Mukalenga Udi Mulami Wanyi, kudi Yongsung Kim Tshimfuanyi tshilenga tshia havenlight.com

Ngondu wa Muanda Mukulu 17-23: “Mukalenga udi Mulami wanyi”

Misambu 1–2; 8; 19–33; 40; 46

Katuena bamanya bushuwa uvua mufunda Misambu. Imua mbapesha mfumu Davidi, kadi bua ya bungi, bafundi kimbamanyika to. Kadi panyima pa kubala misambu, tudi tudiumvua bu tudi bamanya mioyo ya bafundi ba misambu, nansha mutudi katuyi bamanya mena abu. Tudi bamanya ne misambu ivua tshitupa tshia mushinga mu kutendelela munkatshi mua bena Isalela, ne tudi bamanya ne Musungidi uvua ubatela bikola. Mu misambu, tudi tumona mu anyima Ya bantu ba Nzambi ba kala. Tudi tumona mushindi uvuabu badiumvua bua Nzambi, ne mushindu uvuabu bapeta ditalala. Bu bena kuitabuja lelu, mu buloba bujima, tutshidi tuenzela miaku eyi mu kutendelela kuetu kua Nzambi. Bidi anu bumuvua bafundi ba Misambu ne lumonu mu yetu anyima, bualu bavua bamba mushindu utudi tudiumvua bua Nzambi, bitudi tudiabakeka, ne mushindu utudi tupeta ditalala.

Bua tshikosu tshia mukanda wa Misambu, tangila “Misambu” mu Konga Mianda wa Bibliya.

Ngenyi bua Dilonga mu Dîku ne mu Ekelezia

Misambu 1; 23; 26–28; 46

.“Ndi mueyemena … mu Mukalenga.”

Pawudi ubala Misambu, udi mua kumona misangu ya bungi mushindu udi bafundi baleja bowa, kanyinganyinga, anyi ditshina. Diumvua dia mushindu ewu didi , nansha bua bantu ba ditabuja. Kadi tshidi tshienza bua Misambu ifila meji tshia idi kabidi itupesha mushindu muimpa wa kuakaja malu, kusangisha ne dieyemena Nzambi ne muoyo mujima. Pawudi ubala Misambu 1; 23; 26–28; 46, funda:

• Dibikila ku dieyemena Mukalenga.

• Miaku idi Imuleja.

• Miaku idi ileja ditalala, bukola, ne mabenesha makuabu Adiye ufila.

• Miaku idi ileja bantu badi bamueyemena.

Tangila kabidi bimfuanyi bimpa ne bimanyinu bidi Misambu yenzela bua kulongesha pa Musungidi. Tshilejilu, mu Misambu 23, tshinyi tshidi tshiambilu bu “kulala mu mitoloka ya mashinda” anyi “mâyi matalala” (kanungu 2) tshikuvuluija? Tshinyi tshidi “tshibongo” ne “dikombu” bia busambi (kanungu 4) mua kumanyisha? Bidi mua kumvuija tshinyi bua luetu “luhanza” (kanungu 5) ludi luhongoloka?

Misambu 2; 22

Yezu Kilisto udi Masiya mulaya.

Misambu ya buni idi ileja kudi muoyo wa Yezu Kilisto pa buloba. Bena Kilisto ba tshikondu tshia Dipungila Dipiadipia bakamona abu diumvuangana edi. Ela meji bua kubala mufundi idi ilonda. Keba diumvuangana pankatshi pa miaku mu Misambu eyi ne muoyo wa Yezu Kilisto:

• Misambu 2:1–3 ne Bienzedi 4:24–28

• Misambu 2:7 ne Bienzedi 13:30–33

• Misambu 22:1 ne Matayo 27:45–46

• Misambu 22:7–8 ne Matayo 27:39–43

• Misambu 22:16 ne Luka 23:32–33

• Misambu 22:18 ne Matayo 27:35

• Misambu 31:5 ne Luka 23:46

Tshinyi tshiwudi ulonga mu diumvuangana edi? Mêyi a buprofete kayi mu mifundu ne milayi idi kayiyi mianji kukumbana? Tshinyi tshiwudi upeta mu milayi eyi tshidi tshikupesha ditekemena bua matuku atshilualua?

