Tshisakidilu Tshia B

Bua Tshilongelu tshia Mbedi—Kulongolola Bana bua Matuku a Moyo mu Njila wa Tshipungidi wa Nzambi

Mu Ngondu mudi matuku a Dialumingu atanu, balongeshi ba Bana mbakankamikibua bua kupingaja ndongamu mulongolola wa Luaku, Undonde ku Dialumingu dîtanu ne tshimua anyi bia bungi bia ku bibilu bia dilonga ebi.

Nshindamenu ne Milulu bia Lumu Luimpa lua Yezu Kilisto

Dilongesha dia Yezu Kilisto didi ditulongesha mushindu wa kupingana kudi Nzambi.

Pakamueneka Yezu Kilisto kudi bantu ba mu Amérique, wakabalongesha dilongesha dienda. Wakamba ne tudi mua kubuela mu bukalenga bua Nzambi patuikala ne ditabuja, bakudimuna musthima, batambuishibua, bapeta Nyuma wa Tshijila, ne bananukila tô ne ku ndekelu (tangila 3 Nefi 11:31–40; tangila kabidi Dilongesha ne Bipungidi 20:29). Bibilu bidi kuinshi ebi bidi mua kukuambuluisha bua kulongesha bana ne nshindamenu ne milulu eyi neituambuluisha bua kusemena babuipi ne Mupandishi mu matuku onsu a mioyo yetu.

Bua kulonga bia bungi pa dilongesha dia Kilisto, tangila 2 Nefi 31.

Bibilu Bidi Bikumbana

• Pesha bana bimfuanyi bidi bileja ditabuja mu Yezu Kilisto, dikudimuna mutshima, ditambuishibua, dijadikibua (tangila Gospel Art Book, nos. 1, 111, 103, ne 105). Balayi ne ambululayi ne bana kanungu kinayi ka ditabuja, ne balomba bua kukuata bimfuanyi biabu padi nshindamenu anyi mululu awu mutedibua. Ambuluisha bana bua bumvua mushindu udi nshindamenu ne milulu eyi ituambuluisha bua kulua bu Tatu wa mu Diûlu ne Yezu Kilisto.

• Mushindu kayi uwudi mua kuambuluisha bana bua bumvua ne ditabuja, dikudimuna mutshima, ditambuishibua, dijadikibua kabiena bikuma bia diba dimua kadi bidi bienzeja dikola dietu mu nyuma mu matuku etu a moyo. Tshilejilu, udi mua kubaleja tshimfuanyi tshia luteta ne mutshi munena (anyi kuzola bintu ebi ku tshibasa). Bambuluisha bua kuela meji pa bintu bidi biambuluisha luteta bua kukola kulua mutshi munena, bu mudi mâyi, buloba, ne nsesa ya diba. Bambuluisha bua kumona ne bidi bu bintu bitudi tuenza bua kusemena pabuipi ne Nzambi mu matuku etu a moyo—kuibaka ditabuja dietu mu Yezu Kilisto, kukudimuna mutshima dituku dionsu, kuenzela bipungidi bietu bia ntambu, kuangata bia kudia bia tshijila, ne kuteleja Nyuma wa Tshijila.

• Londela bana muyuki pa tshingoma tshia manaya mu mukenji wa Mukulu Dale G. Renlund “How Can Repenting Help Me Feel Happy?” (Mulunda, Ngondu wa Dikumi ne Muibidi 2017, 12–13, anyi Liahona, Ngondu wa Dikumi ne Muibidi 2017, 70–71; tangila kabidi video “Repentance: A Joyful Choice” [Tshisangi tshia Lumu Luimpa]). Mu tunungu tushilangana mu muyuki, lomba bana beba bua kuela meji pa mushindu udi Mukulu Renlund mua kuikala mumvua. Buatshinyi tudi tumvua disanka patudi tukudimuna mutshima? Abanyangana ne bana beba disanka ne dinanga biwuvua mumvua pawuvua mulomba Tatu wa mu Diûlu bua kukubuikidila.

