որ դուք, որպես ուսուցիչ, հաջողություն ունենաք: Նա շատ աղբյուրներ է տրամադրել, որպեսզի օգնի ձեզ հաջողություն ունենալ` ներառյալ ուսուցիչների խորհրդի ժողովները: Այդ ժողովների ժամանակ կարող եք խորհուրդներ փոխանակել ուրիշ ուսուցիչների հետ ձեր ունեցած ցանկացած դժվարությունների վերաբերյալ: Նաև կարող եք քննարկել և գործածել Քրիստոսանման ուսուցման սկզբունքներ:

• Եթե ուսուցանում եք փոքրերեխաներին և ունեք հավելյալ աջակցության կարիք, տեսեք «Հոգալ փոքր երեխաների կարիքները» բաժինը այս ձեռնարկի մեջ:

• Այս բաժինը ներառում է ծրագրեր տարվա յուրաքանչյուր շաբաթվա համար, բացի երկու կիրակիներից, երբ տեղի է ունենում գերագույն համաժողովը: Այն կիրակի օրերին, երբ Երեխաների Միության դասերը տեղի չեն ունենում ցցի համաժողովի կամ որևէ այլ պատճառով, ընտանիքները, համաձայն նշված ծրագրի, կարող են շարունակել տանը կարդալ Նոր Կտակարանը: Որպեսզի ձեր Երեխաների Միության դասերն ընթանան համաձայն ծրագրի, կարող եք բաց թողնել դասերից մեկը կամ երկու դաս միացնել իրար: Շփոթմունքից խուսափելու համար Երեխաների Միության նախագահները կարող են նախապես խորհուրդ տալ ուսուցիչներին այդ փոփոխության մասին:

երեխաներին օգնող մայրը