Aiga—o se Malutaga o le Aoaoina

Po o le a lava le tulaga o lou aiga, e mafai e le Alii ona fesoasoani ia te oe ia avea lou aiga o se malutaga o le aoaoina ma le tuputupu ae faaleagaga. Pe i ai sau fanau pe leai, e mafai ona avea oe ma se faatosinaga lelei mo i latou i le aiga, i se valaauga, po o lou aiga lautele.

I le “Fesoasoani i o Tatou Aiga ia Savavali i le Malamalama ma le Upumoni,” ua faamalamalama mai ai e Elder Hugo E. Martinez le auala e mafai ai e ala i le faaaogaina o le aiga o se nofoaga autu o le aoaoina ona faia se eseesega faapena. Na ia tusia: “E tusa lava pe foliga mai e le o gauai mai a tatou fanau, e te le iloa lava le taimi o loo latou faalogo moni ai ma aoaoina. O le mafuaaga lena e matua taua ai le faasoaina atu e le aunoa o le talalelei” (itulau 12).

Ua faasoa mai e Merrilee Browne Boyack ni auala se tolu e aoao atu ai e uiga i le aiga e totonugalemu i le fuafuaga a le Atua i lana tusiga “O Se Faavae Mausali: Aoaoina o Tamaiti i le Folafolaga i le Aiga” (itulau 16).

I la’u tusiga, “O le Taunuuga Paia o a Tatou Fanau,” ua ou tusia ai e faapea e ala i le iloaina o Iesu Keriso, o le a iloa ai e a tatou fanau lo latou lava natura paia ma le alofa ua iai i le Atua mo i latou taitoatasi (itulau 20).

Ou te valaaulia outou i totonu o lenei lomiga mo manatu ma musumusuga i le faipaaga ai ma le Alii i le aiga ma le tele o isi eria—o se faigapaaga o le a faamanuiaina ai oe ma e pele ia te oe.

W. Justin Dyer, PhD

Iunivesite o Polika Iaga

Ata

vaaiga eseese faaleaiga ma se ata o le Faaola