« នីហ្វៃទី៣ ១២–១៦ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី៣ ១២–១៦ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី៣ ១២–១៦
ទិដ្ឋភាពទូទៅ
នៅពេលបង្រៀនដល់ប្រជាជននៅលើដែនដីបរិបូរណ៍ ព្រះយេស៊ូវបានប្រកាសអំពីពរជ័យជាច្រើនដែលយើងអាចទទួល និងរបៀបដែលយើងអាចប្រែក្លាយកាន់តែដូចជាទ្រង់ នៅក្នុងបទបង្រៀនស្រដៀងគ្នាទៅនឹងទេសនកថានៅលើភ្នំរបស់ទ្រង់ ។ បន្ទាប់មក ទ្រង់បានជួយដល់ប្រជាជនឲ្យយល់អំពីសេចក្តីស្រឡាញ់របស់ទ្រង់ និងបំណងព្រះទ័យរបស់ទ្រង់នៅក្នុងការប្រមូលបុត្រាបុត្រីរបស់ព្រះទាំងអស់ ។
រៀបចំខ្លួនដើម្បីបង្រៀន
ព័ត៌មានខាងក្រោមនេះផ្តល់ជាគំនិតដល់គ្រូបង្រៀនអំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។
នីហ្វៃទី៣ ១២:១–១៦
គោលបំណងមេរៀន ៖ មេរៀននេះអាចជួយដល់សិស្សឲ្យរៀបចំខ្លួនដើម្បីទទួលបានពរជ័យ ដែលព្រះអង្គសង្គ្រោះបានមានព្រះបន្ទូលនៅពេលដែលពួកគេខិតខំធ្វើតាមឱវាទរបស់ទ្រង់ ។
-
ការរៀបចំសិស្ស ៖ ដើម្បីជួយរៀបចំចិត្តរបស់សិស្សឲ្យសិក្សាអំពីទេសនកថារបស់ព្រះអង្គសង្គ្រោះនៅក្នុងនីហ្វៃទី ៣ ដែលស្រដៀងគ្នាទៅនឹងទេសនកថានៅលើភ្នំរបស់ទ្រង់ សូមពិចារណាអញ្ជើញពួកគេឲ្យគិតពិចារណាអំពីសេចក្ដីថ្លែងការណ៍នេះមកពីប្រធានយ៉ូសែប ហ្វីលឌីង ស្ម៊ីធ ( ឆ្នាំ ១៨៧៦–១៩៧២ ) ។ លោកបានមានប្រសាសន៍ថា ទេសនកថានៅលើភ្នំគឺជា « [ ទេសនកថា ] ដ៏អស្ចារ្យបំផុតដែលពុំធ្លាប់បង្រៀនពីមុនមកឡើយ តាមអ្វីដែលយើងដឹង » ( Teachings of Presidents of the Church: Joseph Fielding Smith [ ឆ្នាំ ២០១៣ ] ទំព័រ ២៣៤ ) ។
-
មាតិកាដែលត្រូវបង្ហាញ ៖ ក្របគំនូរដ៏សាមញ្ញមួយអំពីក្របទស្សនាវដ្ដីបែបការស្រមើលស្រមៃដែលមានចំណងជើងដូចជាទស្សនាវដ្តីជោគជ័យលំដាប់ពិភពលោក ក្របគំនូរដ៏សាមញ្ញនៃទស្សនាវដ្តី លីអាហូណា ។
-
យោបល់សម្រាប់ការបង្រៀនតាមសន្និសីទវីដេអូ ៖ ប្រសិនបើសិស្សសិក្សាសុន្ទរកថានៅក្នុងសន្និសីទមកពីថ្នាក់ដឹកនាំសាសនាចក្រ នោះអ្នកអាចឲ្យពួកគេចែកចាយអេក្រង់របស់ពួកគេដើម្បីចង្អុលបង្ហាញអំពីផ្នែកជាក់លាក់នៃសុន្ទរកថាដែលមានអត្ថន័យចំពោះពួកគេ ។
នីហ្វៃទី៣ ១២:១៧–៤៨
គោលបំណងមេរៀន ៖ មេរៀននេះមានគោលបំណងជួយដល់សិស្សឲ្យយល់ដឹងអំពីសក្តានុពលរបស់ពួកគេ ដើម្បីបានល្អឥតខ្ចោះដូចព្រះវរបិតាសួគ៌ និងព្រះយេស៊ូវគ្រីស្ទផងដែរ ។
-
