Kris la ki parèt devan Pòl nan prizon

Sovè ki te resisite a te vizite Pòl nan prizon (gade nan Travay 23:11). Jezikri ka libere nou anba “chay esklavaj” (Galat 5:1).

25 Septanm 1 Oktòb.

Galat

“Mache selon Lespri a“

Lè w ap li Galat la, ekri enpresyon spirityèl ou resevwa yo. Si w fè sa, sa ap ede w sonje yo ak medite sou yo nan lefiti.

Ekri enpresyon ou

Levanjil Jezikri a ofri libète anba esklavaj spirityèl. Men pafwa, moun ki konn fè eksperyans libète levanjil la ofri yo konn vire do ba li epi yo “vle tonbe nan esklavaj ankò” (Galat 4:9). Se sa Sen nan Galat yo t ap fè—yo te vire do bay libète Kris la te ofri yo a (gade Galat 1:6). Epit Pòl te voye bay moun Galat yo, lè sa a, sete yon apèl ijan pou yo te retounen vin nan “libète nou jwenn granmesi Kris la” (Galatians 5:1). Apèl sa a se yon apèl nou bezwen koute ak suiv tou paske, byenke sikonstans yo chanje, lit ant libète ak esklavaj la toujou konstan. Jan Pòl te anseye, sa pa ase pou yo “rele nou vin nan libète” (Galat 5:13); nou dwe “kenbe fèm” nan li tou (Galat 5:1) nan apiye nou sou Kris la.

senbòl etid pèsonèl

Ide pou Etid Ekriti Pèsonèl

Galat 1–5

Lwa Kris la rann mwen lib.

Pòl te ekri Sen nan Galat yo lè l te aprann ke te gen fo ansèyman ki t ap detounen yo (gade nan Galat 1:6–9). Youn nan ansèyman sa yo te di pou yo te ka sove, Janti ki te aksepte levanjil yo te dwe sikonsi epi kenbe lòt tradisyon lwa Moyiz yo (gade nan Galat 2). Pòl te rele tradisyon sa yo “tradisyon esklavaj” (Galat 5:1). Pandan w ap li konsèy Pòl te voye bay Galasyen yo, chèche prensip ki ka ede w konprann kisa vrè libète ye. Ou gen dwa medite sou ki jouk esklavaj ki egziste nan lavi ou. Èske gen yon bagay ki anpeche w jwi libète levanjil la ofri a? Kijan Kris la ak levanjil li a “rann [ou] lib”? (Galat 5:1).

Gade tou nan 2 Nefi 2:27; 9:10–12.

Galat 3

Mwen se eritye benediksyon yo te pwomèt Abraram yo.

Kèk nan Sen nan Galat yo te panse ke, paske yo pa t desandan literal (“posterite”) Abraram, yo pa t ap resevwa benediksyon yo te pwomèt Abraram yo, enkli benediksyon egzaltasyon yo. Selon Galat 3:7–9, 13–14, 27–29kisa k kalifye yon moun pou l se “posterite Abraramm?

Pou aprann benediksyon Bondye te pwomèt Abraram yo, ak benediksyon nou ka eritye kòm desandan l, gade nan Sijè Levanjil yo, “Alyans Abraram,” topics.ChurchofJesusChrist.org. Poukisa benediksyon Bondye te pwomèt Abraram yo enpòtan pou ou?

Galat 3:6–25

Abraram te gen levanjil Jezikri a.

Pwofèt Joseph Smith te eksplike: “Nou pa ka kwè ke ansyen nan tout epòk yo pa t tèlman konn sistèm syèl la jan anpil moun panse a, paske tout sa k te sove yo, yo te sove pa pouvwa gran plan redanmson sa a, osibyen anvan Kris la te vini an ke depi lè sa a. … Abraram te ofri sakrifis, epi malgre sa, yo te oblije preche l levanjil la” ((“The Elders of the Church in Kirtland to Their Brethren Abroad,” The Evening and the Morning Star, Mas. 1834, 143, JosephSmithPapers.org). Poukisa nou panse li te enpòtan pou Sen yo nan epòk Pòl la konnenke Abraram ak lòt ansyen pwofèt yo te gen levanjil Jezikri a? Poukisa li enpòtan pou nou konn sa? (Gade nan Elaman 8:13–20; Moyiz 5:58–59; 6:50–66.)