  Repentance: A Joyful Choice

Ntambu

Yezu Kilisto wakaleja tshilejilu buanyi pakatambuishibuaye.

Nansha muvua Yezu Kilisto kayi ne bubi, wakatambuishibua bua kufila tshilejilu tshiakana tshia ditumikila kudi Tatu wa mu Diûlu (tangila 2 Nefi 31:6–10).

Bua kulonga bia bungi pa ntambu, tangila Dilongesha ne Bipungidi 20:37; Bienabualu ne Nkonku, “Baptism,” Tshisangi tshia Mikanda ya Lumu Luimpa.

Bibilu bidi bikumbana

• Leja tshimfuanyi tshia ditambula dia Mupandishi ne ditambula dia muntu mukuabu (anyi tangila Gospel Art Book, no. 35 ne nansha no. 103 anyi no. 104). Lomba bana bua bamba tshidi tshishilangana ne tshia momumua pankatshi pa bimfuanyi bibidi. Balayi pamua Matayo 3:13–17 anyi “Shapita 10: Yezu Udi Utambushibua” mu Miyuki ya Dipungila Dipia-Dipia, 26–29 (anyi video udi ufuanangana mu Tshisangi tshia Lumu Luimpa). Lekela bana bafunkuna bintu mu bimfuanyi bidibu bumvua mu miyuki eyi. Ambila bana pa dinanga dieba bua Mupandishi ne dijinga dieba dia kumulonda.

  Chapter 10: Jesus Is Baptized

• Umvuayi anyi imbayi musambu pa tambu bu mudi “When Jesus Christ Was Baptized” (Mukanda wa misambu ya Bana, 102). Tshinyi tshitudi tulonga pa ditambula mu musambu? Bala 2 Nefi 31:9–10, ne bikila bana bua kumvua buatshinyi Yezu Kilisto uvua mutambuishibua. Babikila bua kuzola tshimfuanyi tshiabu nkayabu mu dituku diabu dia ntambu.

Ndi mua kusungula bua kuenza tshipungidi ne Nzambi ne kutambuishibua.

Didilongolola bua ntambu didi diumvuija bia bungi kupita didilongolola bua tshikuma. Bidi biumvuija didilongolola bua kuenza tshipungidi ne pashisha kulama tshipungidi atshi bua matuku a moyo. Nana meji pa mushindu uwudi mua kuambuluisha bana bua bumvua tshipungidi tshienzabu ne Tatu wa mu Diûlu padibu batambuishibua, bidi kabidi biangata milayi idiye wenza ne milayi idibu benza.

Bibilu bidi bikumbana

• Umvuija ne tshipungidi tshidi mulayi pankatshi pa muntu ne Tatu wa mu Diûlu. Patudi tudienzeja bua kulama milayi kudi Nzambi, Nzambi udi ulaya bua kutubenesha. Funda ku tshibasa Milayi Yanyi kudi Nzambi ne Milayi ya Nzambi Kûndi. Balayi pamua Mosiya 18:10, 13 ne Dilongesha ne Bipungidi 20:37, ne ambuluisha bana bua kuenza liste wa milayi idibu bapeta muinshi mua mitu ya mikanda idi ipetangana (tangila kabidi Dallin H. Oaks, “Your Baptism Covenant,” Mulunda, Ngondu Muibidi. 2021, 2–3). Leja mushindu udi Tatu wa mu Diûlu mukubenesha pawudi udienzeja bua kulama tshipungidi tshieba tshia ntambu.

