“Doktrinal nga Kahanas: Rebyo sa Pagsukod 2: Alma 7:11–13 hangtod sa Moroni 10:4–5,” Manwal sa Magtutudlo sa Basahon ni Mormon (2024)
“Doktrinal nga Kahanas: Rebyo sa Pagsukod 2,” Manwal sa Magtutudlo sa Basahon ni Mormon
Doktrinal nga Kahanas: Rebyo sa Pagsukod 2
Alma 7:11–13 hangtod sa Moroni 10:4–5
Kining rebyo sa pagsukod sa doktrinal nga kahanas gidesinyo isip usa ka kasinatian sa pagkat-on aron sa pagtabang sa mga estudyante sa pagrebyo sa 12 ka mga tudling sa doktrinal nga kahanas gikan sa Alma hangtod sa Moroni. Makatugot kini kanila sa pagpakita sa pagsabot ug sa paggamit sa mga kamatuoran niini nga mga tudling. Gidisenyo usab kini aron makatabang sa pag-andam sa mga estudyante alang sa umaabot nga pagsukod (“Doktrinal nga Kahanas: Pagsukod 2”)
Kini nga kasinatian sa pagkat-on mas makabenepisyo sa mga estudyante kon sila magtinabangay atol sa sesyon sa klase. Kon ikaw usa ka home-study o online nga magtutudlo, siguroha nga buhaton kini atol sa usa sa imong sinemana nga mga klase.
Gamita kini nga rebyo ug ipahigayon ang pagsukod sa doktrinal nga kahanas bisan unsang orasa human nimo matudlo ang tanang mga tudling sa doktrinal nga kahanas gikan sa Alma 7:11–13 hangtod sa Moroni 10:4–5. Hatagi og igong panahon tali niini nga rebyo ug sa pagsukod aron ang mga estudyante makatuon sa mga tudling nga wala nila mahibaloi pag-ayo. Mahimong gikinahanglan nga itudlo ang pipila ka mga leksiyon sa doktrinal nga kahanas sa dili pa kini moabot sa han-ay sa leksyion aron ang pagsukod madumala sa dili pa matapos ang tuig.
Mga Posibleng Kalihokan sa Pagkat-on
Ikonsiderar ang mga panginahanglan sa imong mga estudyante ug pilia ang mga bahin niini nga rebyo nga labing makatabang kanila sa pagpangandam sa “Doktrinal nga Kahanas: Pagsukod 2.” Sa tibuok niini nga pagrebyo, dapita ang mga estudyante sa pagtimaan sa mga tudling nga wala kaayo nila mahibaloi og maayo ug sa paghimo og mga plano sa pagtuon ug sa pagrebyo niadto nga mga tudling agig pagpangandam alang sa pagsukod.
Ang mga pasulit sa mga kalihokan sa pagrebyo 1 ug 2 mga sugyot aron matabangan ang mga estudyante sa pagrebyo sa mga pakisayran ug sa mahinungdanon nga hugpong sa mga pulong sa kasulatan nga ilang gitun-an atol niining katunga sa kurso. Ang nagkalainlaing mga kalihokan mahimong magamit aron matuman kini sumala sa mga panginahanglanon sa mga estudyante. Dugang nga mga ideya makaplagan sa miaging leksiyon sa pagrebyo sa doktrinal nga kahanas o sa Doktrinal nga Kahanas nga mobile app.
Kalihokan sa Pagrebyo 1: Ipares ang mga pakisayran sa kasulatan ug ang mahinungdanon nga mga hugpong sa mga pulong sa kasulatan
Ikonsiderar ang paggamit sa mosunod nga pasulit aron matabangan ang mga estudyante sa pagrebyo sa mga pakisayran sa kasulatan ug sa mahinungdanon nga mga hugpong sa mga pulong sa kasulatan nga ilang natun-an atol niining katunga sa kurso.
