ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

យ៉ាកុប ២:២២–៣៥ ៖ ច្បាប់ព្រហ្មចារីភាព

« យ៉ាកុប ២:២២–៣៥ ៖ ច្បាប់ព្រហ្មចារីភាព » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« យ៉ាកុប ២:២២–៣៥ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

យ៉ាកុប ២:២២–៣៥

ច្បាប់ព្រហ្មចារីភាព

លោកិយកំពុងបោះបង់ចោលបទដ្ឋាននៃភាពបរិសុទ្ធខាងផ្លូវភេទ ប៉ុន្តែបទដ្ឋានរបស់ព្រះអម្ចាស់អំពីភាពបរិសុទ្ធខាងផ្លូវភេទមិនផ្លាស់ប្តូរឡើយ ។ បន្ទាប់ពីទទួលកិច្ចការពីព្រះអម្ចាស់ យ៉ាកុបបានបង្រៀនប្រជាជនរបស់លោកអំពីច្បាប់ព្រហ្មចារីភាព ។ ការបង្រៀនរបស់យ៉ាកុបនៅតែអនុវត្តសព្វថ្ងៃនេះ ។ មេរៀននេះអាចជួយអ្នករីករាយនឹងព្រហ្មចារីភាព ដូចដែលព្រះអម្ចាស់សព្វព្រះទ័យផងដែរ ។

សូមអធិស្ឋានដើម្បីយល់ពីតម្រូវការរបស់សិស្ស ។នៅក្នុងការខិតខំប្រឹងប្រែងរបស់អ្នកដើម្បីផ្តោតលើសិស្សម្នាក់ៗ សូមអធិស្ឋានសម្រាប់សិស្សតាមឈ្មោះ ។ សូមទូលសុំព្រះវរបិតាសួគ៌ឲ្យជួយអ្នកយល់ពីតម្រូវការ និងរបៀបនានាដែលអ្នកអាចបង្រៀនដែលនឹងបំពេញតម្រូវការទាំងនោះ ។ សូមស្តាប់ការបំផុសគំនិតដែលអ្នកទទួលបានជាមួយនឹងគំនិតអំពីរបៀបដែលអ្នកអាចជួយសិស្សម្នាក់ៗ ។

ការរៀបចំសិស្ស ៖ អ្នកអាចអញ្ជើញសិស្សឲ្យសួរឪពុកម្ដាយ ឬអ្នកដឹកនាំសាសនាចក្រអំពីពរជ័យដែលមកពីការគោរពតាមច្បាប់ព្រហ្មចារីភាព ។ អ្នកក៏ប្រហែលជាចង់ទាក់ទងឪពុកម្ដាយដើម្បីជូនដំណឹងពួកគាត់ថា សិស្សនឹងរៀនអំពីច្បាប់ព្រហ្មចារីភាព ដូច្នេះឪពុកម្តាយអាចបន្តការពិភាក្សានៅផ្ទះប្រសិនបើពួកគាត់ចង់ ។

សកម្មភាពរៀនសូត្រដែលអាចមាន

ការព្រមានរបស់យ៉ាកុប

រូបភាព

គំនូសតាងបទដ្ឋាន

តើអ្នកនឹងពណ៌នាអំពីអ្វីដែលដ្យាក្រាមនេះបង្ហាញអំពីបទដ្ឋានរបស់ព្រះអម្ចាស់ និងបទដ្ឋានរបស់លោកិយយ៉ាងដូចម្ដេច ?
តើអ្នកឃើញបទដ្ឋានរបស់លោកិយងាកចេញពីបទដ្ឋានរបស់ព្រះអម្ចាស់តាមរបៀបណាខ្លះ ?