• Leja bana bimfuanyi bia bintu bivua Yezu Kilisto muenza munkatshi mua mudimu wenda (bua bilejilu bia bungi, tangila Gospel Art Book, nos. 33–49). Ambila bana bayukilangana pa tshidi Yezu wenza mu tshimfuanyi tshionsu. Bala Mosiya 18:8–10, 13, ne bikila bana bua kumvua mishindu inayi idibu muakulama tshipungidi tshia tambu (tangila kabidi “The Baptism Covenant,” Liahona, Ngondu wa Muandamukulu 2023, 10-11). Mushindu kayi udi tshipungidi tshia tambu tshienzeja malu etu matuku onsu? Bikila bana bua kuzola tshimfuanyi tshia bobu nkayabu bambuluisha muntu kampanda mu mushindu uvua Yezu mua kuenza.

Dijadikibua

Pandi ntambuishibua ne njadikibua, ndi ndua tshidimba tshia Ekelezia wa Yezu Kilisto wa Bansantu ba Matuku a Ndekelu.

Kulua tshidimba tshia Ekelezia wa Yezu Kilisto wa Bansantu ba Matuku a Ndekelu kudi kututuadila mabenesha a bungi, kuangata mushindu wa bana benda bua dikala bakuatshi ba mudimu wa Nzambi.

Bibilu Bidi Bikumbana

• Bikila muntu kampanda udi mutambuishibua mu matuku makesa mashala ne mujadikibua bua kulua mu kalasa ne kuamba tshivua dijadika difuanyikija. Lomba muntu ewu bua kuakula pa tshidi kulua tshidimba tshia Ekelezia wa Yezu Kilisto wa Bansantu ba Matuku a Ndekelu tshiumvuija buenda. Ambuluisha bana bela meji pa mishindu ya kulama tshipungidi tshiabu bu tshidimba tshia Ekelezia. Leja mushindu udi dienza bintu ebi bikuambuluisha bua kumvua disanka dia kuikala tshidimba tshia Ekelezia wa Kilisto.

• Leja tshimfuanyi tshia bantu mu Mâyi a Molomo (tangila Gospel Art Book, no. 76), ne lomba bana bua kumvuija tshidibu bamona mu tshimfuanyi. Londa muyuki wa Alama ne bantu benda bikala batambuishibua momu (tangila Mosiya 18:1–17; “Alama ku Mâyi a Molomo,” mu Miyuki ya mu Mukanda wa Molomo). Tangununa Mosiya 18:8–9 ne bikila bana bua kuenza malu bua kubambuluisha bua kuvuluka bintu bidi bantu basua bua kuenza bu bidimba bia Ekelezia wa Kilisto. Abanya dimanya dia pawuvua mujadika bua bidimba bia Ekelezia bisadila mu mishindu eyi.

  Alma at the Waters of Mormon

Pandi njadikibua, ndi mpeta dipa dia Nyuma wa Tshijila.

Patudi tutambuishibua ne tujadikibua, Tatu wa mu Diûlu udi ulaya ne tudi mua kuikala ne Nyuma wenda netu misangu yonsu. (Dilongesha ne Bipungidi 20:77). Dipa edi dimpa dia kudi Nzambi didi dibikidibua dipa dia Nyuma wa Tshijila.

Bua kulonga bia bungi pa dipa dia Nyuma wa Tshijila, tangila Gary E. Stevenson, “Promptings of the Spirit,” Liahona, Ngondu wa Dikumi ne umua 2023, 42–45; Topics and Questions, “Gift of the Holy Ghost,” Tshisangi tshia Lumu Luimpa.

Bibilu Bidi Bikumbana

• Bala Dilongesha ne Bipungidi 33:15, ne lomba bana bua bumvua dipa dia pabuadi didi Tatu wa mu Diûlu utupesha patudi tutambuishibua ne tujadikibua]. Bua kubambuluisha bia bungi pa mushindu watuambuluisha Nyuma wa Tshijila, tangununayi pamua Yone 14:26; Galatiya 5:22–23; 2 Nefi 32:5; 3 Nefi 27:20. Tangila kabidi L. Whitney Clayton, “The Finest Homes,” Liahona, Ngondu Muitanu 2023, 18–19.

