ថ្នាក់​សិក្ខាសាលា
នីហ្វៃទី ២ ៤ ៖ ទំនុកដំកើង​របស់​នីហ្វៃ


« នីហ្វៃទី ២ ៤ ៖ ទំនុកដំកើង​របស់​នីហ្វៃ » ព្រះគម្ពីរ​មរមន សៀវភៅ​សិក្សា​សម្រាប់​គ្រូបង្រៀន ( ឆ្នាំ ២០២៤ )

« នីហ្វៃទី ២ ៤ ៖ ទំនុកដំកើង​របស់​នីហ្វៃ » ព្រះគម្ពីរ​មរមន សៀវភៅ​សិក្សា​សម្រាប់​គ្រូបង្រៀន

នីហ្វៃ​ទី ២៤

ទំនុកដំកើង​របស់​នីហ្វៃ

រូបភាព
នីហ្វៃ​កំពុង​អធិស្ឋាន

មនុស្ស​គ្រប់​រូប​ប្រឈម​មុខ​នឹង​ការល្បួង ហើយ​មាន​អារម្មណ៍​ស្រយុត​ចិត្ត ឬ​បាក់​ទឹក​ចិត្ត​នៅពេល​ខ្លះ ។ ព្យាការី​នីហ្វៃ​ក៏​មាន​អារម្មណ៍​បែប​នេះ​ដែរ ។ បន្ទាប់ពី​បាន​ដក​ពិសោធ​អំពី​ការស្លាប់​របស់​ឪពុក​លោក​គឺលីហៃ ហើយ​ប្រឈម​មុខ​នឹង​បងប្អូន​ដែល​ខឹង​សម្បា​របស់​លោក នោះ​នីហ្វៃ​បាន​សរសេរ​អំពី​អារម្មណ៍​ដ៏​ជ្រាលជ្រៅ​មួយ​ចំនួន​របស់​លោក ។ លោក​បាន​សម្តែង​នូវ​ក្តី​សោមនស្ស​រីករាយ និង​ទុក្ខ​សោក​របស់​លោក ។ គំរូ​របស់​លោក​បង្ហាញ​យើង​ពី​របៀប​ដែល​យើង​អាច​បែរ​ទៅ​រក​ព្រះអម្ចាស់ នៅពេល​យើង​ជួប​ប្រទះ​នឹង​បញ្ហា​នៃ​ជីវិត​រមែង​ស្លាប់ ។ មេរៀន​នេះ​អាច​ជួយ​អ្នក​ឆ្លើយតប​ដោយ​ស្មោះត្រង់​ចំពោះ​ការល្បួង និង​ការបាក់​ទឹក​ចិត្ត​ដោយ​បែរ​ទៅរក​ព្រះអម្ចាស់ ។

សកម្មភាព​រៀន​សូត្រ​ដែល​អាច​មាន

ឧបសគ្គ​នៃ​ជីវិត​រមែង​ស្លាប់

យើង​ទាំង​អស់​គ្នា​ត្រូវបាន​ល្បួង សោកសៅ ឬ​បាក់​ទឹក​ចិត្ត​នៅពេល​ខ្លះ ។ សូម​គិត​អំពី​ការល្បួង​ជាក់លាក់ ឬ​បញ្ហា​ជាក់លាក់​នានា​ដែល​អ្នក​កំពុង​ប្រឈម​មុខ ដែល​អាច​បណ្តាល​ឲ្យ​អ្នក​មាន​អារម្មណ៍​ស្រយុតចិត្ត ។

  • ហេតុអ្វី​អ្នក​គិត​ថា​មនុស្ស​គ្រប់​គ្នា​ត្រូវបាន​ល្បួង ហើយ​មាន​អារម្មណ៍​បាក់​ទឹក​ចិត្ត​នៅ​ពេលខ្លះ ?

