vuli ivolanikalou tiko na matavuvale

iKuri ni iVurevure

Na ivurevure kece oqo e rawa ni kune ena Gospel Library app vakakina ena ChurchofJesusChrist.org.

Sere ni Lotu kei na iVolanisere ni Gonelalai

Na sereivakatagi tabu e sureta na Yalo, ka vukei keda meda vakila na loloma ni Kalou, ka vakavulica na ivunau ena sala e rawa ni iveivakananumi kina. Me ikuri ni kena vakayagataki na ivola ni Serenilotu kei na iVolanisere ni Gonelalai, e rawa ni o kunea e levu na serenilotu kei na sere ni lalai ena katokatoni ni vidio kei na kena me rogoci ena music.ChurchofJesusChrist.org vakakina ena Sacred Music kei na Gospel Media apps.

iVolavakarau ni Semineri kei na Inisitute

Na ivolavakarau ni Semineri kei na Inisitute e vakarautaka na itukutuku makawa kei na vosa vakaivunau ena ivakavuvuli kei na itukutuku eso e kune ena ivolanikalou.

Mekasini ni Lotu

Na mekasini ni iTokani, Me iSakisaki ni Tabagone, kei na Liaona e vakarautaka na italanoa kei na itaviqaravi ena rawa ni veivuke ena ivakavuvuli o vakavulica tiko ena Lako Mai, Mo Muri Au—Baleta na Tamata Yadua kei na Matavuvale.

Veiulutaga va-Kosipeli

Ena Veiulutaga va-Kosipeli (topics.ChurchofJesusChrist.org), e rawa ni o kunea na itukutuku taumada me baleta na veiulutaga duidui va-kosipeli, kei na isema ni ivurevure e veivuke, me vaka na vosa ni koniferedi raraba, italanoa, ivolanikalou, kei na vidio. E rawa talega ni o kunea na iTukutuku eso ni iUlutaga Vakosipeli, ka soli kina na itukutuku titobu me baleta na veika vakaivunau kei na veika makawa, vakakina na isaunitaro ki na veimataqali taro me baleta na Lotu kei na kena ivakavuvuli.

Na iTukuni ena Veiyalayalati Vou

Na iTalanoa ena Veiyalayalati Vou e rawa ni vukei ira na gone mera vulica na ivunau kei na italanoa era tiko ena Veiyalayalati Vou. Sa rawa talega ni o raica na vidio ni veitalanoa oqo ena porokaramu ni talevoni veikauyaki na Valenivola Vakosipeli vakakina ena GospelMedia.ChurchofJesusChrist.org.

iVola ni Rokarokataki ni Talanoa ni Volanikalou eso—Veiyalayalati Vou

E tiko ena ivurevure oqo na veitabana ni taviqaravi ni rokarokataki lasa eso e caka me vakatorocaketaka na nodra vuli tiko na gone mai na Veiyalayalati Vou.

Vidio kei na Droini

Na droini, vidio, kei na itukutuku raraba tale eso sa rawa ni vukea na nomu matavuvale me kila vinaka na ivunau ka sarava na italanoa era semati ki na ivolanikalou. Sikova na Gospel Media ena GospelMedia.ChurchofJesusChrist.org me raici kina na ivurevure ni itukutuku raraba ni Lotu sa vakarautaki tu. Na Gospel Media e tiko talega ena app ni yaya livaliva veikauyaki. E levu na iyaloyalo e rawa ni o vakayagataka e kunei ena iVola ni iYaloyalo Vakosipeli.

Veivakavulici ena iVakarau ni iVakabula

Na Veivakavulici ena iVakarau ni i Vakabula e rawa me vukei iko mo vulica ka bulataka na ivakavuvuli eso ni veivakatavulici va-Karisito.