Diumvuija ku Joseph Smith in Nauvoo, 1840 [Joseph Smith mu Nauvoo, 1840], kudi Theodore Gorka

Ngondu wa Dikumi ne Umua 10–16: Mvua Mumona Milambu Yeba mu Ditumikila

Dilongesha ne Bipungidi 129–132

Kupitshila ku Joseph Smith, Mukalenga wakumbusha tshitupa tshia malu masokoka ku tshiendelela. Bunena bua Nzambi, butumbi bua diûlu, ne tshitupa tshia tshiendelela bidi mua kumueneka pabuipi bifuanangana ne bukenka bua lumu luimpa lupingajilula, nansha ku meji mashikila bu etu. Mabuluila mu Dilongesha ne Bipungidi 129–32 adi tshilejilu. Nzambi udi bu tshinyi? Udi ne mubidi wakulenga bu wa muntu. Diûlu didi bu tshinyi? Bukuapanu bua momumua budi munkatshi muetu apa lelu nebuikala munkatshi muetu mômu (Dilongesha ne Bipungidi 130:22, 2). Pananku, bumua bua ku malelela a disanka pa diûlu budi ne budi mua kuangata malanda mashema a dîku, pikalawu masuikibua ku bukokeshi bulelela. Malelela adi bu mudi â adi mua kuenza diûlu didiumvua kula kakesa—butumbi butshidi mua kupeteka.

Kadi pashisha, misangu mikuabu Nzambi udi mua kutulomba bua kuenza bintu bidi bimueneka kabiyi biakana ne kabiyi mua kukumbana. Bua Bansantu ba bungi ba mbangabanga, disela dia bakaji ba bungi divua umua wa ku mikenji ya bueneyi. Tshivua diteta dikola dia ditabuija bua Joseph Smith, muena kuenda Emma, ne pamuama muntu yonsu wakadipeta. Kutshienza kupitshila diteta edi, bakajinga kupeta ngumvuilu ya bungi pa lumu luimpa lupinguluja; bakajinga ditabuija mu Nzambi divua dikola kupita adi. Mukenji kawutshienaku lelu to, kadi tshilejilu tshia lulamatu tshia bantu bavua bawenzela tshitshidi tshienzeka. Ne tshilejilu etshi tshidi tshitupesha meji a nyuma patudi balombibibua bua kuenza milambu yetu nkayetu mu ditumikila (Dilongesha ne Bipungidi 132:50).

Ngenyi bua Kulonga mu Dîku ne mu Ekelezia

Dilongesha ne Bipungidi 130–132

Nzambi mmusua kubandisha bana benda.

Kudi bintu bia bungi bitudi katuyi bamanya pa dinzajikibua anyi moyo mu tshitupa tshia kûlu tshia bukalenga bua selestiya—mushindu udi Nzambi musomba. bia bungi bia ku biobi bidi mua kuikala pamutu pa makanda etu bua kumvua. Kadi Nzambi wakabuluila bimanyinu bimpa bikesa, ne bia bungi bia ku biobi bidi bipetshibua mu Dilongesha ne Bipungidi 130–32. Udi mua kubala ne nkonku bu eyi mu meji: Tshinyi tshindi ndonga pa Nzambi? Tshinyi tshindi ndonga pa moyo wa panyima pa tshifuaka? Mushindu kâyi udi mamanyisha â pa moyo wa tshiendelele abenesha moyo wanyi mpindiewu?

Tangila kabidi “Our Hearts Rejoiced to Hear Him Speak,” mu Revelations in Context, 277–80.

Dilongesha ne Bipungidi 130:20–21; 132:5

Nzambi udi ubenesha bantu badi batumikila mikenji yenda.

Mushindu kâyi uwudi mua kuamba, mu miaku yeba nkayeba, tshidi Mukalenga ulongesha mu Dilongesha ne Bipungidi 130:20–21 ne 132:5? Nana meji pa mushindu udi nshindamenu ewu mulejibua mu moyo weba.

Misangu mikuabu, nansha patudi batumikidi kudi Nzambi, mabenesha atudi tutekemena kaena alua musangu umua to. Mushindu kâyi uwudi ulama ditabuija dieba ne ditekemena padi etshi tshipitakana. Keba ngenyi mu mukenji wa Elder D. Todd Christofferson “Our Relationship with God” (Liahona, Ngondu Muitanu 2022, 78–80).