ប្រធាន រ័សុល អិម ណិលសុន បានចែកចាយរបៀបមួយដែលលោកិយកំពុងងាកចេញពីបទដ្ឋានរបស់ព្រះអម្ចាស់ ៖

រូបភាព
ប្រធាន រ័សុល អិម ណិលសុន

វាត្រូវការសេចក្ដីជំនឿដើម្បីមានជីវិតមួយដ៏បរិសុទ្ធ កាលលោកិយស្រែកថា ច្បាប់ព្រហ្មចារីភាពរបស់ព្រះ គឺហួសសម័យ ។ ( រ័សុល អិម ណិលសុន « Christ Is Risen; Faith in Him Will Move Mountains » Liahona ខែ ឧសភា ឆ្នាំ ២០២១ ទំព័រ ១០៤ )

តើអ្នកឃើញឧទាហរណ៍អ្វីខ្លះ ?

ប្រសិនបើសិស្សមានសំណួរអំពីអាកប្បកិរិយាជាក់លាក់ទាក់ទងនឹងច្បាប់ព្រហ្មចារីភាព សូមលើកទឹកចិត្តពួកគេឲ្យស្វែងរកចម្លើយដោយនិយាយជាមួយឪពុកម្ដាយ ឬអ្នកដឹកនាំសាសនាចក្រ និងដោយការសិក្សាព្រះគម្ពីរ និងការបង្រៀនរបស់ព្យាការីដែលនៅរស់ ។ សូមប្រុងប្រយ័ត្នចំពោះសិស្សដែលអាចនឹងបំពានច្បាប់ព្រហ្មចារីភាព ។ សូមរំឭកពួកគេអំពីព្រះចេស្ដារបស់ព្រះអង្គសង្គ្រោះដើម្បីអភ័យទោស និងលើកទឹកចិត្តពួកគេឲ្យនិយាយជាមួយប៊ីស្សពរបស់ពួកគេ ។

សូមប្រុងប្រយ័ត្នចំពោះសិស្សដែលអាចជាជនរងគ្រោះនៃការរំលោភបំពាន ។ ប្រសិនបើវាបង្ហាញថា សិស្សអាចនិយាយជាមួយអ្នកអំពីការពាក់ព័ន្ធផ្ទាល់ខ្លួន ឬគ្រួសារជាមួយនឹងការរំលោភបំពាន សូមពន្យល់ថា អ្នកត្រូវបានតម្រូវឲ្យរាយការណ៍អំពីការចោទប្រកាន់ណាមួយទាំងនោះ ។ សូមអត់ធ្មត់ យោគយល់ និងធ្វើអោយទុកចិត្តឡើងវិញ ហើយលើកទឹកចិត្តពួកគេឲ្យនិយាយជាមួយប៊ីស្សពរបស់ពួកគេ ។ ប្រសិនបើសិស្សរាយការណ៍អំពីការបំពាន សូមទាក់ទងក្រុមជំនួយតាមទូរសព្ទរបស់សាសនាចក្រ ឬទីប្រឹក្សាផ្នែកច្បាប់ក្នុងតំបន់របស់អ្នក ។

ច្បាប់ព្រហ្មចារីភាពរបស់ព្រះអម្ចាស់គឺច្បាស់លាស់ និងមិនប្រែប្រួល ។ « ព្រហ្មចារីភាពគឺជាភាពបរិសុទ្ធខាងផ្លូវភេទ ។ អ្នកដែលស្អាតស្អំគឺស្អាតស្អំខាងគំនិត ពាក្យសម្ដី និងការប្រព្រឹត្ត ។ ព្រហ្មចារីភាពមានន័យថា គ្មានទំនាក់ទំនងផ្លូវភេទណាមួយមុនពេលរៀបការ ។ វាក៏មានន័យថា មានភាពស្មោះត្រង់ទាំងស្រុងចំពោះប្តី ឬប្រពន្ធក្នុងពេលរៀបការ » ( Gospel Topics « Chastity » ) ។

នៅពេលអ្នកសិក្សា យ៉ាកុប ២ សូមរកមើលពីរបៀបដែលព្រះអង្គសង្គ្រោះមានព្រះទ័យយ៉ាងណាចំពោះព្រហ្មចារីភាព ។