Mga tubag: 1-c, 2-e, 3-a, 4-i, 5-f, 6-b, 7-j, 8-h, 9-k, 10-l, 11-g, 12-d
Isip laing paagi sa pasulit, mahimo nimong i-printa ang matag usa sa 12 ka mga pakisayran sa kasulatan ug mahinungdanon nga mga hugpong sa mga pulong sa kasulatan ngadto sa lain-lain nga mga piraso sa papel. Hatagi og usa ka papel ang matag estudyante ug dapita sila sa pagpangita ug sa pagbarog tapad sa tawo kansang papel adunay katugbang nga pakisayran o mahinungdanon nga hugpong sa mga pulong sa kasulatan. Pagkahuman, mahimo nimong isagol ang mga papel ug balikon ang kalihokan sa makadaghang higayon.
Ipares ang mosunod nga mahinungdanon nga mga hugpong sa mga pulong nga anaa sa wala nga kolum ngadto sa sakto nga mga pakisayran sa tudling sa doktrinal nga kahanas nga anaa sa tuo nga kolum.
|
Mahinungdanon nga mga Hugpong sa mga Pulong |
Mga Pakisayran sa Kasulatan |
|---|---|
| |
| |
| |
| |
| |
| |
| |
| |
| |
| |
| |
|
Kalihohan sa Pagrebyo 2: Hibaloi ang mahinungdanon nga mga hugpong sa mga pulong sa kasulatan
Ang mosunod nga kalihokan sa tubagi-ang-blangko mahimong gamiton sa pagtabang sa mga estudyante sa pagrebyo sa mahinungdanon nga mga hugpong sa mga pulong sa kasulatan.
Mga tubag: 1. kinasingkasing; katuyoan; masayod 2. pag-ula; walay kinutoban; walay kataposan 3. lig-on nga sukaranan; Manunubos; tukuranan 4. saksi; pagsulay; hugot nga pagtuo 5. kabubut-on; Amahan; sinugdanan
Laing paagi sa pagtabang sa mga estudyante sa pagrebyo sa mahinungdanon nga mga hugpong sa mga pulong sa kasulatan mao ang pagpatarong kanila sa gisagol nga mga hugpong sa mga pulong. I-printa ang matag hugpong sa mga pulong, ug guntinga kini aron adunay usa lamang ka pulong sa matag piraso sa papel. Mahimo nimong bahinon ang mga estudyante ngadto sa gagmay nga mga grupo ug hatagan ang matag grupo og usa ka hugpong sa mga papel nga moporma og kompleto nga mahinungdanon nga hugpong sa mga pulong sa kasulatan. Dapita ang mga grupo sa pagtarong sa gisagol nga mga pulong aron ang mahinungdanon nga hugpong sa mga pulong sa kasulatan mapundok pag-usab sa saktong pagkasunod-sunod. Pagkahuman sa mga grupo, mahimo nilang ibaylo ang mga papel ug balikon ang kalihokan.
Sulati ang mga blangko sa nawala nga mga pulong gikan sa mahinungdanon nga mga hugpong sa mga pulong sa kasulatan.
-
“Mangutana sa , uban sa tinuod nga , nga may hugot nga pagtuo kang Kristo. … Ug pinaagi sa gahom sa Espiritu Santo kamo mahimo nga sa kamatuoran sa tanan nga mga butang.” (Moroni 10:4–5)
-
“Kinahanglan gayod nga adunay nga pagahimoon, … usa ka ug nga sakripisyo.” (Alma 34:9–10)
-
“Diha sa sa atong … nga kamo kinahanglan gayod motukod sa inyong .” (Helaman 5:12)
-
“Kamo dili makadawat og hangtod human sa sa inyong .” (Ether 12:6)
-
“Ako mituman sa sa sa tanan nga mga butang gikan sa .” (3 Nephi 11:10–11)
Kalihokan sa Pagrebyo 3: Gamita ang doktrina
Tabangi ang mga estudyante sa pagpraktis sa paggamit sa doktrina nga gitudlo sa mga tudling sa doktrinal nga kahanas ngadto sa tinud-anay nga mga sitwasyon sa kinabuhi. Ang usa ka paagi sa pagbuhat niini mao ang pagpakita sa mosunod nga mga senaryo. Dayon dapita ang mga estudyante sa pagdesisyon kon unsa nga (mga) tudling sa doktrinal nga kahanas ang makatabang sa tawo sa matag senaryo. Dapita ang mga estudyante sa pagpasabot kon sa unsang paagi makatabang ang doktrina nga gitudlo sa (mga) tudling nga ilang gipili.