ការរៀបចំសិស្ស ៖ អញ្ជើញសិស្សឲ្យសិក្សានៅក្នុងកថាខណ្ឌទីមួយនៅក្រោមផ្នែក « ល្អឥតខ្ចោះ » នៅក្នុងសេចក្តី ណែនាំដល់បទគម្ពីរទាំងឡាយ ហើយមករៀនដោយរៀបចំខ្លួនដើម្បីចែកចាយអ្វីដែលពួកគេរកឃើញថាមានអត្ថន័យបំផុតអំពីនិយមន័យនេះ និងអំពីមូលហេតុ ។
-
រូបភាពដែលត្រូវបង្ហាញ ៖ រូបភាពអំពីគ្រាប់ពូជ កូនឆ្កែ និងទារក
-
សម្ភារសម្រាប់សិស្ស ៖ ក្រដាសតូចៗសម្រាប់សិស្សសរសេរ
-
យោបល់សម្រាប់ការបង្រៀនតាមសន្និសីទវីដេអូ ៖ ដើម្បីចាប់ផ្តើមមេរៀននេះ បន្ថែមទៅលើការបង្ហាញរូបភាពគ្រាប់ពូជ កូនឆ្កែ និងទារក នោះអ្នកអាចបង្ហាញរូបភាពនៃដើមឈើ ឆ្កែធំ និងព្រះយេស៊ូវគ្រីស្ទ ឬព្រះវរបិតាសួគ៌ ។ បន្ទាប់ពីបង្ហាញរូបភាពបីដំបូងរួចហើយ អ្នកអាចជួយសិស្សឲ្យមើលឃើញអំពីសក្តានុពលរបស់ពួកគេដោយបង្ហាញនូវរូបភាពបន្ថែមទៀត ។
ចំណេះចំណានខាងគោលលទ្ធិ ៖ នីហ្វៃទី៣ ១២:៤៨
គោលបំណងមេរៀន ៖ មេរៀននេះនឹងជួយសិស្សឲ្យទន្ទេញសេចក្តីយោង និងឃ្លាបទគម្ពីរគន្លឹះសម្រាប់ នីហ្វៃទី៣ ១២:៤៨ ពន្យល់អំពីគោលលទ្ធិដែលបានបង្រៀននៅក្នុងវគ្គបទគម្ពីរនេះ ហើយអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែង ។
-
ការរៀបចំសិស្ស ៖ អញ្ជើញសិស្សឲ្យទន្ទេញ នីហ្វៃទី៣ ១២:៤៨ មុនពេលមកដល់ថ្នាក់រៀន ។ អ្នកអាចអញ្ជើញពួកគេឲ្យហាត់សូត្របទគម្ពីរចេញពីការចងចាំទៅដល់សមាជិកនៅក្នុងថ្នាក់ផ្សេងទៀតនៅក្នុងខណៈពេលដែលបានចូលមកដល់ថ្នាក់មិនថា ជាបុគ្គលផ្ទាល់ ឬតាមរយៈការផ្ញើសារ ឬតាមរបៀបផ្សេងទៀតនោះទេ ។
-
សម្ភារសម្រាប់សិស្ស ៖ ក្រដាសពាក់កណ្តាលសន្លឹក
-
យោបល់សម្រាប់ការបង្រៀនតាមសន្និសីទវីដេអូ ៖ សម្រាប់ផ្នែក « ការពន្យល់ និងទន្ទេញ » នៃមេរៀននេះ អ្នកអាចរៀបចំឯកសារមួយដែលមានឃ្លាបទគម្ពីរសរសេរនៅជ្រុងផ្សេង ដូចដែលបានពិពណ៌នានៅក្នុងមេរៀននេះ ។ បន្ទាប់មក អ្នកអាចចែកចាយអេក្រង់របស់អ្នក ហើយឲ្យសិស្សប៉ះទៅឃ្លានេះតាមលំដាប់លំដោយ ។ សូមលុបឃ្លាម្តងមួយឃ្លាៗ ហើយអញ្ជើញសិស្សឲ្យប៉ះអេក្រង់ដោយធ្វើដដែលៗ ហើយនិយាយពាក្យនៅឃ្លានោះរហូតដល់អស់ឯកសារ ។ អ្នកក៏អាចរៀបចំឯកសារជាច្រើនដោយមានឃ្លាបទគម្ពីរដែលសរសេរនៅជ្រុងផ្សេងទៀត ហើយបង្ហាញឯកសារម្តងមួយៗបន្តបន្ទាប់គ្នា ដោយផ្តល់ឱកាសឲ្យសិស្សដើម្បីស្វែងរកលំដាប់ពាក្យ ហើយនិយាយសាឡើងវិញនូវឃ្លាគន្លឹះនេះ ។
នីហ្វៃទី៣ ១៣–១៤
