« ឯកសារណែនាំ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ឯកសារណែនាំ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ឯកសារណែនាំ
ទិដ្ឋភាពទូទៅ
នៅឆ្នាំនេះនៅក្នុងថ្នាក់សិក្ខាសាលា អ្នកនឹងសិក្សាព្រះគម្ពីរមរមន ។ មេរៀនទាំងនេះនឹងជួយអ្នកឲ្យយល់កាន់តែច្បាស់អំពីសារៈសំខាន់នៃផែនការរបស់ព្រះវរបិតាសួគ៌ ហើយពង្រឹងសមត្ថភាពរបស់អ្នកក្នុងការសិក្សាព្រះគម្ពីរជារៀងរាល់ថ្ងៃ ។ អ្នកក៏នឹងរៀនពីរបៀបស្វែងយល់ពីតួនាទីសំខាន់ៗនៃព្រះវិញ្ញាណបរិសុទ្ធ របៀបធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ នៅពេលអ្នកស្វែងរកចម្លើយចំពោះសំណួររបស់អ្នក និងរបៀបដើម្បីទទួលបានច្រើនបំផុតពីបទពិសោធន៍នៅថ្នាក់សិក្ខាសាលារបស់អ្នក ។
រៀបចំខ្លួនដើម្បី បង្រៀន
ព័ត៌មានខាងក្រោមនេះផ្តល់ជាគំនិតដល់គ្រូបង្រៀន អំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។ ចំណាំ ៖ មេរៀនមួយចំនួន ឬទាំងអស់ខាងក្រោមនេះអាចបង្រៀននៅដើមឆ្នាំសិក្សា ឬនៅពេលផ្សេងទៀតដែលផ្តល់ជាអត្ថប្រយោជន៍ដល់សិស្ស ។
ផែនការនៃសេចក្តីសង្រ្គោះ
គោលបំណងនៃមេរៀន ៖ មេរៀននេះអាចជួយសិស្សយល់ និង ស្គាល់ពីសារៈសំខាន់នៃផែនការរបស់ព្រះវរបិតាសួគ៌ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីអ្វីមួយដែលពួកគេមានអារម្មណ៍ថាពួកគេមិនអាចរស់នៅដោយគ្មានវាបាន ហើយត្រៀមខ្លួនដើម្បីពន្យល់ពីមូលហេតុនោះ ។ ពួកគេក៏អាចយកវា ឬរូបភាពមកថ្នាក់រៀន ប្រសិនបើជាសមរម្យ ។
-
មាតិកាដែលត្រូវបង្ហាញ ៖ សំណួរដែលព្រះគម្ពីរមរមនឆ្លើយ ( បានសរសេរនៅលើក្ដារខៀន សរសេរលើក្រដាស ហើយបិទនៅលើជញ្ជាំង ឬបង្ហាញតាមរបៀបផ្សេងទៀត )
-
ការណែនាំអំពីការបង្រៀនតាមវីដេអូ ៖ បង្ហាញសំណួរដែលព្រះគម្ពីរមរមនឆ្លើយ ។ សូមអញ្ជើញសិស្សឲ្យបង្ហាញសំណួរមួយណាដែលពួកគេចាប់អារម្មណ៍បំផុតក្នុងការសិក្សា ។ សូមបង្កើតការបំបែកក្រុមសម្រាប់សំណួរនីមួយៗ ដើម្បីសិស្សអាចពិភាក្សាអំពីអ្វីដែលពួកគេរៀនជាមួយគ្នា និងផ្តល់ពេលវេលាកំណត់ ។ ពេលដល់ម៉ោងចប់ សូមបញ្ចប់ការបំបែកក្រុម ដើម្បីឲ្យសិស្សអាចពិភាក្សាជាមួយថ្នាក់អំពីអ្វីដែលពួកគេបានរៀន ។
ការសិក្សាព្រះគម្ពីរ
