Na iVakatakilakila ni Veivakatabui “Na Veisiga ni Mataka ka sega ni kila tu”
“Sa na yaco ena Lotu na veisiga ni mataka sega ni kilai, ka sega ni vakatauvatani rawa,” e kaya o Peresitedi Russell M. Nelson ena vakatabui ni Valetabu e Roma Itali ena Maji 2019. “Keimami sa tara cake tikoga ki na veika ena tarava mai.”
Ena veivakatabui oya, era tiko kina ena matai ni gauna, o ira kece na lewe ni Mataveiliutaki Taumada kei na Kuoramu ni Apositolo Le Tinikarua, era tiko vata kece ena dua na vanua ena Taudaku kei Amerika. Me vaka ni keitou sa iApositolo-ni gauna oqo i Jisu Karisito,” e kaya o Peresitedi Nelson, “keitou wasea edaidai na itukutuku vata ga ka ra a wasea na iApositolo mai liu—ni bula tiko na Kalou ka sa Karisito ko Jisu.”
Me ikuri ni vakatabui ni valetabu, e vosa talega o Peresitedi Nelson vei ira na itabagone ena wasewase ni valetabu oya ka sota kei Pope Francis, na imatai ni gauna me bau sota e dua na Peresitedi ni lotu kei na iliuliu ni Lotu Katolika e Roma.