“Helaman 14: Mga Timailhan sa Manluluwas,” Manwal sa Magtutudlo sa Basahon ni Mormon (2024)
“Helaman 14,” Manwal sa Magtutudlo sa Basahon ni Mormon
Helaman 14
Timailhan sa Manluluwas
Ang Langitnong Amahan nagpadala og mga propeta sa pagtabang sa Iyang mga anak nga motuo sa Iyang Hinigugmanga Anak, sama sa dihang Iyang gisugo si Samuel ang Lamanite sa pagpanagna ngadto sa mga Nephite. Isip kabahin sa iyang mga panagna, siya misulti sa mga timailhan nga mopahibalo sa pagkatawo ug pagkamatay ni Jesukristo. Kini nga leksiyon makatabang kanimo nga mapalig-on ang imong pagtuo diha ni Jesukristo samtang imong masabtan ang mga timailhan nga gihatag kanato sa Dios.
Dasiga ang matag estudyante nga makatampo diha sa kasinatian sa pagkat-on. Paghatag og daghang mga paagi alang sa mga estudyante nga moapil sa klase. Kini mahimong maglakip sa pagdrowing, pagsulat diha sa pisara, pagpasabot sa unsay ilang nasabtan, o pagpamatuod. Dayga ang mga paningkamot sa mga estudyante ug pag-awhag sa tanan nga suportahan ang mga kontribusyon sa ilang mga kaedad.
Pagpangandam sa estudyante: Dapita ang mga estudyante sa pagpangandam sa pagpakigbahin kon sa unsang paagi ang kahayag ikatandi kang Jesukristo. Mahimo nilang hunahunaon ang mga flashlight diha sa ngitngit nga mga lugar, mga bombilya sa suga sa usa ka balay, o natural nga mga kahayag sama sa adlaw ug mga bitoon.
Mga Posibleng Kalihokan sa Pagkat-on
Mga Pahibalo
Paghunahuna og mga panghitabo sa imong kinabuhi nga importante kaayo nga kini imong ipahibalo daan ngadto sa imong mga higala ug pamilya. Sa daghang mga kultura, ang mga pormal nga pahibalo sa gradwasyon, kaminyoon, mahinungdanong mga adlaw nga natawhan, ug uban pang mga hitabo una nang gihimo ug gipadalang daan mga semana o bulan pa.
Hunahunaa ang pagpakita sa mga estudyante og mga ehemplo sa mga pahibalo o pagsulti kanila mahitungod sa usa ka hitabo sa imong kinabuhi nga gipahibalo daan ngadto sa imong mga minahal.
-
Unsa ang pipila ka mga rason nga ang mga tawo ipadala kini nga mga pahibalo sa wala pa ang adlaw sa panghitabo?
-
Unsa ang pipila ka mga hitabo nga gipili sa Langitnong Amahan nga ipahibalo daan pinaagi sa Iyang mga propeta? Ngano kaha sa imong hunahuna nga importante kaayo ang maong mga panghitabo nga mahibaloan?
Pinaagi sa mga panagna ni Samuel ang Lamanite, ang Dios mipahibalo ngadto sa mga Nephite sa mahinungdanong umaabot nga mga panghitabo ug sa mga timailhan nga nag-uban niini.
Basaha ang Helaman 14:12, mangita sa mga rason nga ang Dios nagsugo ni Samuel sa pagpanagna niini nga mga timailhan.
Tabangi ang mga estudyante sa pag-ila sa usa ka baroganan pinaagi sa pagdapit kanila sa pagpamubo unsay ilang nakat-onan gikan niini nga bersikulo. Ang mga estudyante mahimong mogamit og lain-laing mga pulong, apan ang kamatuoran nga ilang giila mahimong susama sa mosunod.
Usa ka kamatuoran nga atong makat-onan mao nga ang pagkahibalo sa mga ilhanan nga gihatag sa Dios makapamatuod sa atong pagtuo kang Jesukristo.
Unsa sa imong hunahuna ang epekto kanimo sa pagsaksi sa mga timailhan nga gihatag ni Samuel sa pagpahibalo sa pagkatawo ug pagkamatay ni Jesukristo? Pamalandongi kon unsang mga timailhan o kasinatian ang gihatag sa Dios kanimo aron pamatud-an ang imong pagtuo sa Manluluwas. Kini mahimong maglakip og mga timailhan nga nag-una sa Ikaduhang Pag-anhi sa Manluluwas.
Mga timailhan sa pagkatawo ug pagkamatay sa Manluluwas
Kon gigamit nimo ang mosunod nga kalihokan, hatagi ang mga estudyante og limitasyon sa oras aron adunay oras alang sa nahabilin nga materyal nga kinahanglan sa imong mga estudyante. Ang mga estudyante mahimong magtinabangay diha sa gagmay nga mga grupo, ug ikaw mahimong magtudlo og lain-laing mga grupo aron magtuon sa pagkatawo ni Kristo o sa Iyang kamatayon. Pahinumdomi ang mga estudyante sa pagtratar sa Iyang pagkatawo ug kamatayon nga may pagtahod samtang maghimo sila sa ilang mga pahibalo.
Laing kapilian alang sa tanang grupo nga maghimo og mga pahibalo mahitungod sa pagkatawo ni Kristo ug sa paghisgot diha sa ilang mga grupo kon sa unsang paagi kana nga mga timailhan nagpamatuod Kaniya. Human niana, mahimong tun-an sa mga estudyante ang mga timailhan sa kamatayon ni Kristo isip usa ka klase ug hisgotan kon sa unsang paagi kana nga mga timailhan nagpamatuod bahin Kaniya.
