Mensahe sa Unang Kapangulohan alang sa Pasko sa Pagkabanhaw

Every Knee Shall Bow [Matag Tuhod Moluhod], ni Dan Wilson

Atol niining malipayong panahon sa Pasko sa Pagkabanhaw, nakig-uban kita sa matinud-anong mga sumusunod sa Manluluwas sa pagsaulog sa Pagkabanhaw sa atong Ginoong Jesukristo. Ang Pagkabanhaw usa ka gasa ngadto sa tanang anak sa Langitnong Amahan kinsa nabuhi sukad dinhi sa yuta.

Kami mopamatuod nga si Jesukristo mohatag og kapahulayan niadtong “nabug-atan sa inyong gipas-an” (Mateo 11:28). Siya nasayod “kon unsaon pagtabang ang iyang mga katawhan sumala sa ilang mga kahuyang” (Alma 7:12) tungod kay Siya midala diha Kaniya sa atong mga kasakit ug mga sala. “Giantos Niya ang atong mga kasakitan nga kita untay angay mag-antos” (Isaias 53:5).

Kadtong naggamit sa hugot nga pagtuo diha Kaniya, naghupot sa Iyang mga sugo, ug midawat sa makaluwas ug makabayaw nga mga ordinansa “magbaton og paglaom pinaagi sa pag-ula ni Kristo ug sa gahom sa iyang pagkabanhaw, aron mabanhaw ngadto sa kinabuhi nga dayon” (Moroni 7:41).

Kami modapit sa tanan sa pagduol ngadto ni Jesus “aron sila makabaton og kinabuhi, ug sa pagkabaton niini sa madagayaon gayud” (Juan 10:10). Ang pagbugkos sa atong kaugalingon ngadto Kaniya pinaagi sa paghimo ug pagtuman sa mga pakigsaad makapalambo sa atong kinabuhi karon ug sa kahangtoran. Hinaot nga makakaplag kamo og paglaom, pagkaayo, ug kalipay samtang magkaduol kamo sa Manluluwas sa kalibotan niining panahon sa Pasko sa Pagkabanhaw.

Ang Unang Kapangulohan