Doktrinal nga Kahanas: 2 Nephi 32:8–9

“Kamo Kinahanglan Gayod nga Mag-ampo sa Kanunay”

batan-on nga nag-ampo

Sa miaging leksiyon, “2 Nephi 32:8–9,” imong nakat-onan nga kon kita mag-ampo sa kanunay, ang Langitnong Amahan mopahinungod sa atong binuhatan alang sa kaayohan sa atong mga kalag. Kini nga leksiyon makatabang nimo sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan alang sa 2 Nephi 32:8–9, makapasabot sa doktrina, ug makagamit sa mga baroganan sa pag-angkon og espirituhanong kahibalo ngadto sa tinud-anay nga mga senaryo.

Ipasabot ug Isag-ulo

Rebyoha ang pakisayran sa kasulatan sa doktrinal nga kahanas sa “2 Nephi 32:8–9” ug ang mahinungdanon nga hugpong sa mga pulong sa kasulatan nga “Kamo kinahanglan gayod nga mag-ampo sa kanunay.” Paghimo og mubo nga istorya aron masumpay ang matag numero diha sa pakisayran sa kasulatan ngadto sa mahinungdanon nga hugpong sa mga pulong—sama pananglitan, “Si Addi nag-ampo 32 ka oras kada adlaw.” OK ra kon ang imong gihimo dili lohikal. Ang punto mao ang pagtabang kanimo sa pagkonektar sa pakisayran ngadto sa mahinungdanon nga hugpong sa mga pulong sa kasulatan.

icon, rekord

icon, rekord

1. Kompletoha ang mosunod:

   Handurawa nga ikaw nakig-istorya sa usa ka higala kinsa mibati nga dili angayan nga mag-ampo. Gamita ang mga hugpong sa mga pulong gikan sa 2 Nephi 32:8–9 aron matabangan siya nga makasabot nganong kinahanglan kita nga mag-ampo sa kanunay. Ilakip sa imong pagpasabot unsa sa imong hunahuna ang gipasabot sa pag-ampo sa kanunay.

Pagbansay sa paggamit

icon, rekord

2. Pagpili og usa sa mga baroganan sa pag-angkon og espirituhanong kahibalo. Isulat ang kutob sa imong mahinumduman mahitungod sa baroganan. Kon nahuman na nimo, itandi ang imong gisulat sa katukma nga seksiyon gikan sa mga parapo 5–12 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2022). Tan-awa kon adunay bisan unsa nga gusto nimong idugang sa imong nasulat.

3. Paghunahuna mahitungod sa posible nga mga pangutana o kabalaka nimo o sa uban bahin sa pag-ampo. (Sa paghunahuna og posibleng mga pangutana o mga kabalaka, mahimo nimong pangutan-on ang imong kaugalingon, “Unsa ang pipila ka rason nga ang mga tawo dili mag-ampo?” o “Sa unsang paagi nga ang usa ka tawo makahimo sa ilang mga pag-ampo nga mas makahuluganon?”) Pagpili og usa ka pangutana o kabalaka nga gusto nimong pagatutokan, ug isulat kini. Gamita ang mga baroganan sa pag-angkon og espirituhanong kahibalo aron pagtabang sa usa ka tawo niana nga pangutana o kabalaka, magsulat kon sa unsang paagi ang matag baroganan makatabang kanila. Mahimo nimong gamiton ang mosunod isip giya.

Tinguhaa ang dugang nga panabot pinaagi sa balaanong gitudlo nga mga tinubdan

• Unsa nga balaanong gitudlo nga mga tinubdan ang imong gamiton sa pagtubag?

Paggamit og balaanong gitudlo nga tinubdan aron sa pagtabang kanimo sa pag-andam og tubag. Mahimo kang magpadala og mensahe ngadto sa usa ka ginikanan o lider sa Simbahan nga mangayo og tabang sa posible nga mga tubag. Mahimo usab nimong pangitaon ang mga kasulatan o mga materyal sa ChurchofJesusChrist.org ChurchofJesusChrist.org. Alang sa pipila ka mga kabalaka, ang mosunod nga pamahayag ni Presidente Brigham Young (1801–1877) mahimong makatabang:

Presidente Brigham Young

Dili igsapayan kon ikaw o ako dili ganahan nga mag-ampo, kon ang panahon moabot aron mag-ampo, pag-ampo. Kon kita dili ganahan nga mobuhat niini, kinahanglang mag-ampo kita hangtod nga kita ganahan. (Mga Pagtulun-an sa mga Presidente sa Simbahan: Brigham Young [1997], 53)

Susihon ang mga konsepto ug mga pangutana inubanan sa mahangtorong panglantaw

• Unsa ang imong nahibaloan mahitungod sa Langitnong Amahan ug ni Jesukristo nga may kalabotan niini nga pangutana o kabalaka?

• Unsa ang walay kataposan nga mga kamatuoran gikan sa 2 Nephi 32:8–9 ang makatabang sa usa ka tawo niini nga pangutana o kabalaka?

Lihokon inubanan sa hugot nga pagtuo

• Unsa ang imong isugyot nga buhaton niini nga tawo aron molihok nga may hugot nga pagtuo kang Jesukristo? Ngano man?

• Unsa ang imong dapiton nga hinumduman niini nga tawo nga makatabang kaniya sa paglihok nga may hugot nga pagtuo?