“Talateu ki he Tohi ʻa Molomoná – Tohi Lēsoni ʻa e Tokotaha Ako Seminelí,” Tohi ʻa Molomoná – Tohi Lēsoni ʻa e Tokotaha Akó (2024)
“Talateu,” Tohi ʻa Molomoná – Tohi Lēsoni ʻa e Tokotaha Akó
Talateu ki he Tohi ʻa Molomoná – Tohi Lēsoni ʻa e Tokotaha Ako Seminelí
Ko e taumuʻa ʻa e Seminelí mo e ʻInisititiuti Fakalotú ke tokoni ki he toʻu tupú mo e kakai lalahi kei talavoú ke fakaloloto ʻenau ului kia Sīsū Kalaisi mo ʻEne ongoongolelei kuo fakafoki maí, taau ke maʻu ʻa e ngaahi tāpuaki ʻo e temipalé, pea teuteuʻi kinautolu, honau ngaahi fāmilí, mo e niʻihi kehé ki he moʻui taʻengata mo ʻenau Tamai Hēvaní.
ʻOku fakataumuʻa ʻa e ngaahi lēsoni ʻi he tohi lēsoni ko ʻení ke tokoniʻi koe ke ke aʻusia ʻa e taumuʻa ko ʻení ʻi hoʻo ako ʻa e Tohi ʻa Molomoná. ʻOku ʻi he tohi lēsoni ko ʻení ha ngaahi lēsoni ʻe 255. He ʻikai fiemaʻu ke ke fakakakato kotoa ʻa e ngaahi lēsoni ko ʻení. ʻOku fenāpasi honau lahi tahá mo e folofola ʻi he Haʻu, ʻo Muimui ʻIate Aú ʻa ia ʻe ako ʻe he fakafoʻituituí mo e ngaahi fāmilí. ʻOku fekauʻaki ʻa e ngaahi lēsoni kehé mo e fakataukei fakatokāteliné. ʻE tokoni hoʻo faiakó ke ke ʻiloʻi ʻa e ngaahi lēsoni ke fakakakato ʻi ʻapí pea mo e ngaahi lēsoni te mou fakahoko fakataha ko ha kalasí.
ʻOku kau ʻi he ngāue ki he lēsoni takitaha ha ngaahi ngāue te ke fakahū ki hoʻo faiakó. ʻOku fakaʻilongaʻi ʻa e ngaahi ngāue ko ʻení ʻaki ʻa e fakaʻilongá ni: . Fakakaukauʻi fakalelei ʻa e founga te ke fakakakato ai ʻa e ngaahi ngāue ko ʻení. ʻE tokoni ʻeni ke ʻuhingamālie ange ai hoʻo ngaahi aʻusiá ʻi hoʻo ako mo fakaʻaongaʻi ʻa e ngaahi moʻoni mei he folofolá. Lotu kimuʻa pea kamata hoʻo ngaahi lēsoní, pea fekumi ki ha tataki mo ha fakahinohino mei he Laumālie Māʻoniʻoní ke tokoniʻi koe ʻi hoʻo akó. Kumi ha ngaahi faingamālie ke vahevahe ai mo hoʻo fāmilí mo e niʻihi kehé ʻa e meʻa ʻokú ke akó. ʻI hoʻo fai iá, te ke fakaloloto ai hoʻo ului ki he Fakamoʻuí mo ʻEne ongoongolelei kuo fakafoki maí.