គោលបំណងនៃមេរៀន ៖ គោលបំណងនៃមេរៀននេះគឺដើម្បីបង្កើនបំណងប្រាថ្នា និងសមត្ថភាពរបស់សិស្សក្នុងការសិក្សាព្រះគម្ពីរជារៀងរាល់ថ្ងៃ ហើយទទួលបានពរជ័យដែលបានសន្យា ដែលបានមកពីការសិក្សាព្រះគម្ពីរ ។
-
ការរៀបចំសិស្ស ៖ ផ្តល់ឲ្យសិស្សនូវឯកសារ « ការវាយតម្លៃការសិក្សាព្រះគម្ពីរ » ពីមេរៀននេះ ដើម្បីយកទៅផ្ទះ ហើយបំពេញ ។ សូមពិចារណាអញ្ជើញសិស្សឲ្យសួរសមាជិកគ្រួសារឲ្យឆ្លើយសំណួរផងដែរ ហើយពិភាក្សាអំពីចម្លើយរបស់ពួកគេជាមួយគ្នា ។
-
សំណៅចែក ៖ « ការវាយតម្លៃការសិក្សាព្រះគម្ពីរ »
ការរៀនសូត្រដោយព្រះវិញ្ញាណ
គោលបំណងនៃមេរៀន ៖ មេរៀននេះអាចជួយសិស្សឲ្យស្គាល់តួនាទីសំខាន់ៗនៃព្រះវិញ្ញាណបរិសុទ្ធ ដែលចាំបាច់សម្រាប់ការលូតលាស់ និងការរីកចម្រើនខាងវិញ្ញាណរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីបទពិសោធន៍ដែលពួកគេបានទទួលអារម្មណ៍ពីឥទ្ធិពលនៃព្រះវិញ្ញាណបរិសុទ្ធ ។ សូមលើកទឹកចិត្តពួកគេឲ្យផ្តោតលើគំនិត អារម្មណ៍ ឬចំណាប់អារម្មណ៍ដែលអមជាមួយបទពិសោធន៍ ហើយមករៀនដោយរៀបចំខ្លួនចែកចាយ ។
-
រូបភាព ឬវត្ថុ ៖ រូបភាពនៃប្រភេទឧបករណ៍ទំនាក់ទំនងផ្សេងៗ រួមទាំងទូរសព្ទស្មាតហ្វូនផងដែរ
-
វីដេអូ ៖ « Feeling the Holy Ghost » ( ៣:១៧ )
-
ការណែនាំអំពីការបង្រៀនតាមវីដេអូ ៖ នៅពេលពិភាក្សាអំពីរបៀបផ្សេងៗដែលយើងអាចទទួលអារម្មណ៍ពីព្រះវិញ្ញាណបរិសុទ្ធ សូមពិចារណាប្រើឧបករណ៍ក្តារខៀន ឬកម្មវិធីផ្សេងទៀតដើម្បីអនុញ្ញាតឲ្យសិស្សសរសេរពីរបៀបផ្សេងៗដែលពួកគេបានទទួលអារម្មណ៍ពីព្រះវិញ្ញាណ ។
ការរៀនសូត្រដោយសេចក្ដីជំនឿលើព្រះយេស៊ូវគ្រីស្ទ
គោលបំណងនៃមេរៀន ៖ មេរៀននេះអាចជួយសិស្សទទួលបានអត្ថប្រយោជន៍ច្រើនបំផុតពីបទពិសោធន៍នៅថ្នាក់សិក្ខាសាលារបស់ពួកគេដោយការយល់ពីអត្ថន័យនៃការរៀនសូត្រដោយសេចក្ដីជំនឿលើព្រះយេស៊ូវគ្រីស្ទ ។
-
ការរៀបចំសិស្ស ៖ អញ្ជើញសិស្សឲ្យអាន កថាខណ្ឌទី ១–២ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ហើយរៀបចំចែកចាយនូវអ្វីដែលយើងអាចធ្វើដើម្បីរៀនសេចក្ដីពិតខាងវិញ្ញាណ ។
-
វីដេអូ ៖ « An Especially Noble Calling » ( ១១:២៥ សូមមើលពីនាទីទី ២:១៦ ដល់ ៣:៤៩ ) « Seminary Can Change Lives » ( ៤:១៤ )