Gade tou nan Enseignements des présidents de l église: Joseph Smith (2007), 45–56.

Galat 5:13–26; 6:7–10

Si m “mache selon Lespri a,” m ap resevwa “fwi Lespri a.”

Si w etidye vèsè sa yo, sa ka ede w evalye nan ki pwen w ap mache selon Lespri a. Èske w benefisye fwi Lespri yo mansyone nan vèsè 22–23yo? Ki lòt fwi, oubyen rezilta, w remake nan lavi spirityèl ou? Reflechi sou kisa w bezwen fè pou w kiltive fwi sa a pi totalman. Nan ki fason kiltive fwi sa a ka amelyore relasyon enpòtan yo nan lavi ou?

pòm sou yon pyebwa

M dwe chèche “fwi Lespri yo” nan lavi m.

Si w ap eseye mache selon Lespri a, men, efò w yo pa sanble yo pote fwi Bondye te pwomèt yo, li Galat 6:7–10. Ki mesaj ou santi Senyè a gen pou ou nan vèsè sa yo?

Gade nan Alma 32:28, 41–43; Doktrin ak Alyans 64:32–34.

senbòl etid familyal

Ide pou Etid Ekriti Familyal ak Sware Familyal

Galat 3:11.Kisa “viv avèk lafwa” vle di? Kijan nou ka fè sa antanke fanmi?

Galat 4:1–7.Ou gen dwa prezante Galat 4 la nan diskite sou diferans ant sèvitè yon wa ak pitit li. Ki opòtinite oubyen potansyèl yon pitit yon wa genyen ke yon sèvitè pa genyen? Panse a sa pandan n ap li vèsè 1–7la ansanm. Kisa vèsè sa yo anseye sou relasyon nou avèk Pè Selès la?

Galat 5:16–26.Konsidere pou w diskite diferans ant “travay lachè” ak “fwi Lespri a.” Pou fè diskisyon sou Galat 5:22–23 a pi amizan, fanmi w gen dwa mete etikèt diferan sou kèk fwi diferan kote ke y ap itilize Pawòl Pòl te itilize pou l te dekri “fwi Lespri yo.” Apresa, chak manm fanmi ka chwazi youn, defini li, epi pale de yon moun ki se egzanp fwi sa a. Sa ka mennen nan yon diskisyon sou fason fanmi w ka envite Lespri a nan fwaye ou ak kiltive fwi sa a. Apre diskisyon an, nou gen dwa savoure yon salad fwi ansanm.

Galat 6:1–2.Gen dwa gen moman kote w ka “siprann yon moun nan fanmi an an fot.” Ki konsèy ou jwenn nan Galat 6:1 an sou kisa pou w fè nan yon sitiyasyon konsa?

Galat 6:7–10.Si fanmi w konn plante yon bagay ansanm, ou gen dwa itilize eksperyans sa a pou ilistre prensip ki di “Sa yon moun simen, se sa li va rekòlte” a tou (vèsè 7). Oubyen ou gen dwa mande manm fanmi yo pou pale w de fwi oubyen vejetab yo pi renmen epi di kisa sa mande pou yon fè yon plant ki pwodui manje sa a pouse. (Gade nan foto ki nan fen antèt sa a.) Apresa, ou gen dwa fè yon konvèsasyon sou benediksyon fanmi w espere resevwa ak fason pou “rekòlte” benediksyon sa yo.

Pou plis ide pou anseye timoun yo, gade plan leson semèn sa a nan Vini, Suiv Mwen—Pou Primèa.

Chan yo sigjere: “Apprends moi à marcher dans la clarté,” Chants pour les enfants, 70

Amelyore ansèyman nou

Ede fanmi w konpare ekriti yo avèk tèt yo. Nefi te di: “M te konpare tout ekriti yo avèk lavi nou, pou nou kapab pwofite ak aprann” (1 Nefi 19:23). Pou ede fanmi w fè sa, ou gen dwa envite yo pou yo panse a moman kote yo te fè eksperyans fwi Lespri a yo dekri nan Galat 5:22–23a. (Gade nan Anseye nan fason Sovè a,21.)

poire sou yon pyebwa

Pòl te anseye ke, lè nou mache selon Lespri a, n ap resevwa fwi Lespri a nan lavi nou.