  • នៅលើ​រង្វាស់​ពី ១ ដល់ ១០ តើ​អ្នក​មាន​អារម្មណ៍​ថា អ្នក​កំពុង​គ្រប់គ្រង​ការលំបាក​ទាំង​នេះ​បាន​ល្អ​ប៉ុន​ណា ?

  • តើ​ជីវិត​របស់​អ្នក​នឹង​ទទួល​បាន​ពរ​យ៉ាង​ណា ប្រសិនបើ​អ្នក​អាច​យក​ឈ្នះ​ការល្បួង និង​ការបាក់​ទឹក​ចិត្ត​បាន​កាន់តែ​ប្រសើរ​ឡើង ?

ទំនុក​ដំកើង​របស់​នីហ្វៃ

សូមអាន នីហ្វៃទី ២ ៤:១២–១៣, ១៨ ដោយ​រកមើល​ឧបសគ្គ​មួយ​ចំនួន​ដែល​នីហ្វៃ​បាន​ជួប​ប្រទះ ។

  • តើ​អ្នក​ស្រមៃ​មើល​ថា​ឧបសគ្គ​ទាំង​នេះ​បាន​ធ្វើ​ឲ្យ​នីហ្វៃ​មាន​អារម្មណ៍​យ៉ាង​ណា ?

ខគម្ពីរ នីហ្វៃទី ២ ៤:១៦–៣៥ ជារឿយៗ​ត្រូវបាន​គេ​ហៅ​ថា​ទំនុក​ដំកើង​របស់​នីហ្វៃ ។ ទំនុក​ដំកើង​គឺ​ជា « កំណាព្យ ឬ​ទំនុកដំកើង​ដ៏​បំផុស​គំនិត » ( សេចក្តី​ណែនាំ​ដល់​បទគម្ពីរ​ទាំងឡាយ « ទំនុក​ដំកើង » scriptures.ChurchofJesusChrist.org ) ។ នៅក្នុង​ខគម្ពីរ​ទាំង​នេះ នីហ្វៃ​បាន​សរសេរ​អំពី​អារម្មណ៍​ដ៏​ជ្រាលជ្រៅ​បំផុត​មួយ​ចំនួន​របស់​លោក ។ លោក​បាន​ចែកចាយ​ឧបសគ្គ​របស់​លោក និង​របៀប​ដែល​លោក​ឆ្លើយតប​នឹង​ការល្បួង និង​ការបាក់​ទឹក​ចិត្ត ។ នៅពេល​អ្នក​សិក្សា​ខគម្ពីរ​ទាំងនេះ សូម​ស្វែងរក​ការបំផុស​គំនិត​តាមរយៈ​ព្រះវិញ្ញាណ​បរិសុទ្ធ ដើម្បី​ដឹង​ពី​អ្វី​ដែល​អ្នក​អាច​ធ្វើ​បាន​នៅក្នុង​ឧបសគ្គ​ជាក់លាក់​ដែល​អ្នក​កំពុង​ប្រឈម​មុខ ។

អ្នក​អាច​រំឭក​ជំហាន​បួន​ដើម្បី​ជួយ​អ្នក​ប្រៀបធៀប​បទ​ព្រះ​គម្ពីរ​ទៅ​នឹង​ជីវិត​របស់​អ្នក ៖

  1. ស្វែងរក​ព័ត៌មាន​លម្អិត​សំខាន់ៗ ។

  2. ធ្វើ​ការប្រៀបធៀប​ទៅ​នឹង​ជីវិត​របស់​អ្នក ។

  3. ស្វែងយល់​ពី​មេរៀន​ដ៏​មាន​តម្លៃ ។

  4. កំណត់​ការអនុវត្ត​ផ្ទាល់​ខ្លួន ។

រូបភាព
icon, record
  1. សូម​អាន​ខគម្ពីរ និង​ឆ្លើយ​សំណួរ​នៅ​ក្នុង​តារាង​ខាង​ក្រោម​ក្នុង​សៀវភៅ​កំណត់ហេតុ​ការសិក្សា​របស់​អ្នក ។

