“Rebyo 6 sa Doktrinal nga Kahanas: Sabta ug Ipasabot,” Manwal sa Magtutudlo sa Basahon ni Mormon (2024)
“Rebyo 6 sa Doktrinal nga Kahanas,” Manwal sa Magtutudlo sa Basahon ni Mormon
Rebyo 6 sa Doktrinal nga Kahanas
Sabta ug Ipasabot
Usa sa mga katuyoan sa doktrinal nga kahanas mao ang pagtabang kanimo nga makasabot sa mga pagtulun-an sa Langitnong Amahan ug ni Jesukristo nga anaa sa mga tudling sa doktrinal nga kahanas ug makahimo sa pagpasabot niini sa imong kaugalingon nga mga pulong. Kini nga leksiyon makatabang sa pagpalawom sa imong pagsabot ug pagpasabot sa mga kamatuoran gikan sa usa o daghan pa sa mga tudling sa doktrinal nga kahanas gikan sa Basahon ni Mormon.
Pagpahayag sa gugma ug taas nga mga gilauman. Kon ang mga magtutudlo tinud-anay nga nahigugma sa ilang mga estudyante, magpakabana sila pag-ayo sa ilang pag-uswag ug kalamposan nga matagbaw sa bisan gamay lang nga paningkamot sa bahin sa mga estudyante. Mahigugmaon nga dasiga ang imong mga estudyante sa pagkab-ot sa ilang potensiyal isip mga tigkat-on ug mga disipulo ni Jesukristo.
Pagpangandam sa estudyante: Dapita ang mga estudyante sa pagrebyo sa mga tudling gikan sa tsart niini nga leksiyon ug papilia og usa nga gusto pa nilang mas masabtan. Hangyoa sila sa pagbasa sa tudling nga ilang napilian ug sa pagpaningkamuot nga mas masabtan pa kini. Mahimong maglakip kini sa pagpangita sa ubang nagsuporta nga mga kasulatan, pagsulat sa ilang mga hunahuna mahitungod niini diha sa ilang journal, o pagpangutana sa uban kon unsay ilang nasabtan gikan sa tudling. Dapita sila sa pagtambong nga andam sa pagpaambit sa unsay ilang gibuhat ug unsay ilang nakat-onan.
Posibleng Kalihokan sa Pagkat-on
Tingali kinahanglan nimong itudlo ang leksiyon sa tudling sa doktrinal nga kahanas isip puli niini nga leksiyon. Tan-awa ang eskedyul sa pagtudlo nga gihatag sa inyong direktor o koordinitor sa lugar o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.
Estratehiya
Ipakita ang mosunod nga mga hulagway o ang uban nga sama niini. Ibutang ang mga estudyante nga magkapares o diha sa gagmay nga mga grupo ug dapita sila sa paghisgot sa ilang paborito nga mga paugnat sa kusog [sports] o mga dula ug nganong malingaw sila niini. Mahimo dayon nilang hisgotan ang mosunod nga mga pangutana sa usag usa.
-
Unsa nga mga estratehiya ang makatabang sa pagdaog sa imong paborito nga paugnat sa kusog [sport] o mga dula? Ngano man?
-
Ngano nga importante nga adunay usa ka estratehiya o plano sa usa ka dula?
ChurchofJesusChrist.org
-
Agi og dugang sa pagbasa sa mga kasulatan, sa unsang paagi kini makatabang kanimo nga makabaton og mga estratehiya alang sa mas maayong pagsabot sa mga pulong sa Dios diha sa mga kasulatan?
-
Unsa nga mga estratehiya ang imong gigamit nga nakatabang kanimo nga makasabot sa mga kasulatan?
Adunay daghang mga estratehiya aron matabangan ka nga mas masabtan og maayo ang mga kasulatan. Niini nga leksiyon makabaton ka og kahigayonan sa pagsulay og estratehiya aron mas masabtan ang usa o daghan pa nga mga tudling sa doktrinal nga kahanas sa Basahon ni Mormon.
Sa ubos mao ang lista sa mga tudling sa doktrinal nga kahanas gikan sa unang katunga sa Basahon ni Mormon. Pagpili og usa o daghan pa nga gusto nimong masabtan pag-ayo.
Ipakita ang mosunod nga tsart aron ang mga estudyante makatan-aw niini hangtod sa kinatibuk-an sa leksiyon. Dapita ang andam nga mga estudyante sa pagpaambit sa unsay ilang nakat-onan samtang ilang gihimo ang kalihokan sa pag-andam alang sa klase.
Unang 12 ka Tudling sa Doktrinal nga Kahanas ug Mahinungdanon nga Hugpong sa mga Pulong
Manwal sa Magtutudlo sa Basahon ni Mormon (2024)
|
Pakisayran sa Kasulatan |
Mahinungdanon nga Hugpong sa mga Pulong sa Kasulatan |
|---|---|
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ako moadto ug mobuhat sa mga butang nga ang Ginoo nagsugo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Si Adan napukan aron ang mga tawo mahimo; ug ang mga tawo naingon, nga unta sila makabaton og hingpit nga kalipay.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Sila gawasnon sa pagpili sa kalingkawasan ug sa kinabuhi nga dayon … o … sa pagkabihag ug sa kamatayon.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang tanan managsama ngadto sa Dios.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan Ang Dios “mopadayag ngadto sa mga katawhan og pagtulun-an human sa usa ka pagtulun-an, lagda human sa usa ka lagda.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Pagbusog sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kamo kinahanglan gayod nga mag-ampo sa kanunay.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “[Kadto] nga naghupot sa mga sugo sa Dios … bulahan sa tanan nga mga butang.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “[Isalikway] ang … kinaiyanhon nga pagkatawo ug [mahimo] nga usa ka santos pinaagi sa pag-ula ni Kristo ang Ginoo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Tuo sa Dios; … tuo nga siya aduna sa tanan nga kaalam.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Pagpabunyag diha sa ngalan sa Ginoo, ingon og usa ka saksi … nga kamo nakasulod ngadto sa usa ka pakigsaad uban kaniya.” |
© 2024 by Intellectual Reserve, Inc. All rights reserved.
