Doktrinal nga Kahanas: Pagsukod 2

Alma –Moroni

Atol sa ikaduhang katunga niini nga kurso, gitun-an sa mga estudyante ang 12 ka mga tudling sa doktrinal nga kahanas gikan sa Alma hangtod sa Moroni. Kini nga pagsukod gidesinyo sa pagsukod sa abilidad sa mga estudyante sa paghinumdom sa mga pakisayran sa kasulatan ug sa mahinungdanon nga mga hugpong sa mga pulong sa kasulatan alang niini nga mga tudling, ingon man usab sa ilang abilidad sa paggamit niini sa tinud-anay nga mga sitwasyon sa kinabuhi. Magsukod usab kini sa pagsabot sa mga estudyante sa mga baroganan sa pag-angkon og espirituhanong kahibalo.

Ipahigayon kini nga pagsukod sa doktrinal nga kahanas bisan unsang orasa human nimo matudlo ang tanang mga tudling sa doktrinal nga kahanas gikan sa Alma 7:11–13 hangtod sa Moroni 10:4–5. Aron matabangan ang mga estudyante nga mangandam, itudlo ang “Doktrinal nga Kahanas: Rebyo sa Pagsukod 2” o paghatag sa mga estudyante sa giya sa pagtuon nga makita diha sa kataposan niana nga leksiyon. Mahimong gikinahanglan nga itudlo ang pipila ka mga leksiyon sa doktrinal nga kahanas sa dili pa kini moabot sa han-ay sa leksyion aron ang pagsukod madumala sa dili pa matapos ang tuig.

Kon mahimo, ipahigayon kini nga pagsukod sa personal ug gradohi kini dayon human makakompleto ang mga estudyante niini. Mahimo nimong personal nga gradohan ang matag pagsukod ug hisgotan ang sakto nga mga tubag pagkahuman isip usa ka tibuok nga klase, o mahimo nimong dapiton ang matag estudyante sa paggrado sa ilang kaugalingon. Tungod kay ang mga estudyante mahimong mopakigbahin og personal nga impormasyon sa pipila sa ilang mga tubag, ayaw hangyoa ang mga estudyante sa paggrado sa mga pagsukod sa ubang mga estudyante.

Dugang pa sa pagsukod sa kasamtangang kahibalo sa mga estudyante, ang kasinatian sa pagkuha ug sa paghisgot sa pagsukod gituyo aron mahimong usa ka panahon alang sa makahuloganon nga personal nga pagpamalandong sa mga estudyante. Samtang naghisgot sa mga pangutana 7–12, dapita ang mga estudyante sa pagpahayag kon nganong gipili nila ang maong mga tubag ug sa pagpasabot kon sa unsang paagi ang (mga) tudling nga ilang gipili makatabang sa gihulagway nga mga sitwasyon. Tabangi ang mga estudyante nga makasabot sa bisan unsang mga pangutana nga mahimong natubag nila nga sayop. Paggahin og panahon sa pagtubag sa bisan unsang dugang nga mga pangutana nga mahimong aduna ang mga estudyante.

Mga Posibleng Kalihokan sa Pagkat-on

Doktrinal nga Kahanas sa Basahon ni Mormon: Pagsukod 2

Mga pakisayran sa doktrinal nga kahanas

Alang sa mga pangutana 1–3, isulat ang letra sa katugbang nga pakisayran diha sa blangko sunod sa matag hugpong sa mga pulong. Palihog ayaw gamita ang imong mga kasulatan alang niini nga bahin sa pagsukod.

Mahinungdanon nga mga Hugpong sa mga Pulong	Mga Pakisayran sa Kasulatan
“Ang gugma nga putli mao ang tiunay nga gugma ni Kristo.”	Alma 39:9
“Ug siya magpadayon, mag-antos sa mga sakit ug mga kasakit ug mga pagtintal sa matag matang.”	Alma 41:10
“Ayaw na pagsunod sa mga tinguha nga daotan sa imong mga mata.”	Moroni 7:45–48
	Helaman 5:12
	Alma 7:11–13

Mahinungdanon nga mga hugpong sa mga pulong sa kasulatan

Alang sa mga pangutana 4–6, isulat ang nawala nga mga pulong sa mahinungdanon nga mga hugpong sa mga pulong sa kasulatan sa doktrinal nga kahanas. Palihog ayaw gamita ang imong mga kasulatan alang niini nga bahin sa pagsukod.

4. “Mangutana sa , uban sa tinuod nga , nga may hugot nga pagtuo kang Kristo. … Ug pinaagi sa gahom sa Espiritu Santo kamo mahimo nga sa kamatuoran sa tanan nga mga butang.” (Moroni 10:4–5)

5. “Diha sa sa atong … nga kamo kinahanglan gayod motukod sa inyong .” (Helaman 5:12)

6. “Kamo dili makadawat og hangtod human sa sa inyong .” (Ether 12:6)

Paggamit sa tinud-anay nga mga sitwasyon sa kinabuhi

Mahimo nimong gamiton ang imong mga kasulatan alang sa nahibilin sa pagsukod.

Alang sa mga pangutana 7–9, pag-ila og usa o daghang mga tudling sa doktrinal nga kahanas gikan sa Alma hangtod sa Moroni nga makatabang sa usa ka tawo sa mosunod nga mga sitwasyon. Ipasabot kon nganong imong gipili ang maong (mga) tudling.

7. Usa ka batan-ong babaye kinsa nagkat-on mahitungod sa Simbahan gustong mahibalo kon unsay iyang buhaton aron mosunod ni Jesukristo.

