Jacob 2:22–35

Ang Balaod sa Kaputli

batan-ong babaye

Ang kalibotan gitalikdan ang mga sumbanan sa sekswal nga kaputli, apan ang sumbanan sa Ginoo sa sekswal nga kaputli nagpabilin nga wala mausab. Human makadawat sa iyang sugo gikan sa Ginoo, si Jacob mitudlo sa iyang katawhan mahitungod sa balaod sa kaputli. Ang mga pagtulun-an ni Jacob magamit gihapon karon. Kini nga leksiyon makatabang kanimo nga mahimuot sa kaputli sama nga ang Ginoo mao.

Ang pasidaan ni Jacob

Tsart sa mga sumbanan

• Unsaon nimo paghulagway unsa ang gipakita niini nga diagram mahitungod sa mga sumbanan sa Ginoo ug sa mga sumbanan sa kalibotan?

• Sa unsa nga mga paagi imong nakita nga ang mga sumbanan sa kalibotan mipahilayo gikan sa mga sumbanan sa Ginoo?

Si Presidente Russell M. Nelson mipaambit og usa ka paagi nga ang kalibotan mipahilayo gikan sa sumbanan sa Ginoo:

Presidente Russell M. Nelson

Nagkinahanglan og hugot nga pagtuo ang pagpakabuhi og putli nga kinabuhi samtang ang kalibotan nagsinggit nga ang balaod sa Dios bahin sa kaputli karon lawos na. (Russell M. Nelson, “Si Kristo Nabanhaw: Ang Hugot nga Pagtuo diha Kaniya Makabalhin og mga Bukid,” Liahona, Mayo 2021, 103)

• Unsa nga mga ehemplo niini ang imong nakita?

Ang balaod sa Ginoo sa kaputli klaro ug dili mausab. “Ang kaputli mao ang sekswal nga kaputli. Kadtong mga putli moral nga limpyo sa ilang mga hunahuna, mga pulong, ug mga buhat. Ang kaputli nagpasabot nga walay bisan unsang pakighilawas sa wala pa ang kaminyoon. Nagpasabot usab kini sa hingpit nga pagkamatinud-anon sa bana o asawa sa panahon sa kaminyoon” (Gospel Topics, “Chastity”).

Samtang magtuon ka sa Jacob 2, pangitaa kon unsay gibati sa Manluluwas mahitungod sa kaputli.

Gihigugma ni Jacob ang iyang katawhan. Pinaagi sa gahom sa Ginoo, nahibaloan ni Jacob ang mga hunahuna sa mga tawo ug ang pagkadautan sa ilang mga kasingkasing (tan-awa sa Jacob 1:15; 2:5–6). Nasayod siya nga sila “nagsugod sa pagbuhat diha sa pagpakasala, hain nga sala nagpakita nga hilabihan ka salawayon … ngadto sa Dios” (Jacob 2:5). Human sa pagpasidaan sa mga Nephite mahitungod sa sala sa garbo (tan-awa sa Jacob 2:12–21), gipasidan-an ni Jacob ang mga Nephite mahitungod sa “usa ka labaw nga mabug-at [o mas seryoso] nga kalapasan” (Jacob 2:22) nga ang iyang katawhan naghunahuna.

Basaha ang Jacob 2:22–24, mangita kon giunsa paghulagway ni Jacob kining mas bug-at nga sala. (Ang mga malaw-ay nga mga buhat mao ang pagpakighilawas sa usa ka tawo ngadto sa laing tawo gawas sa iyang kapikas.)

ChurchofJesusChrist.org

• Unsa ang tahas sa atong mga hunahuna sa atong pagsunod sa balaod sa kaputli (tan-awa sa Mateo 5:28)?

Ang Ginoo nahimuot sa kaputli

Pipila sa mga Nephite nga mga lalaki milapas sa balaod sa kaputli pinaagi sa pagpangasawa og sobra sa usa, sa dihang kini nga buhat gipanghimaraot sa Ginoo sa wala pa si Lehi mibiya sa Jerusalem (Jacob 2:34). Pamalandongi kon unsay imong gibuhat sa imong kinabuhi sa pagbatok sa mga pagtintal kalabot sa balaod sa kaputli.

Basaha ang Jacob 2:25–28, mangita sa unsay gitudlo ni Jacob sa mga Nephite aron sa pagtabang kanila sa pagbatok sa tintal sa paghimo og sekswal nga sala.

• Unsa ang panglantaw sa Ginoo sa kaputli?

Si Jacob nakig-istorya sa mga lalaki, kinsa kadaghanan kanila naningkamot sa pagdani sa mga babaye sa paglapas sa balaod sa kaputli. Maong, naghisgot siya bahin sa Ginoo nga nahimuot diha sa kaputli sa mga babaye. Ang Ginoo nahimuot diha sa kaputli sa tanan Niyang mga anak—lalaki ug babaye.

