Tuetu Nabu ne Bobu Netu, kudi Caitlin Connolly

Ngondu wa Dikumi ne Umua 3–9: “Tudi Bumvua Dîyi dia Disanka bua ba Moyo ne Bafua”

Dilongesha ne Bipungidi 125–128

Mu Ngondu wa Muanda Mukulu 1840 Jane Neyman uvua udila pavuayi umvua Muambi Joseph wakula ku tshidilu tshia mulunda wenda Seymour Brunson. Cyrus wa Jane muana wa bidimu dikumi ukavua mufua matuku makesa mapita. Mu kukumbaja ku muadi wenda bivua ne Cyrus kavua muanji kutambuishibua to, ne Jane uvua udiabakena etshi tshidi tshiumvuija tshinyi bua anyima wenda wa tshiendelela. Joseph uvua udiabakena bia momumua bua muanabu munangibua Alvin, ukavua kabidi mufua kayi muanji kutambushibua. Kadi, Muambi kupangadika bua kutangalaja ne muntu yonsu ku tshidilu tshivua Mukalenga mumubuluila pa bantu bavua bafua kabayi bapeta milulu ya lumu luimpa—ne tshitudi mua kuenza bua kubambuluisha.

Dilongesha dia ditambula bua bafua divua disankisha Bansantu; Ngenyi yabu kukudimuka musangu umua kudi bidimba bia dîku bifua. Mpindiewu kuvua ditekemena buabu! Joseph wakaleja disanka diabu, ne mu mukanda ulongesha dilongesha edi, wakenzela muaku disanka, ne muakulu wa disanka bua kuleja tshivua Mukalenga mumulongesha pa dizanjikibua dia bafua: Lekela mikuna yela mbila ya disanka, bua bintu binena bidi mukalenga udi Mfumu weba wa tshiendelela muenza! (Dilongesha ne Bipungidi 128:23).

Tangila Saints, 1:415–27; “Letters on Baptism for the Dead,” mu Revelations in Context, 272–76.

Ngenyi bua Kulonga mu Dîku ne mu Ekelezia

Dilongesha ne Bipungidi 126

Mukalenga mujinga bua nkuba dîku dianyi.

Panyima pa kufuma ku bukenji mu Angleterre—umua wa ku mikenji ya bungi ivuaye musadila—Brigham Young wakapeta dibikika dikuabu dia mushinga kudi Mukalenga. Uvua mubikidibua bua kuenza dikuba dia pabuadi ku dîku [dienda] (kanungu 3), divua ditata pavuayi kayiku. Bu muwudi ulonga tshitupa etshi, ela meji bua tshinyi Mukalenga misangu mikuabu udi ulomba mulambu mu kusadila kuetu. Tshinyi tshiwudi mua kuenza bua kukuba dîku dieba?

Tangila kabidi “Take Special Care of Your Family,” mu Revelations in Context, 242–49.

Dilongesha ne Bipungidi 127:2–4

Ndi mua kushindamena kudi Mukalenga mu tshikondu tshia lutatu.

Difunda dia mashimi ne mikanu ya dikuatshisha ivua kabidi isaka Joseph Smith bua kudisokoka mu Ngondu wa Muanda Mukulu 1842. Ne kadi miaku ivuaye mufundila Bansantu mu tshikondu atshi (mpindiewu Dilongesha ne Bipungidi 127) idi miwujibua ne lumonu lua dikima ne disanka. Tshinyi tshidi tunungu 2–4 tulongesha pa Nzambi? pa ditutakana ne disekibua anyi lukuna? Biambilu kayi bia tunungu etu bidi mua kukuambuluisha pawudi umvua mubundibua? Ela meji ufunda mushindu udi Mukalenga mukutua mpanda mu “mayi mala” a moyo weba.

Dilongesha ne Bipungidi 127:5–8; 128:1–8

Mifundu yonsu idi bantu bafunda pa buloba neifundibua mu diûlu.

Pawudi ubala Dilongesha ne Bipungidi 127:5–8; 128:1–8, keba ngenyi idi Mukalenga mupesha Joseph Smith bu mudi maludiki a pabuawu pa difunda pa ditambula bua bafua. Tshinyi tshidi tshilongesha pa Mukalenga ne mudimu wenda? Mushindu kayi uwudi umvua diludika edi mua kuikala dienzela pa miandiku ya dîku dieba, bu mudi mikanda ya nkaya?

Kusadila mu ntempelo bua bankambua betu kudi kututuangaja nabu bua kubambuluisha ne kubananga.

Dilongesha ne Bipungidi 128:5–25

Dizanjikibua dia bankambua banyi didi dia mushinga bua dizanjikibua dianyi.

