“O̧kwōj17–23. Hilamōn 1–6: ‘Ejm̧aan in Ad Ripinmuur,’” Itok, Ļoor Eō—N̄an Būraimere: Bok in Mormon 2020 (2020)
“O̧kwōj 17–23. Hilamōn 1–6,” Itok, Ļoor Eō—N̄an Būraemere: 2020
O̧kwōj 17–23
Hilamōn 1-6
“Ejm̧aan in Ad Ripinmuur”
M̧akūtkūt eo ilo laajrak in rej n̄an kōmeram̧ļo̧k ļōmņak ko im im̧we ilo būruōm̧ im kōļmenļo̧kjeņ eo am̧. Ļōmņak eo em̧m̧antata ej itok ilo am̧ lukkuun kōļmenļo̧kjeņ kōn jeje ko rekwojarjar im aikuj ko an ajri ro kwoj katakin.
Je En̄jake ko Rej Im̧we Eok
Kajjitōk bwe ren Kwaļo̧k
N̄an jipan̄ ajri ro ekkatak ilo gospel eo ilo m̧weeo, kajjitōk ippān jet iaer n̄an kwaļo̧k jet men raar ekkatak ilo wiik in. Kōmeļeļeik wāween am̧ ekkatak gospel in ilo m̧weeo, im kōnono kōn wāween ko ajri ro remaron̄ jipan̄ baam̧le ko aer ekkatak jān Bok in Mormon
Katakin Katak ko: Ajri ro Reddikļo̧k
Imaron̄ kalōk aō ejm̧aan ilo Jisōs Kraist.
Hilamōn eaar katakin ļōm̧aro nejin Nipai im Liai n̄an kalōk mour ko aer ioon ejm̧aan eo ej ad Ripinmuur. Kōļmenļo̧kjeņ ewi wāween am̧ naaj kōm̧m̧an āinwōt n̄an ajri ro kwoj katakin.
Makūtkūt ko Maron̄ Kōm̧m̧ani
-
Kwaļo̧k juon pijain juon tampeļ ak bar juon em̧, im kōmeļeļeik bwe em̧ ko reaikuj pedped ko reppen bwe ren jab wōtļo̧k jen kōto im ļan̄ ko. N̄an kōmeļeļeik menin, kajjitōk ippān ajri ro n̄an kajjieon̄ in uuk juon ejm̧aan bwe en em̧akūt. Riiti ļain ko jinoin ilo Hilamōn 5:12, im kajjitōk ippān ajri ro n̄an kajutak peier n̄e rej ron̄ wōn “ejm̧aan” eo bwe en ad pedped.
-
Kajjitōk ippān ajri ro n̄an kōm̧m̧ani ikkure ko ilo am̧ riiti Hilamōn 5:12. N̄an waanjon̄ok, remaron̄ kōm̧akūtkūti peier n̄e kwoj riit kōn “ļan̄ ko rekajoor” an devil im jutak ilo juon jikin n̄e kwoj riit kōn “ejm̧aan in ad Ripinmuur.”
-
Kajjitōk ippān ajri ro n̄an jipan̄ eok kalōk juon em̧ kōm̧m̧an jān būļaak ak kein jerbal ko jet. Jino jen ejaake juon “pedped epen,” im kōnono kake ewi wāween an Jisōs kraist aikuj in pedped eo n̄an mour ko ad. Kajjitōk ippān ajri ro n̄an kwaļo̧k men ko remaron̄ kōm̧m̧ani n̄an ļoor Jisōs Kraist, im kōm̧m̧an bwe ren kobaik kōm̧m̧an in buļaak ko n̄an kajjojo men ko rej kwaļo̧ki.
-
Kajjitōk ippān ajri ro n̄an kōļare peij in m̧akūtkūt eo, im jipan̄ eer m̧wijitļo̧k. Ta jemaron̄ kōm̧m̧ane n̄an kalōk mour ko ad ioon pedped eo ilo Jisōs Kraist? Kwaļo̧k jet iaan men ko kwaar kalōk mour eo am̧ ilo Rilo̧mo̧o̧r im ewi wāween an kar kōjeraam̧m̧an mour eo am̧.
