Toe Vakaiʻi Hono 13 ʻo e Fakataukei Fakatokāteliné

Kumi pea Fakaʻilongaʻi ʻa e ʻAlamā 7:11–13 ki he Molonai 10:4–5

finemui ʻokú ne fakaʻilongaʻi e folofolá

Ko e taumuʻa ʻe taha ʻo e fakataukei fakatokāteliné ke tokoniʻi koe ke ke haʻu kia Kalaisi ʻaki hono fakalahi hoʻo mahino ki he ngaahi moʻoni ʻo e ongoongoleleí ʻoku maʻu ʻi he folofolá. ʻOku fakataumuʻa ʻa e lēsoni ko ʻení ke tokoniʻi koe ke ke kumi ʻa e ngaahi potufolofola fakataukei fakatokāteline ʻe 12 ʻi he konga hono ua ʻo e Tohi ʻa Molomoná.

Ngaahi fakamoʻoni fakafolofolá mo e ngaahi kupuʻi lea mahuʻinga ʻi he folofolá

Fakakaukauloto ʻoku fakatokangaʻi ʻe haʻo kiʻi tehina siʻisiʻi hoʻo fakaʻilongaʻi ho folofolá lolotonga hoʻo akó. Hili e sio ho kiʻi tehiná ki he pēsí mo e ngaahi fakaʻilonga kotoa aí, ʻokú ne ʻeke atu pe ko e hā ʻokú ke fakaʻilongaʻi ai hoʻo folofolá.

• Ko e hā haʻo tali?

Fakaʻaongaʻi e saati ko ʻení ke tokoni atu ke ke maʻu ʻa e potufolofola fakataukei fakatokāteline ʻe 12 ʻoku maʻu ʻi he konga hono ua ʻo e Tohi ʻa Molomoná. Fakakaukau ke fakaʻilongaʻi kinautolu ʻi ha founga makehe koeʻuhí ke faingofua ange hoʻo ʻilo kinautolu ʻi he kahaʻú. Te ke lava foki ʻo fakaʻilongaʻi e ngaahi foʻi lea ʻi he ngaahi kupuʻi lea mahuʻinga ʻi he folofolá ke nau hā makehe.

Fakataukei Fakatokāteline ʻo e Tohi ʻa Molomoná: ʻAlamā–Molonai

Tohi ʻa Molomoná – Tohi Lēsoni ʻa e Faiakó (2024)

Potufolofolá	Kupuʻi Lea Mahuʻinga ʻi he Folofolá
Potufolofolá ʻAlamā 7:11–13	Kupuʻi Lea Mahuʻinga ʻi he Folofolá “Pea te ne hāʻele atu, ʻo kātakiʻi ʻa e ngaahi mamahi mo e ngaahi faingataʻá pea mo e ngaahi ʻahiʻahi kehekehe kotoa pē.”
Potufolofolá ʻAlamā 34:9–10	Kupuʻi Lea Mahuʻinga ʻi he Folofolá “Kuo pau ke fai ha fakalelei, … ko ha feilaulau taʻe-fakangatangata mo taʻengata.”
Potufolofolá ʻAlamā 39:9	Kupuʻi Lea Mahuʻinga ʻi he Folofolá “[ʻOua ʻe] toe muimui ʻi he ngaahi holi ʻa ho matá.”
Potufolofolá ʻAlamā 41:10	Kupuʻi Lea Mahuʻinga ʻi he Folofolá “Kuo teʻeki ai hoko ʻa e faiangahalá ko e fiefia.”
Potufolofolá Hilamani 5:12	Kupuʻi Lea Mahuʻinga ʻi he Folofolá “ʻOku makatuʻunga ʻi he maka ʻo hotau Huhuʻí … kuo pau ke mo langa ai homo makatuʻungá.”
Potufolofolá 3 Nīfai 11:10–11	Kupuʻi Lea Mahuʻinga ʻi he Folofolá “Kuó u fai ai ʻa e meʻa kotoa pē kuo finangalo ʻa e Tamaí ke u fai talu mei he kamataʻangá.”
Potufolofolá 3 Nīfai 12:48	Kupuʻi Lea Mahuʻinga ʻi he Folofolá “Ke mou haohaoa ʻo hangē pē ko aú, pe hangē ko e haohaoa hoʻomou Tamai ʻa ia ʻoku ʻi he langí.”
Potufolofolá 3 Nīfai 27:20	Kupuʻi Lea Mahuʻinga ʻi he Folofolá “Haʻu kiate au ʻo papitaiso … koeʻuhi ke fakamāʻoniʻoniʻi ʻa kimoutolu ʻi he maʻu ʻo e Laumālie Māʻoniʻoní.”
Potufolofolá ʻEta 12:6	Kupuʻi Lea Mahuʻinga ʻi he Folofolá “ʻOku ʻikai te mou maʻu ha fakamoʻoni kae ʻoua kuo hili hono ʻahiʻahiʻi ʻo hoʻomou tuí.”
Potufolofolá ʻEta 12:27	Kupuʻi Lea Mahuʻinga ʻi he Folofolá “Kapau ʻe haʻu kiate au ʻa e tangatá … te u liliu ʻa e ngaahi meʻa vaivaí ko e mālohi kiate kinautolu.”
Potufolofolá Molonai 7:45–48	Kupuʻi Lea Mahuʻinga ʻi he Folofolá “Ko e manavaʻofá ʻa e ʻofa haohaoa ʻa Kalaisí.”
Potufolofolá Molonai 10:4–5	Kupuʻi Lea Mahuʻinga ʻi he Folofolá “Mou kole ʻi he loto-fakamātoato, mo e loto-moʻoni, ʻo maʻu ʻa e tui kia Kalaisi … [pea] ʻi he mālohi ʻo e Laumālie Māʻoniʻoní te mou lava ai ke ʻiloʻi hono moʻoni ʻo e ngaahi meʻa kotoa pē.”

© 2023 by Intellectual Reserve, Inc. All rights reserved.

fakaʻilonga, lekooti

1. Fili ha potufolofola fakataukei fakatokāteline ʻe tolu te ke fie ako lahi ange ki ai ʻi he semesitā ko ʻení. Lau e ngaahi potufolofolá pea hiki hifo e ngaahi meʻa ko ʻení:

   • ʻOkú ke pehē ko e hā hono ʻuhinga ʻoku finangalo ai e Fakamoʻuí ke mahino ki he kakai ʻo e ʻaho ní ʻa e ngaahi moʻoni ʻi he ngaahi potufolofola ko ʻení

   • Ko ha faʻahinga fehuʻi pē ʻokú ke maʻu fekauʻaki mo e ngaahi foʻi lea mo e kupuʻi lea mahuʻinga ʻi he potufolofolá

ʻI he ngaahi ʻaho siʻi ka hokó, kamata ako maʻuloto ha niʻihi ʻo e ngaahi potufolofolá mo e ngaahi kupuʻi lea mahuʻinga ʻi he folofolá, pea kumi ha ngaahi tali ki ha faʻahinga fehuʻi pē te ke maʻu fekauʻaki mo e meʻa ʻoku akoʻi ʻe he ngaahi potufolofola ko iá. ʻE lava ke ke fakaʻaongaʻi e polokalama Fakataukei Fakatokāteline ʻi he telefoni toʻotoʻó ke tokoni atu (kapau ʻoku maʻu).