Mishika nkunda Dikumi, kudi Jorge Cocco

Ngondu wa Dikumi ne Umua 17–23: Dilongololayi bua Dilua dia Mubaki

Dilongesha ne Bipungidi 133–134

Mu 1833 tshisumbu tshia baluishi tshia kabunda ne kunyanga Nzubu wa dipatula mu mabeji wa Ekelezia. Munkatshi mua midimu ivua mipatula mu mabeji mu tshikondu atshi, kuvua Mukanda wa Mikenji—kuteta kua kumpala kua Ekelezia bua kusangisha mabuluila a Nzambi a matuku a ndekelu mu mupiku umua. Tshisumbu tshia baluishi kutangalaja mabeji avua kaayi manji kuteka pamua, nansha muvua Bansantu ba dikima balama amua a ku owu, anu mabeji makesa kaayi muwuja a Mukanda wa Mikenji adi mamanyibua bua kuikala mapanduka.

Tshitudi bamanya mpindiewu bu tshitupa 133 tshia Dilongesha ne Bipungidi tshivua tshienza bua kuikala tshikumbaji kudi Mukanda wa Mikenji, bu mudi katoba ka tshikemenu kadi ku ndekelu kua mabuluila a Mukalenga mela patoka. Bidi bidimuisha ku matuku a tshilumbuluidi alua ne dikankamika bua kuenza diambulula dipetshibua mu mabuluila onsu a matuku a mpindiewu: nyêma bia mu buloba, bu mudi bimanyika bu Babulona. Kuibaka Siona. Dilongolola bua Dilua Dibidi. Ne tangalaja mukenji ewu kudi tshisamba tshionsu, tshisa tshionsu, muakulu onsu, ne bantu bonsu (kanungu 37). Mukanda kavua muanji kuedibua patoka bu muvuabi bilongolola, kadi dibuluila edi didi bishadila ne bujadiki ne Mukalenga neatungunuka bualu Nzambi nealeja bukola buenda… , ne ndekelu yonsu ya buloba neimona lupandu lua Nzambi (kanungu 3).

Ngenyi bua Dilonga mu Dîku ne mu Ekelezia

Dilongesha ne Bipungidi 133:4–14

Yezu Kilisto udi umbikila bua kubenga Babulona ne kulua mu Siona.

Ngikadilu wa nyuma udi mushilangana ne Siona udi Babulona—musoku wa kala udi mu mifundu uleja bubi ne bupika bua mu nyuma. Pawudi ubala Dilongesha ne Bipungidi 133:4–14, nana meji pa mushindu udi Mupandishi ukubikila bua kupatuka mu Babulona (kanungu 5) ne kuya mu Siona (kanungu 9). Mushindu kayi uwudi wandamuna ku dibikila edi? Tshinyi tshikuabu tshiwudi ulonga pa Siona mu mukenji wa Mukulu D. Todd Christofferson “Come to Zion”? (Liahona, Ngondu wa Dikumi ne Umua 2008, 37–40).

Dilongesha ne Bipungidi 133:1–19, 37–39

Ndi mua kudilongolola mpindiewu bua Dilua dibidi dia Mupandishi.

Bubidi buabi tshitupa 1, ntuadijilu wa Mukalenga muDilongesha ne Bipungidi, ne tshitupa 133, tshisakidilu tshilelela ku Mukanda wa Mikenji, bidi bibanga ne dibikila dia momumua dia Mukalenga kudi bantu ba mu ekelezia wenda badi ne tshia mua kuteleja (Dilongesha ne Bipungidi 1:1; 133:1). Ku misangu udi mua kulonga Dilongesha ne Bipungidi 133:1–19, 37–39 ne kuenza lista wa mikenji yidi Mukalenga ukubikila bua ku teleja bu muwudi udilongolola bua dilua dienda dibidi. Mu mushindu mukuabu, udi mua kuenza lista wa bintu bidiyi mujinga bua wenza (1) bua kudilongolola nkayeba ne (2) kuambuluisha buloba kulongolola bua dialukila dienda. Tshinyi tshiwudi ulonga ku lista eyi?