Kini nga kalihokan mahimong himoon nga magtinagsa, sa mga grupo, isip usa ka klase, o kombinasyon sa tanan nga tulo.
-
Usa ka batan-ong babaye kinsa nagkat-on mahitungod sa Simbahan gustong mahibalo kon unsay iyang buhaton aron mosunod ni Jesukristo.
-
Usa ka grupo sa mga tin-edyer bag-o lang nagsugod sa pagkabastos sa kadaghanan sa ilang mga kaedad sa eskwelahan.
-
Ang imong higala wala makasabot sa kamahinungdanon ni Jesukristo ug nangutana kanimo kon unsay Iyang nabuhat alang kanato.
-
Usa ka batan-ong lalaki gustong mahibalo kon sa unsang paagi siya makadawat sa tabang ug kusog sa Dios aron mapanalipdan gikan sa mga tentasyon ni Satanas.
Kalihokan sa Pagrebyo 4: Gamita ang mga baroganan sa pag-angkon og espirituhanong kahibalo
Tabangi ang mga estudyante sa pagrebyo sa mga baroganan sa pag-angkon og espirituhanong kahibalo ug hatagi sila og kahigayonan sa pagpraktis sa paggamit niini sa tinud-anay nga mga sitwasyon sa kinabuhi. Ang mosunod maoy usa ka paagi sa pagbuhat niini.
Handurawa ang mosunod nga senaryo:
Ang usa ka batan-ong babaye usahay mobati nga ang mga sugo sa Dios hilabihan ka higpit. Naghunahuna siya kon mas magmalipayon ba siya kon siya magpuyo sa iyang kinabuhi sa bisan unsang paagi nga paminaw niya labing maayo.
Pamalandongi kon unsaon nimo sa paggamit ang mosunod nga mga baroganan sa pag-angkon og espirituhanong kahibalo aron sa pagtabang niini nga tin-edyer sa pagtinguha sa Langitnong Amahan ug ni Jesukristo nga makadawat og tabang sa iyang mga kabalaka.
-
Lihokon inubanan sa hugot nga pagtuo.
-
Susiha ang mga konsepto ug mga pangutana nga adunay mahangtorong panglantaw.
-
Tinguhaa ang dugang nga panabot pinaagi sa balaanong gitudlo nga mga tinubdan.
-
Unsaon nimo paggamit ang matag usa sa tulo ka mga baroganan sa pag-angkon og espirituhanong kahibalo aron makatabang niini nga sitwasyon?
-
Hain nga mga tudling sa doktrinal nga kahanas gikan niining katunga sa kurso ang makatabang? Sa unsa nga paagi?
-
Unsa nga mga kasinatian ang imong nasinati sa paggamit sa mga baroganan sa pag-angkon og espirituhanong kahibalo aron masulbad ang imong kaugalingon nga mga kabalaka?
Kalihokan sa Pagrebyo 5: Mga tudling nga adunay espesyal nga kahulogan diha sa imong kinabuhi
Dapita ang mga estudyante sa pagpamalandong kon hain nga tudling sa doktrinal nga kahanas ang nakaapekto kanila pag-ayo. Pananglitan, mahimo silang mopili og usa nga nakatabang kanila nga mobati sa gugma sa Langitnong Amahan ug ni Jesukristo o nakatabang kanila nga mas makasabot ni Jesukristo ug sa Iyang Pag-ula.
-
Unsa ang usa ka tudling sa doktrinal nga kahanas nga makahuloganon o makatabang diha kanimo? Sa unsang paagi kini nahimong makahuloganon o makatabang?