Palawman ang imong pagsabot
Basaha ang tudling o mga tudling nga imong napili.
-
Unsa man ang gikan niini nga mga tudling ang gusto pa nimong mas masabtan? Unsa nga mga estratehiya ang imong magamit aron mahimo kini?
Gamita ang mosunod nga estratehiya, o lain nga imong nahibaloan, aron sa pagpalawom sa imong pagsabot sa tudling o mga tudling nga imong napili. Makabaton ka og kahigayonan sa pagpasabot sa imong nakat-onan unya sa leksiyon.
Kon ang mga estudyante aduna nay estratehiya nga gusto nilang gamiton niini nga kalihokan, dapita sila sa paggamit niini. Kay kondili, hatagi sila sa mosunod nga mga instruksiyon isip usa ka estratehiya nga ilang magamit aron mas masabtan ang mga tudling nga ilang napili.
Ang Alang sa Kalig-on sa mga Kabatan-onan nga magasin sagad naglakip sa kalihokan sa pagtuon sa kasulatan nga gitawag og “Pagtulun-an human sa usa ka Pagtulun-an,” diin gipasabot o naghatag og kahulogan sa pipila ka mahinungdanon nga mga pulong o mga hugpong sa mga pulong gikan sa tudling sa kasulatan. Aron makakita og usa ka ehemplo sa kalihokan sa “Pagtulun-an human sa usa ka Pagtulun-an”, tan-awa sa “Ayaw Kahadlok,” Alang sa Kalig-on sa mga Kabatan-onan, Peb. 2021, 32 o “Pagpahimutang sa Tukuranan,” Alang sa Kalig-on sa mga Kabatan-onan, Ene. 2021, 19.
Paghimo og imong kaugalingon nga “Pagtulun-an human sa usa ka Pagtulun-an” alang sa usa sa mga tudling sa doktrinal nga kahanas nga nalista sa ibabaw. Kon ganahan ka og art, ikonsiderar ang pagdugang og mga drowing o mga kolor sa imong pahina sa “Pagtulun-an human sa usa ka Pagtulun-an”. Gamita ang mosunod nga mga instruksiyon aron matabangan ka sa paghimo niini:
Tabangi ug dasiga ang mga estudyante kon gikinahanglan o kon giaghat sa Espiritu Santo. Ikonsiderar ang pagpangutana bahin sa gihimo sa mga estudyante aron matabangan ka nga mas masabtan kini.
-
Sa ibabaw sa pahina, isulat ang tanang pulong sa tudling sa kasulatan nga imong napili.
-
Pagpili og labing minos lima ka pulong o mga hugpong sa mga pulong gikan niana nga tudling sa kasulatan ug ilista kini sa wala nga bahin diha sa pahina. Pagbilin og igo nga luna aron makahimo og mga mubo nga sulat tapad sa matag pulong o hugpong sa mga pulong.
-
Pangitaa ug ilista ang mga kahulogan, mga pagpasabot, mga ehemplo, may kalabotan nga mga kasulatan, o mga pamahayag gikan sa mga lider sa Simbahan nga makatabang sa pagpalawom sa imong pagsabot niining mahinungdanon nga mga pulong o mga hugpong sa mga pulong gikan sa tudling sa kasulatan. Ilista sila sunod sa pulong nga sila may kalabotan. Mahimo nimong gamiton ang mga himan sama sa Giya ngadto sa mga Kasulatan, Topical Guide, mga pakigpulong sa komperensiya, o mga magasin sa Simbahan.
-
Bisan asa sa imong dokumento, pagdugang og parapo bahin sa unsa ang imong nakat-onan o gusto nimong mahinumdoman gikan niini nga tudling. Ilakip ang unsay gitudlo niini kanimo kabahin sa Manluluwas, sa Iyang Simbahan, o sa Iyang misyon sa pagluwas kanato.
Kon gitinguha, sublia kini nga kalihokan uban sa laing tudling sa doktrinal nga kahanas gikan sa listahan.
Ikonsiderar ang pagbutang sa mga estudyante sa mga grupo nga tag-tulo o tag-upat, diin ang matag-usa adunay nagkalain-lain nga tudling aron ang matag estudyante makakat-on mahitungod sa daghang mga tudling. Dapita ang matag estudyante sa pagpaambit sa ilang pahina sa “Pagtulun-an human sa usa ka Pagtulun-an” ngadto sa ilang grupo ug sa pagpasabot unsay ilang nakat-onan mahitungod sa tudling. Mahimo ka usab nga modapit og mga boluntaryo sa pagpaambit sa ilang mga pahina ngadto sa klase. Ikonsiderar ang pagdapit sa mga estudyante sa pagbitay sa ilang mga pahina sa palibot sa lawak [room], o paghimo og mga kopya o pagkuha og mga hulagway sa ilang mga pahina aron i-display.