Mulombodi Mukulu Russell M. Nelson wakalongesha malelela a mushinga pa mushindu wikala buloba ne tshia mua kulua padi Mupandishi walukila—ne mushindu wa kudilongolola. Keba malelela â mu mukenji ewu “The Future of the Church: Preparing the World for the Savior’s Second Coming” (Liahona, Ngondu Muinayi 2020, 6–11). Meji kayi a nyuma awudi umvua mupeshibua bua kuenza—anyi kutungunuka kuenza bua “kulongolola buloba ku dialukila dia Mupandishi”? (“Aaronic Priesthood Quorum Theme,” Gospel Library).

Tangila kabidi Matayi 25:1–13; Russell M. Nelson, “Embrace the Future with Faith,” Liahona, Ngondu wa Dikumi ne Umua 2020, 73–76; “Come, Ye Children of the Lord,” Hymns, no. 58; Topics and Questions, “Second Coming of Jesus Christ,” Tshisangi tshia Lumu Luimpa.

Dilongesha ne Bipungidi 133:19–56

Dilua Dibidi dia Yezu Kilisto nedikala dia disanka kudi bakana.

Pawudi ubala diumvuija dia Mupandishi mu tunungu 19–56, tshinyi tshiwudi mupeta tshiwudi windila kakuyi lutulu? Miaku kayi anyi biambilu bidi biumviuja dinanga dia Mukalenga bua bantu benda? Ela meji ufunda mamanya eba a nkaya ne dinanga dimpa dia Mukalenga weba, ne bionsu bidiye mukupesha pa mutu weba mu buimpa buenda (kanungu 52).

Diumvuija ku Healer [Mondompi], kudi Kelsy ne Jesse Lightweave

Dilongesha ne Bipungidi 134

Makokeshi avua mateka kudi Nzambi bua diambuluisha dia bantu.

Malanda a Bansantu ba kumudilu ne bukokeshi kâvua mimpa to. Pavua Bansantu bipatshibua mu comté wa Jackson, Missouri, mu 1833 bavua balomba diambuluisha kudi bukokeshi bua pa muaba ne bua ku mutu ne kabakapeshibua nansha. Pa diba dimua, bantu bakuabu pambelu pa Ekelezia kuambulula malongesha pa Siona bua kumvuija ne Bansantu mbabenga bukokeshi budi bukokesha pa buloba. Dilongesha ne Bipungidi 134 divua difundibua, mu tshitupa, bua kutokesha ngimanyinu wa Ekelezia pa bukokeshi. Ntshinyi tshidi tshitupa etshi tshileja pa mushindu udi Bansantu ba Mukalenga nebua kumvua pa bukokeshi?

Muwudi ulonga tshitupa 134, ela meji ukeba nshindamenu ya bukokeshi ne majitu abu bua bena ditunga. Mushindu kayi uvua ngenyi eyi mikala miambuluisha kudi Bansantu ba kumudilu? Mushindu kayi udibi bienzela muaba uwudi usombela?

Tangila kabidi Tunungu tua Ditabuija 1:11–12

Ngenyi bua Kulongesha Bana

Dilongesha ne Bipungidi 133:4–5, 14

Mukalenga musua bua ngikala kula ne bubi bua pa buloba.

• Wewa ne bana beba nudi mua kuenza Lista wa imua miaba ne mishindu idi mukalenga mujinga bua tuikala kula nayi. Pashisha udi mua kufuanyikija miaba ne mishindu ayi ku diumvuija dia “Babela, Babulona” mu Buludiki bua mu Mifundu (Tshisangi tshia Lumu Luimpa). Badi mua kubala pashisha Dilongesha ne Bipungidi 133:4–5, 14. Tshidi tshiumvuija tshinyi kupatuka … mu Babulona? (kanungu 5). Udi kabidi mua kuenza lista mufuanangana wa miaba ne mishindu idi Mukalenga utubikila bua kufuanyikija lista awu ku diumvuija bua “Siona” mu Buludiki bua mu Mifundu.

