Elda William K. Jackson

Jeneral Atoriti Seventi

Afta 23 yia olsem wan rijin medikol ofisa long Foren Seves blong Yunaeted Stet, oli bin askem William K. Jackson blong i serem ol top 20 eksperiens we hem i bin gat taem hem i bin stap laef mo wok long pat blong wol we oli no develop gud.

Taem hem i bin stap tingting hevi long rikwes ia bifo long ritae seremoni blong hem, hem i bin luksave se “evri 20 blong ol top 20 eksperiens blong hem, oli go wetem Jos o famli,” hem i talem.

William King Jackson i bin bon i kam long wol ia long 29 Maj 1956, long Wasington D.K., YSA, mo papa mo mama blong hem i William mo Lois Andrey Jackson. Hem i bin groap long Ojae, Kalifonia, YSA, be from se papa mo mama blong hem i stap mekem ol volontia wok, hem i bin skul tu long Honduras, Aljeria, mo Afganistan.

Afta we hem i bin givim seves long Bolivia, La Pas Misin, Elda Jackson i bin mitim Ann Kesler long Samataem blong yia 1977.

“Mi lavem hem taem mi luk hem,” hem i talem. “Mi bin spendem haf blong Samataem ia blong traem winim tingting blong hem se, mi nao mi stretwan.”

Tufala i mared long 29 Disemba 1977 long Los Anjeles Kalifonia Tempol. Tufala i papa mo mama blong eit pikinini; tri long olgeta, tufala i adoptem—wan i blong India, Nepal, mo Kambodia.

Elda Jackson i bin go long Brigham Yang Yunivesiti, i winim wan saens digri long Yunivesiti blong Kalifonia, Berkeli, mo i kasem wan dok digri blong meresin long Yunivesiti blong Kalifonia, San Fransisko, long 1983.

Afta long medikol praktis blong hem, tufala i bin wok ovasi blong kolosap 26 yia. Hem i bin wok laswan olsem medikol daerekta blong Valley Family Health Care, long ol ples olsem Aedaho mo Oregon, YSA.

Taem tufala i bin stap laef aotsaed long Yunaeted Stet, hem mi Sista Jackson i spendem plante taem blong tufala wetem ol fas jeneresen memba blong Jos.

“Wan long ol bigfala pat blong testemoni blong mi abaot gospel, i bin blong stap luk wanem gospel i mekem long ol pipol ia we yumi lavem,” hem i talem. “I jenisim olgeta.”

Elda Jackson i bin stap olsem wan Eria Seventi, presiden blong India Niu Delhi Misin, branj Yang Man Presiden, Institiut tija, mo Gospel Doktrin tija. Long taem we hem i bin kasem koling blong hem olsem wan Jeneral Atoriti Seventi, hem i bin stap olsem wan bisop.