« ចំណេះចំណានខាងគោលលទ្ធិ ៖ នីហ្វៃទី ២ ២:២៧ ៖ ពួកយើងមានសិទ្ធិនឹងរើសយក តាមរយៈព្រះជាអ្នកសង្រួបសង្រួមដ៏ធំ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ចំណេះចំណានខាងគោលលទ្ធិ ៖ នីហ្វៃទី ២ ២:២៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ចំណេះចំណានខាងគោលលទ្ធិ ៖ នីហ្វៃទី ២ ២:២៧
ពួកយើងមានសិទ្ធិនឹងរើសយក តាមរយៈព្រះជាអ្នកសង្រួបសង្រួមដ៏ធំ
នៅក្នុងមេរៀនមុន « នីហ្វៃទី ២ ២:២៦–៣០ » អ្នកបានរៀនថា យើងមានសិទ្ធិនឹងរើសយកឥស្សរភាព និងជីវិតដ៏នៅអស់កល្បជានិច្ច តាមរយៈព្រះយេស៊ូវគ្រីស្ទ ។ មេរៀននេះអាចជួយអ្នកឲ្យទន្ទេញសេចក្តីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះសម្រាប់ នីហ្វៃទី ២ ២:២៧ ពន្យល់គោលលទ្ធិ និងអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែង ។
ការពង្រីកចំណេះដឹងតាមរយៈសកម្មភាពរំឭកចំណេះចំណានខាងគោលលទ្ធិ ។ការធ្វើសកម្មភាពទាំងនេះជាទៀងទាត់ជួយសិស្សឲ្យទន្ទេញចាំឃ្លាបទគម្ពីរគន្លឹះ ។ អ្នកប្រហែលជាចង់លើកទឹកចិត្តសិស្សរបស់អ្នកឲ្យបន្តសិក្សាវគ្គចំណេះចំណានខាងគោលលទ្ធិនៅក្រៅថ្នាក់រៀន ។
ការរៀបចំសិស្ស ៖ អ្នកអាចអញ្ជើញសិស្សឲ្យព្យាយាមទន្ទេញ នីហ្វៃទី ២ ២:២៧ ។ សូមរំឭកសិស្សថា ពួកគេអាចប្រើកម្មវិធីចំណេះចំណានខាងគោលលទ្ធិបាន ។
សកម្មភាពរៀនសូត្រដែលអាចមាន
មេរៀនវគ្គចំណេះចំណានខាងគោលលទ្ធិនេះត្រូវបានរៀបចំឡើងដើម្បីបង្រៀនបន្ទាប់ពីមេរៀន « នីហ្វៃទី ២ ២:២៦–៣០ » ដែលជាមេរៀនបរិបទសម្រាប់វគ្គចំណេះចំណានខាងគោលលទ្ធិ នីហ្វៃទី ២ ២:២៧ ។ ប្រសិនបើមេរៀនវគ្គចំណេះចំណានខាងគោលលទ្ធិនេះត្រូវលើកទៅសប្តាហ៍ផ្សេងវិញ សូមឲ្យប្រាកដថាត្រូវបង្រៀនមេរៀនបរិបទដែលត្រូវគ្នានេះនៅអំឡុងសប្តាហ៍នោះផងដែរ ។
ទន្ទេញ និងពន្យល់
សូមប្រើវិធីសាស្រ្តដ៏មានប្រសិទ្ធភាព និងសមស្របណាមួយ ដើម្បីជួយសិស្សឲ្យទន្ទេញសេចក្តីយោងបទគម្ពីរ និងឃ្លាបទគម្ពីរគន្លឹះសម្រាប់ នីហ្វៃទី ២ ២:២៧ ហើយពន្យល់ពីសេចក្តីពិតដែលមាននៅក្នុងវគ្គបទគម្ពីរនេះ ។
