“5–11 Iuni. Ioane 14–17: ‘Ia Tumau Pea Outou i Lo’u Alofa’” Sau, Mulimuli Mai ia te A’u—Mo Tagata Taitoatasi ma Aiga: Feagaiga Fou 2023 (2022)

“5–11 Iuni. Ioane 14–17,” Sau, Mulimuli Mai ia te A’u—Mo Tagata Taitoatasi ma Aiga: 2023

Ata

Tausama‘aga Mulimuli

O Le Tausama‘aga Mulimuli, saunia e William Henry Margetson

5–11 Iuni

Ioane 14–17

“Ia Tumau Pea Outou i Lo’u Alofa”

A o e faitauina le a‘oa‘oga a le Faaola i le Ioane 13–17o le a fesoasoani ia te oe le Agaga Paia e faailoa mai savali mo oe. Tusi faamaumau lagona uuna‘ia e te maua.

Tusi Faamaumau Ou Lagona Uuna‘ia

O aso nei ua tatou faaigoaina ai o le “Tausama‘aga Mulimuli,” ae tatou te le iloa pe na iloa ato‘atoa e soo o Iesu, ina ua latou potopoto mo le tausama‘aga faaletausaga o le Paseka, o la latou toe tausamiga lea ma lo latou Matai a o le i maliu o Ia. Peitai, na “silafia e Iesu ua oo mai ona po” (Ioane 13:1). E le o toe mamao ona feagai lea o Ia ma mafatiaga i Ketesemane, o le faalataina ma le faafitiga a Ana uo mamae, ma le oti tigaina i luga o le satauro. Ae ui i nei mea uma sa faafolifoli mai i Ona luma, sa le i taula‘i atu lava Iesu ia te Ia lava ae i Ona soo. O a ni mea o le a latou faia e sauniuni ai mo le asiasiga? O fetalaiga ma faatinoga a Iesu i Ioane 14–17 ua faaalia ai Lona finagalo e uiga i tusitusiga paia. Na Ia mulumuluina o latou vae, aoao ia i latou e uiga i le alofa, ma faamautinoa atu ia i latou, i le tulaga e tasi, e le mafai ona Ia tuulafoaiina i latou. “Afai tou te tausia a’u poloaiga, ona tumau lea o outou i lo’u alofa” (Ioane 15:10).

Ata

aikona o suesuega faaletagata lava ia

Manatu mo Suesuega Faaletagata Lava Ia o Tusitusiga Paia

Ioane 14–15

E faaali atu lo’u alofa ia Iesu Keriso e ala i le tausiga o Ana poloaiga.

A o e faitauina le Ioane 14–15, e mafai ona e makaina faaaogaaga taitasi o le upu alofa. Atonu e te matauina le upu poloaiga o ta’u faafia faatasi ma le upu alofa i nei mataupu. O le a se ma e te aoao i ai e uiga i le sootaga o le alofa ma poloaiga mai aoaoga a le Faaola? O a isi upu ma fuaitau e te maua e o faatasi ma le upu alofa i nei mataupu?

Mafaufau loloto pe o a ni auala o faatosina ina ai oe e le alofa o le Faaola.

Tagai foi i le Ioane 13:34–35; D. Todd Christofferson, “Tumau i Lo’u Alofa,” Liahona, Nov. 2016, 48–51.

Ata

O Iesu loo talanoa atu i le au soo

O Le Talisuaga Mulimuli, saunia e Clark Kelley Price

Ioane 14–16

E fesoasoani le Agaga Paia ia te au e faataunuu lo’u faamoemoega o se soo o Iesu Keriso.

Atonu sa nutimomoia le au soo i le faalogo atu o le a toeititi uma lo latou taimi faatasi ma le Faaola. Atonu foi sa latou popole i le pe o le a faapefea ona latou faaauau pea e aunoa ma Ia. A o e faitau i le Ioane 14–16, vaavaai mo mea na fetalaia e le Faaola e faalaeiau ai ia i latou. Ia faapitoa ona maitau le mea na Ia aoao atu ia i latou e uiga i le Agaga Paia. O le a se mea ua e aoaoina e uiga i le Agaga Paia mai upu a le Faaola i fuaiupu nei?

Aisea na manaomia ai e le au soo lenei ituaiga o fesoasoani mai le Agaga Paia? Na faapefea ona faataunuu e le Agaga Paia nei matafaioi mo oe? Mafaufau i mea e mafai ona e faia ina ia malosi atili ai Lana faatosinaga i lou olaga.

Tagai foi i le 3 Nifae 19:9; 27:20; Mataupu Faavae ma Feagaiga 11:12–14; Mose 6:61; Michelle D. Craig, “Gafatia Faaleagaga,” Liahona, Nov. 2019, 19–21.

Ioane 15:1–8

A ou tumau ia Keriso, o le a ou aumaia fua lelei.

O le a sou manatu i le uiga o le “tumau ia [Keriso]”? (Ioane 15:4). O le a le “fua” e faaalia ai o loo e pipii i le vine, lea e faatusa ia Iesu Keriso?

Ioane 17

Ua puluvaga Iesu Keriso mo Ona soo.