Dilongesha ne Bipungidi 133:19–21, 25

Yezu Kilisto nealua kabidi.

• Bana beba badi mua kusankidila kuenza malu adi ufuanangana ne kudilongolola bua tshintu, bu mudi kudibidija mubidi, muenyi wa mushinga, anyi matuku a dikisha manangibua. Bua tshinyi kudilongolola kudi kua mushinga? Nudi mua kubala pashisha pamua Dilongesha ne Bipungidi 133:17–19, 21 ne leja bana beba bua kukeba tshinyi tshidi Mukalenga utubikila bua kudilongolola buatshi. Udi bua kubaleja bimfuanyi bia ndongamu wa lumingu elu ne konka bana beba ntshinyi tshidibu bamanya pa Dilua Dibidi? Tshinyi tshikuabu tshitudi balonga mu tunungu 19–25, 46–52? Tshinyi tshitudi mua kuenza bua kudilongolola bua tshibilu esthi tshia disanka dinena?

• Udi bua kusokoka bimfuanyi bishilashilangana anyi bintu bidi bimanyisha bitudi mua kuenza bua kudilongolola bua Dilua Dibidi dia Yezu Kilisto (bu mudi dibala dia mifundu, kutangalaja lumu luimpa, anyi kusadila mêku etu). Lekela bana beba bapeta bimfuanyi anyi bintu ne akula pa mushindu udi kuenza bintu ebi kutuambuluihsa bua kuikala pabuipi bua kututakena ne Mupandishi padiyi walukila.

• Nudi mua kuimba musambu pamua, pa Dilua Dibidi, bu mudi “When He Comes Again” (Mukanda wa Misambu wa Bana, 109). Abanyanganayi umua ne mukuabu dinanga dieba bua Mupandishi ne Ngumvuilu weba pa dialukila dienda.

Dilongesha ne Bipungidi 133:52–53

Yezu Kilisto udi dinanga ne lusa.

• Wewa ne bana beba nudi mua kutangila bimfuanyi ne kuleja ne Yezu udi ndinanga ne lusa. (Tshilejilu, tangila Gospel Art Book, nos. 42,47.) Tshinyi tshikuabu tshivua Yezu muenza bua kuleja dinanga dienda ne disanka? Bala pamua Dilongesha ne Bipungidi 133:52, ne ambuluisha bana beba bua bela meji ku mishindu idibu mua kuleja dinanga ne lusa bia Mukalenga wabu kudi bakuabu.

  

Diumvuija ku In His Light [Mu Bukenka Buenda], kudi Greg Olsen

Longesha dilongesha ditoka ne dipepela. Mukalenga mulongesha lumu luimpa luenda mu butoka ne bipepela (Dilongesha ne Bipungidi 133:57). Binyi bidi miaku eyi mikuleja pa kulongesha lumu luimpa kudi dîku dieba anyi kalasa?

Dilongesha ne Bipungidi 134: 1–2

Mukalenga musua bua mema kutumikila mikenji.

• Bana beba badi mua kuenza lista wa maludiki anyi mêyi a kutumikila. Mushindu kayi uvua mua kuikala nsombelu bu muntu nasha umua kayi utumikila mêyi? Pashisha udi mua kubala Dilongesha ne Bipungidi 134:1–2 nabu, bambuluisha bua kumvua miaku yonsu anyi biambilu bidibu kabayi mua kumvua. Buatshinyi Mukalenga mujinga bua tutumikila mêyi enda? (tangila Tunungu tua Ditabuija 1:12).

Bua ngenyi ya bungi, tangila malu a ngondu ewu bua Makazina a Mulunda.

Yezu mu muzabi mukunza, kudi Minerva Teichert