យ៉ាកុបស្រឡាញ់ប្រជាជនរបស់លោក ។ តាមរយៈព្រះចេស្ដារបស់ព្រះអម្ចាស់ យ៉ាកុបបានដឹងពីគំនិតរបស់ប្រជាជន និងអំពើទុច្ចរិតនៃចិត្តរបស់ពួកគេ ( សូមមើល យ៉ាកុប ១:១៥; ២:៥–៦ ) ។ លោកបានដឹងថា ពួកគេ « កំពុងតែចាប់ផ្ដើមប្រព្រឹត្តក្នុងអំពើបាប ហើយអំពើបាបនោះមានសភាពដ៏គួរស្អប់ខ្ពើមណាស់ … ចំពោះព្រះ » ( យ៉ាកុប ២:៥ ) ។ បន្ទាប់ពីបានព្រមានពួកសាសន៍នីហ្វៃអំពីអំពើបាបនៃសេចក្តីឆ្មើងឆ្មៃ ( សូមមើល យ៉ាកុប ២:១២–២១ ) យ៉ាកុបបានព្រមានពួកសាសន៍នីហ្វៃអំពី « ទោសធ្ងន់ដ៏លើសលែងទៅទៀត [ ឬកាន់តែធ្ងន់ធ្ងរជាងនេះទៅទៀត ] » ( យ៉ាកុប ២:២២ ) ដែលប្រជាជនរបស់លោកកំពុងសញ្ជឹងគិត ។

សូមអាន យ៉ាកុប ២:២២–២៤ ដោយរកមើលពីរបៀបដែលយ៉ាកុបពិពណ៌នាអំពីអំពើបាបកាន់តែធ្ងន់ធ្ងរជាងនេះ ។ ( ការប្រព្រឹត្តសហាយស្មន់គឺនៅពេលដែលបុគ្គលម្នាក់មានទំនាក់ទំនងផ្លូវភេទជាមួយអ្នកផ្សេងក្រៅពីប្តីប្រពន្ធរបស់ខ្លួន ) ។

អ្នកក៏អាចមើលវីដេអូ « Jacob Teaches about Chastity » មាននៅលើ ChurchofJesusChrist.orgពីនាទីទី ០:២០ ដល់នាទីទី ១:៥១ ។

តើគំនិតរបស់យើងមានតួនាទីអ្វីខ្លះក្នុងការគោរពតាមច្បាប់ព្រហ្មចារីភាព ( សូមមើល ម៉ាថាយ ៥:២៨ ) ?

ព្រះអម្ចាស់សព្វព្រះទ័យនឹងច្បាប់ព្រហ្មចារីភាព

បុរសសាសន៍នីហ្វៃមួយចំនួនបានបំពានច្បាប់ព្រហ្មចារីភាព ដោយយកប្រពន្ធលើសពីម្នាក់ នៅពេលការប្រព្រឹត្តនេះត្រូវបានព្រះអម្ចាស់ថ្កោលទោសមុនពេលលីហៃបានចាកចេញពីក្រុងយេរូសាឡិម ( យ៉ាកុប ២:៣៤ ) ។ សូមសញ្ជឹងគិតអំពីអ្វីដែលអ្នកកំពុងធ្វើនៅក្នុងជីវិតរបស់អ្នក ដើម្បីទប់ទល់នឹងការល្បួងដែលទាក់ទងនឹងច្បាប់ព្រហ្មចារីភាព ។

សូមអាន យ៉ាកុប ២:២៥–២៨ ដោយរកមើលអ្វីដែលយ៉ាកុបបានបង្រៀនពួកសាសន៍នីហ្វៃ ដើម្បីជួយពួកគេទប់ទល់នឹងការល្បួងឲ្យប្រព្រឹត្តអំពើបាបផ្លូវភេទ ។

តើអ្វីជាទស្សនៈរបស់ព្រះអម្ចាស់ចំពោះព្រហ្មចារីភាព ?