• Kumpala kua kalasa, lomba baledi ba muana umua anyi ba bungi bua kuleja mushindu utubu babeneshibua bualu badi ne dipa dia Nyuma wa Tshijila. Mushindu kayi udiye ubambuluisha? Mushindu kayi udibu bateleja dîyi Dienda?

• Imbayi pamua musambu pa Nyuma wa Tshijila “The Holy Ghost” (Mukanda wa Misambu ya Bana, 105). Ambuluisha bana bua kumvua tshidi musambu utulongesha pa mushindu udi Nyuma wa Tshijila mua kutuambuluisha.

Nyuma wa Tshijila udi mua kuakula kundi mu mishindu ya bungi.

Bana badi mua kumanya dîyi dia Nyuma nebikala badilongolola bua kupeta dibuluila dia nkaya bua kubaludika mu matuku a moyo abu. Bambuluisha bua kumvua ne kudi mishindu ya bungi idi Nyuma wa Tshijila mua kuakula kutudi.

Bibilu Bidi Bikumbana

• Ambuluisha bana bua kuela meji pa mishindu mishilangana itudi mua kuakula kudi mulunda udi musombela kula netu, bu mudi kufunda mukanda, kutuma mail, kuyukila nenda ku kamua. Balongesha ne Tatu wa mu Diûlu udi mua kuakula kutudi mu mishindu mishilangana kupitshila ku Nyuma wa Tshijila. Enzela mukenji wa Mulombodi Mukulu “How Does Heavenly Father Speak to Us?” bua kuambuluisha bana bua bumvua mishindu mishilangana idi Nyuma wa Tshijila mua kuakula kutudi mu meji ne mitshima yetu (Mulunda, Ngondu Muisatu 2020, 2–3, anyi Liahona, Ngondu Muisatu 2020, F2–F3).

• Akula pa dimanya dia tshikondu tshivua Nyuma wa Tshijila muyukila neba, nansha kupitshila ku ngenyi ya mu meji eba anyi kupitshila ku ngumvuilu ya mutshima weba (tangila Dilongesha ne Bipungidi 6:22–23; 8:2–3; tangila kabidi Henry B. Eyring, “Open Your Heart to the Holy Ghost,” Mulunda, Ngondu wa Muanda Mukulu 2019, 2–3, anyi LiahonaNgondu wa Muanda Mukulu 2019, F2–F3). Jadika kudi bana ne Nyuma wa Tshijila udi mua kubambuluisha mu mushindu wa momumua

• Ambuluisha bana bua kumanya bikondu bidibu bumvua nyuma—tshilejilu, pawudi wimba musambu pa Mupandishi anyi pawudi wenzela bakuabu bualu buimpa. Bambuluisha bua bamanya ngumvuilu ya nyuma idi Nyuma wa Tshijila utuala, nangananga minunganyi yenda bua kuenza bualu. Buatshinyi udi wela meji ne Nyuma wa Tshijila udi utupesha ngumvuilu eyi? Ambuluisha bana bua kuela meji a bintu bitudi nabi dijinga bua kuenza bua kumvua Nyuma wa Tshijila wakulua kutudi. Akula pa tshiwudi wenza bua kumvua Nyuma bimpa.

Biakudia bia Tshijila

Pandi ngangata biakudia bia tshijila, ndi mvuluka mulambu wa Mupandishi ne ngenzulula bipungidi bianyi.

Musangu yonsu utudi tuangata biakudia bia tshijila, tudi tulaya kabidi bua kuangata dina dia Mupandishi pa mutu wetu, bua kumuvuluka, ne bua kulama mikenji yenda.

Bua kulonga bia bungi, tangila Matayo 26:26–30; 3 Nefi 18:1–12; Dilongesha ne Bipungidi 20:77, 79.

