“Ayaw kahadlok,” Alang sa Kalig-on sa Kabatan-onan, Peb. 2021, 32.
Pagtulun-an human sa usa ka Pagtulun-an
Ayaw Kahadlok
Ang Ginoo misulti kanato unsaon sa pagpakabuhi nga walay kahadlok.
Ayaw kahadlok sa pagbuhat og maayo
Ang Ginoo gusto nga atong buhaton ang maayo, mao nga kita kinahanglang dili mahadlok sa pagbuhat niini.
Mopugas … moani
Ang pagpugas nagpasabut sa pagtanom og mga binhi. Ang pag-ani nagpasabut sa pag-ani sa unsay imong gitanom. Mao kini ang gitawag usahay og “ang balaod sa pag-ani.” Kon kamo motanom og maayong mga binhi, kamo moani og maayong pagkaon. Kon kamo motanom og dili maayong mga binhi, kamo moani og dili maayo nga pagkaon. Ang pagbuhat og maayo sama ra sa pagtanom og maayong mga binhi. Makadawat kamo og maayo nga ganti.
Ako dili manghimaraut kaninyo; padayon sa inyong panginabuhi ug ayaw na pagpakasala
Ang Ginoo mopasaylo kanato kon kita maghinulsol. Kinahanglang dili nato itugot nga ang atong nangagi nga mga sala mopugong kanato sa paghinulsol, sa pagpadayon sa unahan, ug pagbuhat og maayo.
Uban sa kaligdong
Diha sa ka seryoso, kalma, mahunahunaon nga paagi.
Paghunahuna ngari kanako sa matag hunahuna
Kini mao ang laing paagi sa pag-ingon nga “kanunay mahinumdom kaniya,” samtang kita mosaad nga atong buhaton diha sa sakramento.1
Tan-awa, ang mga samad
Ang mga samad diha sa mga kamot, tiil ug sa kilid ni Jesukristo mao ang timailhan nga Siya gilansang sa krus ug nabanhaw.2 Nagpakita kini kanato nga Siya nakabuntog sa tanan nga mga butang. Kini naghatag kanato og kalig-on ug kaisug aron kita dili na kinahanglan nga magduha-duha o mahadlok.
Makapanunod
Ang Langitnong Amahan mohatag kanato sa tanang butang nga anaa Kaniya kon kita mosunod Kaniya.