ប្រសិនបើយោបល់ខាងក្រោមត្រូវបានប្រើ សូមពិចារណាអញ្ជើញសិស្សទាំងអស់គ្នាឲ្យគូរគំនូរនៅលើក្ដារខៀន ឬនៅលើក្រដាសធំមួយ ។ សូមប្រយ័ត្នក្នុងការរក្សាសកម្មភាពគូរគំនូរនេះឲ្យខ្លី ដើម្បីវានឹងមានពេលគ្រប់គ្រាន់សម្រាប់ការរៀនអនុវត្ត ។ ប្រសិនបើអាចធ្វើបាន សូមដាក់តាំងគំនូរដែលសិស្សទាំងអស់បានគូរពីរបីថ្ងៃ ដើម្បីជួយសិស្សឲ្យទន្ទេញសេចក្តីយោង និងឃ្លាបទគម្ពីរគន្លឹះឲ្យកាន់តែចាំស្ទាត់ ។
សូមអាន នីហ្វៃទី ២ ២:២៧ ហើយគូររូបភាពមួយដែលជួយអ្នកឲ្យស្រមៃឃើញពីអត្ថន័យនៃឃ្លាបទគម្ពីរគន្លឹះ ៖ « ពួកគេមានសិទ្ធិនឹងរើសយកឥស្សរភាព និងជីវិតដ៏នៅអស់កល្បជានិច្ច … ឬ … ការជាប់ឃុំឃាំង និងការស្លាប់ » ។ សូមបញ្ចូលឃ្លា គន្លឹះនៅលើគំនូររបស់អ្នកដើម្បីជួយអ្នកឲ្យទន្ទេញចាំ ។
បន្ទាប់មក សូមសរសេរលើគំនូររបស់អ្នក អំពីអត្ថន័យដែលថា យើងមានសិទ្ធិនឹងរើសយកឥស្សរភាព និងជីវិតដ៏នៅអស់កល្បជានិច្ច តាមរយៈព្រះយេស៊ូវគ្រីស្ទ ឬក៏រើសយកការជាប់ឃុំឃាំង និងការស្លាប់ ។ សូមបញ្ចូលអត្ថន័យដែលខគម្ពីរនេះមានន័យសម្រាប់អ្នកផ្ទាល់ និងរបៀបដែលវាអាចជួយអ្នកឲ្យដើរតាមព្រះយេស៊ូវគ្រីស្ទបានកាន់តែប្រសើរ ។
ប្រសិនបើគំនូរក្នុងថ្នាក់ត្រូវបានគូរឡើង សូមអញ្ជើញសិស្សឲ្យធ្វើការជាមួយគ្នាដើម្បីសរសេរការពន្យល់អំពីខគម្ពីរនោះ ។
ប្រសិនបើសិស្សបានបញ្ចប់គំនូរនីមួយៗ សូមអញ្ជើញពួកគេឲ្យសរសេរការពន្យល់ផ្ទាល់ខ្លួនរបស់ពួកគេ ហើយបន្ទាប់មកឲ្យពួកគេដើរជុំវិញបន្ទប់ ហើយចែកចាយគំនូរ និងការពន្យល់របស់ពួកគេជាមួយសិស្សយ៉ាងហោចណាស់ឲ្យបានពីរនាក់ផ្សេងទៀត ។
ជាចុងក្រោយ ពេលកំពុងសម្លឹងមើលរូបភាព សូមថាឡើងវិញនូវសេចក្ដីយោងបទគម្ពីរ និងឃ្លាបទគម្ពីរគន្លឹះ រហូតដល់អ្នកចេះសេចក្ដីយោងបទគម្ពីរ និងឃ្លាបទគម្ពីរគន្លឹះតាមការចាំ ។
រៀនអនុវត្ត
ជម្រើសមួយចំពោះយោបល់ខាងក្រោម ដើម្បីជួយសិស្សរំឭកគោលការណ៍នៃការទទួលបានចំណេះដឹងខាងវិញ្ញាណ គឺអញ្ជើញសិស្សបីនាក់ពីមុនចាប់ផ្តើមថ្នាក់ ដោយឲ្យសិស្សម្នាក់ៗសិក្សាគោលការណ៍មួយនៃគោលការណ៍នានា ។ នៅមេរៀនត្រង់ចំណុចនេះ សូមអញ្ជើញពួកគេម្នាក់ៗឲ្យចំណាយពេលមួយ ឬពីរនាទី ពន្យល់គោលការណ៍ដែលពួកគេបានសិក្សាដល់សិស្សក្នុងថ្នាក់ ។
