Sa Unsa nga Paagi nga Ako Mahimong Saksi ni Jesukristo?

Imahe

ang batang Jesus diha sa pasongan

Safe in a Stable [Luwas diha sa Kwadra], ni Dan Burr

Sa dihang si Jesukristo natawo, pipila ka grupo sa mga tawo miila nga Siya mao ang gisaad nga Manluluwas. Gawas ni Maria ug Jose, kini nga mga tawo naglakip sa mga magbalantay, si Simeon, Ana, ug sa kadugayan, ang mga Mago. Sila misaksi sa pagkabalaan ni Jesukristo.

Ang atong mga pamilya ug mga higala mao ang pipila sa labing importanteng mga tawo nga atong mapaambitan sa atong pagsaksi sa Manluluwas. “Kami naghisgot kang Kristo, kami nalipay diha kang Kristo, kami nagsangyaw kang Kristo, kami nanagna kang Kristo, ug kami nagsulat sumala sa among mga panagna, nga ang among mga anak mahimo nga masayod sa unsa nga tinubdan sila mahimo nga mangita alang sa kapasayloan sa ilang mga sala” (2 Nephi 25:26).

Kalihokan

Basaha kabahin kon sa unsang paagi kining mga saksi mitubag sa dihang sila unang nakakita ni Jesukristo. Dayon ikonsiderar ang pagpaambit sa imong pagpamatuod ngadto sa imong pamilya o ngadto sa pipila ka higala, o irekord ang imong pagpamatuod sa imong journal.