Tshisakidilu Tshia C

Bua Tshilongelu tshia Mbedi—Maludiki bua Diba dia Kuimba ne Dileja Bana mu Tshisangilu tshia Biakudia bia Tshijila

Misambu ya tshijila idi tshiamua tshia bukola bua kuambuluisha bana balonga pa dilongolola dia disanka dia Tatu wa mu Diûlu ne malelela a nshindamenu a lumu luimpa lua Yezu Kilisto. Padi bana bimba misambu ya nshindamenu ya lumu luimpa, Nyuma wa Tshijila neajadika bua bulelela buayi; Miaku ne misambu nebishala mu meji ne mu mitshima ya bana mu matuku a moyo abu.

Keba diambuluisha dia Nyuma pawudi udilongolola bua kulongesha lumu luimpa kupitshila ku misambu. Fila bujadiki bueba bua malelela awudi wimba. Ambuluisha bana bua bamona mushindu udi misambu ifuanangana ne bidibu balonga ne bamanya ku nzubu ne mu tulasa tua Tshilongelu tshia Mbedi.

Maludiki bua Dileja mu Tshisangilu tshia Biakudia bia Tshijila.

Ku bulombodi bua muepiskopo, dileja bana mu tshisangilu tshia biakudia bia tshijila didi bulelela dienzeka munkatshi mua ngondu isatu ya ndekelu wa tshidimu. Bu bulombodi bukulu bua Tshilongelu tshia Mbedi ne muludiki wa misambu, kuatayi mudimu ne mufidi wa mibelu mu buepiskopo udi utangila Tshilongelu tshia Mbedi bua kulongolola Dileja.

Dileja didi mua kuanyishila bana bua kuleja bôbu ne mêku abu bidibu balonga mu Dipungila Dikulukulu mu dîku ne mu Tshilongelu tshia Mbedi, biangata misambu ya Bana idibu bimba munda mua tshidimu tshijima. Bu munudi nulongolola dileja, elayi meji pa mishindu idi mua kuambuluisha nsangilu bua kuimanyina pa Mupandishi ne malongesha enda.

Bikongu bidi ne bungi bukesa bua bana bidi mua kupangadika mishindu idi bidimba bia dîku mua kuenza pamua ne bana babu. Tshidimba tshia buepiskopo tshidi mua kujikija tshisangilu ne difila tulema tukesa.

Pawudi ulongolola dileja, vuluka maludiki â:

• Meba a didilongolola kaena mua kuangata diba kupita tulasa tua Tshilongelu tshia Mbedi anyi mêku.

• Bintu bidi bimueneka, bivualu, ne maleja pa media kabiena bianyishibua bua tshisangilu tshia biakudia bia tshijila.

Tangila Mukanda Munena wa Maludiki: Disadila mu Ekelezia wa Yezu Kilisto wa Bansantu ba Matuku a Ndekelu, 12.2.1.2, Tshisangi tshia Mikanda ya Lumu Luimpa.

Maludiki bua Diba dia Kuimba

Minuta 5 (bulombodi bukulu bua Tshilongelu tshia Mbedi): Disambila dia ntuadijilu, mufundu ne tunungu tua ditabuja, ne muyuki.

Minuta 20 (Mulombodi wa misambu): Diba dia Kuimba

Bulombodi bukulu bua Tshilongelu tshia Mbedi ne mulombodi wa misambu badi basungula misambu bua ngondu yonsu bua kukolesha nshindamenu idi bana balonga mu tulasa tuabu ne ku nzubu. Lista wa misambu idi ikolesha nshindamenu eyi udi muela mu buludiki ebu.

Pawudi ulongesha bana misambu, babikila bua kuamba bikadibu balonga pa miyuki ne nshindamenu ya dilongesha idi musambu ulongesha. Bikila bana bua kuamba ngenyi ne ngumvuilu pa malelela adi mapetshibua mu misambu.