ដើម្បីរំឭកគោលការណ៍នៃការទទួលបានចំណេះដឹងខាងវិញ្ញាណ សូមមើលប្រសិនបើអ្នកអាចចាំគោលការណ៍នីមួយៗ ក្នុងចំណោមគោលការណ៍ទាំងបីដែរឬទេ ។ បន្ទាប់មកមើលប្រសិនបើអ្នកអាចផ្គូផ្គងឃ្លាខាងក្រោមជាមួយនឹងគោលការណ៍ត្រឹមត្រូវដែរឬទេ ។ ( សូមប្រើ កថាខណ្ឌទី ៥–១២ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ [ ឆ្នាំ ២០២២ ] ដើម្បីពិនិត្យមើលភាពត្រឹមត្រូវរបស់អ្នក ) ។
-
« ការពារយើងកុំឲ្យភាន់ច្រឡំ និងការពារយើងពីអ្នកទាំងឡាយដែលព្យាយាមបំផ្លាញសេចក្ដីជំនឿយើង »
-
« មើលទៅគំនិតនានាដោយផ្អែកទៅលើបទដ្ឋាននៃសេចក្ដីពិតរបស់ព្រះអម្ចាស់ ជាជាងដោយការទទួលយកការសន្មត ឬការប៉ាន់ស្មានរបស់លោកិយ »
-
« ពឹងផ្អែកទៅលើទីបន្ទាល់ដែលយើងមានរួចទៅហើយ »
មានអារម្មណ៍ក្នុងការសម្របស្ថានភាពដោយសេរី ដែលត្រូវបានណែនាំនៅក្នុងកម្មវិធីសិក្សា ដើម្បីឲ្យត្រូវនឹងកាលៈទេសៈសិស្សរបស់អ្នកកាន់តែប្រសើរឡើង ។ ឧទាហរណ៍ ៖ ក្នុងស្ថានភាពខាងក្រោមនេះ អាកប្បកិរិយាប្លែកមួយប្រកបដោយអំពើបាបអាចជំនួសដោយគ្រឿងស្រវឹង ។
ស្ថានភាពផ្សេងៗក៏អាចត្រូវបានប្រើដើម្បីសម្រេចគោលបំណងដូចគ្នា ។ ឧទាហរណ៍ ៖ សិស្សអាចផ្តោតលើស្ថានភាពជំនួសផ្សេងទៀត អំពីសមាជិកនៃសាសនាចក្រម្នាក់ដែលអាក់អន់ចិត្ត ដោយសារឪពុកម្តាយរបស់នាងលើកទឹកចិត្តឲ្យនាងធ្វើតាមបទដ្ឋានសាសនាចក្រជាក់លាក់មួយ ។ ដោយការខកចិត្ត នោះនាងអាចនឹងឆ្លើយថា « ខ្ញុំមានសិទ្ធិជ្រើសរើសរបស់ខ្ញុំ ! ខ្ញុំអាចធ្វើអ្វីបានតាមចិត្ត ! » បន្ទាប់មក សិស្សអាចអនុវត្តគោលការណ៍នៃការទទួលបានចំណេះដឹងខាងវិញ្ញាណ និង នីហ្វៃទី ២ ២:២៧ ទៅនឹងស្ថានភាពនេះ ។
សូមអានស្ថានភាពខាងក្រោម ហើយគិតអំពីរបៀបអ៊ីវ៉ាន អាចអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ ។