Bibilu Bidi Bikumbana

• Bikila bana bua kulaba dikala pa “Jesus Introduced the Sacrament to the Nephites” mu Scripture Stories Coloring Book: Book of Mormon (2019), 26. Balomba bua kutua munu pa tshidi bantu bela meji pa tshimfuanyi. Badila bana tutupa tua 3 Nefi 18:1–12 anyi “ Jesus Christ Teaches about the Sacrament ,” mu Muyiki wa Mukanda wa Molomo, 126–27 (anyi mona video udi ufuanangana mu Tshisangi tshia Lumu Luimpa). Tshinyi tshitudi mua kuenza bua kuvuluka Yezu Kilisto munkatshi mua biakudia bia tshijila?

• Lomba bana bua bamba bintu kampanda bidibu mua kuvuluka misangu yonsu, bu mudi kusuika bisabata biabu anyi kusukula bianza biabu kumpala kua bobu kudia. Buatshinyi bidi ne mushinga bua kuvuluka bintu ebi? Badila bana Moloni 4:3 , ne babikila bua kumvua tshitudi tulaya bua kuvuluka misangu yonsu patudi tuangata biakudia bia tshijila. Buatshinyi bidi ne mushinga bua kuvuluka Yezu Kilisto? Ambuluisha bana bua bumvua mushindu udi diampa ne mâyi a biakudia bia tshijila bituambuluisha bua kuvuluka tshidi Yezu muenza buetu (tangila Moloni 4:3; 5:2).

• Funda ku tshibasa ne “ndi ndaya …” bua kubadila bana disambila dia biakudia bia tshijila (tangila Dilongesha ne Bipungidi 20:77, 79). Padibu bumvua mulayi utudi tuenza kudi Nzambi, imanyika ne bambuluisha bua kukumbaja tshiambilu ku tshibasa ne mulayi uvuabu bumvua.

• Kuangata pamutu petu dîna dia Yezu Kilisto kudi kumvuija tshinyi? Bua kuambuluisha bana bua bandamuna lukonku elu, fila tshilejilu tshia tshintu kampanda tshitudi tutekela mêna etu. Buatshinyi tudi tuteka mêna etu pa bintu ebi? Buatshinyi Yezu Kilisto mmusua bua tuteka dîna dienda pa mitu yetu? Ela meji bua kufila diumvuija edi dia kudi Mulombodi Mukulu Russell M. Nelson: Kuangata dîna dia Mupandishi pamutu petu kudi kuangata dimanyisha ne dijadika kudi bakuabu—kupisthila ku bienzedi bietu ne mêyi etu—ne Yezu udi Kilisto (“The Correct Name of the Church,” Liahona, Ngondu wa Dikumi ne umua 2018, 88).

Bukola bua Buakuidi, Bukokeshi, ne Nsapi

Nzambi udi ubenesha bana benda kupitshila ku bukola bua buakuidi.

Bana bonsu ba Nzambi—baluma ne bakaji, bana ne bakulumpa—badi bapeta bukola bua Nzambi padibu balama bipungidi bidibu benza nenda. Tudi tuenza bipungidi ebi patudi tupeta milulu ya buakuidi bu mudi ntambu (tangila Mukanda Munena wa Maludiki: Disadila mu Ekelezia wa Yezu Kilisto wa Bansantu ba Matuku a Ndekelu, 3.5, 3.6, Tshisangi tshia Lumu Luimpa). Bua kulonga bia bungi, tangila Russell M. Nelson, “Spiritual Treasures,” Liahona, Ngondu wa Dikumi ne umua 2019, 76–79; “Priesthood Principles,” chapter 3 mu Mukanda Munena wa Maludiki.

Bibilu Bidi Bikumbana

• Ambuluisha bana bua kufunda mabenesha adibu bapeta kupitshila ku buakuidi. Bua kubapesha ngenyi kampanda, udi mua kubaleja video wa “Blessings of the Priesthood” (Tshisangi tshia Lumu Luimpa). Ela meji bua kufunda mabenesha â ku tshibasa. Buatshinyi mabenesha â adi ne mushinga? Jadika ne mabenesha â adi alua kutudi kupitshila ku Yezu Kilisto ne buakuidi buenda.

