Jan E. Newman

Karua ni Daunivakasala ena Mataveiliutaki Raraba ni Matawilivola ni Siga Tabu

Jan E. Newman

Ni se cauravou ka kaulotu tiko mai Strasbourg, Varanise, a sotava o Jan E. Newman e dua na ituvaki vakayalo talei a vaqaqacotaka na nona ivakadinadina ka rawa vua me vakila na loloma nei Tamada Vakalomalagi. A yaco mai na ituvaki vakayalo oqo ni a wilika tiko na vosa nei Alama na parofita ena iVola i Momani me baleta na kena teivaki na sorenitei ni kosipeli ki na yaloda (raica na Alama 32:28; 33:22–23).

“Au a wilika kevaka mo vagalalataka na yalomu me teivaki kina na sorenitei, ena yaco me tubu, ko na qai kila vakaidina na kena buebue mai e lomamu,” a kaya o Brother Newman. “Au nanuma na noqu a wilika tiko na kena o ya ka sa vakadeitaka vakaukauwa vei au na Yalo ni sa dina sara. Au sa vakila na buebue mai ni lomaqu. Au na sega vakadua ni guilecava rawa oya ena noqu bula taucoko.”

Na kena oqo kei na so tale a vukea me vaqaqacotaka na ivakadinadina i Brother Newman baleta na kosipeli ka vakarautaki koya ki na nona bula taucoko ni veiqaravi vakatagane vakawati, tama, ka tisaipeli i Jisu Karisito.

A sucu o Jan Eric Newman enai ka 16 ni Epereli, 1960, mai Jerome, Idaho, Amerika kivei George Raymond kei Dora Walker Newman. A susu cake o koya mai Overton, Nevada, Amerika. A saumaki mai ki na lotu o tamana, kei tinana a dua vei ira na itabatamata vakavica ni Yalododonu Edaidai.

A tauyavutaka na nona ivakadinadina ni se cauravou ka laki kaulotu tudei ki Varanise kei Belgium. Ni oti na nona kaulotu, a rawata o Brother Newman na nona diqiri ni bejala ena vosa Vakavaranise mai na Univesiti o Brigham Young. Na levu ni nona marautaka na nona diqiri sa nauma o koya me sa qasenivuli ni vosa Vakavaranise ia qai digitaka me laki cakacaka ki na kabani ni kompiuta. A cakacaka vakadaunibisinisi me 30 na yabaki, ka tauyavutaka e vica na kabani gugumatua ni kompiuta. Ena gauna oqo, sa itaukei talega ni SageCreek Partners, e dua na kabani ni veivakasalataki ni tekinolaji mai Alpine, Utah.

A vakamau o Brother Newman vata kei Lucia Price ena Valetabu e Oakland California enai ka 18 ni Okosita, 1984. Rau itubutubu ni ono na gone ka ratou vakaitikotiko mai Elk Ridge, Utah.

Sa veiqaravi oti o Brother Newman vaka- peresitedi ni iteki, bisopi, peresitedi ni cauravou ena tabanalevu, iliuliu ni Sikauti, ka liganicakacaka ni valetabu. Mai na 2006 ki na 2009, a veiqaravi vakaperesitedi ni Tabana ni Kaulotu e Nebraska Omaha.