អ៊ីវ៉ានមានគម្រោងទៅដើរលេងនៅរសៀលថ្ងៃសៅរ៍ជាមួយមិត្តភក្តិរបស់គាត់ ប៉ុន្តែនៅពេលមិត្តម្នាក់បានបង្ហាញខ្លួនដោយមិនបានរំពឹងទុកដោយមានគ្រឿងស្រវឹងមកចែកគ្នាផឹក គាត់មានអារម្មណ៍ថា វាដល់ពេលដែលគាត់ត្រូវចាកចេញហើយ ។ គាត់ដឹងថា មិត្តរបស់គាត់នឹងមិនភ្ញាក់ផ្អើលទេ ព្រោះគាត់តែងតែទៅផ្ទះជានិច្ចក្នុងស្ថានភាពស្រដៀងគ្នានេះកាលពីពេលមុនៗ ។ ពេលគាត់ដើរចេញ គាត់បានឮមិត្តភក្តិរបស់គាត់ ដានីញ៉ែលនិយាយថា « វាហាក់ដូចជាក្រុមជំនុំរបស់ អ៊ីវ៉ានមិនអនុញ្ញាតឲ្យគាត់ធ្វើអ្វីឡើយ » ។
អ៊ីវ៉ានបានបន្តគិតអំពីមតិរបស់ដានីញ៉ែលពេលគាត់ដើរទៅផ្ទះ ។
ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយ
សូមអាន កថាខណ្ឌទី ៨ នៅក្នុង « ការទទួលបានចំណេះដឹងខាងវិញ្ញាណ » ផ្នែកនៃ ឯកសារគោលចំណេះចំណានខាងគោលលទ្ធិ ( ឆ្នាំ ២០២២ ) ។ សូមយកចិត្តទុកដាក់ជាពិសេសចំពោះអត្ថន័យនោះ ដើម្បីបង្កើតសំណួរឡើងវិញ ។
-
តើអ្នកនឹងពិពណ៌នាអំពីអត្ថន័យរបស់វាដូចម្តេច ដើម្បីបង្កើតមតិ ឬសំណួរឡើងវិញ ?
សូមស្តាប់ដោយយកចិត្តទុកដាក់ចំពោះការឆ្លើយតបរបស់សិស្សចំពោះសំណួរមុន ដើម្បីជួយអ្នកឲ្យដឹងពីរបៀបដែលសិស្សយល់ច្បាស់អំពីគោលគំនិតនេះ ។ ប្រសិនបើពួកគេយល់ច្បាស់ សូមពិចារណាអញ្ជើញសិស្សម្នាក់ឲ្យដឹកនាំសិស្សផ្សេងទៀតក្នុងការបង្កើតមតិរបស់ដានីញ៉ែលឡើងវិញ ។
ប្រសិនបើសិស្សមិនទាន់បានត្រៀមខ្លួន ដើម្បីបង្កើតឡើងវិញនូវគំនិតដោយគ្មានជំនួយទេ សូមពិចារណាប្រើយោបល់មួយចំនួនខាងក្រោមដើម្បីជួយពួកគេ ។
-
សូមកំណត់ពីសំអាងនោះ ឬការសន្មត់ដែលអាចមាន ។កំណត់ពីសំអាងដែលអាចមាន ឬការសន្មត់ ។
-
តើដានីញ៉ែលហាក់ដូចជាជឿអ្វីខ្លះអំពីសេរីភាព និងគោលបំណងនៃសិទ្ធិជ្រើសរើស ?
-
តើគាត់ហាក់ដូចជាជឿអ្វីខ្លះអំពីបទដ្ឋាននៃសាសនាចក្ររបស់ព្រះអង្គសង្គ្រោះ ?
-
-
បន្ទាប់មក សូមពិចារណាអំពីបញ្ហានៅក្នុងបរិបទនៃផែនការនៃសេចក្ដីសង្គ្រោះ និងការបង្រៀនរបស់ព្រះអង្គសង្គ្រោះ ។
-
តើអ្នកបានដកពិសោធអ្វីខ្លះ តាមរយៈការរស់នៅតាមដំណឹងល្អរបស់ព្រះយេស៊ូវគ្រីស្ទ ដែលជួយអ្នកឲ្យយល់ឃើញអ្វីដែលខុសពីដានីញ៉ែលយល់ឃើញ ?
