“මම යේසුස් ක්‍රිස්තුස්වහන්සේගේ ගෝලයෙක්මි,” යෞවනයේ ශක්තිය සඳහා, ජන. 2024
යෞවනයින්ගේ ශක්තිය සඳහා මාසික පණිවිඩය, 2024 ජනවාරි
මම යේසුස් ක්‍රිස්තුස්වහන්සේගේ ගෝලයෙක්මි.
ඔබට ගැලවුම්කරුවාණන්ව අනුගමනය කර උන්වහන්සේගේ වචනය අන් අයට ප්‍රචාරය කළ හැකිය.
මිනිසුන් සුව කිරීමෙන් පසු, යේසුස්වහන්සේ ඔවුන්ගෙන් සමහරෙකුට ඒ පිළිබඳව කිසිවෙකුට නොකියන ලෙස පැවසුවේ ඇයිදැයි ඔබ කවදා හෝ කල්පනා කර තිබේද (මාක් 7:36බලන්න)? එක් හේතුවක් විය හැක්කේ, උන්වහන්සේට අවශ්‍ය වූ අනුගාමිකයන් වර්ගයයි. මිනිසුන් ඔවුන්ගේ සුව කිරීම් ගැන කතා කරන්නේ නම් එය යේසුස්වහන්සේට අනුගාමිකයන් ආකර්ෂණය කර ගැනීමට හොඳ මාර්ගයක් වනු ඇතැයි ඔබ සිතනු ඇත. කෙසේවෙතත්, යේසුස්වහන්සේට අවශ්‍ය වූයේ අනුගාමිකයන් පමණක් නොවේ. උන්වහන්සේට අවශ්‍ය වූයේ ගෝලයන්.
යේසුස්වහන්සේ පේතෘස්ට සහ ආන්ද්‍රාට පැවසුවේ, “මා පස්සේ වරෙල්ල” කියායි (මතෙව් 4:19). මෙම පදයේ ජෝසෆ් ස්මිත් පරිවර්තනය කියවෙන්නේ, “අනාගතවක්තෘවරුන් විසින් එය ලියා ඇති තැනැත්තා මම වෙමි; මාව අනුගමනය කරන්න” යනුවෙනිය (Joseph Smith Translation, Matthew 4:18 [Matthew 4:19, footnote a]). ආරාධනය වූයේ ටික කලක් උන්වහන්සේ සමඟ ගැවසීම නොවේ. ඔවුන් සදහටම උන්වහන්සේගේ ගෝලයන් වීම උන්වහන්සේට අවශ්‍ය විය.
උන්වහන්සේ මිනිසුන්ට උගන්වන අයුරු, මිනිසුන්ට ප්‍රේම කරන අයුරු සහ ප්‍රාතිහාර්යයන් කරන අයුරු දෙස පමණක් ඔවුන් බලා සිටිනවාට උන්වහන්සේට අවශ්‍ය නොවීය. උන්වහන්සේට අවශ්‍ය වූයේ ඔවුන්ද එසේ කිරීමයි. උන්වහන්සේගේ කාර්යය ඔවුන්ගේ කාර්යය බවට පත්වීම උන්වහන්සේට අවශ්‍ය විය. ක්‍රිස්තුස්වහන්සේව තෝරා ගැනීම යන්නෙන් අදහස් කළේ ඔවුන් උන්වහන්සේ සේවය කළ ආකාරයටම සේවය කිරීමට ඉගෙන ගන්නා අතර උන්වහන්සේ සිතූ පරිදි සිතීමයි. උන්වහන්සේ ජීවත් වූ පරිදි ජීවත් වීමට ඔවුන් පුරුදු වනු ඇති අතර උන්වහන්සේ ඔවුන්ට ඉගැන්වීමට සහ උන්වහන්සේ හා සමාන වීමට අවශ්‍ය උපකාර ලබා දෙනු ඇත.