O afioga a Iesu o loo tusifaamaumau i le Ioane 17 ua lauiloa o le Tatalo o le Faatoga. I le tatalo lea, sa tatalo atu ai Iesu mo Ana Aposetolo ma “i latou foi o le a talitonu ia te [Ia] e ala ia latou upu” (Ioane 17:20). O lona uiga sa tatalo o Ia mo oe O le a le mea na talosagaina e Iesu mai Lona Tama mo oe ma isi tagata talitonu uma? O le a se mea o aoao atu ia te oe e uiga i Ona lagona mo oe?

O lea tatalo o loo aoao mai ai foi upumoni loloto faavavau. O a isi upumoni ua e maua? A o e faitau i lenei mataupu, mafaufau e tusifaamaumau mea ua e iloa e uiga i mea nei:

Tatalo
O le faia a le Faaola ma Lona Tama
O le faia a le Faaola ma Ona soo
O le ala e tatau ai ona ese soo mai le lalolagi
Isi upumoni e tu matilatila mai ia te oe

Ioane 17:11, 21–23

O Le Tama Faalelagi ma Iesu Keriso o ni Tagata Mavaevae

I Lana tatalo i le Ioane 17, sa faamamafa ai e Iesu Lona autasi ma le Tama. O a auala e “tasi” ai le Tama ma le Alo? (Ioane 17:11, 21–23). Ia manatua, na tatalo le Faaola ia tasi Ona soo “e faapei”—pe i le ala lava e tasi—ua tasi ai o Ia ma Lona Tama (Ioane 17:22). O le a le uiga o lena mea ia te oe? Mafaufau i au faia—mo se faataitaiga, ma lou toalua po o isi tagata o le aiga, ma tagata o le uarota, ma isi uso Kerisiano. E mafai faapefea ona outou galulue agai atu i le ituaiga tasi o loo i ai ia Iesu ma le Tama?

Tagai foi Quentin L. Cook, “Loto ua Fili Faatasi i le Amiotonu ma le Lotogatasi,” Liahona, Nov. 2020, 18–22; Sharon Eubank, “O Le Soofaatasi o Lagona Tatou Te Maua Ai le Mana Mai le Atua,” Liahona, Nov. 2020, 55–57.

Ata

aikona o suesuega faaleaiga

Manatu mo Suesuega Faaleaiga o Tusitusiga Paia ma Afiafi Faaleaiga

Ioane 14:5–6.E ono fiafia tagata o le aiga e feauauai e taitai le tou aiga i se savaliga i se ala. E faapefea ona avea le Faaola “ma ala”? O fea o Ia taitaia i ai tatou?

Ioane 14:26–27.E faapefea ona ese le manuia [filemu] o Iesu mai le ituaiga lea e “avatu e le lalolagi”? E mafai e tagata o le aiga ona faasoa mai auala na latou maua ai le filemu ma le mafanafana e ala mai i le Agaga Paia.

Ioane 15:1–8.Atonu e malie le faitau o nei fuaiupu i fafo i talaane o se vine, se laau, po o se isi laau toto. O le a le mea e tupu i se lala laau pe a aveese mai le laau? E mafai ona outou talanoa i le pei o i tatou o lala laau ma le uiga o le “tumau” i le Faaola ma “fua [mai].”

Ioane 15:17–27; 16:1–7.Aisea e te manatu ai sa lapataia e Iesu Keriso Ona soo e uiga i sauaga? O faapefea ona sauaina soo o Keriso i aso nei? E mafai faapefea e fautuaga a le Faaola i nei fuaiupu ona fesoasoani ia i tatou i le feagai ai ma sauaga?

Ioane 16:33.Na faapefea ona faatoilalo e Keriso le lalolagi? Ua faapefea ona aumaia e Lana Togiola ia i tatou le filemu ma le fiafia? (tagai foi Mataupu Faavae ma Feagaiga 68:6).

Ioane 17:21–23.O le a se mea o le a fesoasoani i lou aiga e aoao ai i auala ia atili tasi ai e pei o Iesu Keriso ma le Tama Faalelagi? Atonu e mafai ona tou talanoa e uiga i se au taalo e sili ona tou fiafia i ai ma le ala latou te galulue faatasi ai i se sini fai faatasi. Pe e mafai ona tou faalogologo i se aufaipese po o se aufaili ma talanoa i le ala e autasi ai le au fai musika e fatu ai musika matagofie.

Mo nisi manatu mo le aoaoina atu o le fanau, tagai i le otootoga o lenei vaiaso i le Sau, Mulimuli Mai ia te A’u—Mo le Peraimeri.

Pese fautuaina: “O Le Agaga Paia,” Tusipese a Tamaiti, 56.

Faaleleia o Lo Tatou Aoao Atu

Faaaoga lipine faalogologo. A o e aoao atu lou aiga i mau, mafaufau e faalogologo i lipine o tusitusiga paia, o loo maua i le ChurchofJesusChrist.org po o le polokalama o le Gospel Library. O le faalogologo i le Ioane 14–17 e mafai ona faapitoa le mamana aua o loo i ai i nei mataupu le anoanoai o afioga a le Faaola.