សូមជួយសិស្សឲ្យរកឃើញសេចក្តីដែលថា ព្រះអម្ចាស់សព្វព្រះហឫទ័យនឹងច្បាប់ព្រហ្មចារីភាព ។ សិស្សអាចទទួលបានអត្ថប្រយោជន៍ពីការគូសចំណាំសេចក្តីពិតនេះនៅក្នុង ខទី ២៨ ។

យ៉ាកុបកំពុងតែនិយាយទៅកាន់បុរសជាច្រើនដែលបានបញ្ចុះបញ្ចូលស្ត្រីឲ្យបំពានច្បាប់ព្រហ្មចារីភាព ។ ដូច្នេះ លោកបាននិយាយអំពីព្រះអម្ចាស់ដែលសព្វព្រះទ័យនឹងព្រហ្មចារីភាពរបស់ស្ត្រី ។ ព្រះអម្ចាស់សព្វព្រះទ័យចំពោះព្រហ្មចារីភាពនៃបុត្រាបុត្រីរបស់ទ្រង់—ទាំងបុរស និងស្ត្រី ។

សូមផ្តល់ច្បាប់ចម្លងនៃ ដើម្បីកម្លាំងនៃយុវជន ( កូនសៀវភៅឆ្នាំ ២០២២ ) ដល់សិស្សម្នាក់ៗ ឬជួយពួកគេរកមើលវាតាមអេឡិចត្រូនិច ។ សូមឲ្យពួកគេអានផ្នែក « រូបកាយរបស់អ្នកគឺពិសិដ្ឋ » ដោយខ្លួនពួកគេយ៉ាងស្ងាត់ស្ងៀម ដោយរកមើលថា ហេតុអ្វីការរស់នៅតាមច្បាប់ព្រហ្មចារីភាពជាអ្វីដែលគួរឲ្យរីករាយ ។

ដើម្បីមើលឧទាហរណ៍អំពីរបៀបដែលយុវវ័យមួយចំនួនពេញចិត្តនឹងព្រហ្មចារីភាព អ្នកប្រហែលជាចង់មើលវីដេអូ « I Choose to Be Pure » ( ៤:១៩ ) នៅលើ ChurchofJesusChrist.org។,

ហេតុអ្វីអ្នកគិតថា ព្រះអម្ចាស់សព្វព្រះទ័យនឹងព្រហ្មចារីភាព ?
តើអ្វីអាចជាភស្ដុតាងក្នុងជីវិតរបស់មនុស្សម្នាក់ដែលថា គាត់ពេញចិត្តនឹងព្រហ្មចារីភាព ?
តើការរស់នៅតាមច្បាប់ព្រហ្មចារីភាពជួយយើងឲ្យអភិវឌ្ឍលក្ខណៈដូចព្រះគ្រីស្ទអ្វីខ្លះ ?

សូមអាន យ៉ាកុប ២:៣១–៣៥ ដោយរកមើលពីរបៀបដែលជម្រើសអសីលធម៌របស់ពួកបុរសសាសន៍នីហ្វៃមានផលប៉ះពាល់លើគ្រួសាររបស់ពួកគេ ។

តើមានបញ្ហាអ្វីខ្លះកើតឡើង នៅពេលយើងខកខានមិនបានយល់ពីព្រហ្មចារីភាពដូចព្រះអម្ចាស់ឈ្វេងយល់ ?
តើលោកិយនឹងមានភាពខុសគ្នាយ៉ាងណា ប្រសិនបើមនុស្សគ្រប់គ្នាបានយល់ឃើញពីព្រហ្មចារីភាព ដូចជាព្រះអម្ចាស់ឈ្វេងយល់ ?
តើអ្នកគិតថា ការរីករាយក្នុងព្រហ្មចារីភាពអាចមានឥទ្ធិពលលើទំនាក់ទំនងរបស់អ្នកជាមួយនឹងព្រះអម្ចាស់ និងជាមួយអ្នកដទៃយ៉ាងដូចម្ដេច ?

រូបភាព

ព្រះវិហារបរិសុទ្ធ

សំណួរមួយក្នុងការសម្ភាសទទួលប័ណ្ណចូលព្រះវិហារបរិសុទ្ធគឺថា « តើអ្នកគោរពតាមច្បាប់ព្រហ្មចារីភាពដែរឬទេ ? »

សូមអញ្ជើញសិស្សឲ្យសញ្ជឹងគិតដោយស្ងៀមស្ងាត់លើសំណួរខាងក្រោមនេះ ៖

តើអ្នកមានគំនិត និងអារម្មណ៍បែបណា ពេលអ្នកគិតអំពីការឆ្លើយសំណួរនេះទៅកាន់ប៊ីស្សពរបស់អ្នក ?
តើអ្នកអាចធ្វើអ្វីបាន ដើម្បីឲ្យព្រះអម្ចាស់អាចសព្វព្រះទ័យក្នុងព្រហ្មចារីភាពរបស់អ្នក ?

