Մորմոն 8.1–26

Մեծ արժեքի հիշատակարան

Մորմոնի Գրքի օրինակներ տարբեր լեզուներով

Ի՞նչ կանեիք, եթե ձեզ ոսկե թիթեղների նման արժեքավոր բան վստահեին։ Երբ Մորոնին ստացավ թիթեղները, արեց հնարավոր ամեն ինչ՝ դրանք պաշտպանելու համար։ Նա ի վերջո դրանք հողում թաղեց՝ վստահ լինելով, որ «պահ են տրված Տիրոջը» (Մորմոնի Գրքի տիտղոսաթերթը) և մի օր դուրս են բերվելու «Տիրոջ ձեռքով» (Մորմոն 8․26)։ Այս դասը կարող է օգնել ձեզ զգալ Մորմոնի Գրքի կարևորությունը ձեր կյանքում։

Ստեղծեք ակտիվ ուսումնական միջավայր: Կարող եք կազմակերպել ուսումնական անկյուններ, որպեսզի հնարավորություն ունենաք արդյունավետորեն կազմակերպել մեծ քանակով ուսումնական նյութի բաժանումը և թույլ տաք ուսանողներին ինքնուրույն մոտեցում ցուցաբերել ուսմանը։ Երբ ուսանողներն ընտրեն ու շրջեն անկյուններով, ուշադրություն դարձրեք, թե ում է անհատական օգնություն անհրաժեշտ։

Ուսանողի նախապատրաստում․ առաջարկեք ուսանողներին խորհել, թե Մորմոնի Գրքի ուսումնասիրության իրենց վերջին ջանքերն ինչպես են ցույց տալիս, թե որքան են արժևորում Մորմոնի Գիրքը։

Հնարավոր ուսումնական վարժություններ

Թանկագին պարգև

Պատկերացրեք, որ ձեզ ինչ-որ մեկը ադամանդներով ու սուտակներով լի մի պայուսակ է նվեր տալիս։

• Ի՞նչ կպատասխանեիք դուք: Այդ նվերն ինչպե՞ս կարող է օրհնել ձեր կյանքը։

Նախագահ Ռասսել Մ. Նելսոնն աֆրիկյան ցեղերից մեկի ցեղապետին Մորմոնի Գրքի մի օրինակ է տվել և բացատրել, թե ինչով է այն Հիսուս Քրիստոսի մեկ այլ կտակարան համարվում։ Ցեղապետը պատասխանել է․

Նախագահ Ռասսել Մ. Նելսոն

«Դուք կարող էիք ինձ տալ ադամանդ ու սուտակ, բայց ոչինչ այնքան թանկ չէ ինձ համար, որքան այս լրացուցիչ գիտելիքը Տեր Հիսուս Քրիստոսի մասին» (Ռասսել Մ․ Նելսոն, «Մորմոնի Գիրքը․ ինչպիսի՞ն կլիներ ձեր կյանքն առանց նրա», Ensign կամ Լիահոնա, նոյեմբեր, 2017 թ., 60–61)

• Ցեղապետն ինչո՞ւ էր այդպես մտածում։

Ուսանողներին ժամանակ տվեք՝ գնահատելու Մորմոնի Գրքի վերաբերյալ ունեցած իրենց զգացողությունները։ Կարող եք ցուցադրել նախագահ Նելսոնի հետևյալ խոսքերը, որպեսզի օգնեք նրանց խորհել։

Մտածեք, թե ինչպես կպատասխանեիք նախագահ Նելսոնի բարձրացրած հետևյալ հարցերին․

Նախագահ Ռասսել Մ. Նելսոն

Իմ եղբայրնե՛ր և քույրե՛ր, որքանո՞վ է թանկ Մորմոնի գիրքը ձեզ համար: Եթե ձեզ առաջարկեին ադամանդ ու սուտակ կամ Մորմոնի Գիրքը, ո՞րը կընտրեիք։ Անկեղծ ասեք, ո՞րը ավելի մեծ արժեք ունի ձեզ համար: (Ռասսել Մ․ Նելսոն, «Մորմոնի Գիրքը․ ինչպիսի՞ն կլիներ ձեր կյանքն առանց նրա», Ensign կամ Լիահոնա, նոյեմբեր 2017 թ., 61)։