Tangila kabidi 1 Nefi 17:35; Dilongesha ne Bipungidi 82:10.

Dilongesha ne Bipungidi 132:13–21

Tatu wa mu Diûlu wakapepejila mêku bua kuikala a tshiendelela.

Kupitshila ku Muambi Joseph Smith, Mukalenga wakapingajilula bulelela bua ne malanda a dîku adi mua kuikala a tshiendelela. Pawudi ubala Dilongesha ne Bipungidi 132:13–21, keba biambilu bidi bikuambuluisha bua kumvua dishilangana pankatshi pa tshidi mua kushala tshiendelela ne tshidi katshiyi mua kushala tshiendelela. Tshinyi tshiwudi wela meji tshidi tshiumvuija bua malanda a dibaka kuikala kudi Mukalenga? (verse 14).

Mu mukenji wenda “In Praise of Those Who Save,”Mulombodi Mukulu Dieter F. Uchtdorf wakatapulula malanda a dibaka a tshiendelela ne bintu bia kumbusha (Liahona, Ngondu Muitanu 2016, 77–78). Tshinyi tshidi ditapulula edi dikulongesha pa mushindu wa kudisha—anyi kudilongolola bua—bulanda bua dibaka? Ela meji pa malanda a dîku—mpindiewu ne mu matuku alua—pawudi ubala mukenji wa Uchtdorf. Tshinyi tshiwudi upeta mômu tshidi tshikupesha ditekemena mu Kilisto bua malanda a dîku dieba.

Mulombodi Mukulu Henry B. Eyring wakafila mubelu wakapetaye pavuaye udiela meji pa malu a dîku dienda. Udi ne bua kuikala mukezuka bua bukalenga bua selestiya, ne malongolola a dîku neikala matamba buimpa kupita biwudi wela meji (mu “A Home Where the Spirit of the Lord Dwells,” Liahona, Ngondu Muitanu 2019, 25). Mushindu kâyi udi mubelu ewu mua kukuambuluisha anyi muntu kampanda uwudi mumanya.

Tangila kabidi Topics and Questions [Biena Bualu ne Nkonku], “Marriage [Dibaka],” Tshisangi tshia Lumu Luimpa.

Dibaka didi mua kuikala disuikibua bua tshiendelela mu nzubu wa Mukalenga.

Dilongesha ne Bipungidi 132:1–2, 29–40

Disela dia bakaji ba bungi didi ditabibua kudi Nzambi anu padiye udielela mukenji.

Bantu ba bungi badi babala Dipungila Dikulukulu badi bananyina meji pa Abalahama, Yakobo, Mose, ne bakuabu bakasela bakaji ba bungi. Basadidi ba Mukalenga aba bavua benda masandi anyi? Nzambi uvua muanyisha mabaka abu anyi? Joseph Smith uvua ne nkonku ya momumua. Keba mandamuna akafila Nzambi mu Dilongesha ne Bipungidi 132:1–2, 29–40.

Dibaka pankatshi pa muluma umua ne mukaji umua didi ngikadilu wa dibaka wa Nzambi (tangila mutu wa tshitupa Mamanyisha Mamanyika 1; Yakobo 2:27, 30). Nansha nanku, kukavua bikondu bivua Nzambi mufila mukenji kudi bana benda bua kusela bakaji ba bungi.

Bidimu bia ntuadijilu bia Ekelezia mupingajilula bivua tshimua tshia bikondu bia pabuabi. Pawikala musua bua kulonga pa disela bakaji ba bungi munkatshi mua Bansantu ba mbangabanga, tangila “Mercy Thompson and the Revelation on Marriage” (mu Revelations in Context, 281–93); Saints, 1:290–92, 432–35, 482–92, 502–4; Topics and Questions, “Plural Marriage in The Church of Jesus Christ of Latter-day Saints,” Tshisangi tshia Lumu Luimpa; “Why Was It Necessary for Joseph Smith and Others to Practice Polygamy?” (video), ChurchofJesusChrist.org.

Why was it necessary for Joseph Smith and others to practice polygamy?