សូមសញ្ជឹងគិតអំពីអ្វីដែលអ្នកកំពុងធ្វើ ដើម្បីរស់នៅតាមច្បាប់ព្រហ្មចារីភាព និងរបៀបដែលវាជះឥទ្ធិពលវិជ្ជមានដល់ជីវិតរបស់អ្នក ។ ប្រសិនបើអ្នកបានបំពានច្បាប់ព្រហ្មចារីភាព សូមនិយាយជាមួយប៊ីស្សពរបស់អ្នក ។ លោកអាចជួយអ្នកឲ្យប្រែចិត្តបាន ។ ព្រះអង្គសង្គ្រោះចង់អត់ទោសឲ្យអ្នក ។ នៅក្នុងទ្រង់ នោះអ្នកអាចរកឃើញការអភ័យទោស ភាពសុខសាន្ត ការព្យាបាល និងកម្លាំងដើម្បីរស់នៅតាមច្បាប់ព្រហ្មចារីភាព ។

ផ្នែកបន្ទាប់នៃមេរៀនគឺមានបំណងជួយសិស្សឲ្យយល់ពីការបង្រៀនរបស់យ៉ាកុបអំពីអាពាហ៍ពិពាហ៍មានប្រពន្ធច្រើន ។ ប្រសិនបើសិស្សមានសំណួរអំពីការអនុវត្តអាពាហ៍ពិពាហ៍មានប្រពន្ធច្រើននៅក្នុងប្រវត្តិសាស្ត្រសាសនាចក្រ នោះពួកគេអាចស្វែងរកចម្លើយនៅក្នុងអត្ថបទGospel Topic Essay « Plural Marriage in The Church of Jesus Christ of Latter-day Saints » ។

ការបង្រៀនរបស់យ៉ាកុបអំពីអាពាហ៍ពិពាហ៍មានប្រពន្ធច្រើន

បន្ទាប់ពីយ៉ាកុបបានបង្រៀនប្រជាជនរបស់លោកកុំឲ្យមានប្តីប្រពន្ធច្រើនជាងមួយក្នុងពេលតែមួយ ( សូមមើល យ៉ាកុប ២:២៧ ) នោះលោកបានពន្យល់ពីលក្ខខណ្ឌនៅពេលព្រះអម្ចាស់អាចអនុញ្ញាតអាពាហ៍ពិពាហ៍មានប្រពន្ធច្រើន ( សូមមើល យ៉ាកុប ២:៣០ ) ។

តើយ៉ាកុបបានបង្រៀនអ្វីខ្លះអំពីអាពាហ៍ពិពាហ៍មានប្រពន្ធច្រើននៅក្នុង ខទី ៣០ ?