Mukanda wa misambu ya Bana udi tshiambuluishi tshia misambu ya Tshilongelu tshia Mbedi. Misambu ya mu mukanda wa misambu ne misambu ya mu Mulunda idi kabidi ikumbana. Udi kabidi mua kuimba misambu idi mu Hymns—For Home and Church. Dienzela dia musambu mukuabu kudi Tshilongelu tshia Mbedi didi ne bua kuikala dianyishibua kudi buepiskopo (tangila Mukanda Munena wa Maludiki, 12.3.4).

Misambu bua Diba dia Kuimba

Ngondu wa Kumpala

• “My Heavenly Father Loves Me,” Mukanda wa Misambu ya Bana, 228–29

• “I Will Follow God’s Plan,” Mukanda wa Misambu ya Bana, 164–65

Ngondu Muibidi

• “Follow the Prophet,” Mukanda wa Misambu ya Bana, 110–11

• “A Child’s Prayer,” Mukanda wa Misambu ya Bana, 12–13

Ngondu Muisatu

• “Kindness Begins with Me,” Mukanda wa Misambu ya Bana, 145

• “I Need Thee Every Hour,” Hymns, no. 98

Ngondu Muinayi

• “Gethsemane,” Tshisangi Tshia Mikanda ya Lumu Luimpe

• “Keep the Commandments,” Mukanda wa Misambu ya Bana, 146

Ngondu Muitanu

• “Miaba ya Tshijila,” Tshisangi Tshia Mikanda ya Lumu Luimpe

• “As I Search the Holy Scriptures,” Hymns, no. 277

Ngondu Muisambombu

• “I Will Be Valiant,” Mukanda wa Misambu ya Bana, 162

• “Love One Another,” Mukanda wa Misambu ya Bana, 136

Ngondu wa Muanda Muteketa

• Search, Ponder, and Pray,” Mukanda wa Misambu ya Bana, 109

• “I Pray in Faith,” Mukanda wa Misambu ya Bana, 14

Ngondu wa Muanda Mukulu

• Dare to Do Right,” Mukanda wa Misambu ya Bana,158

• “I Feel My Savior’s Love,” Mukanda wa Misambu ya Bana, 74–75

Ngondu wa Tshitema

• “Teach Me to Walk in the Light,” Mukanda wa Misambu ya Bana, 177

• “Love Is Spoken Here,” Mukanda wa Misambu ya Bana, 190–91

Ngondu wa Dikumi

• “Seek the Lord Early,” Mukanda wa Misambu ya Bana, 108

• “I Lived in Heaven,” Mukanda wa Misambu ya Bana, 4

Ngondu wa Dikumi ne Umua

• “Families Can Be Together Forever,” Mukanda wa Misambu ya Bana, 188

• “Choose the Right,” Hymns, no. 239

Ngondu wa Dikumi ne Muibidi

• “We’ll Bring the World His Truth,” Mukanda wa Misambu ya Bana, 172–73

• “The Hearts of the Children,” Mukanda wa Misambu ya Bana, 92–93

Dienzela Misambu bua Kulongesha Dilongesha

Diba dia kuimba didi ne kipatshila ka kuambuluisha bana bua kulonga malelela a lumu luimpa. Ngenyi idi ilonda eyi idi mua kukupesha meji a nyuma pawudi ulongolola mishindu ya kulongesha nshindamenu ya lumu luimpa mipeta mu misambu ne misambu ya Tshilongelu tshia Mbedi.

Bala mifundu idi ipetangana. Bua misambu ya bungi ya mu Mukanda wa Misambu ya Bana ne mukanda wa misambu, idi ipetangana ne mifundu idi mitela. Ambuluisha bana bua kubala imua ya ku bitupa bia mifundu eyi, ne akula pa mushindu udi mifundu ipetangana ne misambu. Udi kabidi mua kufunda tshikebelu tshia mifundu ku tshibasa ne kubikila bana bua kutuangaja mufundu onsu ku musambu anyi kanungu ku musambu.