  Blessings of the Priesthood

• Ambuluisha bana bua bapeta bimfuanyi bidi bileja mushindu udi Nzambi wenzela bukola Buenda bua kutubenesha. Tshilejilu, badi mua kupeta tshimfuanyi tshia buloba budiye mufuka buetu, bilejilu bia diondapa disama, ne milulu ya tshijila idiye mutupesha (tangila Gospel Art Book nos. 3, 46, 104, 105, 107, 120). Leja buatshinyi udi ne disakidila bua buakuidi ne mabenesha adibu butuala. Ambuluisha bana bua bela meji ku mamanya padibu babeneshibua kudi bukola bua buakuidi bua Nzambi.

• Umua wa ku mishindu minena itudi tupeta mabenesha a bukola bua Nzambi mu mioyo yetu udi kupitshila ku milulu ya buakuidi. Bua kuambuluisha bua bana balonga bulelela ebu, udi mua kufunda mulongo wa mifundu idi ilonda eyi ku tshibasa 3 Nefi 11:21–26, 33 (ntambu); Moloni 2 (dijadika); Moloni 4–5 (biakudia bia tshijila). Bana bonsu badi mua kusungula umua wa ku mifundu eyi ne kujandula mululu udiwu umvuija. Bikila bana bua kuleja mushindu udibu nkaya babeneshibua ku dipeta milulu ya buakuidi.

• Ambuluisha bana bua kumvua ne nebapeta bukola bua kudi Nzambi padibu batambuishibua ne balama tshipungidi tshia ntambu. Ebeja bana mushindu udi bukola ebu mua kubambuluisha.

Mudimu wa Nzambi udi muludika kudi nsapi ya buakuidi ne mukumbaja ku bukokeshi bua buakuidi.

Misangu yonsu idibu bajidila muntu bua dibikila anyi mutumibua bua kuambuluisha mu mudimu wa Nzambi, udi mua kuenzela bukokeshi bumupesha bua buakuidi. Bua kukumbaja, bidimba biluma bikezuka bia Ekelezia bidi mua kuikala bijidibua ku mudimu mu buakuidi. Bua kuenzela bukokeshi bonsu bua buakuidi mu Ekelezia bidi bilombola kudi bantu badi ne nsapi ya buakuidi, bu mudi mulombodi mukulu wa dikunji, muepiskopo, ne balombodi bakulu ba mpuilu. Nsapi ya buakuidi idi bukokeshi bua kuludika dienzela dia buakuidi mu kuenza mudimu wa Mukalenga.

Bibilu Bidi Bikumbana

• Bala ne bana Mâko 3:14–15, ne baleja mushindu udi tshimfuanyi tshia tshikuma tshiumvuija momu (bu mudi Gospel Art Book, no. 38). Ebeja bana pikalabu bakatu bamôna muntu kampanda mujidibua bua dibikila anyi mujidibua ku mudimu wa buakuidi (bambila pa mamanya awutu mupeta). Munyi mudi etshi tshifuanangana ne tshivua Mupandishi muenza ne Bapostolo Benda? Ambuluisha bana bua kufunda ku tshibasa mabikila anyi midimu ya buakuidi idi mua kuikala mifila kudi bidimba bia Ekelezia, bu mudi mulongeshi anyi mulombodi mu tshisumbu. Pabuipi ne dibikila dionsu anyi mudimu, udi mua kufunda tshidi muntu ne dibikila adi anyi mudimu ne bukokeshi bua kuenza. Ambila bana mushindu udi dibikidibua kudi muntu ne buludiki bua nsapi ya buakuidi dimuambuluisha bua kusadila.