អាពាហ៍ពិពាហ៍មានប្រពន្ធច្រើនត្រូវបានអនុញ្ញាតតែនៅពេលដែលព្រះអម្ចាស់បញ្ជាតាមរយៈព្យាការីរបស់ទ្រង់—គឺប្រធាននៃសាសនាចក្រតែប៉ុណ្ណោះ—ហើយគ្មានអ្នកណាផ្សេងទៀតឡើយ ( សូមមើល គោលលទ្ធិ និង សេចក្តីសញ្ញា ១៣២:៤៥–៤៨ ) ។ នៅពេលវេលា និងទីកន្លែងជាក់លាក់ក្នុងប្រវត្តិសាស្ត្រពិភពលោក នោះព្រះអម្ចាស់បានបញ្ជារាស្ត្ររបស់ទ្រង់ឲ្យអនុវត្តអាពាហ៍ពិពាហ៍មានប្រពន្ធច្រើន ។ ឧទាហរណ៍ ៖ អាពាហ៍ពិពាហ៍មានប្រពន្ធច្រើនត្រូវបានអនុវត្តដោយអ័ប្រាហាំ សារ៉ា និងហាការ ( សូមមើល លោកុប្បត្តិ ១៦:១–៣; គោលលទ្ធិ និង សេចក្តីសញ្ញា ១៣២:៣៤–៣៥ ) ។ ចៅប្រុសរបស់លោកអ័ប្រាហាំ យ៉ាកុបក៏បានអនុវត្តអាពាហ៍ពិពាហ៍មានប្រពន្ធច្រើនផងដែរ ( សូមមើល លោកុប្បត្តិ ២៩–៣០; គោលលទ្ធិ និង សេចក្តីសញ្ញា ១៣២:៣៧ ) ។ ច្បាប់នេះត្រូវបានអនុវត្តមួយរយៈពេលក្នុងអំឡុងគ្រាដំបូងនៃសាសនាចក្រដែលបានស្ដារឡើងវិញ ដោយចាប់ផ្ដើមពីព្យាការី យ៉ូសែប ស្ម៊ីធ ។ អាពាហ៍ពិពាហ៍មានប្រពន្ធច្រើនមិនត្រូវបានអនុវត្តដោយសមាជិកសាសនាចក្រទៀតទេ ( សូមមើល សេចក្តីប្រកាសជាផ្លូវការទី ១ ) ។

វិចារណកថា និងព័ត៌មានសាច់រឿង

តើទំនាក់ទំនងផ្លូវភេទនៅក្នុងផែនការរបស់ព្រះវរបិតាសួគ៌មានតួនាទីអ្វីខ្លះ ?

អែលឌើរ ដាវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានណែនាំ ៖

រូបភាព
អែលឌើរ ដាវីឌ អេ បែដណា

អំណាចនៃការបង្កើតគឺមានសារៈសំខាន់ខាងវិញ្ញាណ ។ ការប្រើប្រាស់អំណាចនេះខុស គឺជាការបំផ្លាញចោលនូវគោលបំណងនៃផែនការរបស់ព្រះវរបិតា និងគោលបំណងនៃការរស់នៅក្នុងជីវិតរមែងស្លាប់របស់យើង ។ ព្រះវរបិតាសួគ៌របស់យើង និងព្រះរាជបុត្រាសំណព្វរបស់ទ្រង់ គឺជាអង្គបង្កបង្កើត ហើយបានទុកព្រះទ័យលើយើងម្នាក់ៗឲ្យមាននូវចំណែកមួយនូវអំណាចនៃការបង្កបង្កើតរបស់ទ្រង់នេះ ។ គោលការណ៍ណែនាំជាក់លាក់សម្រាប់ការប្រើប្រាស់ត្រឹមត្រូវនៃសមត្ថភាពក្នុងការបង្កើតជីវិតគឺជាធាតុសំខាន់នៅក្នុងផែនការរបស់ព្រះវរបិតា ។ របៀបដែលយើងមានអារម្មណ៍យ៉ាងណា និងប្រើប្រាស់អំណាចដ៏ខ្ពង់ខ្ពស់នោះ នឹងកំណត់យ៉ាងទូលំទូលាយនូវសុភមង្គលរបស់យើងនៅក្នុងជីវិតរមែងស្លាប់ និងជោគវាសនារបស់យើងនៅក្នុងភាពអស់កល្បជានិច្ច ។…

សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ មានបទដ្ឋានសីលធម៌ផ្លូវភេទតែមួយដែលមិនខុសពីគ្នា ៖ គឺថាទំនាក់ទំនងស្និទ្ធស្នាលគឺសមស្របសម្រាប់តែរវាងបុរស និងស្ត្រីក្នុងទំនាក់ទំនងអាពាហ៍ពិពាហ៍ដែលបានកំណត់ក្នុងផែនការរបស់ព្រះប៉ុណ្ណោះ ។ ទំនាក់ទំនងបែបនេះពុំមែនគ្រាន់តែជាការចង់ដឹងចង់ឃើញ ការបំពេញភាពត្រេកត្រអាល ឬជាទម្លាប់ ឬការកម្សាន្តមួយដែលត្រូវធ្វើប្រកបដោយភាពអាត្មានិយមនោះឡើយ ។ វាពុំមែនជាការច្បាំងដណ្ដើមយកអ្វីមួយ ឬគ្រាន់តែជាការសម្ដែងនោះទេ ។ ផ្ទុយទៅវិញ វាជាការសម្ដែងនូវមនោសញ្ចេតនាមួយដ៏ធំធេងនៃលក្ខណៈ និងសក្ដានុភាពដ៏ទេវភាពរបស់យើង និងជារបៀបមួយនៃការពង្រឹងនូវចំណងចិត្ត និងខាងវិញ្ញាណរវាងប្ដីប្រពន្ធក្នុងជីវិតរមែងស្លាប់ ។ យើងជាភ្នាក់ងារដែលទទួលបានពរដោយសិទ្ធិជ្រើសរើសខាងសីលធម៌ ហើយត្រូវបានកំណត់ដោយមរតកដ៏ទេវភាពរបស់យើងថា ជាបុត្រាបុត្រីរបស់ព្រះ—ហើយមិនមែនដោយអាកប្បកិរិយាផ្លូវភេទ ឥរិយាបថសម័យទំនើប ឬទស្សនវិជ្ជាខាងលោកិយទេ ។ ( ដាវីឌ អេ បែដណា « We Believe in Being Chaste » Ensign ឬ Liahona ខែ ឧសភា ឆ្នាំ ២០១៣ ទំព័រ ៤១–៤២ )

តើខ្ញុំអាចលើកលែងទោសពីអំពើបាបផ្លូវភេទបានទេ ?

ដោយមានប្រសាសន៍ទៅកាន់អ្នកដែលបំពានច្បាប់ព្រហ្មចារីភាព អែលឌើរ ជែហ្វ្រី អ័រ ហូឡិន ក្នុងកូរ៉ុមនៃសាវកដប់ពីរនាក់បានថ្លែងទីបន្ទាល់ ៖

រូបភាព
អែលឌើរ ជែហ្វ្រី អ័រ ហូឡិន

សូមឲ្យភាពសុខសាន្ត និងការប្រែចិត្តជាថ្មីកើតមានដល់អ្នក ដែលមានតាមរយៈពលិកម្មដ៏ធួនរបស់ព្រះអម្ចាស់ព្រះយេស៊ូវគ្រីស្ទ ។ នៅក្នុងបញ្ហាធ្ងន់ធ្ងរបែបនេះ មាគ៌ានៃការប្រែចិត្តមិនងាយចាប់ផ្ដើម ឬក៏មិនងាយធ្វើដំណើរដោយគ្មានការឈឺចាប់ដែរ ។ ប៉ុន្តែព្រះអង្គសង្គ្រោះនៃលោកិយនឹងយាងដើរក្នុងដំណើរដ៏ចាំបាច់នោះជាមួយនឹងអ្នក ។ ទ្រង់នឹងពង្រឹងអ្នក នៅពេលអ្នកមានការចុះខ្សោយ ។ ទ្រង់នឹងធ្វើជាពន្លឺរបស់អ្នក នៅពេលវាទំនងជាមានភាពខ្មៅងងឹតស្ទើរតែទាំងស្រុង ។ ទ្រង់នឹងចាប់ដៃអ្នក ហើយជាសេចក្ដីសង្ឃឹមរបស់អ្នក នៅពេលសេចក្ដីសង្ឃឹមហាក់ដូចជាឃ្លាតចេញឆ្ងាយពីអ្នក ។ សេចក្ដីមេត្តាករុណារបស់ទ្រង់ ជាមួយនឹងអំណាចលាងសម្អាត និងព្យាបាល គឺត្រូវបានប្រទានឲ្យដោយសេរីដល់អស់អ្នកដែលចង់ទទួលបានការអភ័យទោសទាំងស្រុង ហើយនឹងបោះជំហានទៅរកផ្លូវនោះ ។ ( ជែហ្វ្រី អ័រ ហូឡិន « Personal Purity » Ensign ឬ Liahona ខែ វិច្ឆិកា ១៩៩៨ ទំព័រ ៧៨ )

តើខ្ញុំអាចទទួលបានជំនួយពីណាដើម្បីយកឈ្នះលើការណ៍អាសគ្រាម ?