8. Ang imong higala wala makasabot sa kamahinungdanon ni Jesukristo ug nangutana kanimo kon unsay Iyang nabuhat alang kanato.

9. Usa ka batan-ong lalaki gustong mahibalo kon sa unsang paagi siya makadawat sa tabang ug kusog sa Dios aron mapanalipdan gikan sa mga tentasyon ni Satanas.

Mga baroganan sa pag-angkon og espirituhanong kahibalo

Alang sa mga pangutana 10–11, ipakita ang imong kahibalo ug abilidad sa paggamit sa mga baroganan sa pag-angkon og espirituhanong kahibalo.

10. Unsaon nimo pagpasabot ang mosunod nga mga baroganan sa pag-angkon og espirituhanong kahibalo ngadto sa usa ka tawo?

    1. Lihokon inubanan sa hugot nga pagtuo.

    2. Susiha ang mga konsepto ug mga pangutana nga adunay mahangtorong panglantaw.

    3. Tinguhaa ang dugang nga panabot pinaagi sa balaanong gitudlo nga mga tinubdan.

11. Ang usa ka batan-ong babaye usahay mobati nga ang mga sugo sa Dios hilabihan ka higpit. Naghunahuna siya kon mas magmalipayon ba siya kon siya magpuyo sa iyang kinabuhi sa bisan unsang paagi nga paminaw niya labing maayo.

    Tubaga ang mosunod nga mga pangutana:

    1. Unsa nga piho nga mga butang ang mahimo niining tawhana aron molihok inubanan ang hugot nga pagtuo?

    2. Sa unsang paagi nga ang pagtan-aw niini nga sitwasyon uban sa mahangtoprong panglantaw makatabang kaniya?

    3. Ang mga tudling sa doktrinal nga kahanas mao ang mga ehemplo sa balaanong gitudlo nga mga tinubdan. Unsa nga (mga) tudling sa doktrinal nga kahanas ang mahimong makatabang niini nga sitwasyon? Sa unsa nga paagi?

12. Sa 12 ka mga tudling sa doktrinal nga kahanas nga imong gitun-an sa ikaduhang katunga sa Basahon ni Mormon, unsa nga tudling sa doktrinal nga kahanas ang piho nga nakatabang o makahuloganon diha kanimo? Ngano man?

Hatagi ang mga estudyante og igong panahon sa pagkompleto sa pagsukod. Kon mahuman na ang mga estudyante, irebyo kini isip usa ka tibuok nga klase. Mahimo nimong gradohan ang mga pagsukod o ipakorehir sa mga estudyante ang ilang kaugalingong trabaho.

Mga Tubag:

1. c. Moroni 7:45–48

2. e. Alma 7:11–13

3. a. Alma 39:9

4. kinasingkasing; katuyoan; masayod

5. lig-on nga sukaranan; Manunubos; tukuranan

6. saksi; pagsulay; hugot nga pagtuo

7. Ang posible nga mga tubag naglakip sa 3 Nephi 27:20 o Moroni 7:45–48, apan makadawat ang mga estudyante og puntos sa paggamit sa bisan unsang tudling sa doktrinal nga kahanas kon sila makapasabot kon sa unsa nga paagi ang kamatuoran sa tudling magamit.

8. Ang posible nga mga tubag naglakip sa Alma 7:11–13 o Alma 34:9–10, apan makadawat ang mga estudyante og puntos sa paggamit sa bisan unsang tudling sa doktrinal nga kahanas kon sila makapasabot kon sa unsa nga paagi ang kamatuoran sa tudling magamit.

9. Ang posible nga mga tubag naglakip sa Helaman 5:12 o Ether 12:27, apan makadawat ang mga estudyante og puntos sa paggamit sa bisan unsang tudling sa doktrinal nga kahanas kon sila makapasabot kon sa unsa nga paagi ang kamatuoran sa tudling magamit.

10. Kinahanglan nga makahimo ang mga estudyante sa mubo nga pagpasabot sa mga baroganan sa pag-angkon og espirituhanong kahibalo. Ikonsiderar ang pagdapit kanila sa pagtandi sa ilang mga tubag ngadto sa mga parapo 5–12 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2023).

11. Kinahanglan nga makahimo ang mga estudyante sa pagpasabot kon sa unsang paagi kining batan-ong babaye makalihok inubanan ang hugot nga pagtuo ug mosusi sa mga konsepto ug mga pangutana nga adunay mahangtorong panglantaw. Kinahanglan nga mahibalo usab sila og usa ka tudling sa doktrinal nga kahanas nga makatabang sa iyang mga kabalaka. Ang potensiyal nga mga tubag naglakip sa Alma 41:10, Ether 12:6, ug Moroni 10:4–5.

12. Basta ang mga estudyante motubag lang niini nga pangutana nga sinsero ug kompleto, kinahanglan sila nga hatagan og puntos. Dapita ang mga estudyante sa paghisgot sa tudling sa doktrinal nga kahanas nga ilang gipili alang sa pangutana 12 ug kon nganong ila kining gipili. Mahimong epektibo nga adunay daghang mga estudyante nga mopakigbahin kutob sa mahimo sa nahabilin nga oras. Dapita sila sa pagpakigbahin kon unsay gitudlo kanila sa tudling nga ilang gipili mahitungod sa Langitnong Amahan ug ni Jesukristo.

Taposa ang pagsukod uban sa pagpamatuod sa gahom sa pagkahibalo sa doktrina ni Jesukristo, nga makita diha sa Iyang mga kasulatan, ug sa pagkahimongandam sa paggamit sa Iyang mga pagtulun-an sa tinud-anay nga mga sitwasyon sa kinabuhi.

handout1