គោលបំណងមេរៀន ៖ គោលបំណងនៃមេរៀននេះ គឺដើម្បីជួយដល់សិស្សឲ្យស្គាល់គោលការណ៍អំពីសេចក្តីបង្រៀនរបស់ព្រះអង្គសង្គ្រោះ និងដឹងអំពីភាពទាក់ទងគ្នារបស់សេចក្តីបង្រៀនទាំងនេះនៅក្នុងជីវិតរបស់ពួកគេនាពេលសព្វថ្ងៃនេះ ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យសិក្សាស្រាវជ្រាវសេចក្តីថ្លែងការណ៍អំពីមូលហេតុ និងផលប៉ះពាល់ដែលពួកគេរកឃើញនៅក្នុងការសិក្សាព្រះគម្ពីរផ្ទាល់ខ្លួនរបស់ពួកគេ និងត្រៀមខ្លួនចែកចាយអំពីការយល់ឃើញរបស់ពួកគេ ។ ការណ៍ទាំងនេះអាចនឹងត្រូវបានបញ្ជាក់ដោយប្រើពាក្យ ប្រសិនបើ និង បន្ទាប់មក ឬបទគម្ពីរនេះអាចពិពណ៌នាយ៉ាងសាមញ្ញថា ជម្រើសមួយណាដែលនាំទៅរកលទ្ធផលបែបនោះ ។
-
យោបល់សម្រាប់ការបង្រៀនតាមសន្និសីទវីដេអូ ៖ បន្ទាប់ពីសិស្សមានពេលវេលាប្រើប្រាស់សេចក្តីបង្រៀនរបស់ព្រះអង្គសង្គ្រោះ ដើម្បីបង្កើតជាសេចក្តីថ្លែងការណ៍អំពីមូលហេតុនិងផលប៉ះពាល់រួចហើយ សូមអញ្ជើញពួកគេឲ្យចុះផ្សាយសេចក្ដីថ្លែងការណ៍របស់ពួកគេនៅក្នុងឈែតនេះ ។ ការធ្វើបែបនេះនឹងអនុញ្ញាតឲ្យសិស្សមើលឃើញអំពីសេចក្តីថ្លែងការណ៍ទាំងអស់ នៅពេលពួកគេពិភាក្សាអំពីរបៀបដែលសេចក្តីបង្រៀនរបស់ព្រះអង្គសង្គ្រោះនៅតែទាក់ទងមកដល់ពេលថ្ងៃនេះ ។
នីហ្វៃទី៣ ១៥–១៦
គោលបំណងមេរៀន ៖ មេរៀននេះមានគោលបំណងជួយដល់សិស្សឲ្យយល់អំពីព្រះទ័យរបស់ព្រះអង្គសង្គ្រោះ នៅក្នុងការប្រមូលពួកគេ និងមនុស្សគ្រប់គ្នាឲ្យត្រឡប់មករកទ្រង់វិញ ។
-
ការរៀបចំសិស្ស ៖ សូមអញ្ជើញសិស្សឲ្យសញ្ជឹងគិតអំពីរបៀបដែលពួកគេនឹងឆ្លើយសំណួរនេះ ៖ « តើមានភស្ដុតាងអ្វីខ្លះដែលអ្នកបានឃើញថា ព្រះអង្គសង្គ្រោះចង់ប្រមូលមនុស្សគ្រប់គ្នាឲ្យត្រឡប់មករកទ្រង់វិញ ? »
-
រូបភាព ៖ រូបភាពពីរអំពីព្រះគ្រីស្ទ ( រូបមួយទ្រង់ជាអ្នកគង្វាល ) និងរូបភាពហ្វូងចៀមមួយហ្វូង ។
-
មាតិកាដែលត្រូវបង្ហាញ ៖ វគ្គបទគម្ពីរ នៅក្នុង យ៉ូហាន ១០ និង នីហ្វៃទី៣ ១៥, ១៦ ជាមួយនឹងសំណួរដែលទាក់ទង
-
យោបល់សម្រាប់ការបង្រៀនតាមសន្និសីទវីដេអូ ៖ នៅពេលចាប់ផ្តើមមេរៀន សូមពិចារណាឲ្យពេលសិស្សពីរបីនាទី ដើម្បីស្វែងរករូបភាពព្រះអង្គសង្គ្រោះដែលពួកគេចូលចិត្តនៅក្នុងនាមទ្រង់គឺជាអ្នកគង្វាល ។ សូមអនុញ្ញាតឲ្យសិស្សចែកចាយអេក្រង់របស់ពួកគេ នៅពេលពួកគេពន្យល់អំពីអ្វីមួយដែលពួកគេចូលចិត្តអំពីរូបភាពដែលពួកគេបានជ្រើសរើស និងអ្វីដែលបានបង្រៀនពួកគេអំពីព្រះគ្រីស្ទ ។