Մորմոն 8 գլուխն ուսումնասիրելիս խորհեք Մորմոնի Գրքի վերաբերյալ ձեր անձնական վկայության մասին։ Փնտրեք, թե ինչու է Մորմոնի Գրքում Հիսուս Քրիստոսի մասին վկայությունն ամենաթանկը, և ինչպես կարող է այն օրհնել ձեր կյանքը։

Բացահայտեք Մորմոնի Գրքի արժեքը

Հետևյալ վարժությունը բաղկացած է չորս մասից, որոնք նախատեսված են օգնելու ուսանողներին բացահայտել կամ վերահաստատել Մորմոնի Գրքի արժեքը։ Կարող եք յուրաքանչյուր մասի համար ուսումնական անկյուն կազմակերպել, և ուսանողները կարող են անհատապես կամ փոքր խմբերով շրջել անկյուններով։

գանձերի որոնման քարտեզ

Ձեր ուսումնասիրության օրագրում գանձերի քարտեզ նկարեք։ Քարտեզի վրա պատկերված յուրաքանչյուր կետ այն տեղն է, երբ պետք է գրի առնեք Մորմոն 8 գլխի ուսումնասիրությունից սովորածը։ Ներառեք Մորմոնի Գրքի արժեքի մասին բացահայտումները հետևյալ հատվածներից յուրաքաչնյուրից։ Ձեր սովորած յուրաքանչյուր բան ձեզ ավելի է մոտեցնում գանձերի քարտեզի X կետին։ X-ն այն կետն է, երբ գրելու եք, թե ինչ է նշանակում ձեզ համար Մորմոնի Գիրքը։

Մաս 1։ Թաքնված գանձ

Երբ Մորմոնը մահացավ ճակատամարտում (տե՛ս Մորմոն 8․3), Մորոնին պահում էր ոսկե թիթեղների վրա հոր գրած հիշատակարանը և լրացնում էր այն։

Կարդացեք Մորմոն 8․1–5 հատվածներն ու Մորմոնի Գրքի տիտղոսաթերթը և փնտրեք, թե ինչու է գրվել ու պահվել Մորմոնի Գիրքը։

• Ի՞նչ կարող ենք սովորել Մորմոնի Գրքի նպատակի մասին։

Ձեր պատասխանը գրեք քարտեզի կետերից մեկի կողքին։

Ահա ճշմարտություններից մեկը, որ կարող ենք սովորել․ Մորմոնի Գիրքը պահպանվել է մեր օրերի համար, որպեսզի համոզի մեզ, որ Հիսուսը Քրիստոսն է։

• Ինչպե՞ս է Մորմոնի Գիրքն ազդել Հիսուս Քրիստոսին հետևելու ձեր ցանկության վրա։

Մաս 2։ Հիշատակարանի արժեքը

ոսկե թիթեղները

Օգնեք ուսանողներին պատկերացնել ոսկե թիթեղները և մտածել դրանց մասին՝ օգտագործելով Եկեղեցու պատմության թեմաների տեղեկությունները, «Ոսկե թիթեղներ», history.ChurchofJesusChrist.org։

Մտածեք, թե ինչ գիտեք ոսկե թիթեղների մասին, և ձեր կարծիքով դրանք ինչ արժեք կարող են ունենալ։ Կարդացեք, թե ինչ էր զգացել Ջոզեֆ Սմիթը, երբ առաջին անգամ Մորոնիից ստացել էր ոսկե թիթեղները։

Երբ Ջոզեֆը ոսկե թիթեղները բերեց տուն, գանձ որոնողները շաբաթներ շարունակ փորձում էին գողանալ դրանք։ Թիթեղները ապահով տեղում պահելու համար նա ստիպված էր դրանք տեղից տեղ տեղափոխել, թաքցնելով բուխարու տակ, իր հոր խանութի հատակի տակ և հացահատիկի կույտի մեջ: Նա միշտ պիտի աչալուրջ լիներ։ (Սրբեր․ Հիսուս Քրիստոսի Վերջին օրերի Եկեղեցու պատմությունը, հատոր 1, Ճշմարտության դրոշը, 1815–1846 [2018], 43)։

• Այդ պատմության մեջ ի՞նչն է առավել տպավորիչ ձեզ համար։

Կարդացեք Մորմոն 8․14 հատվածը և փնտրեք, թե ինչ էր ասել Մորոնին թիթեղների մասին։

• Ըստ ձեզ՝ Մորոնին ի՞նչ նկատի ուներ, երբ ասել էր, որ թիթեղները «ոչ մի արժեք չունեն», այլ «դրանց հիշատակարանը մեծ արժեքի է»։ Ի՞նչ մենք կարող ենք սովորել սրանից:

Ձեր պատասխանը գրեք քարտեզի կետերից մեկի կողքին։

Ճշմարտություններից մեկը, որ կարող ենք սովորել, այն է, որ Մորմոնի Գրքի հիշատակարանը մեծ արժեք ունի։

Թվարկեք հատվածներ, ուսմունքներ կամ պատմություններ Մորմոնի Գրքից, որոնք կարծում եք, որ մեծ արժեք ունեն։ Բացատրեք, թե դրանք ինչու են արժեքավոր ձեզ կամ ուրիշների համար։

Մաս 3։ Աստծո պարգև

Ջոզեֆ Սմիթը ոսկե թիթեղները վերցնում է Կումորա բլուրից

Մտածեք, թե ինչ գիտեք Ջոզեֆ Սմիթի պատանեկության տարիների մասին։ Կարո՞ղ եք մտածել, թե Աստված ինչո՞ւ կարող էր ընտրել Ջոզեֆ Սմիթին, որպեսզի թարգմանի Մորմոնի Գիրքը։

Կարդացեք Մորմոն 8․15–16, 26 հատվածները և փնտրեք, թե Մորոնին ինչ էր ուսուցանում Ջոզեֆ Սմիթի և Մորմոնի Գրքի մասին։

• Ի՞նչ ճշմարտություններ կարող ենք սովորել այն մասին, թե ինչպես է ի լույս եկել Մորմոնի Գիրքը։

Ձեր պատասխանը գրեք քարտեզի կետերից մեկի կողքին։

Ահա ճշմարտություններից մեկը, որ կարող ենք սովորել․ Աստված Ջոզեֆ Սմիթին զորություն տվեց՝ ստեղծելու Մորմոնի Գիրքը։

Գրեք մեկ-երկու բան, որ գիտեք Ջոզեֆ Սմիթի կողմից Մորմոնի Գիրքը թարգմանելու վերաբերյալ (տե՛ս Եկեղեցու պատմության թեմաներ, «Մորմոնի Գրքի թարգմանությունը», history.ChurchofJesusChrist.org կամ Ավետարանական թեմաներ, «Մորմոնի Գրքի թարգմանությունը», history.ChurchofJesusChrist.org)։

Մաս 4։ Ի՞նչն եմ ես արժևորում Մորմոնի Գրքի վերաբերյալ

Հիմնվելով Մորմոնի Գրքի՝ տանը, եկեղեցում և սեմինարիայում կատարած ուսումնասիրության վրա՝ գրեք, թե ինչն եք ամենաշատը արժևորում Մորմոնի Գրքի վերաբերյալ։ Հետևյալ հարցերը կարող են օգնել։

Ձեր քարտեզի X-ի կողքին գրեք հետևյալ հարցերից առնվազն մեկի պատասխանը․

• Ինչո՞ւ եք երախտապարտ, որ Մորմոնի Գիրքը պահպանվել է։

• Ի՞նչ եք սովորել այն մարգարեների մասին, որոնց Տերը կանչել է Մորմոնի Գիրքը մեզ բերելու համար։

• Ի՞նչ կանեք, որպեսզի Տիրոջը ցույց տաք, թե որքան եք արժևորում Մորմոնի Գիրքը։

Երբ ուսանողները գրեն իրենց պատասխանները, կարող եք առաջարկել նրանց մտածել, թե ում կտային Մորմոնի Գրքի օրինակը կամ այն ներբեռնելու հղումը։ Կարող եք խրախուսել նրանց գրքով կիսվելիս ներառել իրենց վկայությունը։ Կարող եք բերել ձեր վկայությունը Մորմոնի Գրքի մասին։

Բացատրական և պատմական տեղեկություններ

Ի՞նչն է արժեքավոր Մորմոնի Գրքի վերաբերյալ։

Նախագահ Ռասսել Մ. Նելսոնը մի քանի օրինակ է բերել։ Ավելի մանրամասն պատասխանը տե՛ս նրա ամբողջական ելույթում։