• Bikila bana bua kuela meji pa tshintu kampanda tshiwudi ujingila nsapi, bu mudi mashinyi anyi tshîbi. Tshinyi tshidi tshipitakana pawudi kuyi ne nsapi? Balayi pamua Dilongesha ne Bipungidi 65:2, ne abanya bujadiki bueba bua mushinga wa kuikala ne nsapi ya buakuidi. Nudi kabidi mua kutangila video “Where Are the Keys?” (Tshisangi tshia Lumu Luimpa) ne keba tshidi Mukulu Gary E. Stevenson ulongesha pa nsapi ya buakuidi.

  Where Are the Keys?

Ntempelo ne Dilongolola dia Disanka

Ntempelo udi nzubu wa Mukalenga.

Ntempelo idi tshitupa tshia dilongolola dia disanka dia Tatu wa mu Diûlu bua Bana Benda. Mu ntempelo, tudi tuenza bipungidi bia tshijila nenda, tudi tupeta diambika ne bukola bua buakuidi, tupeta dibuluila, tuenza milulu ya tshijila bua bankambua badi bafua, ne tusuikibua kudi mêku etu bua tshiendelela. Bionsu ebi bidi bipepela kupitshila ku Yezu Kilisto ne mulambu wenda wa bupikudi.

Mushindu kayi uwudi mua kuambuluisha bana bawudi ulongesha bua kumanya ngikadilu wa tshijila wa nzubu wa Mukalenga ne kudilongolola bua kuikala bakumbana bua kuenza milulu ya ntempelo. Ela meji bua kutangununa biambuluishi ebi: Russell M. Nelson, The Temple and Your Spiritual Foundation; ,” Liahona, Ngondu wa Dikumi ne Umua 2021, 93–96; “Why Latter-day Saints Build Temples,” temples.ChurchofJesusChrist.org.

Ntempelo idi tshitupa tshia dilongolola dia disanka dia Tatu wa mu Diûlu bua Bana Benda.

Bibilu Bidi Bikumbana

• Leja tshimfuanyi tshimua anyi bia bungi bia ntempelo. Ebeja bana bua bamba tshidi tshienza ntempelo muaba wa pabuawu. Leja ne pa ntempelo yonsu padi mufundu ewu: “Tshijila kudi Mukalenga—Nzubu wa Mukalenga.” Ebeja bana bua bamba tshidibu bela meji pa tshidi “Tshijila kudi Mukalenga” tshiumvuija. Buatshinyi ntempelo udi mubikidibua nzubu wa Mukalenga? Tshinyi tshiditshi tshitulongesha pa ntempelo? Pikala umua wa ku bana ukatu muya ku ntempelo, badi kabidi mua kuleja mushidu wakumvuabu pavuabu momu. Pawikala ukatu mubuela mu ntempelo, leja mushindu uwutu mumvua dikala dia Mukalenga momu, ne akula bua tshinyi ntempelo udi muaba wa tshijila kuwudi.

• Balayi pamua Dilongesha ne Bipungidi 97:15–17. Lomba bana bua kukeba tshidi Mukalenga utekemena kudi bantu badi babuela mu nzubu wa tshijila. Buatshinyi tudi balombibua bua kuikala bakezuka bua kubuela mu nzubu wenda? Bu tshitupa tshia muyuki ewu, akula kudi bana pa dianyisha dia kubuela mu ntempelo, biangata mushindu wa kudipeta. Udi mua kubikila tshidimba tshia buepiskopo bua kubambila tshidi muyuki wa dianyisha dia kubuela mu ntempelo umvuija ne nkonku idi miela momu.

Mu ntempelo, tudi tuenza bipungidi ne Nzambi.

