Abuso
Unsaon Nako Pagsuporta ang Usa ka Tawo Kinsa Giabuso?

“Unsaon Nako Pagsuporta ang Usa ka Tawo Kinsa Giabuso?” Unsaon sa Pagtabang (2018).

“Unsaon Nako Pagsuporta ang Usa ka Tawo Kinsa Giabuso?” Unsaon sa Pagtabang.

Unsaon nako pagsuporta ang usa ka tawo kinsa giabuso?

Ang pag-abuso makahimo og grabe nga emosyonal nga kasakit, dili husto nga panghunahuna, ug dili maayong mga kinaiya. Samtang magtinguha sila og pagkaayo, ang mga biktima magkinahanglan sa gahum ni Jesukristo ug mahimong magkinahanglan usab sila og propesyonal nga tabang. Ang imong Kristohanong suporta makatabang kanila nga mamaayo.

Sa imong pag-awhag sa mga biktima nga modangup sa Manluluwas ingon man usab sa pagtinguha og propesyonal nga tabang, ania ang lima ka paagi nga mahimo nimo silang masuportahan:

  1. Siguroa nga ikaw adunay kasayuran. Kat-uni kon unsa ang pag-abuso ug kon sa unsang paagi kini makaapekto sa mga biktima.

  2. Sabta kon unsa kaha ang bation sa usa ka tawo kinsa nakasinati og pag-abuso. Kasagaran, ang mga biktima sa pag-abuso mahabilin nga adunay kalibug sa panghunahuna ingon man usab sa mga pagbati sa pagkadili takus ug kaulaw.

  3. Hunahunaa ang imong mga pulong. Ang kasakit ug pag-antus nga nasinati sa mga biktima kasagaran nga mosamut tungod sa mga komentaryo sa uban nga nagagikan sa sayop nga pagsabut bahin sa pag-abuso ug sa mga epekto niini. Ang pagbasol sa biktima o paghimo og mga pamahayag sama sa “pasagdi na lang to” o “pasayloa na lang ug kalimti” moresulta nga ang biktima mosamut sa pagpakahilum ug kaulaw imbis nga pagkaayo ug kalinaw.

  4. Paminaw ug paghigugma. Kon ang mga biktima misalig og maayo kanimo nga mopakigbahin kanimo sa ilang mga kasinatian, paminawa sila uban sa gugma ug kalooy. Likayi ang tinguha nga molektyur o mohukom.

  5. Ilha ug pamatud-i ang mga gibati. Sama sa pisikal nga kadaut, kon ibaliwala lang ang pag-abuso, kasagaran ang mga biktima dili mamaayo sa tukmang paagi. Sa imong pag-ila ug pagmatuod sa mga gibati sa biktima—sama sa naguol, nasakitan, o nahadlok—matabangan nimo sila diha sa dalan paingon sa pagkaayo.

Mga Kapanguhaan sa Komunidad ug sa Simbahan

(Ang ubang mga kapanguhaan nga gilista sa ubos wala himoa, wala gimintenar, o wala gikontrolar sa Ang Simbahan ni Jesukristo sa mga Santos sa Ulahing mga Adlaw. Samtang kining mga materyal gitumong aron magsilbing dugang nga mga kapanguhaan, ang Simbahan wala moendorso og bisan unsang sulod [content] nga wala mahisubay sa mga doktrina ug mga pagtulun-an niini.)

May Kalabutan nga mga Artikulo