ទំនុក​ដំកើង​របស់​នីហ្វៃ និង​ខ្ញុំ ( នីហ្វៃទី ២ ៤:១៦–៣៥ )

ព្រះគម្ពីរ​មរមន សៀវភៅ​សិក្សា​សម្រាប់​គ្រូបង្រៀន ( ឆ្នាំ ២០២៤ )—« នីហ្វៃ​ទី​២ ៤ ៖ ទំនុកតម្កើង​របស់​នីហ្វៃ »

បទពិសោធន៍​របស់​នីហ្វៃ

បទពិសោធន៍​របស់​ខ្ញុំ

នីហ្វៃ​ទី ២ ៤:១៦

បទពិសោធន៍​របស់​នីហ្វៃ

តើ​នីហ្វៃ​មាន​អារម្មណ៍​យ៉ាង​ណា ?

បទពិសោធន៍​របស់​ខ្ញុំ

តើ​ខ្ញុំ​ធ្លាប់​មាន​អារម្មណ៍​ស្រដៀង​គ្នា​នេះ​នៅពេល​ណា ?

នីហ្វៃទី ២ ៤:១៧–១៩

បទពិសោធន៍​របស់​នីហ្វៃ

តើ​នីហ្វៃ​មាន​អារម្មណ៍​យ៉ាង​ណា ?

បទពិសោធន៍​របស់​ខ្ញុំ

តើ​ខ្ញុំ​ធ្លាប់​មាន​អារម្មណ៍​ស្រដៀង​គ្នា​នេះ​នៅពេល​ណា ?

នីហ្វៃទី ២៤:២០–២៥

បទពិសោធន៍​របស់​នីហ្វៃ

តើ​បទពិសោធន៍​អ្វី​ខ្លះ​ជាមួយ​ព្រះ​ដែល​បាន​ជួយ​នីហ្វៃ​ឆ្លើយ​តប​យ៉ាង​ស្មោះត្រង់​ចំពោះ​ការល្បួង និង​ការបាក់​ទឹក​ចិត្ត​របស់​លោក ?

បទពិសោធន៍​របស់​ខ្ញុំ

តើ​បទពិសោធន៍​ខាង​វិញ្ញាណ​អ្វី​ខ្លះ​ដែល​ខ្ញុំ​អាច​ចងចាំ​បាន នៅពេល​ខ្ញុំ​ត្រូវបាន​ល្បួង ឬ​បាក់​ទឹក​ចិត្ត ?

នីហ្វៃទី ២ ៤:២៦–២៩

បទពិសោធន៍​របស់​នីហ្វៃ

តើ​គំនិត​បែប​ណា​ដែល​បាន​ជួយ​នីហ្វៃ​ឲ្យ​មាន​ភាពរឹងមាំ​នៅពេល​មាន​អារម្មណ៍​ល្បួង ឬ​បាក់​ទឹក​ចិត្ត ?

បទពិសោធន៍​របស់​ខ្ញុំ

តើ​គំនិត​បែប​ណា​ដែល​អាច​ជួយ​ខ្ញុំ​ឲ្យ​រឹងមាំ​ពេល​មាន​អារម្មណ៍​ល្បួង ឬ​បាក់​ទឹក​ចិត្ត ?

នីហ្វៃទី ២ ៤:៣០–៣៥

បទពិសោធន៍​របស់​នីហ្វៃ

តើ​អ្វី​ដែល​ធ្វើ​ឲ្យ​ខ្ញុំ​ចាប់​អារម្មណ៍​ពី​ការអធិស្ឋាន​របស់​នីហ្វៃ ?

បទពិសោធន៍​របស់​ខ្ញុំ

តើ​ខ្ញុំ​អាច​អនុវត្ត​គំរូ​របស់​នីហ្វៃ​ទៅ​នឹង​ការអធិស្ឋាន​ផ្ទាល់​របស់​ខ្ញុំ​ដោយ​របៀប​ណា ?

រូបភាព
រូប​តំណាង​កំណត់​ត្រា
  1. សូម​ឆ្លើយ​សំណួរ​ខាង​ក្រោម​នេះ​យ៉ាង​ហោច​ណាស់​ឲ្យ​បាន​បី ៖

  • តើ​ខគម្ពីរ ឬ​ឃ្លា​អ្វី​ខ្លះ​នៅក្នុង នីហ្វៃ​ទី ២ ៤ ដែល​អ្នក​ចាប់​អារម្មណ៍ ? ហេតុអ្វី ?

  • តើ​អ្នក​បាន​រៀន​អ្វី​ខ្លះ​អំពី​ព្រះអង្គ​សង្គ្រោះ​មកពី នីហ្វៃ​ទី ២ ៤ ?

  • តើ​ការប្រៀបធៀប​បទ​ព្រះគម្ពីរ​ទៅ​នឹង​ជីវិត​របស់​អ្នក​ជះ​ឥទ្ធិពល​លើ​ការសិក្សា នីហ្វៃ​ទី ២ ៤ របស់​អ្នក​យ៉ាង​ដូចម្ដេច ?

  • តើ​គោលការណ៍​អ្វី​ខ្លះ​ដែល​អ្នក​បាន​រក​ឃើញ ?

  • តើ​អ្នក​គិត​ថា​គោលការណ៍​ទាំង​នេះ​អាច​ជួយ​អ្នក​ឲ្យ​បែរ​ទៅ​រក​ព្រះអម្ចាស់​ដោយ​របៀប​ណា ពេលអ្នក​ត្រូវបាន​ល្បួង ឬ​មាន​អារម្មណ៍​បាក់​ទឹក​ចិត្ត​នោះ ?

ផែនការ​របស់​ខ្ញុំ​ដើម្បី​យក​ឈ្នះ​លើ​ការល្បួង និង​ការបាក់​ទឹក​ចិត្ត

ដើម្បី​មើល​ពី​របៀប​ដែល​យុវនារី​ម្នាក់​បែរ​ទៅរក​ព្រះអម្ចាស់​ក្នុង​គ្រា​ដ៏​លំបាក សូមមើល « Heavenly Father Knows Me » ( ៣:១៨ ) មាន​នៅលើ​គេហទំព័រ ChurchofJesusChrist.org ។

សូម​ធ្វើ​តាម​គំរូ​របស់​នីហ្វៃ ហើយ​សរសេរ​ទំនុក​ដំកើង​ផ្ទាល់​ខ្លួន​របស់​អ្នក ។ សំណួរ​ខាង​ក្រោម​នេះ​អាច​ជួយ​បាន ៖

  • តើ​គោលការណ៍ ការបង្រៀន ឬ​ខគម្ពីរ ( អ្វី​ខ្លះ ) មក​ពី នីហ្វៃ​ទី ២ ៤ អាច​អនុវត្ត​ក្នុង​ជីវិត​របស់​អ្នក​បាន ?

  • តើ​អ្នក​នឹង​អនុវត្ត​វា​ក្នុង​ជីវិត​របស់​អ្នក​យ៉ាង​ដូចម្តេច ?

  • តើ​អ្នក​គិត​ថា​ការធ្វើ​បែប​នេះ​នឹង​ជួយ​អ្នក​បែរ​មក​រក​ព្រះអង្គ​សង្គ្រោះ​ដោយ​របៀប​ណា ?

  • ពេល​ជីវិត​ជួប​ការលំបាក តើ​អ្នក​អាច​ឆ្លើយ​តប​ដោយ​សេចក្ដីជំនឿ​លើ​ព្រះអង្គ​សង្គ្រោះ​ដោយ​របៀប​ណា ?