Mulombodi Mukulu Russell M. Nelson wakalongesha ne “Yezu Kilisto udi utubikila bua kuenza njila wa tshipungidi bua kupingana ku nzubu kudi Baledi betu ba mu Diûlu ne bonsu batudi bananga” (“Luaku, Undonde,” Liahona, Ngondu Muitanu 2019, 91). Ambuluisha bana bua bumvua ne njila wa tshipungidi udi wangata ditambula, dijadikibua, ne diambika dia mu ntempelo ne disuikibua.

Bibilu Bidi Bikumbana

• Lomba bana bua bakuambuluisha bua kutangununa tshipungidi tshitudi tuenza ne Nzambi patudi tutambuishibua ne tuenzulula patudi tuangata biakudia bia tshijila (tangila Mosiya 18:10; Dilongesha ne Bipungidi 20:77, 79). Leja tshimfuanyi tshia ntempelo, ne umvuija ne Tatu wa mu Diûlu udi ne mabenesha a bungi adiye musua kutupesha mu ntempelo.

• Zola tshîbi tshituala ku njila. Ebeja bana buatshinyi badi bela meji ne bidi biambuluisha bua kuikala ne njila wa kuendela. Balayi pamua 2 Nefi 31:17–20, mudi Nefi ufuanyikija tshipungidi tshia ntambu ne tshîbi ne utubikila bua kutungunuka mu njila panyima pa ditambula. Kudi bipungidi bia bungi bia kuenza panyima pa ditambula, biangata bipungidi bienza mu ntempelo. Umvuija ne Mulombodi Mukulu Nelson mmubikila njila ewu ne “njila wa tshipungidi.”

Mu ntempelo, tudi mua kutambuishibua ne kujadikibua bua bankambua bakadi bafua.

Lumu luimpa lua Yezu Kilisto ludi lupepejila bana bonsu ba Nzambi bua kupingana bua kusomba nenda, nansha pikalabu bafua kabayi bamanya lumu luimpa. Mu ntempelo, tudi mua kutambuishibua ne kujadikibua bua bankambua bakadi bafua.

Bibilu Bidi Bikumbana

• Akula pa tshikondu tshivua muntu kampanda muenza tshintu bueba tshiwuvua kuyi mua kudienzela to. Bikila bana bua kuambilangana mamanya a momumua. Umvuija ne patudi tuya ku ntempelo, tudi mua kupeta milulu ya tshijila bu mudi ntambu bua bakuabu bakadi bafua. Munyi mutudi bikala bu Yezu patudi tuenza mudimu bua bafua? Tshinyi tshidiye mutuenzela tshituvua katuyi mua kudienzela?

• Bikila nsonga umua anyi ba bungi bakadi batambuishibua bua bankambua babu bua kufila dimanya diabu. Bebeja mushindu uvuabi bikala mu ntempelo. Bakankamika bua kuleja mushindu uvuabu bumvua pavuabu benza mudimu ewu bua bankambua babu.

• Zola mutshi ku tshibasa, biangata miji ne matamba. Lomba bana bua bela meji mushindu udi dîku mua kuikala bu mutshi. Leja miji Bankambua, leja matamba Bankana, ne leja mutshi Wewa. Balayi pamua tshiambilu etshi tshia Dilongesha ne Bipungidi 128:18: Tudi tumona ne katuena mua kulua bâkana kakuyi bankambua betu ne bobu pabu kabena mua kulua bâkana katuyiku. Ela nkonku bu idi ilonda eyi: “Buatshinyi tudi ne dijinga ne bankambua betu? Buatshinyi bankambua betu badi netu dijinga? Mushindu kayi uvua baledi, ba kâku, ne bankambua betu batuambuluisha?” Lomba bana bua bakeba tshitupa tshidi tshishala tshia ku Dilongesha ne Bipungidi 128:18 bua tshiambilu tshidi tshiumvuija mushindu utudi mua kuambuluisha bankambua betu.

• Ela meji bua kukuata mudimu ne baledi ba muana yonsu bua kupeta dîna dia nkambua udi dijinga ne milulu mu ntempelo (tangila FamilySearch.org).