Bidi bitoka kudi bidi Nzambi mubuluila kupitshila kudi Joseph Smith bua tshinyi bankabua betu bavua kabayi batambuishibua mu moyo ewu badi netu dijinga: tudi tutambuishibua buabu bua bobu kusungula kuitaba anyi kubenga mululu ewu. Kadi Muambi uvua mulongesha kabidi ne dizanjikibua dia bankambua betu didi “dia mushinga ne ditamba kulombibua bua dizanjikibua dietu .” Pawudi ubala Dilongesha ne Bipungidi 128:15–18, keba ngenyi buatshinyi bidi nunku.

Kanungu 5 kadi kalongesha ne mululu wa ditambula bua bafua uvua “mulongolola kumpala kua tshibangilu tshia buloba.” Tshinyi tshidi bulelela ebu bukulongesha pa Nzambi ne dilongolola dienda? Tshinyi tshidi mukenji wa Mukulu Dale G. Renlund’s “Family History and Temple Work: Sealing and Healing” tshikumbaja ku ngumvuilu weba? (Liahona, Ngondu Muitanu 2018, 46–49).

Joseph Smith uvua muenzela biambilu bu mudi bukola bua kusuika, nshinga mulamakaji, ne butuangaji bukezuka pavuayi ulogesha pa milulu ya buakuidi ne ditambula bua bafua. Keba biambilu bidi bifuanangana pawudi ubala Dilongesha ne Bipungidi 128:5–25. Udi bua kuela meji bua bintu biwudi mua kuenzela bua kuleja biambilu ebi, bu mudi lukanu anyi nshinga anyi? Buatshinyi ebi bidi biambilu bimpa bua kumvuija dilongesha edi?

Mu diela meji pa nkoku idi yilonda eyi bidi mua kukuambuluisha kulonga tunungu etu:

• Mu ngumvuilu weba, buatshinyi ditambula bua bafua didi ditabija bu tshiena bualu tshia butumbi bunena ku biena bualu bionsu bidi mu lumu luimpa lua kashidi? (kanungu 17). Dimanya kayi didi dikuambuluisha bua kumfua nunku?

• Mu mushindu kayi udi buloba bua kuikala butshipibua pikala kakuyi nshinga mulamakaji … pankatshi pa tatu ne bana? (kanungu 18).

• Tshinyi tshidi tshikukemesha mu miaku ya Joseph Smith mu tunungu 19–25? Mushindu kayi udi tunungu etu tutuala mushindu weba wa kumvua pa Yezu Kilisto? pa disadila dia ku ntempelo bua bankambua beba?

Panyima pa kulonga tunugu etu, udi mua kudiumvua mupeta meji a nyuma bua kueza bintu bua bankambua beba. Ngenyi mu FamilySearch.org idi mua kuambuluisha.

“Inspirational Videos” mu “Temple and Family History” nsangilu wa Tshisangi tshia Lumu Luimpa tshidi mua kukupesha diambuluishi dia kuenzela, miyuki efila meji a nyuma, ne mikenji ya balombodi pa malu a kala a dîku.

Enzela biambuluishi bikuabu bia Ekelezia. Liens mu Luaku, Undonde tshifundu tshidi tshifila maludiki mapepela bua kupeta biambuluishi bidi mua kuambuluisha ne kuteka mu tshienzedi malelela a lumu luimpa anyi kuenzela ngenyi iwudi mupeta. Bu tshilejilu, lien wa FamilySearch udi kulu eku udi ulombola ku bibilu bu mudi kuibaka mutshi wa dîku dieba ngayeba, kupeta bankambua badi dijinga ne milulu ya ntempelo, kumona muaba udi bankambua beba bafumina, anyi kubueja muyuki wa dîku.

Tangila kabidi Kevin R. Duncan, “A Voice of Gladness!,” Liahona, Ngondu Muitanu 2023, 95–97.

“Bualu bua Butumbi ne Bukemesha.”

Mulombodi Mukulu Gordon B. Hinckley wakamba:

“Bupikudi bua Yezu Kilisto mu bionsu budi buleja mulambu munena kawuyi buludi. Yeya uvua umuepela uvua mukumbana bua kuenza Bupikudi bujima bua bukua bantu. Mushindu ewu udi ne muntu udi mua kuenza mu dina dia mukuabu udi mutedibua mu milulu ya mu nzubu wa Mukalenga. Apa tudi tusadila mu dina dia aba bakadi bafua kabayi ne dimanya dia lumu luimpa. Buabu bobu mbua kusungula kuitaba anyi kubenga mululu udi mukumbaja. Badi bonsu momumua ne aba badi benda pa buloba. Badi bafua badi bapeshibua bipolu bia momumua bu ba moyo. Kabidi, mbualu bua butumbi ne bua dikema budi wa Bukola Bonsu muenza kupitshila ku dibuluila kudi Muambi wenda” (“The Great Things Which God Has Revealed,” Liahona, Ngondu Muitanu 2005, 82–83).

