ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០

នីហ្វៃទី ១ ១៩–២២ ៖ « គេនឹងភ្លេចបាន ប៉ុន្តែយើងមិនដែលភ្លេចអ្នកឡើយ »

« នីហ្វៃទី ១ ១៩–២២ ៖ ‹ គេនឹងភ្លេចបាន ប៉ុន្តែយើងមិនដែលភ្លេចអ្នកឡើយ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« នីហ្វៃទី ១ ១៩–២២ ៖ ‹ គេនឹងភ្លេចបាន ប៉ុន្តែយើងមិនដែលភ្លេចអ្នកឡើយ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

នីហ្វៃទី ១ ១៩–២២

« គេនឹងភ្លេចបាន ប៉ុន្តែយើងមិនដែលភ្លេចអ្នកឡើយ »

រូបភាព

អ្នកគង្វាលល្អ

តើអ្នកមានអារម្មណ៍យ៉ាងណា ពេលមនុស្សសំខាន់សម្រាប់អ្នកចងចាំអ្នក ? ពេលបង្រៀនអំពីការខ្ចាត់ខ្ចាយ និងការប្រមូលផ្ដុំនៃអ៊ីស្រាអែល នីហ្វៃបានប្រើការព្យាករណ៍របស់អេសាយ ដើម្បីបង្ហាញថា ព្រះអម្ចាស់នឹងមិនភ្លេចវង្សអ៊ីស្រាអែលដែលខ្ចាត់ខ្ចាយនោះឡើយ ។ មេរៀននេះមានគោលបំណងជួយអ្នកឲ្យទទួលអារម្មណ៍នៃសេចក្តីស្រឡាញ់របស់ព្រះអម្ចាស់ចំពោះអ្នក និងមនុស្សទាំងអស់ និងបំណងប្រាថ្នារបស់ទ្រង់ក្នុងការប្រមូលផ្តុំអ្នកទៅរកទ្រង់ ។

សេចក្តីស្រឡាញ់របស់ព្រះអង្គសង្គ្រោះចំពោះយើង

មានពេលខ្លះដែលយើងម្នាក់ៗអាចទទួលស្គាល់ និងទទួលអារម្មណ៍នៃសេចក្តីស្រឡាញ់របស់ព្រះនៅក្នុងជីវិតរបស់យើង ប៉ុន្តែពេលខ្លះទៀត យើងប្រហែលជាមិនទទួលស្គាល់វាទាល់តែសោះ ។ សូមស្រមៃថាអ្នកកំពុងនិយាយជាមួយមិត្តម្នាក់ដែលប្រាប់អ្នកថា នាងមិនប្រាកដថាព្រះស្រឡាញ់នាងទេ ។

តើអ្នកអាចចែកចាយអ្វីពីបទគម្ពីរដែលអាចជួយមិត្តរបស់អ្នក ?
តើបទពិសោធន៍អ្វីខ្លះដែលអ្នកអាចចែកចាយជាមួយមិត្តរបស់អ្នក អំពីរបៀបដែលអ្នកបានស្គាល់ និងទទួលអារម្មណ៍នៃសេចក្តីស្រឡាញ់ពីព្រះវរបិតាសួគ៌ និងព្រះយេស៊ូវគ្រីស្ទ ?

សូមពិចារណាពីអារម្មណ៍ផ្ទាល់ខ្លួនរបស់អ្នកអំពីសេចក្ដីស្រឡាញ់របស់ព្រះចំពោះអ្នក រួមទាំងសំណួរ ឬកង្វល់ទាំងឡាយដែលអ្នកប្រហែលជាមាន ។ នៅពេលអ្នកសិក្សា សូមរកមើលសេចក្ដីពិតដែលអាចជួយអ្នកឲ្យយល់កាន់តែច្បាស់ និងទទួលអារម្មណ៍នៃសេចក្ដីស្រឡាញ់ដែលព្រះវរបិតាសួគ៌ និងព្រះយេស៊ូវគ្រីស្ទមានចំពោះអ្នក ។

នីហ្វៃបង្រៀនអំពីសេចក្តីស្រឡាញ់របស់ព្រះអង្គសង្គ្រោះចំពោះយើង

នៅក្នុង នីហ្វៃទី ១ ១៩ នីហ្វៃបានព្យាករអំពីព្រះជន្ម និងបេសកកម្មនាពេលអនាគតរបស់ព្រះយេស៊ូវគ្រីស្ទ ។ សូមអាន នីហ្វៃទី ១ ១៩:៧–១០ ដោយរកមើលនូវអ្វីដែលនីហ្វៃបានបង្រៀនអំពីរបៀបដែលព្រះយេស៊ូវគ្រីស្ទត្រូវបានគេប្រព្រឹត្តមកលើទ្រង់ ក្នុងអំឡុងពេលដែលទ្រង់គង់នៅលើផែនដី និងមូលហេតុដែលទ្រង់ស្ម័គ្រព្រះទ័យទទួលការប្រព្រឹត្តិដូច្នោះ ។

តើមានពាក្យ ឬឃ្លាអ្វីដែលអ្នកចាប់អារម្មណ៍ពីខគម្ពីរទាំងនេះ ? ហេតុអ្វី ?
តើការយល់ពីការបង្រៀននៅក្នុងខគម្ពីរទាំងនេះអាចជះឥទ្ធិពលដល់អារម្មណ៍របស់អ្នកចំពោះព្រះវរបិតាសួគ៌ និងព្រះយេស៊ូវគ្រីស្ទយ៉ាងដូចម្តេច ?

បន្ទាប់ពីបានកត់ត្រាការព្យាករណ៍ផ្ទាល់ខ្លួនអំពីព្រះយេស៊ូវគ្រីស្ទ នីហ្វៃបានចែកចាយការព្យាករណ៍ពីព្យាការីអេសាយមកពីព្រះគម្ពីរសញ្ញាចាស់អំពីការខ្ចាត់ខ្ចាយ និងការប្រមូលផ្ដុំនៃអ៊ីស្រាអែល ។ ការព្យាករណ៍ទាំងនេះមានសារៈសំខាន់ចំពោះនីហ្វៃ និងក្រុមគ្រួសាររបស់លោក ដែលបានខ្ចាត់ខ្ចាយចេញពីទឹកដីកំណើតរបស់ពួកលោកពីក្រុងយេរូសាឡិម ដោយសារអំពើទុច្ចរិតរបស់ប្រជាជនដែលរស់នៅក្នុងតំបន់នោះ ។ ការព្យាករណ៍របស់អេសាយបានបង្ហាញថា ប្រជាជនអ៊ីស្រាអែលជាច្រើននឹងទទួលអារម្មណ៍ថា ព្រះអម្ចាស់បំភ្លេចពួកគេដែលស្ថិតក្នុងស្ថានភាពខ្ចាត់ខ្ចាយ ។

សូមអាន នីហ្វៃទី ១ ២១:១៤–១៦ ហើយរកមើលព្រះបន្ទូលរបស់ព្រះអម្ចាស់ទៅកាន់អស់អ្នក ដែលមានអារម្មណ៍ថាទ្រង់បានបំភ្លេចពួកគេ ។

សេចក្តីស្រឡាញ់របស់ព្រះអង្គសង្គ្រោះត្រូវបានបង្ហាញដោយព្រះឆន្ទៈរបស់ទ្រង់ក្នុងការប្រមូលផ្តុំមនុស្សមករកទ្រង់

ប្រជាជនអ៊ីស្រាអែលពីបុរាណត្រូវខ្ចាត់ខ្ចាយ នៅពេលដែលពួកគេឈប់ថ្វាយបង្គំព្រះយេហូវ៉ា ហើយបានបំពានលើសេចក្ដីសញ្ញា និងបញ្ញត្តិរបស់ព្រះ ( សូមមើល នីហ្វៃទី ២ ៦:១០–១១; ១០:៣–៦ ) ។ ប្រជាជនអ៊ីស្រាអែលត្រូវបានប្រមូលផ្តុំគ្នា នៅពេលពួកគេមករកព្រះគ្រីស្ទ ទទួលយកដំណឹងល្អរបស់ទ្រង់តាមរយៈពិធីបុណ្យជ្រមុជទឹក ហើយកាន់តាមបទបញ្ញត្តិរបស់ទ្រង់ ។ ព្រះអង្គសង្គ្រោះបានសន្យាជាមួយសាសន៍អ៊ីស្រាអែលដែលខ្ចាត់ខ្ចាយថា ទ្រង់នឹងមិនភ្លេចពួកគេឡើយ ហើយថាទ្រង់នឹងប្រមូលពួកគេមកទ្រង់នៅថ្ងៃចុងក្រោយ ( សូមមើល នីហ្វៃទី ១ ១៥:១៣–១៤; នីហ្វៃទី ២ ៦:១១; ៩:១–២; ១០:៧–៨ ) ។

សូមសិក្សាចំណងជើងជំពូកនៃ នីហ្វៃទី ១ ២១ និង ២២ ដើម្បីយល់កាន់តែច្បាស់អំពីអ្វីដែលអេសាយកំពុងព្យាករ និងបង្រៀននៅក្នុងជំពូកទាំងនេះ ។

សូមសិក្សាវគ្គបទគម្ពីរខាងក្រោមអំពីការប្រមូលផ្តុំនៃអ៊ីស្រាអែលនៅថ្ងៃចុងក្រោយ ។ សូមយកចិត្តទុកដាក់ចំពោះពាក្យពេចន៍ ឬឃ្លាដែលបង្ហាញពីសេចក្ដីស្រឡាញ់របស់ព្រះអម្ចាស់ចំពោះរាស្ដ្ររបស់ទ្រង់ ។

ប្រសិនបើមានពេល សូមទស្សនាវីដេអូ « God Has a Plan for You » ( ៧:០៦ ) ដែលមាននៅលើគេហទំព័រ ChurchofJesusChrist.org អំពីយុវនារីម្នាក់ឈ្មោះ រឺនុ ស៊ិញ ។ សូមកត់ចំណាំពីរបៀបដែលព្រះយេស៊ូវគ្រីស្ទបានឈោងទៅរក ហើយជួយប្រមូលនាងឲ្យទៅរកទ្រង់ ។

នៅពេលអ្នកបញ្ចប់មេរៀនថ្ងៃនេះ សូមគិតអំពីអ្វីដែលអ្នកបានរៀន និងទទួលអារម្មណ៍អំពីសេចក្ដីស្រឡាញ់របស់ព្រះ ។ សូមពិចារណាពីរបៀបដែលព្រះបានចងចាំ ហើយឈោងទៅរកអ្នកដោយសេចក្តីមេត្តាករុណា និងសេចក្តីសប្បុរស ។ តើអ្នកអាចធ្វើអ្វីដើម្បីបង្ហាញការដឹងគុណចំពោះអ្វីដែលទ្រង់បានធ្វើសម្រាប់អ្នក ? សូមពិចារណាកត់ត្រាគំនិត និងចំណាប់អារម្មណ៍ខាងវិញ្ញាណរបស់អ្នកនៅក្នុងសៀវភៅកំណត់ហេតុការសិក្សារបស់អ្នក ។

ជម្រើស ៖ តើចង់រៀនសូត្របន្ថែមទៀតដែរឬទេ ?

ពេលខ្ញុំធ្វើបាប តើខ្ញុំមិនស័ក្តិសមនឹងសេចក្ដីស្រឡាញ់របស់ព្រះទេឬ ?

បងប្រុស ប្រាដលី អរ វីលខក់ ក្នុងគណៈប្រធានយុវជនទូទៅបានបង្រៀន ៖

រូបភាព
បងប្រុស ប្រាដលី អរ វីលខក់

សូមចងចាំថា ការផ្លាស់ប្តូរគឺអាចធ្វើទៅបាន ការប្រែចិត្តគឺជាដំណើរការមួយ ហើយភាពស័ក្ដិសមមិនមែនជាភាពល្អឥតខ្ចោះទេ ។ សំខាន់បំផុត សូមចាំថា ព្រះ និងព្រះគ្រីស្ទមានព្រះឆន្ទៈជួយយើងនៅទីនេះ និងឥឡូវនេះ ។ …

ដូច្នេះមនុស្សជាច្រើនបានរងទុក្ខដោយសារទំនាក់ទំនងដែលបែកបាក់ និងតានតឹង ដែលវាជាការលំបាកសម្រាប់ពួកគេ ក្នុងការជឿលើសេចក្ដីមេត្តាករុណា និងការអត់ធន់របស់ព្រះ ។ ពួកគេពិបាកយល់ពីព្រះថា ទ្រង់គឺជាព្រះ—ជាព្រះវរបិតាដ៏មានសេចក្តីស្រឡាញ់ ដែលបំពេញតាមតម្រូវការរបស់យើង ហើយជ្រាបដឹងពីរបៀបដើម្បី « ប្រទានរបស់ល្អមកអស់អ្នកដែលសូម » [ នីហ្វៃទី ៣ ១៤:១១ ] ។ ព្រះគុណរបស់ទ្រង់មិនគ្រាន់តែជារង្វាន់សម្រាប់អ្នកស័ក្តិសមនោះទេ ។ វាគឺជា « ជំនួយដ៏ទេវភាព » ដែលទ្រង់ប្រទានឲ្យដើម្បីជួយយើងឲ្យក្លាយជាមនុស្សស័ក្តិសម ។ វាមិនគ្រាន់តែជារង្វាន់សម្រាប់មនុស្សសុចរិតទេ ។ វាគឺជា « អំណោយទានពិសិដ្ឋនៃកម្លាំង » ដែលទ្រង់ប្រទានឲ្យដើម្បីជួយយើងឲ្យក្លាយជាមនុស្សសុចរិត [ ឌៀថើរ អេហ្វ អុជដូហ្វ « The Gift of Grace » Ensign ឬ Liahona ខែ ឧសភា ឆ្នាំ ២០១៥ ទំព័រ ១០៧ ] ។ យើងមិនត្រឹមតែដើរទៅរកព្រះ និងព្រះគ្រីស្ទប៉ុណ្ណោះទេ ។ យើងកំពុងដើរជាមួយទ្រង់ទាំងទ្វេ ។ ( ប្រាដលី អរ វីលខក់ « Worthiness Is Not Flawlessness » Liahona ខែ វិច្ឆិកា ឆ្នាំ ២០២១ ទំព័រ ៦២, ៦៧ )

ហេតុអ្វីព្រះគ្រីស្ទប្រៀបធៀបព្រះអង្គទ្រង់ជាមាតាម្នាក់ ?

អែលឌើរ ឌែល ជី រិនឡាន់ ក្នុងកូរ៉ុមនៃពួកសាវកដប់ពីរនាក់បានបង្រៀន ៖

រូបភាព
អែលឌើរ ឌែល ជី រិនឡាន់

ព្រះយេហូវ៉ាបានសួរថា ៖ « ដ្បិតអី ស្ត្រីនឹងភ្លេចកូន ដែលកំពុងបៅដោះឬ ? ឥតមានអាណិតដល់កូនដែលចេញពីផ្ទៃខ្លួនមកបានដែរឬ ? មិនទំនងថាម្ដាយដែលមានសេចក្ដីស្រឡាញ់នឹងភ្លេចកូននោះទេ ព្រះយេហូវ៉ាបានប្រកាសថា ការលះបង់របស់ទ្រង់កាន់តែខ្ជាប់ខ្ជួនជាងនេះទៅទៀត ។ ទ្រង់បានបញ្ជាក់ថា ៖ « មែនហើយ គេនឹងភ្លេចបាន ប៉ុន្តែយើងមិនដែលភ្លេចអ្នកឡើយ ។ … មើលចុះ យើងបានចារិកអ្នកទុក នៅផ្ទៃបាតដៃរបស់យើងហើយ អស់ទាំងកំផែងអ្នកនៅចំពោះភ្នែកយើងជានិច្ច » [ នីហ្វៃទី ១ ២១:១៥–១៦ ] ។ ដោយសារព្រះយេស៊ូវគ្រីស្ទបានស៊ូទ្រាំនឹងពលិកម្មធួនដ៏គ្មានទីបញ្ចប់ នោះទ្រង់យល់ចិត្តយើងបានយ៉ាងល្អឥតខ្ចោះ [ សូមមើល អាលម៉ា ៧:១១–១៣ ] ។ ទ្រង់តែងតែដឹងអំពីយើង និងកាលៈទេសៈរបស់យើង ។ ( ឌែល ជី រិនឡាន់ « Infuriating Unfairness » Liahona ខែ ឧសភា ឆ្នាំ ២០២១ ទំព័រ ៤៣ )

តើយើងអាចទទួលស្គាល់សេចក្ដីស្រឡាញ់របស់ព្រះចំពោះយើងដោយរបៀបណា ?

ស៊ីស្ទើរ ស៊ូសាន អេច ផតធ័រ ក្នុងគណៈប្រធានអង្គការបឋមសិក្សាបានបង្រៀន ៖

រូបភាព
ស៊ីស្ទើរ ស៊ូសាន អេច ផតធ័រ

សេចក្តីស្រឡាញ់របស់ព្រះមិនត្រូវបានរកឃើញនៅក្នុងកាលៈទេសៈនៃជីវិតរបស់យើងទេ ប៉ុន្តែនៅក្នុងវត្តមានរបស់ទ្រង់នៅក្នុងជីវិតរបស់យើងវិញ ។ យើងដឹងពីសេចក្តីស្រឡាញ់របស់ទ្រង់ នៅពេលយើងទទួលបានកម្លាំងលើសពីខ្លួនយើង ហើយនៅពេលព្រះវិញ្ញាណទ្រង់នាំមកនូវភាពសុខសាន្ត ការលួងលោម និងការដឹកនាំ ។ ពេលខ្លះ វាប្រហែលជាពិបាកក្នុងការទទួលអារម្មណ៍នៃសេចក្តីស្រឡាញ់របស់ទ្រង់ ។ យើងអាចអធិស្ឋានដើម្បីបើកភ្នែកមើលឃើញព្រះហស្ដរបស់ទ្រង់ក្នុងជីវិតរបស់យើង និងដើម្បីមើលឃើញសេចក្ដីស្រឡាញ់របស់ទ្រង់ក្នុងភាពស្រស់ស្អាតនៃការបង្កើតរបស់ទ្រង់ ។ ( ស៊ូសាន អេច ផតធ័រ « God’s Love: The Most Joyous to the Soul » Liahona ខែ វិច្ឆិកា ឆ្នាំ ២០២១ ទំព័រ ៣៥ )