Makabaton ka og kahigayonan sa pagpakigbahin niini nga mga panabot ug mga kasinatian isip kabahin sa pagsukod.
Ikonsiderar ang pag-apud-apod sa mosunod nga handout ngadto sa mga estudyante aron matabangan sila sa pag-andam alang sa “Doktrinal nga Kahanas: Pagsukod 2.”
Doktrinal nga Kahanas: Pagsukod 2—Giya sa Pagtuon
Manwal sa Magtutudlo sa Basahon ni Mormon (2024)—“Doktrinal nga Kahanas: Rebyo sa Pagsukod 2: Alma 7:11–13 hangtod sa Moroni 10:4–5”
Isag-ulo ang mga pakisayran ug ang mahinungdanon nga mga hugpong sa mga pulong sa kasulatan
Mahimong pamilyar sa mga pakisayran sa kasulatan sa doktrinal nga kahanas ug sa mahinungdanon nga mga hugpong sa mga pulong sa kasulatan. Mahimo nimong i-download ug gamiton ang doktrinal nga kahanas nga mobile app aron sa pagtabang kanimo sa pagrebyo.
Doktrinal nga Kahanas sa Basahon ni Mormon: Alma–Moroni
|
Pakisayran sa Kasulatan |
Mahinungdanon nga Hugpong sa mga Pulong sa Kasulatan |
|---|---|
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ug siya magpadayon, mag-antos sa mga sakit ug mga kasakit ug mga pagtintal sa matag matang.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kinahanglan gayod nga adunay pag-ula nga pagahimoon, … usa ka walay kinutoban ug walay kataposan nga sakripisyo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ayaw na pagsunod sa mga tinguha nga daotan sa imong mga mata.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang pagkadaotan dili mahitabo nga kalipay.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Diha sa lig-on nga sukaranan sa atong Manunubos … nga kamo kinahanglan gayod motukod sa inyong tukuranan.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ako mituman sa kabubut-on sa Amahan sa tanan nga mga butang gikan sa sinugdanan.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “[Pagmahingpit] sama nga Ako ingon, o ang inyong Amahan kinsa anaa sa langit hingpit.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Duol ngari kanako ug magpabunyag … aron kamo mahimo nga pagasantoson pinaagi sa pagdawat sa Espiritu Santo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kamo dili makadawat og saksi hangtod human sa pagsulay sa inyong hugot nga pagtuo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kon ang mga tawo moduol ngari kanako … niana Ako mohimo sa mahuyang nga mga butang nga mahimo nga malig-on ngadto kanila.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang gugma nga putli mao ang tiunay nga gugma ni Kristo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.” |
Gamita ang doktrina sa tinud-anay nga mga sitwasyon sa kinabuhi
Paggamit og bisag usa ka tudling sa kasulatan sa doktrinal nga kahanas aron:
-
Ipasabot unsa ang gisugo sa Dios nga atong buhaton aron mahimong takos alang sa kinabuhing dayon.
-
Tabangan ang usa ka tawo kinsa gusto nga mahibalo kon unsaon niya pagpalig-on ang iyang pagpamatuod.
-
Ipasabot ang kamahinungdanon sa misyon ni Jesukristo isip atong Manluluwas ug Manunubos.
-
Ipasabot kon unsa ang mahimo sa Manluluwas sa pagtabang kanato sa atong mga hagit o mga tentasyon.
Pangandam sa pagpakigbahin hain sa mga tudling sa doktrinal nga kahanas ang labing nakaapekto kanimo ug ngano.
Mga baroganan sa pag-angkon og espirituhanong kahibalo
Rebyoha ang mga parapo 5–12 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2023). Pamalandongi kon unsaon nimo sa paggamit ang mga baroganan sa pag-angkon og espirituhanong kahibalo aron sa pagtabang sa usa ka tawo nga mabuntog ang usa ka hagit o kabalaka nga iyang giatubang.
© 2024 by Intellectual Reserve, Inc. All rights reserved.