Jetōb Kwojarjar unoojdikdik tok kōn ainikien, edik.
Kōmeļeļe eo epād ilo Hilamōn 5:29–30, 45–47 kōn ainikien eo me Rileman ro raar ron̄ ejjeļo̧k oktak jen wāween ad emakijkij ron̄ wāween an Jetōb Kwojarjar kōnono. Kwomaron̄ kōjerbal eoon kein n̄an jipan̄ ajri ro kile ainikien Jetōb.
Makūtkūt ko Maron̄ Kōm̧m̧ani
-
Kwaļo̧k bwebwenatoin Nipai im Liai ilo kalbuuj. Kwomaron̄ kōjerbal “Jebta 37: Nephi and Lehi in Prison” (Bwebwenato ko jān Bok in Mormon, 99–102, ak ilo corresponding video ilo ChurchofJesusChrist.org). N̄e kwoj kōnono kōn ainikien eo Rileman ro raar ron̄, kōnono ilo juon ainikien emera. Ālijji bwebwenato eo, im kajjitōk ippān ajri ro bwe ren unoojdikdik ippam̧. Ba n̄an ajri ro kōn iien ko n̄e Jetōb Kwojarjar ej unoojdikdik n̄an eok im kar kōkajoorļo̧k naan in kam̧ool eo am̧.
-
Riiti Hilamōn 5:30, im al ippān ajri ro juon al kōn Jetōb Kwojarjar, āinwōt “The Still Small Voice” (Children’s Songbook, 106–7). Kalikkar naan ko jen eoon ko ilo jeje ko rekwojarjar im al eo me ej kōmeļeļeik wāween an Jetōb Kwojarjar kōnono n̄an kōj (bar lale Hilamōn 5:45–47). Kōjerbal Hilamōn 5:29 im en̄jake ko am̧ make n̄an kwaļo̧k n̄an ajri ro jet waanjon̄ok ko rem̧m̧an ilo an Jetōb Kwojarjar maron̄ im̧we kōj n̄an kōm̧m̧ane.
Katakin Katak ko: Ajri ro Rerūttoļo̧k
N̄e ij ettā, Jemedwōj Ilan̄ enaaj kōjeraam̧m̧an eō.
Bok in Mormon epād ie elōn̄ waanjon̄ok ko kōn kauwōtata in utiej bōro im kōjeraam̧m̧an ko an ettā, im jet iaan waanjon̄ok kein repād ilo Hilamōn 1–6. Ilo am̧ ekkatak jebta kein, kōļmenļo̧kjeņ wāween am̧ maron̄ kōjerbal waanjon̄ok kein n̄an katakin ajri ro ilo kūlaaj eo am̧.
Makūtkūt ko Maron̄ Kōm̧m̧ani
-
Kōm̧m̧an bwe ajri ro ren jipan̄ eok jin̄aik ilo bo̧o̧t eo pija in ilaļ kōn “utiej bōro.” Riit ippān doon Hilamōn 3:24, 33–34 im 4:11–15, im kajjitōk ippān ajri ro n̄an kwaļo̧k m̧ōttan ko ilo doulul
-
Je naan kein Ettā im Utiej bōro ioon bo̧o̧t eo. Je jet iaan waanjon̄ok m̧akūtkūt ko an ettā im utiej bōro ioon juon peba, im kajjitōk ippān ajiro ro n̄an bōk kūņaer kālete juon peba im likūti iturin naan eo ioon bo̧o̧t eo me ej kōmeļeļeik m̧akūtkūt eo. Ta jet iaan wāween ko jej maron̄ kālet n̄an ettā?
“doulul in utiej bōro.”
Inaaj kalōk aō pedped ilo Jisōs Kraist.
Hilamōn 5:12 epād ie waanjon̄ok ko rekajoor n̄an kalōk pedped eo ad ilo Jisōs Kraist. Ewi wāween am̧ maron̄ kōjerbal waanjon̄ok kein n̄an kōmeļeļeik pedped in katakin in n̄an ajri ro? Kōm̧m̧an āindein enaaj jipan̄ kepooj ajri ro jen kapo ko im apan̄ ko renaaj iooni.