Uwuja pa muaba mutupu. Funda kanungu ka musambu ku tshibasa ne mêyi a mushinga adi mapangika. Pashisha lomba bana bua bimba musambu, kumvua miaku ya kuwuja mu miaba mitupu. Padibu buwuja miaba mitupu, yukilanganayi pa tshidi nshindamenu ya lumu luimpa luwudi ulonga ku miaku mipangika.

Jadika. Fila tshikosu tshia bujadiki kudi bana pa malelela a lumu luimpa mapetshibua mu misambu ya Tshilongelu tshia Mbedi. Ambuluisha bana bua bumvua ne kuimba kudi mushindu umua udibu mua kufila bujadiki buabu ne kumvua Nyuma.

Imana bu mujadiki. Bikila bana bua kuimana muntu ku muntu ne kufila bidibu balonga ku misambu idibu bimba ne mushindu udibu bumvua pa malelela malongesha mu musambu. Bebeja mushindu kayi udibu bumvua padibu bimba musambu, ne bambuluisha bua kujandula buenzeji bua Nyuma wa Tshijila.

Enzela bimfuanyi. Lomba bana bua bakuambuluisha bua kupeta anyi kuenza tshimfuanyi tshidi tshipetangana ne miaku ya mushinga anyi biambilu mu musambu. Babikila bua kuleja mushindu udi bimfuanyi bipetangana ne musambu ne tshinyi tshidi musambu ulongesha. Tshilejilu, pawudi ulongesha musambu “When He Comes Again” (Mukanda wa Misambu ya Bana, 82–83), udi mua kuteka bimfuanyi mu tshibambalu tshidi tshileja miaku ya mushinga mu musambu (bumudi banjelo, dibungi, ne mutoto). Balomba bua kusangisha bimfuanyi ne kubiteka mu mulongo padibu bimba musambu pamua.

Leja tshintu tshia dilongesha. Udi mua kuenzela tshintu bua kufila meji a nyuma mu diyukila pa musambu. Tshilejilu, panudi nuimba musambu “My Heavenly Father Loves Me” (Children’s Songbook, 228–29), udi mua kuleja bana tshimfuanyi tshia bintu bumudi kanyunyi, mvula, anyi bilongu. Tshidi mua kutuma ku diyukilangana pa mushindu utudi tupeta bimanyinu bia dinanga dia Tatu wa mu Diûlu bua bonsu badi batunyunguluka.

Bikila bua difila mamanya a nkaya. Ambuluisha bana bua kutuangaja nshindamenu milongesha mu musambu ne mamanya adibu bapeta mu nshindamenu eyi. Tshilejilu, kumpala kua kuimba musambu “I Love to See the Temple” (Children’s Songbook, 95), udi mua kulomba bana bua kujula bianza biabu padibu bamona ntempelo. Babikila, padibu bimba, bua kuela meji pa mushindu udibu bumvua padibu bamona ntempelo.

Ela nkonku. Kudi nkonku ya bungi iwudi mua kuela pawudi wimba misambu. Tshilejilu, udi mua kuebeja bana tshidibu balonga ku kanungu konsu mu musambu. Udi kabidi mua kubalomba bua kuela meji pa nkonku idi musambu wandamuna. Etshi tshidi mua kutuala ku diyukilangana pa malelela adi malongesha mu musambu.

Enzela bienzedi bipepela bia tshianza. Bikila bana bua kuela meji a bienzedi bipepela bia tshianza bua kubambuluisha bua kuvuluka miaku ne mikenji ya musambu. Tshilejilu, pawudi wimba “Search, Ponder, and PrayMukanda wa Misambu ya Bana109), udi mua kubikila bana bua kutua munu pa mêsu abu padibu bimba pa dikeba dia mifundu, kutua munu pa mitu yabu padibu bimba pa dinana dia meji, ne kuvunga maboku padibu bimba pa disambila.