මැතටස් යනු ගෝලයා සඳහා භාවිතා වන ග්‍රීක වචනය වේ. එහි තේරුම අනුගාමිකයෙකු හෝ ශිෂ්‍යයෙකුට වඩා වැඩි දෙයකි. එය බොහෝ විට පරිවර්තනය වන්නේ ආධුනිකයා ලෙසයි. ක්‍රිස්තුස්වහන්සේගේ දවසේදී, ගෝලයන් සාමාන්‍යයෙන් තමන්ට ඉගෙන ගැනීමට අවශ්‍ය ස්වාමියන් තෝරාගත්තේ තමන්ද ස්වාමිය මෙන් වීමේ අර්මුණින්ය. ක්‍රිස්තුස්වහන්සේ සාමාන්‍ය පිළිවෙත අනුගමනය කළේ නැත. උන්වහන්සේ එය පෙරළා ඒ වෙනුවට උන්වහන්සේ විසින් උන්වහන්සේගේ ගෝලයන් සෙව්වේය. අද, ක්‍රිස්තුස්වහන්සේ අපට උන්වහන්සේ වෙතට එන ලෙස ආරාධනා කරයි. උන්වහන්සේ අපව කැඳවන්නේ උන්වහන්සේගේ ගෝලයන් වීමට සහ උන්වහන්සේගේ සෙනඟට සදාකාල ජීවනය ලැබෙන පිණිස උන්වහන්සේගේ වචනය ප්‍රකාශ කිරීමටය (නෙපි 5:13 බලන්න).
කැරිබියන් දූපත් හි හයිටියේ එක් තරුණියක් ක්‍රිස්තුස්වහන්සේගේ ගෝලයෙකු වීමේ ආශාව පෙන්නුම් කළේ සභාවේ සාමාජිකයෙකු නොවන තම මිතුරියට FSY සමුළුවකට පැමිණෙන ලෙස ආරාධනා කිරීමෙනි. මුලින්ම ඇගේ මිතුරියගේ පියා තම දියණියට යාමට අවසර දීමට කැමති වූයේ නැත. සභාවේ නායකයන් ඇයට ලැබිය හැකි ධනාත්මක අත්දැකීම් සහ ඇය රැකබලා ගැනීමට සිටින අපූරු තරුණ වැඩිහිටි උපදේශකයින් ගැන පැහැදිලි කළා. පියා තම දියණියට පැමිණීමට අවසර දුන් අතර, එය ඇගේ ජීවිතයේ ඇති කළ වෙනස දැකීමෙන් පසු, ඔහු ඇයට පල්ලියේ රැස්වීම්වලට සහභාගි වීමටත්, මාස හයකට පසු බව්තීස්ම වීමටත් අවසර දුන්නේය.
දකුණු ඇමරිකාවේ ආර්ජන්ටිනාවේ සිට පැමිණි එක් තරුණයෙක් ක්‍රිස්තුස්වහන්සේගේ ශ්‍රාවකයෙකු වීමට තම ආශාව පෙන්නුම් කළේ ඔවුන් බස් රථයෙන් පාසලට යන විට මිතුරෙකුට තම රසකැවිලි ස්වල්පයක් බෙදා දෙමිනි. ඔහු කෝපි රසැති කැබැල්ල වෙත පැමිණි විට, ඔහු පැහැදිලි කළේ තම පවුලේ කිසිවකු කෝපි පානය නොකරන නිසා ඔහු කිසි විටෙකත් එම රසය නොදන්න බවයි. එය සභාව පිළිබඳ සංවාදයකට තුඩු දුන් අතර, රැස්වීම්වලට පැමිණීමට ආරාධනය කිරීමටත්, අවසානයේ ඔහුගේ මිතුරා සභාවට සම්බන්ධ වී චිලියේ දූත මෙහෙවරක් කිරීමටත් හේතු විය.
ඔබ සභාව ගැන කතා කරන හෝ සභාවේ ක්‍රියාකාරකමකට ආරාධනා කරන සෑම කෙනෙකුටම සම්බන්ධ වීමට අවශ්‍ය නොවනු ඇත. ඒකට කමක් නැහැ. ක්‍රිස්තුස්වහන්සේ උන්වහන්සේගේ පොළව මත දේවසේවයේදී කතා කළ සෑම කෙනෙකුම එක් වූයේ නැත. එසේ වුවද, අප යේසුස් ක්‍රිස්තුස්වහන්සේගේ ගෝලයන් වීමට තෝරාගෙන උන්වහන්සේගේ වචනය ප්‍රකාශ කරන විට, උන්වහන්සේ අපට ධෛර්යය සහ දිව්‍යමය උපකාර ලබා දෙනු ඇත. උන්වහන්සේ හා සමාන වන්නේ කෙසේදැයි අපි ඉගෙන ගනිමු, ගෝලයන් විසින් කරන්නේ එයයි.
© 2024 by Intellectual Reserve, Inc. All rights reserved. අමෙරිකා එක්සත් නපදයේ මුද්‍රණය කර ඇත. ඉංග්‍රීසි අනුමැතිය: 6/19. පරිවර්තන අනුමැතිය: 6/19. Monthly For the Strength of Youth Message, January 2024 හි පරිවර්තනයකි. Language. 19273 408