Makūtkūt ko Maron̄ Kōm̧m̧ani
-
Bōktok n̄an kūlaaj eo jet kain kein jerbal me emaron̄ pinej jenkwan pedped eo em̧ōjņo̧ ak ekajoor (āinwōt booļ ak dekā ak taeļ). Kajjitōk ippān ajri ro n̄an kalōk juon tawōr kōjerbale būļaak ko ak kein jerbal ko ioon bar jet kain pedped. Ta eo ej kōm̧m̧an bwe jet pedped ren kajoor jen ko jet? Riit ippān doon Hilamōn 5:12, im kajjitōk ippān ajri ro etke rej ļōmņak Jisōs Kraist ej “ej pedped eo em̧ool” n̄an mour ko ad. Ewi wāween ad kalōk pedped in mour ko ad Ippān? Kajjitōk ippān ajri ro n̄an pukote Hilamōn 3:27–29, 35 im Laajrak in Tōmak ko 1:4 n̄an lo uwaak ko.
-
Kajjitōk ippān ajri ro n̄an riiti Hilamōn 5:5–14 im bwine jete alen an waļo̧k naan eo “keememej”. Ta eo Hilamōn eaar katakin ļōm̧aro nejin bwe ren keememeje? Ewi wāween keememeje men kein naaj jipan̄ kōj kōm̧m̧an bwe Jisōs Kraist en pedped in mour ko ad?
Ukweļo̧k ej bōk jenkwan jetōbin marok kōn meram.
Rileman ro ro raar etal n̄an kaļbuuj n̄an m̧an Nipai im Liai raar jepooļ kōn marok. N̄e jej jerawiwi, jej pād ilo marok.. Hilamōn 5:20–52 ej katakin kōj wāween an “kōdo̧ in marok” eo ad maron̄ in jako (eoon 41).
Makūtkūt ko Maron̄ Kōm̧m̧ani
-
Kōm̧m̧an bwe kūlaaj eo en marok n̄e ekkar, innām riit ak kōmeļeļeik bwebwenato eo ilo Hilamōn 5:20–40 kōjerbal juon ten̄ki jidikdik. Ewi wāween an Rileman ro kar en̄jake ke rej pād ilo marok? Kajjitōk ippān ajri ro n̄an ron̄jake ta eo Aminatab eaar kwaļo̧ke bwe armej ro ren kōm̧m̧an bwe en jako, innām riiti eoon 41. Innām kōjo̧ tōm̧a eo, im riiti eoon 42–48 ippān doon. Ta eo eoon kein rej katakin kōj kake kōn kōjeraam̧m̧an ko me ukweļo̧k ej būkitok n̄an mour ko ad?
-
Kajjitōk ippān ajri ro n̄an antooņe ļo̧k āinwōt n̄e rej katakin juon ajri edik kōn Jetōb Kwojarjar. Elmen aer kōjerbal Hilamōn 5:29–33, 44–47 n̄an katakin ta en̄jake eo an ainikien Jetōb im jet iaan men ko Jetōb ej jiron̄ kōj? Elmen an Jetōb Kwojarjar im̧we eok n̄an ukweļo̧k? Kajjitōk ippān ajri ro n̄an kwaļo̧k en̄jake ko ke raar en̄jake aenōm̧m̧an im ineem̧m̧an jen Jetōb Kwojarjar.
Kōketak Ekkatak ilo M̧weo
Kajjitōk ippān ajri ro n̄an kajjitōk ippān baam̧le eo kōn wāween aer kar kalōkmour ko aer ilo Jisōs Kraist. Al remaron̄ kwaļo̧k ippān baam̧le ko aer wāween aer karōke n̄an kalōk mour ko aer make ilo E.
Kōkōm̧anm̧anļo̧k Ad Katakin
Kam̧ool kōn Jisōs Kraist. Ewōr juon an jerbal ekwojarjar n̄an jipan̄ kōkajoorļo̧k naan in kam̧ool ko an ajri ro ilo kūlaaj eo am̧. Jipan̄ er en̄jake iakwe eo an Jisōs n̄an er, im emakijkij kwaļo̧k naan in kam̧ool eo an kōn E.