“Mêyi a Dipinguluja: Majadiki a ‘Tshimônyi’,” Luaku, Undonde—Bua mu Dîku ne mu Ekelezia: Dilongesha ne Bipungidi 2025 (2025)

“Majadiki a ‘Tshimônyi’,” Luaku, Undonde—Bua mu Dîku ne mu Ekelezia: 2025

Mêyi a Dipinguluja: Majadiki a “Tshimônyi”

Wilford Woodruff

Wilford Woodruf mubuela mu Ekelezia mu Ngondu wa Dikumi ne Muibidi 1833, pabuipi ne bidimu bibidi panyima pa Joseph Smith ne Sidney Rigdon bamana kupeta tshimônyi tshia mu Dilongesha ne Bipungidi 76 Ûvua musombela mu New York tshikondu atshi ne wakumvua bualu bua “Tshimônyi” kupitshila ku bena bukenji bavua bakuata mudimu mu ntenji. Bidimu pashisha, wakafila muenenu wenda wa dibuluila:

“Mvua ngamba katshia ku buana ne kudi Diûlu ne ngena, ne bivua biambibua ne bantu babi bonsu nebapeta dinyoka ne bantu ba kalolu butumbi. …

“… Pangakabala tshimônyi … , tshia katokesha lungenyi luanyi ne kumpesha disanka dinena, ngakamona ne Nzambi udi mubuluila dilongesha edi kudi muntu uvua ne lungenyi, kalolu ne bulelela, muikala ne bikadilu bimpa bionsu ne lumvu luimpa ne dimanya, Ngakumvua ne uvua wa momumua mu dinanga, lusa, bululama ne dilumbuluisha, ne mema kumvua bua kunanga Mukalenga bikola bitamba kumpala mu moyo wanyi.”

“‘Tshimônyi’ [tshidi] dibuluila didi difila , dimanya dia bungi, bulelela bua bungi ne malongesha a bungi mapita mabuluila onsu avua mu mikanda yonsu itukavua babala. Tshidi tshipepeja ngumvuilu wetu wa moyo wa mpindiewu, kutudi bafuma, buatshinyi tudi panshi apa, ne kuepi kutuaya. Muntu yonsu udi ne tshia kumanya kupitshila ku dibuluila edi mudimu wenda ne mikenji yikalaku.”

“Kumpala kua mema kumona Joseph mvua muamba ne ntshiakutangila bukola, anyi buana; ntshiakutangila tshimuenekedi tshienda—anyi nsuki ivua mila anyi mipi; muntu uvua mufila dibuluila edi [tshimônyi tshiandika mu tshitupa 76] uvua muambi wa Nzambi. Mvua mutshimanya mema nkayanyi.”

Phebe Crosby Peck

Pakumvua Phebe Peck dilongesha dia Joseph ne Sidney pa “Tshimônyi,” uvua musombela mu Missouri ne wenda ukolesha bana batanu bu mamu mudishadila. Tshimônyi tshiakamutuisha ne kumupesha meji a kufunda bidi bilonda ebi bua kuabanyangana bivuaye mulonga ne dîku dienda dijima:

“Mukalenga udi ubuluila malu masokoka a bukalenga bua mu dîulu kudi bana benda. … Joseph Smith ne Sidney Rigdon bakalua kutukumbula musangu mushala, ne tuvua buwujibua ne disanka bua kusangila pavuabu muaba ewu, ne tuakapeta mabuluila ku malu avua masokoka ku mesu kuetu, ki tshiakampesha busambi bunena. Tuvua bua kumona bukola bua Nzambi mu dilongolola dia nzubu wa ditalala bua bana benda. Ne ewu yonsu wapanga kuakidila kabujima ka lumu luimpa ne kuimana bu musalayi wa dikima mu bualu bua Kilisto kena mua kusomba kumpala kua Tatu ne kua Muana. Kadi kudi muaba mulongolola bua aba bonsu bapanga kuakidila, kadi mmuaba wa butumbi bupuekela bikola kudi kubuela mu Bukalenga bua Selestiya. Ntshiakuteta bua kuamba bia bungi pa bintu ebi bualu bikadi bitangalaja pa buloba bujima. Ne udi imua misangu mua kupeta mushindu wa kubala wewa nkayeba, ne wewa muenza, ndi ntekemena ne neubala ne ntema ne mutshima muwula nteta ne disambila, bua bintu ebi bidi bikumbana kuteyela ntema. Ndi njinga ne nudi mua kubikeba, bualu biobi ke bidi bitupa musangelu mu moyo ewu ne mu moyo utshilualua.”