Նախագահ Ռասսել Մ. Նելսոն

Հիսուս Քրիստոսի Քավության մասին Մորմոնի Գիրքը տրամադրում է ամբողջական և ամենահեղինակավոր հասկացողությունը, որը երբևէ եղել է մինչ այդ: Այն ուսուցանում է, թե ինչ է նշանակում վերստին ծնվել: Մորմոնի Գրքից մենք սովորում ենք ցրված Իսրայելի հավաքման մասին: Մենք իմանում ենք, թե մենք ինչու ենք այստեղ՝ Երկրի վրա: Սա և այլ ճշմարտություններ ավելի հզոր ու համոզիչ են ուսուցանվում Մորմոնի Գրքում, քան որևէ այլ գրքում: Հիսուս Քրիստոսի ավետարանի ողջ զորությունը պարունակվում է Մորմոնի Գրքում: Ժամանակաշրջան:

Մորմոնի Գիրքը պարզաբանում է Տիրոջ ուսմունքները և բացահայտում է հակառակորդի մարտավարությունը: Մորմոնի Գիրքն ուսուցանում է ճշմարիտ վարդապետություն այն մասին, թե ինչպես հաղթահարել կրոնական կեղծ ավանդույթները՝ ինչպես օրինակ մանուկների մկրտության սխալ սովորույթը: Մորմոնի Գիրքը նպատակ է տալիս կյանքին, հորդորելով մեզ խորհել հավերժական կյանքի ներուժի և «երբեք չվերջացող երջանկության վիճակի» մասին» [Մոսիա 2.41, տես նաև Ալմա 28.12]: Մորմոնի Գիրքը մերժում է այն կեղծ համոզմունքները, որ երջանկություն կարելի է գտնել ամբարշտության մեջ, և որ անձնական բարությունն այն ամենն է, ինչ պահանջվում է Աստծո ներկայություն վերադառնալու համար [պահանջվում են նաև հատուկ սուրբ արարողություններ և ուխտեր]։ Այն ընդմիշտ վերացնում է կեղծ հասկացողություններն այն մասին, որ հայտնությունն ավարտվել է Աստվածաշնչի հետ և երկնքի հետ այլևս հաղորդակցություն գոյություն չունի: (Ռասսել Մ․ Նելսոն, «Մորմոնի Գիրքը․ ինչպիսի՞ն կլիներ ձեր կյանքն առանց նրա», Ensign կամ Լիահոնա, նոյեմբեր 2017 թ., 62)։

Օժանդակ ուսումնական վարժություններ

Մորմոն 8․1–5։ Ի՞նչ կլիներ, եթե Մորոնիին չհաջողվեր պահպանել թիթեղները։

Որպեսզի օգնեք ուսանողներին հասկանալ, թե ինչ արժեք ունի այն, որ Մորոնին օգնեց պահպանել ոսկե թիթեղները, կարող եք ցուցադրել «Սուրբ գրությունների ժառանգությունը» տեսանյութի 0:00–2:27 և 19:40–20:46 հատվածները։ Քննարկեք, թե ինչ տեղի կունենար, եթե Մորոնիին չհաջողվեր պահպանել թիթեղները, և որքան ենք մենք օրհնված, որ նրան հաջողվել է անել դա։

Մորմոն 8․14–15։ Ոսկե թիթեղների իրական արժեքը

Որպեսզի օգնեք ուսանողներին հասկանալ, թե ինչպես պետք է Ջոզեֆ Սմիթը պատրաստվեր Մորմոնի Գիրքն ի լույս բերել «[Աստծո] փառքին ուղղված աչքով» (Մորմոն 8․15), կիսվեք հետևյալ մեջբերումներով․ էջ 25–26, Սրբեր, հատոր 1, Ճշմարտության դրոշը։

Մորմոն 8․22–26։ Ապացույց, որ Աստված պահում է ուխտերը

Ուսանողներին առաջարկեք թվարկել այն մարդկանց, որոնք ինչ-որ բան են արել Մորմոնի Գիրքը մեզ հասցնելու համար։ Ուսանողները կարող են կարդալ, թե Մորմոնը 8․22–26 հատվածներում Մորոնին ինչ է ասել նրանց մասին, ովքեր նախորդել իրեն և ապագա սերունդներին օրհնելու մեծ ցանկություն են ունեցել (տե՛ս նաև Ենովս 1․15–18)։ Օգնեք ուսանողներին տեսնել, որ Մորմոնի Գիրքն ապացուցում է այն, որ Տերն ուխտեր է կապում և պահում է դրանք։

Ուսանողների համար գուցե օգտակար լինի կազմել լրացուցիչ ուխտերի ցանկ, որոնք Տերն արել է, և գիտենք, որ Նա կատարելու է դրանք։