Ngenyi bua Kulongesha Bana

Dilongesha ne Bipungidi 130:2, 18–19; 132:13, 19

Tatu wa mu Diûlu musua bua nshindamena pa bintu bia tshiendelela.

• Tshinyi tshidi Dilongesha ne Bipungidi 132:13 pa bintu bia buloba? Pamuapa wewa ne bana beba nudi mua kulongolola tshibuta tshia bilamba ne kuwuja ne bintu bileja bu mudi, bilondeshela ku Dilongesha ne Bipungidi 130:2, 18–19; 132:19, bitudi mua kuya nabi mu moyo ulualua.

Dilongesha ne Bipungidi 130:20–21; 132:5, 21–23

Nzambi udi umbenesha pandi ntumikila mikenji yenda.

• Pamuapa dielekeja dipepela didi mua kulongesha bana beba pa ditumikila mikenji ya Nzambi. Tshilejilu, udi mua kubalomba bua kukupesha masangu a kuya muaba kampanda, bu mudi ku tshilongelu anyi ku tshibambalu tshia Ekelezia. Tshinyi tshidi tshifika patudi katuyi tulonda masangu a Nzambi? Pashisha nudi mua kubala pamua Dilongesha ne Bipungidi 130:21 ne kuelekeja masangu â ku mikenji idi Nzambi mutupesha.

• Nudi kabidi mua kuimba musambu pamua pa ditumikila, bu mudi “Keep the Commandments” (Mukanda wa Misambu ya Bana, 146–47), ne kukeba miaku mu Dilongesha ne Bipungidi 130:20–21 ne 132:5 idi mifuanangana ku idi mu musambu. Mushindu kâyi udi Nzambi utubenesha patudi tuluangana bua kulama mikenji yenda?

Dilongesha ne Bipungidi 130:22

Tatu wa mu Diûlu ne Yezu Kilisto badi ne mubidi wa musunyi udi kawuyi ufua.

• Panyima pa dibala Dilongesha ne Bipungidi 130:22 pamua, wewa ne bana beba nudi mua kutangila tshimfuanyi tshia Yezu Kilisto ne kutua munu pa mesu Enda, mukana Muenda, ne bitupa bikuabu bia mubidi Wenda. Bana beba badi mua kutua munu pa bitupa ebi bia momumua bia mibidi yabu. Bambila buatshinyi bidi ne mushinga kuwudi bua kumanya ne mibidi yetu idi mifuanangana ne mibidi ya Tatu wa mu Diûlu ne Yezu.

Kupitshila ku milulu ya mu nzubu wa Mukalenga, mêku adi mua kushala bua tshiendelela.

Dilongesha ne Bipungidi 132:19

Tatu wa mu Diûlu wakapepeja bua mêku ashala pamua bua kashidi.

• Ambuluisha bana beba bua kupeta bintu bidi kabiyi binenga kashidi—biakudia bidi binyanguka, bilongo bidi bifubidila, ne bikuabu. Pashisha tangila ku Dilongesha ne Bipungidi 132:19 pamua ne peta biambilu bia mushinga bu mudi bipungidi bia kashidi, basuikibua, mu tshiendelela tshionsu, ne bua kashidi ne kashidi. (Tangila kabidi “Chapter 55: A Revelation about Marriage,” mu Doctrine and Covenants Stories, 198, anyi video udi upetangana mu Tshisangi tshia Lumu Luimpa.) Udi kabidi mua kutangila bimfuanyi bia dîku dieba ne kujadika ne Mukalenga mmupepeja, kupitshila ku milulu ne bipungidi bia ntempelo, bua mêku kushala kashidi.

Chapter 55: A Revelation about Marriage: July 1843

Ikala ne ntema ku malu a dîku. Bana lelu badi badisangana mu nsangilu ya mêku mashilangana ne mashadila. … Tudi dijinga ne kusemena kudi bonsu badi badiumvua nkayabu, balekela panyima, anyi pambelu pa tshîbi (Neil L. Andersen, “Whoso Receiveth Them, Receiveth Me,” Liahona, Ngondu Muitanu 2016, 49, 52).

Bua ngenyi ya bungi, tangila malu a ngondu ewu bua Makazina a Mulunda.

Tshibambalu tshia disuika mu ntempelo wa France Paris