Basaha ang seksiyon sa “Ang inyong lawas sagrado” diha sa Alang sa Kalig-on sa mga Kabatan-onan (2022, booklet), mangita kon nganong ang pagsunod sa balaod sa kaputli usa ka butang nga makapahimuot.

ChurchofJesusChrist.org

icon, rekord

1. Tubaga ang mosunod nga mga pangutana:

   • Ngano sa imong hunahuna nga ang Ginoo nahimuot sa kaputli?

   • Unsa kaha ang ebidensiya sa kinabuhi sa usa ka tawo nga siya nahimuot sa kaputli?

   • Unsa nga Kristohanong mga hiyas nga ang pagsunod sa balaod sa kaputli makatabang kanato sa pagpalambo?

Basaha ang Jacob 2:31–35, mangita kon sa unsang paagi ang imoral nga mga pagpili sa mga lalaki sa Nephite nakaapekto sa ilang mga pamilya.

2. Tubaga ang mosunod nga mga pangutana:

   • Unsa nga mga problema ang moabot kon kita mapakyas sa paglantaw sa kaputli sama sa pagtan-aw sa Ginoo?

   • Unsa kaha ang kalainan sa kalibotan kon ang matag usa nagtan-aw sa kaputli sama sa pagtan-aw sa Ginoo?

   • Sa unsa nga paagi sa imong hunahuna ang pagkahimuot sa kaputli makaimpluwensiya sa imong relasyon sa Ginoo ug sa uban?

templo

Usa sa mga pangutana sa interbyo sa rekomend sa templo mao ang “Mituman ka ba sa balaod sa kaputli?”

• Unsa nga mga hunahuna ug mga pagbati ang anaa kanimo kon ikaw maghunahuna mahitungod sa pagtubag niini nga pangutana ngadto sa imong bishop?

• Unsa ang imong mahimo aron ang Ginoo mahimuot sa imong kaputli?

Pamalandongi kon unsay imong gibuhat sa pagsunod sa balaod sa kaputli ug sa unsang paagi kini positibo nga nakaapekto sa imong kinabuhi. Kon ikaw nakalapas sa balaod sa kaputli, pakig-istorya sa imong bishop. Makatabang siya kanimo sa paghinulsol. Ang Manluluwas gusto nga mopasaylo kanimo. Diha Kaniya makakaplag ka og kapasayloan, kalinaw, pagkaayo, ug kalig-on sa pagsunod sa balaod sa kaputli.

Mga pagtulun-an ni Jacob mahitungod sa dinaghan nga kaminyoon

Human si Jacob mitudlo sa iyang katawhan nga dili magbaton og labaw sa usa ka kapikas sa usa ka higayon (tan-awa sa Jacob 2:27), iyang gipasabot ang mga kondisyon diin ang Ginoo motugot sa dinaghan nga kaminyoon (tan-awa sa Jacob 2:30).

• Unsa ang gitudlo ni Jacob mahitungod sa dinaghan nga kaminyoon sa bersikulo 30?

Ang dinaghan nga kaminyoon gitugotan lamang kon ang Ginoo misugo niini pinaagi sa Iyang propeta—ang Presidente sa Simbahan—ug dili pinaagi ni bisan kinsa (tan-awa sa Doktrina ug mga Pakigsaad 132:45–48). Sa piho nga mga panahon ug mga dapit sa kasaysayan sa kalibotan, ang Ginoo misugo sa Iyang katawhan sa pagbuhat sa dinaghan nga kaminyoon. Sama pananglitan, ang dinaghan nga kaminyoon gihimo ni Abraham, Sara, ug Agar (tan-awa sa Genesis 16:1–3; Doktrina ug mga Pakigsaad 132:34–35). Ang apo ni Abraham nga si Jacob mihimo usab og dinaghan nga kaminyoon (tan-awa sa Genesis 29–30; Doktrina ug mga Pakigsaad 132:37). Gihimo kini sulod sa usa ka panahon sa unang mga adlaw sa gipahiuli nga Simbahan, sugod ni Propeta Joseph Smith. Ang dinaghan nga kaminyoon wala na buhata sa mga miyembro sa Simbahan (tan-awa sa Opisyal nga Pahayag 1).

Opsiyonal: Gustong Makakat-on Pa og Dugang?

Unsa ang tahas sa sekswal nga relasyon diha sa plano sa Langitnong Amahan?