-
មាតិកាដែលត្រូវបង្ហាញ ៖ សេចក្តីថ្លែងការណ៍ដោយប្រធាន រ័សុល អិម ណិលសុន នៅដើមមេរៀន រូបភាពរបស់សិស្សក្នុងថ្នាក់សិក្ខាសាលា
-
ការណែនាំអំពីការបង្រៀនតាមវីដេអូ ៖ ប្រសិនបើអាចធ្វើបាន សូមពិចារណាអញ្ជើញសិស្សម្នាក់ ឬពីរនាក់ដែលទើបបញ្ចប់ការសិក្សាពីថ្នាក់សិក្ខាសាលាមកចូលរួមសន្និសីទវីដេអូ ហើយចែកចាយអ្វីដែលបានជួយពួកគេរៀនដំណឹងល្អនៅក្នុងថ្នាក់សិក្ខាសាលា ។ ពួកគេក៏អាចនឹងចែកចាយនូវអ្វីដែលពួកគេប្រាថ្នាថាពួកគេបានធ្វើខុសពីនេះ ឬបានដឹងនៅពេលពួកគេចាប់ផ្តើមបទពិសោធន៍ថ្នាក់សិក្ខាសាលាដំបូងរបស់ពួកគេ ។
ការទទួលបានចំណេះដឹងខាងវិញ្ញាណ ភាគទី ១
គោលបំណងនៃមេរៀន ៖ មេរៀននេះអាចជួយសិស្សឲ្យធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ កាលដែលពួកគេស្វែងរកចម្លើយចំពោះសំណួរ និងកង្វល់នានានៅក្នុងជីវិតរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យស្នើសុំសមាជិកគ្រួសារ ឬថ្នាក់ដឹកនាំសាសនាចក្រ ដែលបង្ហាញសេចក្តីជំនឿដ៏អស្ចារ្យលើព្រះយេស៊ូវគ្រីស្ទ នូវអ្វីដែលពួកគាត់ធ្វើ ដើម្បីរក្សាភាពរឹងមាំ នៅពេលប្រឈមមុខនឹងសំណួរ ឬកង្វល់អំពីដំណឹងល្អ ។
-
វីដេអូ ៖ « Act in Faith: The Stonemason » ( ៤:៥៧ )
-
មាតិកាដែលត្រូវបង្ហាញ ៖ សេចក្តីយោង និងសេចក្តីសង្ខេបពី នីហ្វៃទី ១ សម្រាប់ជាឯកសារយោងរបស់សិស្ស អំឡុងពេលសកម្មភាពសិក្សា
-
ការណែនាំអំពីការបង្រៀនតាមវីដេអូ ៖ សូមពិចារណាអំពីការអញ្ជើញសិស្សឲ្យបោះឆ្នោតតាមរបៀបដែលអាចមើលឃើញចម្លើយនីមួយៗដែលអាចមានចំពោះ សំណួរ « តើអ្នកគិតថាវាមានន័យយ៉ាងណា ប្រសិនបើនរណាម្នាក់មានសំណួរអំពីដំណឹងល្អ ឬសាសនាចក្រនៃព្រះយេស៊ូវគ្រីស្ទ ? » ឧទាហរណ៍ ពួកគេអាចបិទម៉ាស៊ីនថតរបស់ពួកគេ ប្រសិនបើពួកគេគិតថាចម្លើយអាចត្រឹមត្រូវ ហើយបន្តបើកម៉ាស៊ីនថតរបស់ពួកគេ ប្រសិនបើពួកគេមិនត្រឹមត្រូវ ។ ផ្អាកបន្តិចបន្ទាប់ពីជម្រើសនីមួយៗ ដើម្បីសួរសិស្សមួយចំនួនថាហេតុអ្វីពួកគេបោះឆ្នោតតាមរបៀបដែលពួកគេធ្វើ ។ សូមជួយពួកគេឲ្យយល់ថាចម្លើយណាមួយក៏អាចត្រឹមត្រូវ ឬមិនត្រឹមត្រូវ អាស្រ័យលើបំណងប្រាថ្នា និងជម្រើសរបស់បុគ្គលម្នាក់ៗ ។