Misambu 8; 19; 33

“Buloba budi buwula ntenta ne buakana bua Mukalenga.“

Kubala Misambu 8; 19; 33 kudi mua kukuambuluisha bua kumona bintu bia bungi bia dikema bidi Mukalenga mufuka. Teya ntema ku mushindu uwudi udiumvua Pawudi wenza. Udi kabidi mua kujinga kuimba anyi kuela meji pa mêyi a musambu udi upetangana ne misambu eyi, bu mudi “How Great Thou Art” (Misambu, 86). Mushindu kayi udi bifukibua bia Mukalenga “biakula pa butumbi bua Nzambi” kuwudi? Misambu 19:1

Apa padi imua misambu mikuabu miangatshila mu Misambu:

• Misambu 23: “The Lord Is My Shepherd” (Hymns, no. 108)

• Misambu 23:6; 150: “Praise to the Lord, the Almighty” (Misambu, no. 72)

• Misambu 26:8: “We Love Thy House, O God” (Misambu, no. 247)

• Misambu 27:1: “The Lord Is My Light” (Misambu, no. 89)

• Misambu 33:1–6; 95:1–6: “For the Beauty of the Earth” (Misambu, no. 92)

• Misambu 37:3–9: “Be Still, My Soul” (Misambu, no. 124)

• Misambu 148: “All Creatures of Our God and King” (Misambu, no. 62)

Enzela musambu. Mulombodi Dallin H. Oaks wakamba ne: “Dimba dia misambu didi imua mishindu mimpa itudi mua kudibueja mu diumvuangana ne Nyuma wa Mukalenga. … Musambu wa tshijila udi ne mushindu wa pabuawu wa kuleja dinanga dietu bua Mukalenga. Diyukila dia mushindu ewu didi diambuluisha dinena mu kutendelela kuetu . … Misambu yetu idi ne malongesha a mushinga mukola, bayipita anu kudi mifundu mu bulelela ne tusala tuayi (“Worship through Music,” Ensign, Ngondu wa dikumi ne umua. 1994, 10, 11). Misambu kayi idi ipetangana ne Misambu iwudi mua kuteleja anyi kuimba bua kuakaja ntendelelu weba mu lumingu elu?

Misambu 19:7–11; 29

Dîyi dia Mukalenga didi ne bukola, “kusankisha mutshima.”

Mu Misambu, miaku bu bujadiki, mêyi ne mikandu, mukenji, ne dilimbuluisha idi mua kuleja dîyi dia Mukalenga. Lama mu meji pawudi ubala Misambu 19:7–11. Tshinyi tshidi kanungu aka kakulongesha pa Mukalenga ne mudimu wenda? Tshinyi tshidi Misambu 29 ikulongesha pa dîyi Dienda? Mu dimanya dieba, mushindu kayi udi muaku anyi dîyi dia Mukalenga bifuanangana ne bilejelu ebi?

Misambu 24; 26–27

Musungidi udi mua kungambuluisha bua kuikala mukezuka bua mema kubuela kumpala kua Nzambi.

Bualu ntempelo mu Yelushalema uvua muibakila pa Mukuna, tshiambilu “mukuna wa Mukalenga” (Misambu 24:3) tshidi mua kuikala tshileja ntempelo anyi kumpala kua Nzambi. Tshinyi tshidi tshikumbaja ku lumvu lueba lua Misambu 24? Tshinyi tshidi tshiumvuija kuikala ne “bianza bitoka, ne moyo mukezuka” ? (kanungu 4). Pawudi ubala Misambu 26–27, tshinyi tshikuabu tshiwudi ulonga pa nzubu wa Mukelenga?

Imua misangu, tudi mua kutêketshibua bua kumvua ne tudi ne bua kuikala bakezuka bua kubuela kumpala kua Nzambi. Panyima pa bionso tuetu bonsu tudi tuditatshisha, kakuena umua wa kutudi udi mupuangana. Ditekemena kayi diwudi upeta mu mukenji wa Mukulu David A. Bednar “Clean Hands and a Pure Heart”? Liahona, Ngondu wa Dikumi ne Umua 2007, 80–83). Mushindu kayi uwudi mua kuenzela mukenji ewu bua kuambuluisha muntu udi udiumvua mutondeshibua kudi dijinga dia kuikala mupuangana? Sungula mushindu uwudi mua kupeta diambuluisha dia Musungidi mu didienzeja dieba bua kuikala ne “bianza bitoka, ne moyo mukezuka.”

