Tshisakidilu Tshia D

Bua Mpuilu ya Buakuidi bua Alona ne Tulasa tua Bansonga Bakaji—Bulongolodi bua Bisangilu

Dituku dia tshisangilu:

Kuludika (tshidimba tshia kalasa anyi bulombodi bukulu bua mpuilu)

Dikangula

Musambu (mpukampuka):

Disambila:

Ambulula theme wa Bansonga Bakaji theme wa Mpuilu ya Buakuidi bua Alona.

Peshanganayi ngenyi pamua

Bilombola kudi muntu udi uludika tshisangilu, kalasa anyi mpuilu bidi biangata minuta 5 anyi 10 mu dipeshangana ngenyi pa majitu abu mu mudimu wa Nzambi wa lupandu udi utuala ku dizanjikibua. Etshi tshidi diba bua kalasa anyi bulombodi bukulu bua mpuilu bua kulonda malu mayukila mu bisangilu bia bulombodi bukulu anyi bisangilu bia tshikongu bia difila ngenyi bia bansonga.

Muntu udi ulombola udi mua kuenzela lumua anyi ya bungi ya ku nkonku eyi:

Kuteka lumu luimpa mu tshienzedi

• Mamanya mashala kayi adi makankamika majadika etu a Yezu Kilisto ne Lumu luimpa luenda?

• Tshinyi tshitudi tuenza bua kusemena pabuipi ne Mupandishi? Mushindu kayi utudi tuteta bua kulua nangananga bu Yeya?

• Mushindu kayi utudi bumvua buludiki bua Mukalenga mu mioyo yetu?

Kutabalela bantu badi mu dijinga

• Nganyi utudi bumvua balombodibua bua kuambuluisha anyi kusadila? Midimu kayi itudi bapeta bua kuambuluisha muntu kampanda mu dijinga?

• Ntatu kayi idi bidimba bia kalasa anyi bia mpuilu wetu biluangana nayi? Mushindu kayi utudi mua kukuatshishangana umua ne mukuabu mu bintu bitudi tupitshila?

• Kudi muntu udi mubuela mu tshikongu tshietu matuku mashala anyi mubuela mu Ekelezia? Mushindu kayi utudi mua kubambuluisha bua badiumvua bakidibua?

Kubikila bonsu bua bapeta lumu luimpa

• Tshinyi tshitudi mua kuenza bua kuambuluisha bakuabu bumvua dinanga dia Nzambi?

• Bibilu kayi bidi bilua bitudi mua kubikila balunda betu bua balua?

• Malongolodi kayi a kutangalaja lumu luimpa mayukila mu bisangilu bia bansonga bia difila ngenyi. Mushindu kayi udi kalasa anyi mpuilu wetu mudibuinka?

Disangisha mêku bua tshiendelela

• Mishindu kayi mimpa itudi mua kutuangana ne bidimba bia mêku, biangata ba kâku ne bana betu bakuabu?

• Tshinyi tshitudi tuenza bua kupeta mêna a bankambua badi bajinga milulu ya ntempelo? Tshinyi tshiwudi mua kuenza bua kuambuluisha bakuabu bua bapeta mêna a bankambua babu?

• Mushindu kayi utudi mua kudibuinka bikola mu mudimu wa ntempelo—pa nkayetu ne mu kalasa anyi mpuilu?

Longayi pamua

Mulombodi mukulumpa anyi tshidimba tshia mpuilu anyi tshia kalasa tshidi tshilombola mubelu pa dibala dia lumingu elu lua Luaku, Undonde. Badi benzela ngenyi ya kulonga mu Luaku, Undonde—Bua mu Dîku ne mu Ekelezia. Lungenyi bua dilonga ne ikone ewu ludi lupentangana ne seminaire ne nangananga lutangila bansonga. Nansha nanku, yonsu ya ku ngenyi ya kulonga idi mua kuenjibua. Tshitupa etshi tshia tshisangilu tshidi misangu yonsu tshienzeka mu minuta 35 anyi 40.

Dikanga

Muntu udi ulombola tshisangilu:

• Udi ufila bujadiki bua nshindamenu milongesha.

• Uyukila pa mushindu udi kalasa anyi mpuilu wenzeka pa bidibu balonga—bu tshisumbu anyi muntu nkaya

Disambila: