« បុព្វកថានៃព្រះគម្ពីរមរមន ៖ មូលដ្ឋានគ្រឹះនៃសាសនារបស់យើង » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« បុព្វកថានៃព្រះគម្ពីរមរមន » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ទំព័របុព្វកថានៃព្រះគម្ពីរមរមន
បុព្វកថានៃព្រះគម្ពីរមរមន
មូលដ្ឋានគ្រឹះនៃសាសនារបស់យើង
យ៉ូសែប ស្ម៊ីធ បានហៅព្រះគម្ពីរមរមនថាជាមូលដ្ឋាននៃសាសនារបស់យើង ។ នៅក្នុងគម្ពីរនេះគឺជាការអញ្ជើញឲ្យទូលសួរព្រះថាព្រះគម្ពីរនេះពិតឬអត់ ។ មនុស្សរាប់លាននាក់បានធ្វើតាមការអញ្ជើញនេះ ហើយបានទទួលសាក្សីពីព្រះវិញ្ញាណបរិសុទ្ធពីសេចក្តីពិតនៃព្រះគម្ពីរមរមន ។ គោលបំណងនៃមេរៀននេះគឺជួយអ្នកបង្កើនបំណងប្រាថ្នាក្នុងការសិក្សាព្រះគម្ពីរមរមនជារៀងរាល់ថ្ងៃ ដើម្បីពង្រឹងទីបន្ទាល់របស់អ្នកអំពីភាពពិតរបស់ព្រះគម្ពីរនេះ ។
ពរជ័យពីព្រះគម្ពីរមរមន
-
តើពរជ័យខាងក្រោមមួយណាដែលអ្នកមានអារម្មណ៍ថាមានឥទ្ធិពលយ៉ាងខ្លាំងក្នុងជីវិតប្រចាំថ្ងៃរបស់អ្នក ? តើអ្នកនឹងស្ម័គ្រចិត្តធ្វើអ្វីខ្លះដើម្បីទទួលពរជ័យទាំងនេះ ?
-
សមត្ថភាពកាន់តែខ្ពស់ក្នុងការស្តាប់ព្រះសូរសៀងរបស់ព្រះវិញ្ញាណ
-
ឆ្លើយចំពោះសំណួរ និងទិសដៅសម្រាប់ជីវិតរបស់អ្នក
-
សមត្ថភាពកាន់តែខ្លាំងក្នុងការទប់ទល់នឹងការល្បួង និងអំពើអាក្រក់
-
ទាំងនេះជាពរជ័យមួយចំនួនដែលអាចទទួលបានពីការសិក្សាព្រះគម្ពីរមរមន ។
សូមអាន ហើយពិចារណាការគូសចំណាំសេចក្ដីថ្លែងការណ៍ដោយ យ៉ូសែប ស្ម៊ីធ នៅក្នុង កថាខណ្ឌទី ៦ ក្នុងបុព្វកថានៃព្រះគម្ពីរមរមន ។
-
តើអ្នកចាប់អារម្មណ៍អ្វីខ្លះមកពីសេចក្តីថ្លែងការណ៍របស់យ៉ូសែប ស្ម៊ីធ ?
មូលដ្ឋានគ្រឹះនៃសាសនារបស់យើង
-
ហេតុអ្វីថ្មនៅកណ្តាលកំពូលនៃកំណោងទ្រសំណង់ ( មូលដ្ឋានគ្រឹះ ) សំខាន់ម៉្លេះ ? តើនឹងមានអ្វីកើតឡើងចំពោះកំណោងទ្រសំណង់បើដកវាចេញនោះ ?
ប្រធាន អ៊ែសរ៉ា ថាហ្វ ប៊ែនសឹន ( ឆ្នាំ ១៨៩៩–១៩៩៤ ) បានបង្រៀន ៖
ព្រះគម្ពីរមរមនគឺជាមូលដ្ឋានគ្រឹះក្នុងភាពជាសាក្សីរបស់យើងអំពីព្រះយេស៊ូវគ្រីស្ទ ដែលទ្រង់ផ្ទាល់ជាថ្មជ្រុងយ៉ាងឯកចំពោះអ្វីទាំងអស់ដែលយើងធ្វើ ។ វាធ្វើជាសាក្សីអំពីការពិតរបស់ទ្រង់ដោយអំណាច និងភាពច្បាស់លាស់។ …
…ព្រះគម្ពីរមរមនគឺជាមូលដ្ឋានគ្រឹះនៃទីបន្ទាល់ ។ ក៏ដូចជាកំណោងទ្រសំណង់បាក់ស្រុតនៅពេលមូលដ្ឋានគ្រឹះត្រូវបានដកចេញ ក៏ដូចគ្នានឹងការឈរឡើង ឬ ការធ្លាក់ចុះរបស់សាសនាចក្រដែរ គឺវាអាស្រ័យលើភាពពេញលេញនៃព្រះគម្ពីរមរមនយ៉ាងនោះដែរ ។ ( អែសរ៉ា ថាហ្វ បេនសុន « The Book of Mormon—Keystone of Our Religion » Ensign ខែ វិច្ឆិកា ឆ្នាំ ១៩៨៦ ទំព័រ ៥, ៦ )
មូលដ្ឋានគ្រឹះនៃសាក្សីរបស់យើងអំពីព្រះយេស៊ូវគ្រីស្ទ
-
តើអ្នកគិតថាវាមានន័យយ៉ាងណាដែលថាព្រះគម្ពីរមរមនគឺជាមូលដ្ឋានគ្រឹះនៃសាក្សីរបស់យើងអំពីព្រះយេស៊ូវគ្រីស្ទ ?
អ្នកនិពន្ធក្នុងព្រះគម្ពីរមរមនបានថ្លែងទីបន្ទាល់ជាប្រចាំអំពីព្រះយេស៊ូវគ្រីស្ទ ។ ដើម្បីមើលពីរបៀបដែលបុគ្គលម្នាក់ៗបានរកឃើញសេចក្ដីយោងអំពីព្រះយេស៊ូវគ្រីស្ទលើទំព័រនៃគម្ពីរនេះ សូមមើលវីដេអូ « Book of Mormon Experiment Honolulu » ( ២:៣៥ ) ។ វីដេអូនេះអាចរកបាននៅលើគេហទំព័រ ChurchofJesusChrist.org ។
-
សូមបំពេញសកម្មភាពដូចតទៅនេះ ហើយឆ្លើយសំណួរខាងក្រោម ។
សូមជ្រើសរើសទំព័រណាមួយពីព្រះគម្ពីរមរមន ហើយរកមើលរាល់ឯកសារយោងទៅកាន់ព្រះអង្គសង្គ្រោះនៅលើទំព័រនោះ ។
-
តើអ្នកបានរកឃើញអ្វីអំពីព្រះអង្គសង្គ្រោះ ?
-
តើវគ្គបទគម្ពីរអ្វីខ្លះ ដែលអ្នកបានរកឃើញជួយអ្នកឲ្យយល់ ឬមានអារម្មណ៍អំពីព្រះអង្គសង្គ្រោះ ?
សូមគិតអំពីរបៀបដែលអ្នកនឹងទទួលបានពរជ័យដោយការមានទីបន្ទាល់កាន់តែរឹងមាំអំពីព្រះយេស៊ូវគ្រីស្ទ ។ កាលអ្នកសិក្សាព្រះគម្ពីរមរមន សូមរកមើលឯកសារយោងអំពីព្រះយេស៊ូវគ្រីស្ទ និងពីអ្វីដែលអ្នករៀនអំពីទ្រង់ ។ កាលដែលអ្នកធ្វើ នោះចំណេះដឹង និងទីបន្ទាល់របស់អ្នកអំពីព្រះអង្គសង្គ្រោះនឹងរីកចម្រើន ។
មូលដ្ឋានគ្រឹះនៃទីបន្ទាល់របស់យើង
-
តើសេចក្តីថ្លែងការណ៍ខាងក្រោមមួយណាដែលពិពណ៌នាបានល្អបំផុតពីអារម្មណ៍របស់អ្នកអំពីព្រះគម្ពីរមរមន ?
-
ខ្ញុំជឿជាក់អ្នកដទៃដែលបានទទួលទីបន្ទាល់ផ្ទាល់ខ្លួនរបស់គេ ហើយបានអះអាងដល់ខ្ញុំថាព្រះគម្ពីរមរមនពិត ។
-
ខ្ញុំមិនប្រាកដថាតើខ្ញុំដឹងថាព្រះគម្ពីរមរមនពិត ឬអត់ទេ ។
-
ខ្ញុំបានទទួលសាក្សីពីព្រះវិញ្ញាណបរិសុទ្ធថា ព្រះគម្ពីរមរមនពិត ។
-
-
ហេតុអ្វីអ្នកគិតថាព្រះវរបិតាសួគ៌ប្រហែលជាមានព្រះទ័យចង់ឲ្យអ្នកដឹងថាព្រះគម្ពីរមរមនពិត ?
សូមអាន កថាខណ្ឌទីពីរដល់ចុងក្រោយ នៅក្នុងបុព្វកថាក៏ដូចជា មរ៉ូណៃ ១០:៣–៥ ដោយរកមើលអ្វីដែលអ្នកអាចធ្វើបាន ដើម្បីដឹងថា តើព្រះគម្ពីរមរមនពិត ឬអត់ ។
-
យោងតាមអ្វីដែលអ្នកអាន តើបុគ្គលម្នាក់ត្រូវធ្វើអ្វីខ្លះដើម្បីដឹងថា តើព្រះគម្ពីរមរមនពិត ឬអត់នោះ ?
អែលឌើរ អូលីសេស សូរ៉េស ក្នុងកូរ៉ុមនៃពួកសាវកដប់ពីរនាក់បានចែកចាយពីរបៀបដែលទីបន្ទាល់របស់លោកអំពីព្រះគម្ពីរមរមនបានរីកចម្រើន ខណៈពេលដែលលោកចូលរៀនថ្នាក់សិក្ខាសាលា ។ អ្នកប្រហែលជាចង់មើល « The Coming Forth of the Book of Mormon » មាននៅលើគេហទំព័រ ChurchofJesusChrist.org ចាប់ពីនាទីទី ១២:០៣ ដល់ ១៤:១២ ។
សូមអាន កថាខណ្ឌចុងក្រោយ នៅក្នុងបុព្វកថានៃព្រះគម្ពីរមរមន ដោយរកមើលអ្វីដែលចំណេះដឹងផ្សេងទៀតមានមកជាមួយនឹងទីបន្ទាល់នៃព្រះគម្ពីរមរមន ។
-
តើការមានទីបន្ទាល់អំពីព្រះគម្ពីរមរមនអាចជះឥទ្ធិពលដល់ជីវិតអ្នកយ៉ាងដូចម្ដេច ?
សូមសិក្សាព្រះគម្ពីរមរមនរៀងរាល់ថ្ងៃ
ប្រធាន រ័សុល អិម ណិលសុន បានផ្តល់ការសន្យាដល់យើងទាំងអស់គ្នា ប្រសិនបើយើងសិក្សាព្រះគម្ពីរមរមនជារៀងរាល់ថ្ងៃនោះ ។ សូមអានសេចក្តីថ្លែងការណ៍ខាងក្រោម ឬមើលវីដេអូ «The Book of Mormon: What Would Your Life Be Like without It? » ដែលមាននៅលើគេហទំព័រ ChurchofJesusChrist.org ចាប់ពីនាទីទី ១១:៥២ ដល់ ១៣:០៥ ។
ខ្ញុំសូមសន្យាថា ពេលអ្នកសិក្សាព្រះគម្ពីរមរមន រាល់ថ្ងៃ ប្រកបដោយការអធិស្ឋាន នោះអ្នកនឹងធ្វើការសម្រេចចិត្តដែលប្រសើរ—រៀងរាល់ថ្ងៃ ។ ខ្ញុំសូមសន្យាថា ពេលអ្នកសញ្ជឹងគិតនូវអ្វីដែលអ្នកសិក្សា នោះបង្អួចស្ថានសួគ៌នឹងបើកឡើង ហើយអ្នកនឹងទទួលចម្លើយចំពោះសំណួរផ្ទាល់ខ្លួន និងការដឹកនាំសម្រាប់ជីវិតអ្នកផ្ទាល់ ។ ខ្ញុំសូមសន្យាថា ពេលអ្នកសិក្សាព្រះគម្ពីរមរមនរាល់ថ្ងៃ អ្នកអាចត្រូវបានការពារឲ្យផុតពីអំពើអាក្រក់នៃថ្ងៃនោះ ជំងឺដ៏ធំនៃរូបអាសគ្រាម និងការញៀនផ្សេងទៀតដែលធ្វើឲ្យគំនិតស្ពឹក ។
នៅពេលដែលខ្ញុំស្ដាប់ឮមនុស្សម្នាក់ រួមទាំងខ្លួនខ្ញុំដែរពោលថា « ខ្ញុំដឹងថា ព្រះគម្ពីរមរមនគឺជាព្រះគម្ពីរពិត » ខ្ញុំចង់បន្លឺឡើងថា « វាល្អណាស់ ប៉ុន្តែនៅពុំទាន់គ្រប់គ្រាន់ទេ ! » យើងត្រូវចាំបាច់មានអារម្មណ៍ស៊ីជម្រៅនៅក្នុង« ជម្រៅចិត្ត » យើង ថា [ អាលម៉ា ១៣:២៧ ] ព្រះគម្ពីរមរមនគឺ ពិតជាបន្ទូលរបស់ព្រះ ។ យើងត្រូវតែមានអារម្មណ៍យ៉ាងស៊ីជម្រៅថា យើងនឹងពុំចង់រស់នៅដោយគ្មានព្រះគម្ពីរនេះសម្បីតែមួយថ្ងៃឡើយ ។ ( រ័សុល អិម ណិលសុន « The Book of Mormon: What Would Your Life Be Like without It? » Ensign ឬ Liahona ខែ វិច្ឆិកា ឆ្នាំ ២០១៧ ទំព័រ ៦២–៦៣ )
-
សូមឆ្លើយសំណួរខាងក្រោមនេះ ៖
-
តើអ្វីដែលធ្វើឲ្យអ្នកចាប់អារម្មណ៍ចេញពីសេចក្តីថ្លែងការណ៍នេះ ?
-
តើអ្នកមានអារម្មណ៍យ៉ាងណាអំពីការអញ្ជើញឲ្យអានព្រះគម្ពីរមរមនជារៀងរាល់ថ្ងៃ ?
-
ប្រសិនបើអ្នកមិនទាន់បានធ្វើដូច្នេះទេ សូមធ្វើផែនការពង្រឹងទីបន្ទាល់របស់អ្នកអំពីព្រះយេស៊ូវគ្រីស្ទតាមរយៈការសិក្សាព្រះគម្ពីរមរមនប្រចាំថ្ងៃ ។ ឧទាហរណ៍ អ្នកអាចកំណត់ថាតើក្នុងមួយថ្ងៃអ្នកនឹងសិក្សាប៉ុន្មាននាទី ។ អ្នកអាចរៀបចំផែនការអំពីរបៀបដែលអ្នកអាចផ្តោតលើអ្វីដែលព្រះគម្ពីរមរមនបង្រៀនអំពីព្រះអង្គសង្រ្គោះ ។ សូមគិតអំពីឧបសគ្គណាមួយដែលអ្នកប្រហែលជាប្រឈមនៅក្នុងការសិក្សាប្រចាំថ្ងៃរបស់អ្នក និងអ្វីដែលអ្នកអាចធ្វើដើម្បីយកឈ្នះលើឧបសគ្គទាំងនោះ ។