Ngenyi bua Kulongesha Bana

Dilongesha ne Bipungidi 126:3

Ndi mua kuambuluisha bua kukuba dîku dianyi.

• Bua kuambuluisha bana beba bua kulonga kusadila bidimba bia dîku diabu, ela meji ubapesha ngumu pa Brigham Young mu “Chapter 50: The Saints in Nauvoo” (mu Doctrine and Covenants Stories, 184, anyi video wa momumua mu Tshisangi tshia lumu luimpa) anyi enza tshikosu Dilongesha ne Bipungidi 126 mu miaku yeba. Udi mua kuimanyina tshiambilu enza dikuba dia pabuawu bua dîku dieba (kanungu 3) ne akula ne bana beba pa tshinyi tshidi tshiumvuija enza dikuba dia pabuawu bua dîku dieba.

  Chapter 50: The Saints in Nauvoo: January–July 1841

• Bidi mua kuikala bisekesha bueba ne bana beba bua kutangila pa bimfuanyi bia dîku (anyi kuzola bimfuanyi) panudi nuakula pamua pa mishindu itudi mua kuambuluisha “kukuba” bua bidimba bia dîku. Nudi mua kuimba kabidi musambu “Home Can Be a Heaven on Earth” (Hymns, no. 298).

Dilongesha ne Bipungidi 128:5, 12

Bana bonsu ba Nzambi badi dijinga ne diakalenga dia kuikala batambuishibua.

• Bikila bana beba bua kupeta mu Dilongesha ne Bipungidi 128:1 bualu buvua buangata lungenyi lua Joseph Smith. Badi kabidi mua kukeba kanungu 17 bua kupeta bualu kayi buvuaye muela meji “butamba bunena.” Balekela baleja tshinyi tshidibu bapeta ne bamba buatshinyi bualu ebu budi bua disanka.

• Bua kukumbaja bua kuambuluisha bana beba bua kudilongolola bua (kuteka mu tshienzedi) bipungidi biabu nkayabu bia ditambula, udi mua kubambuluisha bua kumanya mushindu kayi wa kuambuluisha bantu badi kabayi benza bipungidi ebi mu matuku a moyo wabu. Ela meji wambila bana beba pa muntu ûdi mumanya uvua mufua kayi muikala mutambuishibua. Nanku nudi mua kubala pamua Dilongesha ne Bipungidi 128:5 ne kutangila tshimfuanyi tshia muaba wa kutambuisha wa ntempelo (bu mudi etshi tshidi ku ndekelu kua tshifundu etshi). Ambila bana beba mushindu kayi ûdi umvua pa kuikala mutambuishibua mu ntempelo bua aba badi bafua ne bua muntu yonsu kuikala ne diakalenga dia kuenza bipungidi ne Tatu wa mu Diûlu.

Dilongesha ne Bipungidi 128:18

Tatu wa mu Diûlu mujinga bua mema kulonga pa malu a kala a dîku dianyi.

• Bidi mua kuikala bisekesha bueba ne bana beba bua kuenza nshena wa mabeji ne mena a baledi, bakaku, nkambua, ne bienda bitunguluka (tangila lumingu elu dibeji dia tshibilu). Pashiya udi bua kuabanyangana ne umua ne umua tshiwudi mumanya pa bankambua aba. Bala pamua Dilongesha ne Bipungidi 128:18 bua kujandula tshidi “nshinga mulamakaji” muikala tshidi tshienza malu a kala a dîku dietu “onsu ne majima.” Nudi mua kumona kabidi video wa “Courage: I Think I Get It from Him” (Tshisangi tshia Lumu Luimpa).

  Courage: I Think I Get It From Him

• Bibilu bikuabu bua kuambuluisha bana beba bua kudiumvua mu malu a kala a dîku bidi mua kuikala bipetshibua mu “The Temple and the Plan of Happiness” mu tshisakidilu tshia B anyi pa FamilySearch.org.

Milulu ya ntempelo idi ituambuluisha bua kusangisha meku etu bu mudi nshinga mu nshena.

Bua ngenyi ya bungi, tangila malu a ngondu ewu bua Makazina a Mulunda.

Muaba wa kutambuisha mu ntempelo wa Ogden Utah.