-
តើទិដ្ឋភាពអ្វីខ្លះក្នុងផែនការនៃសេចក្តីសង្គ្រោះដែលអ្នកគិតថា នឹងមានប្រយោជន៍បំផុតដើម្បីឲ្យដានីញ៉ែលយល់ ?
-
តើព្រះអង្គសង្គ្រោះផ្តល់សេរីភាពបែបណាដល់អ្នកដែលប្រើសិទ្ធិជ្រើសរើសរបស់ពួកគេដើម្បីរក្សាបទបញ្ញត្តិរបស់ទ្រង់ ? តើការជាប់ឃុំឃាំងបែបណាដែលកើតមកពីការបដិសេធបទបញ្ញត្តិទាំងនោះ ?
-
សូមពិចារណាចែកសិស្សជាគូៗ ជាមួយនឹងសិស្សម្នាក់ៗដែលសិក្សាគោលការណ៍មួយ ក្នុងចំណោមគោលការណ៍ពីរខាងក្រោមនៃការទទួលបានចំណេះដឹងខាងវិញ្ញាណ ។ បន្ទាប់មក សូមអញ្ជើញពួកគេឲ្យចែកចាយចម្លើយរបស់ពួកគេចំពោះសំណួរដែលភ្ជាប់មកជាមួយដៃគូរបស់ពួកគេ ។
សូមអាន កថាខណ្ឌទី ៥–៧, ១១ នៃផ្នែក « ការទទួលបានចំណេះដឹងខាងវិញ្ញាណ » នៃផ្នែក ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ហើយពិចារណាពីរបៀបដែលគោលការណ៍ពីរខាងក្រោមអនុវត្តចំពោះស្ថានភាពរបស់អ៊ីវ៉ាន ។
ធ្វើសកម្មភាពដោយសេចក្តីជំនឿ
-
ប្រសិនបើអ៊ីវ៉ានចាប់ផ្តើមឆ្ងល់ពីការសម្រេចចិត្តរបស់គាត់ក្នុងការដើរចេញពីស្ថានភាពគ្រោះថ្នាក់ខាងវិញ្ញាណ តើអ្នកអាចចែកចាយអ្វីខ្លះជាមួយគាត់មកពី កថាខណ្ឌទី ៥–៧ ? ហេតុអ្វី ?
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព
-
តើប្រភពអ្វីខ្លះដែលបានលើកឡើងនៅក្នុង កថាខណ្ឌទី ១១ ដែលអ្នកគិតថានឹងមានប្រយោជន៍បំផុតសម្រាប់ អ៊ីវ៉ាន ?
-
តើសេចក្តីពិតនៅក្នុង នីហ្វៃទី ២ ២:២៧ អាចជួយគាត់យ៉ាងដូចម្តេច ?
ការរំឭកចំណេះចំណានខាងគោលលទ្ធិ
អំឡុងពេលមេរៀនដែលត្រូវបង្រៀននាពេលខាងមុខ សូមជួយសិស្សរំឭកដោយសង្ខេបនូវសេចក្ដីយោងបទគម្ពីរ និងឃ្លាគន្លឹះសម្រាប់ នីហ្វៃទី ២ ២:២៧ ។ របៀបមួយដើម្បីធ្វើកិច្ចការនេះ គឺអញ្ជើញសិស្សឲ្យមើលគំនូរដែលពួកគេបានគូរ ហើយមើលប្រសិនបើពួកគេនៅតែអាចចងចាំសេចក្តីយោង និងឃ្លាបទគម្ពីរគន្លឹះនោះបាន ។ កិច្ចការនេះអាចត្រូវបានធ្វើសាឡើងវិញនៅដើម ឬចុងបញ្ចប់នៃមេរៀនផ្សេងៗនាពេលខាងមុខ ។