Tangila kabidi Bradley R. Wilcox, “Worthiness Is Not Flawlessness,” Liahona, Ngondu wa Dikumi ne Umua 2021, 61–67.

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga.

Ngenyi bua Kulongesha Bana

Misambu 23; 27–28; 32; 46

Mukalenga mmumpesha ditalala, bukola, ne buludiki.

• Ela meji bua kufunda Mukalenga udi … Lomba bana beba bua bakeba mishindu ya kuwuja tshiambilu atshi ne mifundu bu: Misambu 23:1; 27:1; 28:1; 28:7; 32:7; 46:1. Tunungu etu tudi tulongesha tshinyi pa mushindu udi Mukalenga ne mua kutuambuluisha?

• Udi mua kuyukila ne bana beba tshidi muana wa mukoku natshi dijinga bua ikala mu bukubi ne makanda. Pashisha, panudi nubala pamua Musambu 23, ambuluisha bana beba bua kufuanyikija tshidi mulami wa mikoku wenza bua muana wa mukoku ne tshidi Yezu utuenzela. Ntshinyi tshitudi ne bua kuenza bua kuikala mu bukubi ne makanda mu nyuma? Imbayi pamua musambu udi mua kubapesha ngenyi, bu mudi “I Feel My Savior’s Love= Ndi Ngumvua Dinanga dia Mukalenga” (mu Mukanda wa Misambu ya Bana, 74–75).

Ntempelo wa Concepción mu Chili

Misambu 24:3–4

Bua kubuela mu ntempelo, tudi ne bua kuikala ne “bianza bitoka, ne moyo mukezuka.”

• Panudi nubala Misambu 24:3 pamua, bana beba badi mua kukeba miaku idi ibavuluija ntempelo. Badi kabidi mua kutangila tshimfuanyi tshia ntempelo. Pashisha nudi mua kubala pamua kanungu 4 bua kulonga badi mua kubuela mu ntempelo. Udi mua kuakula pa mushindu udi bianza bipeta bukoya ne mushindu utudi tubisukula. Mushindu kayi utudi tupeta bukoya bua mu nyuma? Mushindu kayi udi Mupandishi ukuambuluisha bua kusukudibua mu nyuma?

Misambu 30:5

Yezu Kilisto udi mua kukudimuna dibungama mu disanka.

• Biwikala ne bana bateketa, udi mua kubambila bua benza bu badi badila pawudi ubala Misambu 30:5, “Muadi udi mua kunenga butuku bujima Pashisha bambila baleja disanka pawudi ubala, “Kadi disanka didi dilua patshiabu.” Wambulula tshiambilu etshi misangu ya bungi.

• Leja tshimfuanyi tshia Mupandishi, ne ambila bana beba tshikatuye mukuenzela tshidi tshikutuadila disanka. Udi kabidi mua kupesha muana yonsu tshipolu tshia kukuata tshimfuanyi ne kuamba tshikatu Yezu Kilisto mubenzela tshidi tshibatuadila disanka.

Misambu 46:10

“Imanayi talalâ ne manyayi ne ndi Nzambi”

• Ambuluisha bana beba bua kukuata mulongu wa kumpala wa Misambu 46:10: “Imanayi talalâ ne manyayi ne ndi Nzambi” Tshidi mua kumvuija tshinyi “Imanayi talalâ”? Pamuapa nudi mua kuikala ne ndambu wa dîba dia kulonga mua kuikala talalâ. Nudi kabidi mua kuambilangana binudi bapeta panuvua bikala “talalâ” bikolesha malanda enu ne Nzambi. Ambuluisha bana beba bua kuela meji pa misangu mu dituku ivua bu mua “kuikala talalâ“ bua kudiumvua pabuipi ne Tâtu wa mu Dîulu.

Bua ngenyi ya bungi, tangila malu a ngondu ewu a makazina a Mulunda.

Mulami Muimpa wa Mikoku, kudi Eva Timothy