“Ko ngā Reo o te Whakahokinga: Ema Hari Mete,” Haere mai, Whai Mai i Ahau—Mō te Kāinga me te Hāhi: Whakaakoranga me ngā Kawenata 2025 (2025)
“Ema Hari Mete,” Haere Mai, Whai Mai i Ahau—Mō te Kāinga me te Hāhi: 2025
Ko ngā Reo o te Whakahokinga
Ema Hari Mete
Ka huraina e ngā kupu a te Ariki ki a Ema Mete kei roto i Whakaakoranga me ngā Kawenata 25 i Ōna whakaaro mōna me ana mahi tautoko e mea ai ia mō Tana mahi. Engari he aha te āhua o Ema? He aha tā tātou e pā ana ki tana āhua, ki āna tūhono whakawhanaungatanga, ki ōna kaha? Ko tētahi huarahi e mōhio ake koe ki tēnei “wahine toa” (Whakaakoranga me ngā Kawenata 25:3) ko te pānui i ngā kupu a te hunga i mōhio ai ki a ia.
Hōhepa Mete Tama., tāna hoa tāne
“Anō te nui o te koa, anō te nui o te hari i pupū ake ai i tōku uma, i te wā i puritia e au te ringa, i taua pō, te tau o tōku ate a Ema—te mea koia tāku hoa rangatira, ko te hoa rangatira pū anō o tōku taiohinga; me te kōwhiringa o tōku ngākau. He nui ngā hokinga mahara i tōku hinengaro i ahau e whakaaro ana mō te wā poto ngā āhuatanga maha i pā mai ai ki a māua. Ngā ngengetanga, ngā uauatanga, ngā pōuritanga, ngā mamaetanga, me ngā koanga me ngā hohoutanga o te rongo i tēnā wā, i tēnā wā, nā konā whakamararatia ō māua ara, ā, kua karaunahia tō māua pōari. Auē! kātahi te hanumitanga whakaaro i kikī ake ai i tōku hinengaro mō tētahi wa poto. Kei konei anō ia, i roto pū anō i te rarunga tuawhitu, kāore e raru ana, e pakari ana, ā, e toka tū moana ana, e kore e whakanekehia, he mea aroha a Ema.”
Ruihi Maki Mete, tōna whaea hungarei
“He taiohi noa ia, ā, i te mea he auaha noa ia, kei roto tōna ngākau katoa i te mahi a te Ariki, ā, kāore ōna hiahia hāunga ko te hāhi me tōna kara o te pono. Ahakoa he aha ngā mahi i meatia ai e ōna ringaringa, ka meatia i runga i tōna kaha, ā, kīhai i ui i tētahi pātai matapiko ‘Ka nui ake ōku manaakitanga i ō ētahi atu?’ Mehemea i tonoa atu ngā erata ki te kauhau, ko ia te tuatahi kia tū ake ai tōna ringa ki te tautoko i ngā mahi kākahu mō te haerenga, tukua ōna ake whakaaro kia pērā ana.”
Hōhepa Mete Matua., tōna matua hungarei
Ko te manaakitanga peteriaka o Ema, i whakapuakina ai e Hōhepa Mete Matua., i a ia e mahi ana hei Peteriaka i te Hāhi:
“Ko Ema, taku tamāhine hunaonga, kua manaakitia koe e te Ariki, mō tō ū me tō pono: ka manaakitia kōrua ko tāu hoa tāne, ā, ka hari i runga i te korōria e tau mai ai ki runga ki a ia: Kua whakamamaetia tō wairua he mea nā te whakarihariha o te tangata e whai ana i te whakangaromanga o tō hoa, ā, kua tōia atu tō wairua katoa i runga i te inoi mō tōna whakaputanga: kia hari, nā te mea kua rongo te Ariki tō Atua i tō inoi.
“Kua tangi koe mō te pakeketanga o ngā ngākau o te whare o tō matua, ā, kua roa e ongeonge ana mō tō rātou whakaoranga. ka whai taringa atu te Ariki ki ō karanga, ā, mā ana whakawākanga e mea ai i ētahi o rātou kia kitea tō rātou hē me te rīpenetā i ō rātou hara; engari ka ai mā te whakamamaetanga e whakaorangia ai rātou. Ka roa ō rātou rā; āe rā, ka tohu te Ariki i a koe kia tau ai te ngākau, nā te mea ka kite koe i tō Kaihoko. Ka hari tō ngākau i te mahi nui a te Ariki, ā, e kore tētahi e tango atu i tō koa i a koe.
“Me mahara tonu koe ki te whakaitinga nui o tō Atua i runga i tana whakaae kia piri tahi kōrua ko taku tama i te wā i whakaputaina mai ai te tuhinga a ngā Nīwhai e tētahi anahera hei tiaki māna. Kua kite koe i ngā pōuritanga maha nā te mea kua kahakina atu e te Ariki ō tamariki tokotoru: kāore koe e whakahēngia mō tēnei, nā te mea e mōhio ana ia ki ō tino kōingo ki te whakatupu ake i tētahi whānau, kia manaakitia te ingoa o taku tama. Ināianei ā, nana, ko taku kupu tēnei ki a koe, nā, pēnei tā te Ariki, ki te whakapono koe, ka manaakitia i tēnei mea, ā, ka whakaputa koe i ētahi atu tamariki, e ai ki te hari me te pai o tōku wairua, me te koa hoki o ō hoa.
“Ka manaakitia ki te māramatanga, ā, ka whai mana ki te tohutohu i ngā mea o tō taera. Me whakaako e koe te tika ki tō whānau, ā, te huarahi o te oranga ki ō mea nohinohi, ā, ka mataara ngā anahera tapu ki runga i a koe: ā, ka whakaorangia koe i roto i te kīngitanga o te Atua; koia anō. Āmine.”