Paghatag og mga materyal sama sa mga krayola ug papel kon gikinahanglan. Ang mga estudyante mahimong mogamit og mga digital device, kon anaa, imbis nga papel.
Gamit ang mosunod nga mga panagna, paghimo og mga pahibalo alang sa mga Nephite sa adlaw sa pagkatawo ug pagkamatay sa Manluluwas. Paningkamot nga makuha ang kahinam sa pagkatawo sa Manluluwas ug ang gibug-aton sa Iyang pagkamatay. Apila usab kon nganong ang mga tawo kinahanglan mangandam alang niining umaabot nga mga panghitabo.
-
Mga Timailhan sa Iyang pagkatawo: Helaman 14:2–8
-
Mga Timailhan sa Iyang kamatayon: Helaman 14:14–15, 20–27
Dapita ang matag grupo sa pagpresentar sa ilang pahibalo ngadto sa laing grupo. Kon ang lain-laing mga grupo nagpunting sa lain-laing mga timailhan, dapita sila sa pagpresentar ngadto sa usa ka grupo nga nagtuon og lain nga timailhan.
Dayon pagdapit og panaghisgotan sa klase mahitungod sa Manluluwas pinaagi sa pagpangutana sama sa mosunod.
-
Ngano sa imong hunahuna nga ang mga timailhan nga naglambigit sa kahayag ug kangitngit nagpahibalo sa pagkatawo ug kamatayon sa Manluluwas?
-
Sa unsa nga paagi kaha nga ang pagkakita niini nga mga timailhan nagkompirmar sa pagtuo sa mga Nephite sa Manluluwas?
Kon kini mapuslanon ngadto sa mga estudyante, ikonsiderar ang pagdapit kanila sa pagpangita og dapit diha sa mga kasulatan diin ang Manluluwas gitandi ngadto sa kahayag—pananglitan, Juan 8:12. Ikonsiderar ang pagpangutana, “Sa unsang paagi si Jesukristo nahimong kahayag kanimo?”
Mga Timailhan sa Ikaduhang Pag-anhi
Sama nga ang Langitnong Amahan migamit og mga timailhan sa pag-andam sa karaang mga Nephite alang sa pag-abot sa Iyang Anak, Siya naggamit og mga timailhan sa atong panahon aron sa pagtabang kanato sa pagpangandam alang sa Ikaduhang Pag-anhi sa Iyang Anak.
Kini nga seksiyon gituyo aron sa pagtabang sa mga estudyante sa pagsabot sa pipila ka mga timailhan sa wala pa ang Ikaduhang Pag-anhi. Ang pagpares nga pasulit sa ubos usa ka paagi aron matabangan ang mga estudyante nga mabuhat kini. Mahimo usab nimong gamiton ang uban pang mga pamaagi, sama sa pagpakita sa usa ka lista sa mga ilhanan samtang gitubag sa mga estudyante ang mga pangutana sa kataposan sa leksiyon. O mahimo nimong hangyoon ang matag estudyante nga mopili ug usa ka pakisayran aron mabasa ug dayon ireport sa klase ang timailhan nga ilang nadiskobrehan.
Mga tubag: 1-d, 2-b, 3-a, 4-c, 5-e
Aron matabangan ka nga mahimong pamilyar o mahinumdom sa pipila ka mga timailhan sa wala pa ang Ikaduhang Pag-anhi, basaha ang mosunod nga mga tudling sa kasulatan ug ipares kini sa paghulagway sa timailhan. Kon gusto nimong tun-an ang dugang pa nga mga timailhan, tan-awa ang “Mga Timailhan sa mga Panahon” diha sa Giya ngadto sa mga Kasulatan (scriptures.ChurchofJesusChrist.org).
| |
| |
| |
| |
|
-
Sa unsang paagi nimo nakita nga natuman ang pipila ka mga timailhan sa Ikaduhang Pag-anhi sa Manluluwas?
Ang mosunod nga mga pangutana mahimong importante alang sa mga estudyante sa pagpamalandong. Sa dili pa sila motubag, ikonsiderar ang paghatag kanila og panahon sa pagpamalandong kon sa unsang paagi ang gipahiuli nga Simbahan ni Jesukristo, misyonaryo nga buhat, mga templo, Propeta Joseph Smith, ug ang Basahon ni Mormon nakaapekto sa ilang pagtuo sa Manluluwas.
-
Sa unsa nga paagi nga ang katumanan niini nga mga timailhan nagpamatuod sa imong hugot nga pagtuo diha sa Manluluwas?
-
Sumala sa Helaman 14:13, 28–29, nganong importante man kaayo nga motuo kita kang Kristo?
-
Sa unsang mga paagi nga ang imong pagtuo kang Jesukristo usa ka panalangin diha kanimo?
Ikonsiderar ang pagdapit sa mga estudyante sa pagrekord sa mga impresyon nga ilang nadawat mahitungod sa mosunod diha sa ilang journal sa pagtuon.
Sa imong pagtuon sa 3 Nephi 1–10 sa umaabot nga mga leksiyon, imong mabasa ang katumanan sa mga timailhan nga gihatag ni Samuel sa pagkatawo ug pagkamatay sa Manluluwas. Ang mga tawo sa panahon ni Samuel nga mituo sa mga panagna ug nag-andam alang sa pag-anhi ni Kristo adunay lahi kaayo nga mga kasinatian gikan niadtong wala.
Sa imong journal sa pagtuon, pagsulat mahitungod sa imong pagtuo sa Manluluwas ug sa mga kasinatian nga nagdala kanimo ngadto niini. Mahimo usab nimong ilakip kon unsaon nimo sa pagpalig-on niana nga pagtuo (pananglitan, pinaagi sa pagpadayon sa pagtuon sa Basahon ni Mormon o pinaagi sa pagtambong sa templo).