ដាល្លិន អេក អូក « Recovering from the Trap of Pornography » Ensign ឬ Liahona ខែ តុលា ឆ្នាំ ២០១៥ ទំព័រ ៣២–៣៨
AddressingPornography.ChurchofJesusChrist.org

តើអាពាហ៍ពិពាហ៍មានប្រពន្ធច្រើននៅតែអនុវត្តនៅក្នុងសាសនាចក្រសព្វថ្ងៃនេះដែរឬទេ ?

នៅក្នុងឆ្នាំ ១៨៩០ ប្រធាន វីលហ្វដ វូឌដ្រុព្វ ត្រូវបានបំផុសគំនិតឲ្យចេញសេចក្តីប្រកាសមួយ ដែលលោកបានប្រកាសថា ពួកបរិសុទ្ធថ្ងៃចុងក្រោយត្រូវបដិសេធពីការចុះកិច្ចសន្យាអាពាហ៍ពិពាហ៍មានប្រពន្ធច្រើន ( សូមមើល សេចក្តីប្រកាសជាផ្លូវការទី ១ ) ។ អាពាហ៍ពិពាហ៍មានប្រពន្ធច្រើនមួយចំនួនតូចត្រូវបានអនុវត្តក្រោមការដាក់ទណ្ឌកម្មរបស់ថ្នាក់ដឹកនាំសាសនាចក្រមួយចំនួន រហូតដល់សេចក្តីប្រកាសលើកទីពីរ ដែលសរសេរដោយប្រធាន យ៉ូសែប អេហ្វ ស៊្មីធ បានបញ្ចប់ការអនុវត្តនេះទូទាំងពិភពលោកក្នុងឆ្នាំ ១៩០៤ ។ ចាប់តាំងពីពេលនោះមក ពួកបរិសុទ្ធថ្ងៃចុងក្រោយណាដែលប្រកាន់យកការប្រតិបត្តិនេះត្រូវបាត់បង់សមាជិកភាពរបស់ខ្លួនក្នុងសាសនាចក្រ ( សូមមើល ក្បួនខ្នាតទូទៅ, ៣២.៦.២.៥ ) ។

សូមមើលវីដេអូ « Do Not Practice Polygamy » ( ១:១២ ) ដែលមាននៅ ChurchofJesusChrist.org។,

អ្នកក៏អាចអានអត្ថបទ Gospel Topic Essay « Plural Marriage in The Church of Jesus Christ of Latter-day Saints » ផងដែរ ។

សកម្មភាពរៀនសូត្របន្ថែម

ការចៀសផុតពីការល្បួង

សូមពិចារណាអាន និងពិភាក្សាអំពីដំណើររឿងរបស់យ៉ូសែបនៅស្រុកអេស៊ីព្ទ ជាឧទាហរណ៍មួយនៃការទប់ទល់នឹងការល្បួងខាងផ្លូវភេទ ។ សូមមើល លោកុប្បត្តិ ៣៩:១–១២ ។

សិស្សក៏អាចច្រៀង ឬពិភាក្សាវគ្គទីពីរនៃទំនុកតម្កើង « ខ្ញុំត្រូវការទ្រង់ជានិច្ច » ( ទំនុកតម្កើង លេខ ៤៧ ) ។

ចំណេះចំណានខាងគោលលទ្ធិ ។ អាលម៉ា ៣៩:៩; លោកុប្បត្តិ ៣៩:៩; កូរិនថូសទី ១ ៦:១៩–២០

សិស្សអាចអាន និងពិភាក្សាអំពីរបៀបគោលការណ៍ទាំងនេះដែលបានបង្រៀននៅក្នុងវគ្គចំណេះចំណានខាងគោលលទ្ធិមួយ ឬច្រើនអាចជួយពួកគេឲ្យគោរពតាមច្បាប់ព្រហ្មចារីភាព ។