Si Elder David A. Bednar sa Korum sa Napulog Duha ka Apostoles mitudlo:

Elder David A. Bednar

Ang gahom sa pagpasanay mahinungdanon sa espiritwal nga paagi. Ang sayop nga paggamit niining gahom makapugong sa mga katuyoan sa plano sa Amahan ug sa atong pagkamortal. Ang atong Langitnong Amahan ug ang Iyang Pinalanggang Anak mga tiglalang ug gisaligan kita og bahin sa Ilang gahom sa paglalang. Ang pihong mga sumbanan sa saktong paggamit sa abilidad sa paglalang og kinabuhi mahinungdanong mga elemento sa plano sa Amahan. Ang atong pagbati ug paggamit niining langitnong gahom motino pag-ayo sa atong kalipay dinhi sa mortalidad ug sa atong kapalaran sa kahangtoran. …

Ang Simbahan ni Jesukristo sa mga Santos sa Ulahing mga Adlaw may usa lang, dili mausab nga sumbanan sa sekswal nga moralidad: ang sobra ka suod [intimate] nga relasyon tali sa lalaki ug babaye angay lang kon sila minyo sumala sa plano sa Dios. Kini nga relasyon dili pagahimoon tungod lang sa kakuryuso nga buot diskobrehon, gana nga buot tagbawon, o matang sa paglingaw-lingaw nga hinakog nga buhaton. Kini dili usa ka pagpangbuntog nga kinahanglan himoon o lihok nga yano lang buhaton. Hinoon, sa pagkamortal kini ang usa sa dakong pagpahayag sa atong balaanong kinaiya ug potensiyal ug paagi sa paglig-on sa emosyonal ug espiritwal nga kasuod sa bana ug asawa. Kita mga tinugyanan nga napanalanginan og moral nga kabubut-on ug naila sa atong balaanong panulundon isip mga anak sa Dios—ug dili sa atong sekswal nga kinaiya, mga modernong pamatasan, o kalibutanon nga mga pilosopiya. (David A. Bednar, “Kita Nagtuo sa Pagkaputli,” Liahona, Mayo 2013, 42)

Mapasaylo ba ko sa mga sala nga sekswal?

Namulong niadtong kinsa nakalapas sa balaod sa kaputli, si Elder Jeffrey R. Holland sa Korum sa Napulog Duha ka Apostoles mipamatuod:

Elder Jeffrey R. Holland

Kaninyo gihatag ang kalinaw ug pagbag-o sa paghinulsol nga maanaa pinaagi sa maulaong sakripisyo sa Ginoong Jesukristo. Sa maong seryoso kaayo nga mga butang ang paagi sa paghinulsol dili sayon nga masugdan ni walay kasakit nga lahutayon. Apan ang Manluluwas sa kalibotan molakaw nianang importante nga panaw uban kaninyo. Siya molig-on kaninyo kon kamo magduha-duha. Siya mao ang inyong kahayag kon ingon og ngitngit kaayo. Siya mogunit sa inyong kamot ug mao ang inyong paglaom kon ang paglaom ingon og mao na lang ang tanan nga nahibilin kaninyo. Ang Iyang kapuangod ug kaluoy, uban sa ilang tanang makapalimpyo ug makaayo nga gahom, libre nga ihatag ngadto sa tanan kinsa tinud-anay nga naghinaot og kompleto nga kapasayloan ug mohimo sa mga lakang nga mopadulong ngadto niini. (Jeffrey R. Holland, “Personal Purity,” Liahona, Nob. 1998, 78)

Asa ko makakuha og tabang aron mabuntog ang pornograpiya?

• Dallin H. Oaks, “Nagpaayo gikan sa Pagkalit-ag sa Pornograpiya,” Liahona, Oktubre 2015, 50–55

• AddressingPornography.ChurchofJesusChrist.org

Gihimo pa ba sa Simbahan ang dinaghan nga kaminyoon karon?

Niadtong 1890 si Presidente Wilford Woodruff nadasig sa pag-isyu og manipesto diin siya mipahayag nga ang mga Santos sa Ulahing mga Adlaw kinahanglang maglikay sa pagsulod sa dinaghan nga kaminyoon (tan-awa sa Opisyal nga Pahayag 1). Ang gamay nga gidaghanon sa dinaghan nga mga kaminyoon gihimo ubos sa pagtugot sa pipila ka mga lider sa Simbahan hangtod sa ikaduhang manipesto, nga gisulat ni Presidente Joseph F. Smith, mitapos sa paghimo sa tibuok kalibotan niadtong 1904. Sukad nianang panahona, bisan kinsa nga Santos sa Ulahing mga Adlaw nga mohimo niini nga buhat matangtangan sa iyang pagkamiyembro sa Simbahan (tan-awa sa Kinatibuk-ang Tamdanan nga Basahon, 32.6.2.5).

ChurchofJesusChrist.org

Mahimo usab nimong basahon ang Gospel Topic Essay [Saysay sa Hilisgotan sa Ebanghelyo] “Plural Marriage in The Church of Jesus Christ of Latter-day Saints [Dinaghan nga Kaminyoon sa Ang Simbahan ni Jesukristo sa mga Santos sa Ulahing mga Adlaw].”